حركات الـ overused

[T u R k I]

^ إذا وصلت شيبودن بتكرهه

 

[Dark Soldier]

البطل و البطلة يحبوا بعض :tongue: نفسي أشوف فيلم يكون البطل او البطلة متزوج/متزوجة

 

[Raulioo]

ايوه صح اتذكرت شي اكرهه بقوة مؤخرا لما اشوفه..الردود سواء بتويتر ولا أي مكان ثاني اللي اسلوب عرضها :"عزيزي ..... ، ............. مثلًا ؟" أبغى اشيل مطرقة Thor واكسر شاشة اللابتوب فيها لما اقراها !

 

[Naserano]

^
عزيزي راؤول بخصوص إنك معصب وتبي تشيل مطرقة Thor .. نجار مثلاً

 

[NOBLE]

أكثر شي يقهرني بالافلام .. البطل تشوفه يلعنون خيره بالرصاص و في الاخير يصحى و حي كأنه طلع من بطنه أمه من جديد و الاعداء طلقة وحدة في الذراع تشوفه ينسدح ميت , لول

و ثاني شي لمن البطل بعد يجي يفك قنبلة مؤقته في آخر الثواني :

 

[Al Pacino]

البطل الذي لايستسلم ابدا واصدقائه دائما يصفونه بالعنيد ويتصف بالمثالية الزايدة ( ناروتو وطقته ) .. يرفع ضغط ضغطي البطل الي زي كذا!

نهاية الفلم البطل الي قاعد سنين يلاحق الشرير ويبي يذبحه بأي شكل يشوفه بالاخير ويقعد يتكي ويسولف معه !؟ والشرير يقوله بذيك اللحظة ( انا وياك متشابهين ) -_____-"

 

[E M A D]

اممم .. اذكر بعض حركات الابطال في الافلام لما يطلقون النار في المسدس بشكل جانبي . عشان يعطون المشاهد الاحساس بانهم كوول , مع انه في الواقع مستحيل احد يصوب بهذا الشكل .

ايضا استخدام موسيقى الاوبرا لاعطاء مشاهد الاكشن شوية حماس (اتحدى احد يتحمس لنفس هذه المشاهد بدون هذه الموسيقى) . حركة صارت كل الافلام تسويها .

واخيراا مع حركة تبطيء الحركة اثناء مشاهد القتال . من بعد ماتريك و المخرجين طايحين فيها .

 

[T u R k I]

بالمنتديات : مشكووور اخوي على الموضوع الرائع ننتظر جديدك وتقبل مروري -____-

الله يخلي تي جي ..

 

[Saadawii]

أيش الكلب ذا !!! :w00t:

:smug:

 

[just me]

حركة مستهلكة : لما شخص يحصل قدامه شي بشكل سريع وهو موب منتبه وبعد فترة قصيرة يستوعب ويرجع يتأكد وبعدين يطلق ردة فعله .. هالحركة توم اند جيري حلبوا امها

 

[Mute City]

البطل ضد الشرير
البطل : حركه عورت الشرير
الشرير : كيف فعلتها
البطل : يبدأ يشرحله
---------------------

الشرير الي البطل مسدوح قدامه ويجل حلقتين رافع السيف ويضحك

 

[Burdegation]

البطل اللي يحكر الشرير و يحط المسدس عليه بعدين يقول "انا ماراح اصير نفسك" و يهدّه بعدين الشرير يقوم و يقتل حبيبته

البنت الضعيفه اللي يعني تبي تنقذ الموقف بس يختطفونها و يهددون البطل فيها

 

[Sea.roOock]

قنوات MBC ><

 

[Lord of Cinder]

الخير دايم يفوز على الشر
افلام ستيفن سجال بالحركات البايخة اللي فيها
البطل المثالي اللي يحب الخير واصدقائه يعتمدوا عليه
الشخص اللي يحاول يسوي نفسه كول
الاشخاص اللي يتصنعون الحكمة عشان الناس تيولهم ريتويت بتويتر
نظرات الحب اللي تكون بين بنت وولد في احد الافلام الامريكية
يوم واحد ينضرب لين يقول امين ويوم يمشي البطل يفتح عيونه .

 

[key_san]

90% من أفلام الرعب

 

[F.JUBRAN]

المسلسلات الخليجية في رمضان

 

[zoro]

المسلسلات الخليجية في رمضان

:laugh::

 

[MAX9009]

اخس حركه عندي في الافلام لمن البطل يمشي بكل ثقه والسيارة / مبنى اللي خلفه ينفجر :

 

[Netero]

زوج البطلة يخون زوجته ويتزوج بالسر فبعدين تكتشف الامر وتقول: طلقني , طبعاً غير لما يتقابلون الطباين ولا هم يدرون !< في المسلسلات الخليجية -__-

الشرير القوي اللي محد قده واللي متعبهم بعدين يصير طيب ولما يصير طيب يصير ضعيف ! < الانميات!

 

[iCrow]

خروج طارق العلي من النص في كل مسرحياته :yuck::

البطل الي يتلقى عاصفه من الطلقات والضربات ولا ينطق بحرف ولما تجي البطله تداوي الجروح يبتدي الصراخ والالم

 

[Snake-87]

حركة مستهلكة : لما شخص يحصل قدامه شي بشكل سريع وهو موب منتبه وبعد فترة قصيرة يستوعب ويرجع يتأكد وبعدين يطلق ردة فعله .. هالحركة توم اند جيري حلبوا امها​

خصوصا توم مع الكلب xD

والثانية مع بيب بيب (رود رنر) تصير وايد .. تحصل الذيب فجأة ماكو تحته أرض ... تحصل يطالع الشاشة ثواني بعدين جسمه يطيح بالأرض ورقبته تنمقط بعدين راسه يلحق جسمه ويطيح بالوادي مثلا xD .

 

[Hekari]

لما البطل يطلق على الشرير نار ويطلع انفجارات والجهة الي انطلق عليها تصير سوداء وضلامية بس بعدها على طول ينجي .. وتكون ردة فعل البطل " مستحيل كيفَ فعل هذا ونجى " ؟!

واذا صادت احد من الشخصيات النار يكونوا ماخذين المشهد على سالفة " مزح " فيصير لون الشخصية الي صابها النار فحمة ويروح الاثر بعد فترة << ان شاء الله وصلت الفكرة :]

قصّة اكثر العاب القتال تنقد العالم بطريقة سطحيّة بحتة >.>"

طريقة اسر الرهينة واستغلالها في الميديا ،، ياخذون شخص كرهينة عشان يجي البطل ويتفقوا معه بخصوص مال او اي شيئ ثاني وبعدها يتخلصوا منه ..

لما البطل يتعب والشرير قريب بهزم البطل يجي احد من اصحاب البطل ويدخل عرض على المعركة ويساعده ويهزم الشرير ويهرب .. وبعدها يقول " سوف نلتقي مُجدداً "

عيون حُورس وشعارات الماسونية سواءً بطريقة مخفية او مكشوفة متعمدة ،، وكثير كثير اشياء ثانية ماتخطر في بالي : ]

 

[Snake-87]

بالأنيمي لما ينطق أحد يطير بالسماء ويصير نجمة .. كل حلقة في بوكيمون xD

 

[T i d u s]

الرصاصة إلي تجي في كتف البطل بدال ما تجي في قلبه ولا راسه :")

 

[iNakedSnake]

أن الشرير ينسجن , وولده يبحث عن الانتقام بعدها تجي الاف بي أي وتقنع الابو انه يساعدهم من أجل حمايه العالم ويقتل ولده :"(

 

[Al Pacino]

مدري اذا احد قالها بس بالانميات لما تجي ضربة قوية ويطلع غبار يغطي الرؤية وتشوف كل الشخصيات تنتظر الغبار ينكشف عشان يعرفون وش صار .. و90% ينتهي المشهد بإندهاش الشخصيات ان الضربة ما أثرت على الشخصية الشريرة -__- << موقف حلقة شيبودن وجاي يكتب هالرد

 

[T u R k I]

^ هذه أكرهها دايم تصير في دراغون بول -_____-

ومو شرط على الشخصيات الشريرة حتى الأبطال في أفلام الانميشن لما يطيح البطل أو شي يجي غبار والكل يزعل يحسبونه مات وبعدين واضحه انه مامات !!!

 

[Mute City]

^
ويجي أوست حماسي والشرير كيف سويتها ويبدأ يسردها

--------
لما الابطال يمشون في مكان مجهول والبنت تشوف واحد وتصرخ ويقولون إيش فيك ؟ تقولهم شفت واحد يقولون الظاهر إنك تتخيلين
ولما يطلع تقولهم انا ما قلتلكم إني شفت واحد

الشخصيه الي تجي تلعب في البطل لعب وتضحك وترقص وتثير غضبه وتهزمه وتمشي

 

[KAIN]

اوكي ببدا

-اولا الانميات اليابانيه ليش البطل دائما غبي و تصرفات عبيطه مثل ناروتو و غوكو و لوفي و بعدين تجي في المواقف الصعبه يصيرون super hero كانهم شخص ثاني
الافلام الاجنبيه لم يمشي شخص فقط ماكن فارغ او غابه يقول hello و هو اصلا ما في احد
في الالعاب شخصيه قويه لكنها يحطون سبب مال داعي و يخلونه ضعيف لانه اذا باكمل قوته راح يهزم اي عدو بسهوله مثل بلعبة دارسايدرز و جاد اوف وور
سوبر مان ( جون سينا ) هالشخص يرفع الضغط من السيناريو الي يكرره كله مره ما ينهزم و يقاوم و يتحمل و يضرب الخص ضربه واحده و يفوز !
شخصية سيل في دراغون بول اكبر استعمال شفته متواجد في الماضي و المستقبل و الحجيم و يقتلوا و يرجع ما اعرف كم مره ظهر

 

[Al Pacino]

دائما تصير بالالعاب .. صديق البطل الصدوق يسيطر عليه الشرير ويخليه يهاجم اصدقائه والبطل يستحمل ضربات صديقه لان الشرير مسيطر عليه .. بعدين الشخص المُسيطر عليه يسمع صوت اصدقائه من بعيد ويقدر يفك سيطرة الشرير -__- ..