تيزر Assassin's Creed Revelations

[AHMAD PLUS]

السلام عليكم و رحمة الله و بركاته

اليوم في موقع على حساب اساسن كريد في الفيس بوك نزل تيزر عن لعبتهم القادمة اساسن كريد ريفيليشن .

[video=youtube;HSmRhNbmtWM]http://www.youtube.com/watch?v=HSmRhNbmtWM&feature=player_embedded[/video]

عن الحضارة العربية ؟ همممم

بس لو نلاحظ ان فيه نفس المشكلة الي تكلم عنها اخوي محمد زيل في كتابة اللغة العربية , تجي الحروف معكوسة , العبارة كانت " الطائر ابن لا احد " , اخذتها من احد الكومنت على الفديو .

 

[Nanaki]

( الصوره من نيو جاف و هي اختصار التيزر كله )
اسم بطل الجزء الأول

نشوف التفاصيل في E3

 

[Super Shadow]

شكلها بريكول

 

[Punished Noctis]

كنت اتمنى الجزء الثالث ...

عموما اعلنوا الجهاز ؟

 

[Sir Guts]

و عليكم السلام و رحمة الله و بركاته

مو كأنه المفروض الكلام هذا يكون مسرب؟ على حسب ماقريت انه تسرب

 

[Naserano]

*الكشف عن Assassin's Creed*
:rockon::rockon::rockon:

*الكشف عن Assassin's Creed 2*
:rockon::rockon:

*الكشف عن Assassin's Creed: Brotherhood*
:rockon:

*الكشف عن Assassin's Creed Revelations*
eeved:

 

[Marco Rossi]

لهالدرجة الغرب ما يعرفون العربية , ما كلفوا انفسهم يتأكدون ..
لازم الخط مقلوب و كلمات متقاطعة ××" ,

ننتظر e3
​

 

[BioMario]

هو أن الأغرب من هذا أن Ubisoft تحتوي على مطورين عرب وايد و يطلع الكلام معكوس لول.

 

[KAIN]

أخيرا راح ارتاح من ايزو البايخ ونرجع للسطوره الطير

 

[Super Shadow]

هو أن الأغرب من هذا أن Ubisoft تحتوي على مطورين عرب وايد و يطلع الكلام معكوس لول.

أحسهم متعمدين يكتبون كذا لوووول

أنت لاحظ ألعاب يوبي سوفت الثانية كاتبين العربي فيها بشكل صحيح مثل برنس أوف بيرشيا ساندس أوف تايم

 

[SAUD~F-16]

هاه؟

 

[Punished Noctis]

متحمس جدا للعبة للعبة لو كانت لاجهزة ال HD ، اتمنى اشوف الطير و الحضارة العربية بجيم بلاي براذرهود الرهيب !
المشكلة هو ان الطير تجري قصته بزمن اقدم من اسسن 2 ، هذا يعني داونجريد من ناحية الاسلحة ، فلن يوجد المسدس الرهيب او مهمات آلات دافنشي مجددا >.>

 

[m7787m]

^

مو شرط تكون اللعبة داونجريد في الأسلحة ... ممكن تقابل الخوارزمي ويصنع لك أسلحة ومن جهة ثانية عباس بن فرناس يسوي لك طيارة

---

متحمس للجزء القادم مع أني ما لعبت غير الأول فقط...

 

[Hekari]

اوكي احاول اخمن القصة ايش تكون ، دام بلودلاينز وضح شنو صار لاخر تيمبلر وعلاقة ايزيو بالطاير الي هرب وش الباقي الي ماتوضح ؟ هممم كان بالنسبة لقدرات محمولية رهيب في التطبيق الافكار ولكن غلبها محدودية الحركات القتالية ، متحمس اخد تجربة عليها على الـ 3d واهم شيئ التجديد في الحركات اتمنى اضافة اكثر حتى يصير تنوع والتحسين في الرسوم ، ننتظر اي ثري ونشوف .

 

[Sir Guts]

*الكشف عن Assassin's Creed*
:rockon::rockon::rockon:

*الكشف عن Assassin's Creed 2*
:rockon::rockon:

*الكشف عن Assassin's Creed: Brotherhood*
:rockon:

*الكشف عن Assassin's Creed Revelations*
eeved:

منننننننن جددددددددددددد خلاص عاد الى متى:confuse:

 

[DarK_MenO]

انا بعرف شئ واحد بس يعني متكاسلين لهالدرجة ومايفتحو قوقل ترانزليت ويترجمو الي فراسهم مباشره بدل مايحطو الكلام معكوس .. لوول عليهم
+
مدري ليه حاس ان اللعبه للمحمول واقصد بالمحمول 3DS مجرد توقع

 

[Classic Player]

من الأسم تحس إن اللعبة لجهاز محمول , معقولة مافيهم حيل بس كذا ياخذون أي واحد عربي يقولون له يبو هذي صح ولالا ؟

 

[T u R k I]

إذا على PS3/X360 فأنا مستغرب لين متى بيطلع الجزء الثالث ؟

برذرهود بالنسبة لي كان تمطيط للقصة والقصة والمحادثات مملة عكس الثاني مع ان اللعبة نفسها رهيبة وماأظن بمل من أجزاء جديدة لو كانت بمستوى

بس ماأبي يحوسون بالقصة أكثر وترجع مشوقه

 

[zlatanovic]

اي شي للكونسول تحت اسم اساسينز كريد مرحب به .. ان بغى كل 16 يوم مب كل سنه بس .
شي من عالم آخر هاللعبه .

 

[m7tram]

نشبعت من هالسلسله لعبت الاول وما كملته من الملل والتكرار , الثاني كان أبجريد عن الأول لكن مع هذا ماحبيته ذاك الزود, بروذر هود ماجربته نهائياً ولا لي نيه عن قريب .. ككل ماعتقد راح العب اي شي من السلسله الا اذا كان يحمل اسم الجزء الثالث ويكون نهايه السلسله.

 

[Naserano]

بروذر هود ماجربته نهائياً ولا لي نيه عن قريب ..

عاد بروذرهود هي التجربة الحقيقية للسلسلة مع التنوع الكبير في الجيمبلاي ونظام قتال من الأفضل في الجيل والقصة الممتازة (رغم إن السيناريو بطيء نوعاً ما) ..

رغم ذلك كله انا معك بخصوص التشبع من السلسلة ..

 

[Punished Noctis]

مستغرب من ردة الفعل هنا , مادامت السلسلة ممتازة و كل جزء افضل من اللي قبله ... ما المشكلة لو تصدر كل اسبوع حتى ؟

 

[Naserano]

مستغرب من ردة الفعل هنا , مادامت السلسلة ممتازة و كل جزء افضل من اللي قبله ... ما المشكلة لو تصدر كل اسبوع حتى ؟

كل جزء أفضل من اللي قبله صح لكن السلسلة ككل لا زالت تحتاج *نقلة نوعية* فلو تلاحظ بروذرهود كانت قفزة هائلة عن الجزء الأول ولكن في نفس الوقت لعبة مشابه جداً للجزء الثاني مع شوية تطويرات بمعنى آخر تخيل لو بروذرهود كان السيكويل للجزء الأول .. هذا هو السيكويل الحقيقي
+
كل سنة جزء موب من مصلحة يوبي سوفت لأن سوق اللعبة هاردكوري في الأغلبية وما راح يتقبلون الفكرة هذي ابداً

 

[MAX9009]

من جد بالرغم من انه الجزء الثاني والثالث خياليه في كل شي ابجريد خرافي بمعنى الكلمه ويجونك ويقولوا يكفي تنزل و و و الخ .. اذا اللعبة ما دخلت مزاجك بكل بساطه سكيب .. زي ما العاب لعبتوها وعجبتكم غيركم ما تقبلها هنا نفس الشي مجرد اذواق بالنهايه

 

[Mute City]

كل جزء أفضل من اللي قبله صح لكن السلسلة ككل لا زالت تحتاج *نقلة نوعية* فلو تلاحظ بروذرهود كانت قفزة هائلة عن الجزء الأول ولكن في نفس الوقت لعبة مشابه جداً للجزء الثاني مع شوية تطويرات بمعنى آخر تخيل لو بروذرهود كان السيكويل للجزء الأول .. هذا هو السيكويل الحقيقي
+
كل سنة جزء موب من مصلحة يوبي سوفت لأن سوق اللعبة هاردكوري في الأغلبية وما راح يتقبلون الفكرة هذي ابداً

اللعبه تبيع بالملايين ماتبغى يوبي سوفت تحلبها ؟

 

[Naserano]

^
تحلبها الى متى ؟؟

 

[Punished Noctis]

كل جزء أفضل من اللي قبله صح لكن السلسلة ككل لا زالت تحتاج *نقلة نوعية* فلو تلاحظ بروذرهود كانت قفزة هائلة عن الجزء الأول ولكن في نفس الوقت لعبة مشابه جداً للجزء الثاني مع شوية تطويرات بمعنى آخر تخيل لو بروذرهود كان السيكويل للجزء الأول .. هذا هو السيكويل الحقيقي

لول ماتحتاج براذرهود تكون السيكوول , 2 كان سيكوول أكثر من ممتاز , براذرهود كان جزء فرعي لتجربة افكار جديدة و طلع بشكل افضل من الأساسي ! و جزء فرعي لا تطلب منه نقلة نوعية طبعا ! سيحتفظ باساسيات الجزء الرئيسي قبله ... و سيكوول 2 الحقيقي سيكون اسسن كريد 3 الذي اراهن عليه منذ الآن .

كل سنة جزء موب من مصلحة يوبي سوفت لأن سوق اللعبة هاردكوري في الأغلبية وما راح يتقبلون الفكرة هذي ابداً

حتى الآن متقبلين و السلسلة تبيع بالملايين .. و لعبة ممتازة كل سنة مع اضافات جديدة عن كل جزء قبله هو شيئ يفيدني كلاعب صراحة !

 

[KAIN]

ترى الجزء الأول باع فوق 8 مليون نسخه , طبعا ما باعهم مره واحده بسرعه قريت الخبر في سنة 2009 أو بداية 2010 الجزء الأول باع على الأمد الطويل لكن و صل فوق 8 ملايين نسخه يعني الجزء الاول كان مش بطال في المبيعات وعمل شهره للسلسله بما قدمه من تجربه فريده رغم مصاحبتها ببعض الملل

 

[zizo0o]

عنوان الجزء الجديد ( الحلب على أصلوله )

ليش ؟

أساسيين كريد كان ممكن تكون أحسن من كذا بمراحل القصة حلوة بس مو محبوكة للأخر , ماتحس في شخصية تخليك تتعلق بالقصة وتكون أنترست فيها ...
أحسن مافيها الجيم بلاي والأرت والأوست المفشوخ بس مدري من وين : ,,, أما القصة فلك عليها كثير ...
لا وقلك مسوين فيلم عنه على أساس أنه القصة قوية لدرجة أنها تصير فلم هع أجل متل جير أيش ؟

أسف أذا كان فيه ملاحظات تزعل أحد بس ذوق ويختلف من شخص لأخر وكان ممكن اللعبة تأخذ جوتي لو عدلوا الحاجات ذي بس عشانها تبيع قالوا مافي داعي نتفلسف فيها شوية خرابيط جديدة وهوبا أساسيين كريد جديدة ...

 

[m7tram]

لكل شخص له الحريه يقول رأيه عن الموضوع/اللعبه ولا شنو فايده المنتدى ؟ لكن طبعاً بحدود المعقول يعني مو كل شوي أو بكل موضوع يبين لنا أنه يكره اللعبه الفلانيه أو ان اللعبه الفلانيه أوفرريتد أو انها وفيها .. الخ لان جذي راح تنفر الشخص من أرائك ويحكمون عليك انك فقط تبي تسب وفي نوعيه للأسف موجوده اهني عن هالشغله تلقاه بكل موضوع او مابين الحينه والأخرى يتكلم عن لعبه فلانيه انها ممله/اوفرريتد .. بلا بلا .. الخ .

ياخي قول رايك مره, مرتين وخلاص. ماله داعي انه يكون عليك علامه الجوده بكرهك للعبه الفلانيه.