تيزرز Battlefield 4 والإعلان الكبير "الترايلر فالصفحة الثانية رد #36"

[BlackBird]

السلام عليكم ورحمة الله وبركاته

​

زي ما أغلبكم عارفين أن لعبة Battlefield 4 أعلن عنها من فترة ولكن بدون وجود أي شيء آخر. وزي ما انتوا عارفين ان DICE أعلنت من فترة ان الإعلان الكبير عن اللعبة بيكون في يوم 27 مارس "في معرض GDC 2013 على الأغلب" واللي راح يعرض لقطات من الجيم بلاي مع كشف معلومات
الحين صفحة Battlefield على اليوتيوب قاعدة تحط كل يوم تيزر لـ اللعبة مع تاريخ الإعلان

التيزر الأول باسم Prepare 4 Battle: Sea

[video=youtube;3z4jxkkrrKM]http://www.youtube.com/watch?v=3z4jxkkrrKM[/video]

ثاني تيزر باسم Prepare 4 Battle: Land

[video=youtube;4WZgo0KnEwA]http://www.youtube.com/watch?v=4WZgo0KnEwA[/video]

وآخر تيزر باسم Prepare 4 Battle: Air

[video=youtube;A0O6mgfjXWI]http://www.youtube.com/watch?v=A0O6mgfjXWI[/video]

طبعًا التيزرز هذي ما تبين شي بس من آخر تيزر مراوح الهيليكوبتر هذي هي حقت الـ WZ-10 Helicopter:

هذي المروحية هي صينية الصنع، هل هذا معناته ان الحرب بتكون بين الجيش الأمريكي والصيني وتكون الاشاعات اللي طلعت صح؟

القسم الخاص بـ Battlefield 4 في موقع BF الرسمي حط الصورتين هذي:

وهذي:

واضح من الصورة الثانية أن المدينة هي شانجهاني الصينية، هل راح يكون في مراحل في شانجهاي؟ *أتمنى*

عمومًا موقع Battlefield مسويين زي التفاعل مع المعجبين ... يقولوا لو دخلتوا قسم BF4 من هنا وسويتوا Sign in بحسابكم في Origin وسويت Share راح تساهم بالكشف عن أشياء جديد وراح يعطوك Dog-Tag للعبة Battlefield 3
الكشف القادم بعنوان Shanghai

في موقع صيني ادعى انه حصل على نسخة من مجلة Edge حقة شهر أبريل وفيها كشف لكثير من الأشياء عن BF4 منها:

- اللعبة راح تشتغل على محرك Frostbite 2.5 وبيكون داعم للـ DirectX 11 على الـ PC "طبعًا"
- اللعبة بيكون فيها مناخ متغير في وسط اللعب
- اللعبة بيكون فيها نظام Destruction 4.0 وهو مطور عن BF3 "المخيب في نظري بالمقارنة مع BF BC 2"
- نسخة الـ PS4 والـ XBox الجديد بتشتغل على 60 إطار ثابت في دقة 720p
- نسخة الـ PC وأجهزة الجيل القادم بيكون فيها 64 لاعب فالسيرفر أما نسخة الجيل الحالي بتكون 24 فقط

طبعًا الكلام اللي فوق هو تحت بند الاشاعة لإن كلام الموقع الصيني كُذب

المؤكد للآن أن الحرب بين أمريكا والصين وننتظر الكشف عن الباقي في يوم 27 مارس ... باقي 4 أيام :lebb:

أي شي جديد بحاول أحطه فالموضوع هنا عشان يكون مرجع لأي شخص يبغى يعرف عن اللعبة

 

[BlackBird]

DICE نزلت صورتين آرت جديدة:

صورة جندي أمريكي أكيد وعلى الغالب انه بيكون من فئة الـ Support اللي يمسك LMG

أما الثانية والمفاجأة:

صورة جــنــديـــة صينية وشكلها بتكون الـ Sniper للجيش الصيني
وهذا الشي يأكد الاشاعة اللي طلعت من مدة ان بيكون فاللعبة بعض الجنود من الجنس الناعم



بالمناسبة نبغى تفاعل لأطلع لكم حركات المنتديات التعبانة اللي بداخلي <_<

 

[kiryu]

الحماس عندي ميت للعبة و مش متوقع منها الكثير من بعد مهزلة BF3 .
أتمنى أن أتفاجئ وتطلع بمستوى باد كومباني 2 على الأقل >_>.

 

[BlackBird]

^
أفاا ليش؟ إيش اللي ما عجبك في BF3؟

 

[kiryu]

كل حاجه بطور الكامبين .
الملتي بأول أيامه كان رهيب حتى تدخل جشع EA :sadwalk: (نظام تأجير السيرفرات-ادفع لتربح و ..) .

 

[sabah]

هذه منى زكي مع شوية فوتوشوب @@

 

[Rain]

ورونا الجيمبلاي ولا يكثر

 

[BlackBird]

كل حاجه بطور الكامبين .
الملتي بأول أيامه كان رهيب حتى تدخل جشع EA :sadwalk: (نظام تأجير السيرفرات-ادفع لتربح و ..) .

الكامبين للأمانة ما كنت متوقع منه شي ... واضح انهم حطوا كامبين تسليك عشان نسخ الكونسولز
نظام التأجير أشوفه ممتاز جدًا تدخل سيرفر بشروط أغلب الناس يبغوها ولازم يكون تمشي عليها "مدري أنت تلعب أي نسخة" بس نسخ الـ PC أي واحد يخالف يطرد على طول حتى لو الآدمن مو موجود
وما فهمت قصدك بادفع لتربح هذي مع الأسف

هذه منى زكي مع شوية فوتوشوب @@

هههههههههههههههه :laugh::

ورونا الجيمبلاي ولا يكثر

لول من جد ... يلا هانت باقي 3 أيام

 

[BlackBird]

معلومات عن موعد إطلاق البيتا

مدير المجتمع الخاص بسلسلة Battlefield السيد Ian Tornay غرد في حسابه الشخصي على شبكة التواصل الإجتماعي تويتر، بأن EA تخطط حالياً لإطلاق البيتا الخاصة بلعبة Battlefield 4 في خريف هذا العام. هذه اللعبة ستكشف بالكامل في معرض GDC المقام في نهاية هذا الشهر.

http://www.true-gaming.net/home/138291/

 

[Ray Gun]

تمنيت انها باد كمبني 3 .. مب باتلفيد 4 ..
تصميم المابات في باد كمبني شي مجنون .. الموسيقى الي تشتغل قبل بداية القيم ايام رهيبه
اضافة فيتنام شي كبير .. و احسن من اضافات باتلفيد 3 كلها ( لاعبهم كلهم )
كلاس السنايبر كان احسن في باد كمبني 2
توزيع الكلاسات كان افضل مدري كيف اشرح لك هالنقطه .. لكن في باد كمبني تحصل بالتيم .. ميدك ، ازلت ، انجنيرنق ، سنايبر .. في باتلفيد 3 كلهم مسعفين و سنايبرز
مادري وش السبب الي خلاني اعشق باد كمبني 2 .. الاكيد انها كانت ممتعه اكثر من باتلفيد 3

 

[BlackBird]

^
أتفق معاك في أغلب كلامك ... عمومًا هي ما تفرق إذا BF4 أو BFBC3 لإن في كل الحالتين المطور واحد. الأهم دايس تتعلم من أخطاءها
توزيع الكلاسات أتفق معاك فيه 100 ... أتمنى يرجع زي باد كومباني ... الحين الـ Medic صار Overpowered بزيادة بعد ما صار ماسك أسلحة الـ Assult عكس بادكومباني 2 اللي كان ماسك الـ LMG
وصحيح اضافة فيتنام أفضل من كل الاضافات اللي نزلت على BF3
بخصوص السنايبر فأختلف معاك السناير في BF3 صار عملي أكثر و أسهل "مع إني أفضل صعوبته اللي في باد كومباني 2 اللي كانت تبين إني محترف بس كانت غير منطقية ان الآدمي ما يموت إلا بطلقة فالرأس" وما ننسى ان في باد كومباني 2 مافي زحف فهذا مشكلة للسنايبرز
ميزة الريكون في باد كومباني 2 هي أسلحته اللي كانت ممتازة مثل والـ GOL والـ SV98 "اللي موجود في BF3"
بس الـ M95 كان سلاح من عالم ثاني من شكله تعرف انه متوحش:

قبل فنرة كلمت حساب BF في التويتر انهم يحطوه قالوا هذا السلاح أوفر باورد قلت لهم بس انتوا حطيتوه في باد كومباني + الريكون مرة مضعفينه فقالوا بنشوف وفالأخير جاني الشي اللي متعود عليه "سيفون"

 

[BlackBird]

DICE نزلت صورتين جديدة:

الصورة الثانية:

المروحية اللي فالأمام هي الـ WZ-10 Helicopter الصينية "اللي حطيت صورتها فوق"

أما الثانية فعلى الغالب هي MI-28 Havoc الروسية:

هل هذا معناته ان هذا الجزء الحرب بتكون ثلاثية؟ "أمريكا، روسيا والصين"

يلا باقي يومين على العرض وإن شاء الله تحليلاتي تطلع صح وقتها بحس بفخر كبير : (&)

 

[Inc0mp3rtus II]

لعبة 60 إطار بجوده 720P < بف4

لعبه 30 اطار بجوده 1080P < كيل زون شادو فول

متى تجي لعبه 60 اطار و 1080P للكونسول؟! إنه الحلم، حتى مع الجيل القادم شكله مافيه

بخصوص بف4، منب متحمس لها مرة لانهم ببساطه اغضبوا الكثير من الفانر وانا منهم

يوم اعلنوا عنها بدال باد كومباني3! الي اشوفها أفضل وأمتع وموزونه أكثر من باتلفيلد

أما انهم يمشون على نهج كود واكتفجين هنا مشكله، ننتظر ونشوف الاعلان.

 

[BlackBird]

^
أي نهج كول أوف ديوتي الله يهديك؟
ترا اللي يسوي Battlefield 4 و Battlefield Bad Company 3 هم استوديو واحد اللي هو DICE ... السالفة مش زي كول أوف ديوتي يسويها استوديوين "انفنتي ورد و ترايأرك" <_<
يعني لو كانوا سموا BF3 بـ Battlefield Bad Company 3 كانت بتعجبك اللعبة؟
القصة ان DICE عملت كم غلط في BF3 وإن شاء الله تصححها في BF4
وعلى فكرة بادكومباني تعتبر قسم من سلسلة BF نفس نظام Modern Warfare مع CoD بس الفرق انه نفس الاستوديو هو اللي يسوي اللعبتين

 

[BlackBird]

على ما يبدو أن EA تنوي إصدار لعبة التصويب من المنظور الأول Battlefield 4 في فصل الخريف من هذا العام (أي من شهر سبتمبر إلى ديسمبر)، حيث حصلت أحد المواقع الصينية على أحد البروشورات الدعائية للعبة، و التي تنوي أن توزعها الشركة قريباً، من أجل تحفيز اللاعبين على طلب اللعبة بشكل مسبق.
اللعبة ستكشف بشكل كامل في معرض GDC في الأيام المقبلة، كما أن البيتا الخاصة باللعبة ستبدأ في فصل الخريف أيضاً.

هممم ... لا تعليق بس أكيد متحمس



http://www.true-gaming.net/home/138581/

 

[Inc0mp3rtus II]

^
أي نهج كول أوف ديوتي الله يهديك؟

اقصد نهج كود في مدة الاصدار فقط لا غير

يعني الفرق بين بف2 و3 في الاصدار كان كبير جدا ً بعكس 4

وصرحوا دايس ان سلسلة باتلفيلد راح تتقلص فترة إصدارها بين جزء وآخر in other word بتكون سنويه زي كود

فقط كنت اتمنى عالاقل يكون فيه تبادل بين باد كومباني وباتلفيلد بين كل سنه

يعني لو كانوا سموا BF3 بـ Battlefield Bad Company 3 كانت بتعجبك اللعبة؟

ايش دخل الاسم؟
باد كومباني لها اسلوبها المختلف عن باتلفيلد، مع إعجابي لكلاهم لكن أُفضّل اسلوب باد كومباني أكثر من باتلفيلد ولو بقليل

اما كود كل اجزائها هي وحده وبنفس الاسلوب مهما اختلف الاسم لكن بثيم مختلف!
هنا الفرق

السالفة مش زي كول أوف ديوتي يسويها استوديوين "انفنتي ورد و ترايأرك" <_<

خارج نقاشنا، انت ماتتوقع ان دايس منقسمين لفريقين؟ الاول على باتلفيلد4 والثاني على باد كومباني القادمه مثلا؟

ما اشوف ان استديو واحد يعني كل الي فيه شغالين على لعبه وحده بس..

استديوهات كثيره تنقسم لأكثر من قسم، مثال نوتي دوج نصهم كان على انشارتد3 والنص الثاني على ذا لاست اوف اس
وغيرهم

ما توافقني على ذي النقطة؟

 

[kiryu]

ايش دخل الاسم؟
باد كومباني لها اسلوبها المختلف عن باتلفيلد، مع إعجابي لكلاهم لكن أُفضّل اسلوب باد كومباني أكثر من باتلفيلد ولو بقليل


باتلفيلد وباد كومباني يختلفون عن بعض... اما كود كل اجزائها هي وحده نفس الاسلوب لكن بثيم مختلف!
هنا الفرق

ناه كلهم نفس الأسلوب الفرق هو تقديم القصة بأجزاء باد كومباني كان أفضل وبشكل مختلف ومستقل عن الأجزاء الثانية .

 

[Inc0mp3rtus II]

ناه كلهم نفس الأسلوب الفرق هو تقديم القصة بأجزاء باد كومباني كان أفضل وبشكل مختلف ومستقل عن الأجزاء الثانية .

بس القصه؟ يارجل اللعب كله يختلف

عموما ً وجهه نظرك، لكن لو تسألني وبرأيي الشخصي

اشوف ان باد كومباني تختلف عن باتلفيلد كاختلاف لعبه منفصله عن الثانيه ولكن بتشابه المحرك

 

[Ray Gun]

اما باد كمبني و باتلفيد 3 نفس الشي !!!!!
لا ابدا اللعبه اختلفت اختلاف جذري بكل شي ..
حتى ف اسلوب اللعب .. باد كمبني كان التكتيك فيها افضل و كانت تركز على الرش و على الاعلام بشكل كبير
باتلفيد 3 صار فيها قن ماستر !!!!!! وش المصخره هذي
كل شي ف اللعبه اختلف ، باد كمبني كانت موزونه اكثر

 

[CODE-X]

شخصياً أفضل باد كومباني ، الكمبين فيه ارهب و فيه طابع كوميدي رهيب بدل شغل البطل الامريكي اللي ملينا منه ، حتى الثلاثة اللي معك رهيبين ، جزئين باد كومباني كانوا من أفضل تجاربي هالجيل و اتمنى نشوف جزء يكمل اللي جبيناه فيها و مش متحمس ابداً لباتلفيلد 4 بصراحة ...

 

[Lord of Cinder]

مش مفترض يكون الكشف اليوم ؟

 

[BlackBird]

^
إلا الكشف اليوم بس بيكون للإعلاميين فقط ... بكرة بيكون الكشف للعالم كله

 

[Naserano]

يقولون إنها حقيقية:

الصورة الأولى جنان!

 

[BlackBird]

^
واااااااااااااو ... فعلًا شكلها صور رسمية
يالله على اللي أشوفه :wow:

بعد شوي الإعلاميين والمدعوين من DICE بيشوفوا الترايلر "اللي راح نشوفه حنا في فجر يوم 28 مارس"
في يوتيوبر أتابعه DICE عطته دعوة وهو الحين فالمؤتمر ويقول DICE مانعتنا من نشر أي معلومة لـ 7 ساعات قدام ... يعني الساعة 9 الصباح الآدمي بيقدر ينشر المعلومات والأشياء اللي شافها

 

[Dark Master]

ألحقو عليه قبل لايروح

[video=youtube;xb4iJFRS4Mw]http://www.youtube.com/watch?feature=player_embedded&v=xb4iJFRS4Mw[/video]

 

[Ray Gun]

مااتوقع ان البلايستيشن ٤ يقدر يشغل الجرفيكس هذا ، حتى لو كانت هاللعبه من اول العاب الجيل الجديد
الصور الي اشوفها قدامي مب طبيعيه ابدا .. حتى ف مؤتمر سوني ماشفت شي مماثل
اذا مايقدر يشغلها بدور لي على pc

 

[www]

ألحقو عليه قبل لايروح

[video=youtube;xb4iJFRS4Mw]http://www.youtube.com/watch?feature=player_embedded&v=xb4iJFRS4Mw[/video]

واااو على الترلير , يليت يعتمدوه مع الاغنيه , وما يكون مجرد تسريب وينلغي , شفته اكثر من مره @_@

 

[www]

مااتوقع ان البلايستيشن 4 يقدر يشغل الجرفيكس هذا ، حتى لو كانت هاللعبه من اول العاب الجيل الجديد
الصور الي اشوفها قدامي مب طبيعيه ابدا .. حتى ف مؤتمر سوني ماشفت شي مماثل
اذا مايقدر يشغلها بدور لي على pc

يعني انت مثلا عندك بلاستنيشن4 في بيتكم ونحن ما ندري ؟ على اي اساس اعتبرته ما يتحمله البلاي4 ؟
قسم بالله ردود تقهر

 

[FANTASTIC DREAM]

مااتوقع ان البلايستيشن 4 يقدر يشغل الجرفيكس هذا ، حتى لو كانت هاللعبه من اول العاب الجيل الجديد
الصور الي اشوفها قدامي مب طبيعيه ابدا .. حتى ف مؤتمر سوني ماشفت شي مماثل
اذا مايقدر يشغلها بدور لي على pc

أكيد يشغله ... في البلايستيشن ميتنج شفنا افضل من كذا

 

[Ray Gun]

بالمناسبة فيه اخبار تقول ان المحرك تم تطويره و صار frostbite 3 و العرض الرسمي راح ينزل الساعه ٩ الصباح
انام و لا انام *ـ*