تقاييم مجلة Edge لهذا الشهر (ضحية جديدة)

[HAL-9000]

Resident Evil 5 - 7

Empire: Total War - 9

Shellshock 2: Blood Trails - 2

Afro Samurai - 5

Stormrise - 4

Warhammer 40,000: Dawn of War II - 7

50 Cent: Blood on the Sand - 7

Tom Clancy's HAWX - 6

Time Hollow - 6

Dragon Quest V: Hand of the Heavenly Bride - 8

Resistance Retribution - 6

Cryostasis - 6

Puzzle Quest: Galactrix - 7

Henry Hatsworth in The Puzzling Adventure - 8


لول. أحسن شيء إن تقييم RE5 نفس تقييم لعبة 50 Cent
الحمد لله إن Total War مو من ضحايا المجلة

 

[Id]

Henry Hatsworth in The Puzzling Adventure - 8

حلو جداً التقييم بإنتظار اللعبة من EA المبدعة ...

 

[Zero]

يوروجيمر عطوها 7 بعد لول.

 

[Akilla]

المجلة هذي مدري كيف تقيم

 

[Nintendo]

يعني تكلمنا عن التقييم بموضوع ريزدنت ايفل ..

عموما يوروقيمر و ايدج عليهم شطحات كبيره فصعب الواحد يبني شئ على كلامهم ..

 

[AMG]

كيل زون كم اخذت من ايدج

طبعا ما في داعي نقول ان تقييمات المجلة صعب تربطها بالواقع لوووول

 

[TIAMAT]

Resident Evil 5 - 7

يعطيك :rockon:

Empire: Total War - 9

عاد هذي تستحق ... تقييم رهيب صراحة

 

[Niessu7]

حافة حافة حافة وش تتوقع منها ؟

50 سينت واو بروح اشتريها احين متوفرة في السوق ليش استنا ريزي

 

[Silent Shadow]

Dragon Quest V: Hand of the Heavenly Bride - 8

قليل عليها :crying:

 

[Noah`s Ark]

المجلة هذي مدري كيف تقيم

ما ادري يفترض نشغل ديموقراطيتنا قبل عقلنا؟ :laugh::

لأن هم عندهم راي وتقييم في اللعبة زي ما احنا عندنا آراء :whistle:
​

 

[HAL-9000]

كيل زون كم اخذت من ايدج

أخذت 7 برضوا :laugh::

 

[emperor-UAE]

:surprised:
من صدقهم؟
اللعبه ما تنزل عن ال9 ...اللعبة ممتازه من معظم النواحي و 7:what:
يمكن قيموها على اساس لعبة رعب بقاء, و انصدمو انها هي اكشن شوتر:razz::

 

[The.Boss]

Resistance Retribution - 6 .. جربت الديمو و احس سوني سوت المستحيل على ما طلعت اللعبه بهذا الشكل و اعتبرها واحده من افضل العاب الـpsp

Resident Evil 5 - 7 .. اقل شي اللعبه تستحقه 9

 

[hussien-11]

المجلة هذي من كثر ما هي مضروبة ، بنفس العدد الي أعطت فيه كيل زون 2 تقييم7 ، أعطت لعبة سطحية و متواضعة مقارنة بجزئها الأول فيير2 تقييم 8 :xd:
​

 

[G7Ga7]

meh خلونا من التقييمات.
المجلة بمناسبة العدد الـ200 مسوية تقرير لأفضل 100 لعبة تلعبها اليوم.
رابط: http://www.edge-online.com/features/the-100-best-games-to-play-today?page=0,0

توقعوا المركز الأول

 

[Nintendo]

meh خلونا من التقييمات.
المجلة بمناسبة العدد الـ200 مسوية تقرير لأفضل 100 لعبة تلعبها اليوم.
رابط: http://www.edge-online.com/features/the-100-best-games-to-play-today?page=0,0

توقعوا المركز الأول

المفروض نعيد التصويت عشان الناس تعرف قيمة اللعبه :crying:

 

[hussien-11]

المفروض نعيد التصويت عشان الناس تعرف قيمة اللعبه :crying:

المثير للسخرية و الحزن معا انه اللعبة الي فازت عليها قليل ما تتواجد بقائمة أفضل 10 ألعاب من أي موقع ، اوكارينا أفضل لعبة في التاريخ إلى الأبد

و يلوموني لما أقول ياللعار :annoyed:

 

[Rare Games]

افضل شي بالقائمه ان ليتل بيق بلانيت بالمركز 11 شي ممتاز جدا كم كان تقييمها من ايدج

وماريو 3 مراتب من العشر الاوائل وثاني افضل لعبه ماريو 64

لكن الي قاهرني سماش ابيها تاخذ مرتبه متقدمه اكثر

 

[Niessu7]

المجلة غير ثقة حالياً .. فالتقرير يعتبر باطل :sarcastic:

*راح ياخذ له جيم في زيلدا :nerd:*

 

[Solid Snake]

^ هههه، من جد هذا الرجل يقول الحقيقة.

الشباب يقولون التقييمات خرابيط والمجلة مخرفة وبعدين يعترفون بتقرير منها :laugh::


*يهرب*

 

[G7Ga7]

الشباب يقولون التقييمات خرابيط والمجلة مخرفة وبعدين يعترفون بتقرير منها :laugh::


*يهرب*

المجلة ما كانت زي كذا قبل. (كانت باسم مختلف من أول).
وثلاثة أرباع القائمة ألعاب ريترو وكلاسيكية, والكلام الي حاطينه حقائق ما يختلف عليها اثنين.

 

[Colorization]

وايد عليها 7.

تقييم جيد لدي كيو5 وتوتال وور ومتوقع لداون أوف وور2 بما إنها غيرت الكونسبت بشكل شبه كامل.

 

[Still Alive]

مادري اصلاً ليش بتجيبوا تقييمات هالمجلة؟

 

[Ze Truth]

مجلة الهاوية الى الحاوية!

50 سنت و ريزي5 نفس التقيم؟؟ ارحمونا

 

[The.Boss]

وايد عليها 7.

:what: .. تتكام جد ؟ .. اشرحلي ليش وايد عليها 7 :confident:

 

[Solid Snake]

المجلة ما كانت زي كذا قبل. (كانت باسم مختلف من أول).
وثلاثة أرباع القائمة ألعاب ريترو وكلاسيكية, والكلام الي حاطينه حقائق ما يختلف عليها اثنين.

وش كان اسمها اول؟! edge معروفة منذ مبطي، ما اذكر انه تغير اسمها او شي ..

والقائمة اساسا مضروبة وفيها أغلاط كارثية، العاب كثيرة داخلة القائمة بمراكز متقدمة كثير (ليفت4ديد في التوب 20!!) .. غير كذا القائمة تم اعدادها لافضل لعبة تقدر تلعبها اليوم، وألعاب كثيرة في القائمة صعب جدا تلعبها وتكون راضي عن مستواها "اليوم"!!

يعني اذا كانت القائمة تم اعدادها "لأفضل ألعاب تقدر تلعبها اليوم" مستحيل اوكارينا تدخل في القائمة اصلا لانها اوتديتد بمعنى الكلمة (كل شي في اللعبة اوتديتد، كل شي) .. العاب كثيرة اخذت افكارها وتتفوق عليها تقنيا وفنيا وكل شي .. اللعبة اصلا لو باشغلها على تلفزيون SD صغير بتطلع مسخرة، فايش رايك لو اشغلها على شاشات الجيل الجديد ؟ اذا العاب من الجيل السابق بالعافية ألعبها الآن، وش رايك بلعبة من اكثر من 10 سنوات؟!


احيانا .. المجاملة تكون في غير محلها. اجل اوكارينا تقدر تلعبها "اليوم" ؟! باستثناء الفانز، والهاردكورز الجدد (اللي فاتتهم هالتجارب) مستحيل اي شخص بكامل قواه العقلية والبصرية يقول ان اي لعبة قديمة في القائمة (اوكارينا وغيرها) طالعة جميلة وتقدر تلعبها "اليوم". وانا اتحدى تجيب لي شخص يلعب هالالعاب القديمة "اليوم" ويقول انها جميلة وقابلة للعب.

 

[G7Ga7]

وانا اتحدى تجيب لي شخص يلعب هالالعاب القديمة "اليوم" ويقول انها جميلة وقابلة للعب.

السلام عليكم ..


كيف الحال؟ ان شاء الله الجميع بخير :happy: ..


من زمان, اول ما نزل الـ 64 ما لحقت العب عليه العاب كثيرة, لأني اساساً وقتها ما كنت احب الفيديو جيمز مثل ما احبه الأن, فلعبت العاب محدودة اهمها super mario 64 .. و بعدها اخترب الـ 64 و ما فكرت اني اشتري واحد جديد, و بعدها بمدة صرت احب الفيديو جيمز اكثر و اكثر, مع البلايستيشن1 و الجيم بوي ادفانس بالذات ..
و لكن ضلت في مشكلة, و هي اني صرت اسمع عن زيلدا, لعبت كل اجزاء الأدفانس, لعبت ويند ويكر الي اعتبرها ثاني افضل زيلدا 3D و من افضل 5 العاب لعبتها في حياتي, و لعبت تولايت برينسس الي ما عجبتني بالمرة صراحة, و لعبت ماجر ماسك على الكومبيوتر و استمتعت باللعبة, و لكن مازالت اهم لعبة و اكثر وحدة عليها إجماع انها الأفضل كنت مازلت ما لعبتها ..
حاولت العبها على الكومبيوتر بس ما انسجمت, حسيت اني قاعد اقلل من شئنها و ما راح اعطيها حقها, لحد ما بدت خدمة الـ wii virtual console و قررت وقتها اني لازم انزل Ocarina of Time و اني لازم اشتري الـ wii classic controller خصيصاً لها حتى ارتاح و انا قاعد العب و اخذ راحتي بالتحكم, و الحمد لله ما ندمت ..

استطاعت نينتندو ان تصنع اللعبة بأروع و افضل شكل ممكن, اللعبة استطاعت ان تسحرني بروعتها, روعة الإستكشاف, روعة البحث, روعة حل الغاز الدنجونز و التقدم فيها, روعة قتال الزعماء, روعة السايد كويستس و الي فيها اشياء كثير مهمة, روعة الأسلحة و طريقة إستخدامها, و روعة الساوندتراكس!
مع ان اللعبة قديمة (1998) بس ما حسيت بداونجريد كبير لما لعبتها, لسبب واحد بس هو ان جمال اللعبة بكل عناصرها راح يخليك تلعبها حتى لو كانت سنة 2020 مش 2008!

تصميم الدنجونز باللعبة هو اكثر شي عجبني, اكثر تمبل عجبني هو السبيرت تمبل, عجبني بكل ما فيه, تصميمه, افكاره, و انك راح تلعبه بلينك الشاب و لينك الطفل, و إنتهائاً بالزعيم المسخرة (الساحرتين لول). ثاني دنجون تمبل عجبني هو الوتر تمبل, تصميمه الداخلي رهيب و الأفكار الي فيه كثيرة و ممكن هو كان اصعب واحد, و قتال الدارك لينك كان جداً ممتع و مفاجىء!

الأدوات الي راح تحصلها خلال اللعبة رائعة, صحيح انها متشابهة بالي موجودة في ويند ويكر و تولايت برينسيس, بس هنا حسيتها مختلفة, طريقة الحصول عليها و طريقة استخدامها مع الزعماء و الأعداء و الأفكار الكثيرة الي موجودة لأستخدامها داخل و خارج التمبلز او الدنجونز, اكثر ايتم عجبني هو الأي اوف تروث لول رهيبة فكرته, و كمان السيف الطويل, و درع الإنعكاس تفاجئت لما شفته (ما كنت اعرف انه موجود في هذا الجزء), و الحذاء الخفيف الي يخليك تمشي كم ستيب بالهوى لول رهيب كان!

التجميع و ما ادراك ما التجميع! تجميع قطع القلوب في هذا الجزء كان ممتاز, بس حبيت الي في ويند ويكر اكثر! اما الي كانت في تولايت برينسيس مع انهم كانوا 5 بدل 4 بس حسيتهم اسهل. تجميع العناكب الذهبية كان اكثر شيئ استمتع بيه في اللعبة لول, جمعت 90 او 92 وحدة تقريباً, بس عرفت ان الجائزة الأخيرة ماهي كثير مغرية (200 روبيز) فما تحمست اجمع الباقي .. الطريقة الي تحصل منها سهم النار و سهم الثلج كانت رائعة و مبتكرة اكثر من الي في الاجزاء الاخرى ..

الموسيقى هي الأفضل في هذا الجزء, صحيح اني ما اهتم كثير بالساوندتراكس بالألعاب لكن كنت مرات اترك اللعبة و اسمع بعض المقاطع الي باللعبة لول, كانت رهيبة, افضل بالراحة من الي موجودة في اي جزء اخر ..

هذي كانت اهم العناصر الي حبيت اتكلم عنها, و اقول للناس الي ما لعبت اللعبة, لازم تشوف لنفكس حل و تلعبها و إلا راح يفوتك الكثيييييييييييييييييييييييييييييييييييييييييييييييير!


اخيراً, زيلدا اوكارينا الوقت افضل لعبة لعبتها حتى وقتنا هذا :happy:
و ترتيب العاب زيلدا الـ 3D بالنسبة لي هو كالتالي:
اوكارينا الوقت - ويند ويكر - ماجور ماسك - تولايت برينسيس

و بشكل عام:
اوكارينا الوقت - ويند ويكر - لينك تو ذا باست - مينيش كاب - فانتوم اور جلاس - تولايت برينسيس


و بس :rockon:

+ وش تعريفك للآوتديتيد بالضبط؟ ووش هي الألعاب الكثيرة الي اخذت افكار أوكارينا اوف تايم وطبقتها وتفوقت عليها تقنيا وفنيا؟

اذا العاب من الجيل السابق بالعافية ألعبها الآن، وش رايك بلعبة من اكثر من 10 سنوات؟!

هذي مشكلتك انت. الألعاب الكلاسيكية مستحيل تكون قديمة وغير قابلة للعب. أنا الآن العب العاب عمرها أكثر من 10 سنوات ومستمتع جداً.

 

[HAL-9000]

meh خلونا من التقييمات.
المجلة بمناسبة العدد الـ200 مسوية تقرير لأفضل 100 لعبة تلعبها اليوم.
رابط: http://www.edge-online.com/features/the-100-best-games-to-play-today?page=0,0

توقعوا المركز الأول

وااااو على القائمة المضروبة.
في ألعاب ما أدري كيف دخلت القائمة.
طبعاً ما أقصد اوكرانيا اوف تايم, مع إني شخصياً ما أعتبرها أفضل لعبة في التاريخ, لكن برضوا اللعبة تستاهل هذا اللقب

 

[Niessu7]

وش كان اسمها اول؟! edge معروفة منذ مبطي، ما اذكر انه تغير اسمها او شي ..

والقائمة اساسا مضروبة وفيها أغلاط كارثية، العاب كثيرة داخلة القائمة بمراكز متقدمة كثير (ليفت4ديد في التوب 20!!) .. غير كذا القائمة تم اعدادها لافضل لعبة تقدر تلعبها اليوم، وألعاب كثيرة في القائمة صعب جدا تلعبها وتكون راضي عن مستواها "اليوم"!!

يعني اذا كانت القائمة تم اعدادها "لأفضل ألعاب تقدر تلعبها اليوم" مستحيل اوكارينا تدخل في القائمة اصلا لانها اوتديتد بمعنى الكلمة (كل شي في اللعبة اوتديتد، كل شي) .. العاب كثيرة اخذت افكارها وتتفوق عليها تقنيا وفنيا وكل شي .. اللعبة اصلا لو باشغلها على تلفزيون SD صغير بتطلع مسخرة، فايش رايك لو اشغلها على شاشات الجيل الجديد ؟ اذا العاب من الجيل السابق بالعافية ألعبها الآن، وش رايك بلعبة من اكثر من 10 سنوات؟!


احيانا .. المجاملة تكون في غير محلها. اجل اوكارينا تقدر تلعبها "اليوم" ؟! باستثناء الفانز، والهاردكورز الجدد (اللي فاتتهم هالتجارب) مستحيل اي شخص بكامل قواه العقلية والبصرية يقول ان اي لعبة قديمة في القائمة (اوكارينا وغيرها) طالعة جميلة وتقدر تلعبها "اليوم". وانا اتحدى تجيب لي شخص يلعب هالالعاب القديمة "اليوم" ويقول انها جميلة وقابلة للعب.

القائمة فعلاً مضروبة وبشكل كبير ومضحكة .. والمضحك اكثر اسم التقرير الي يناقض المراتب :laugh:: .. من جد المجلة ماهي ثقة ابداً .

بس بالنسبة لموضوع اقدر العبها اليوم .. صراحةً انا ماعندي مشاكل بتاتاً في هالشيء .. بالعكس احس بمتعة لاني الجيم بلاي مميز " هالشيء يعتمد على اللعبة طبعاً " .

بس حقيقة ماحد ينكرها ان أكيد مظهر اللعبة ابداً مو جيد لشخص يلعب العاب هالجيل ومالعبها قبل .. وهذي فايدة الريمكات :

في النهاية اوكرانيا اوف تايم أو غيرها من العاب الاجيال السابقة مو أفضل لعبة ممكن تلعبها اليوم .. هي ممكن تكون أفضل لعبة لعبتها لليوم لبعض الناس :razz::

 

[Solid Snake]

جحجاح .. مشكلتك ما قريت ردي كويس

احيانا .. المجاملة تكون في غير محلها. اجل اوكارينا تقدر تلعبها "اليوم" ؟! باستثناء الفانز، والهاردكورز الجدد (اللي فاتتهم هالتجارب)

^ انا شخصيا مريت بهالحالة، وحاولت العب العاب فاتتني .. وصدقني، حاولت العبها بافضل مظهر ممكن تتصوره (العاب البلاي1 على الPSP ، تطلع خرافية ومضبوطة) لكنها تظل اوتديتد وتحس شي ناقص فيها!! حاولت العب العاب اسطورية فاتتني ولكن ما قدرت بسبب الفارق التقني الشاسع، خلاص اذا اللعبة مرت عليها فترة طويلة تصير غير قابلة للعب خصوصا اذا لعبت العاب مشابهة لها نفس الافكار والجيم بلاي!


اما بالنسبة انك تقدر تلعب العاب قديمة وانت مستمتع، انا ما قلت انك ما راح تستمتع .. لكن بتحس بالتجربة ناقصة كثير، وممكن تترك اللعبة لأتفه سبب لأنها ما تمتلك أي مقومات للاستمرار في اللعب (جرافكس ممتاز - انظمة صوتية حديثة - آرت ساحر .. الخ)

اما بالنسبة للالعاب اللي اقتبست بعض الافكار من اوكارينا فهي كل اجزاء زيلدا الجديدة + جميع العاب الادفنتشر/الاكشن اربجي الحديثة الممتازة (بيوند جود & ايفل والبقية) .. ولما اقول تتفوق عليها تقنيا وفنيا وغيره، فانا اتكلم على تقنيات الجيل الحديث طبعا، لان فرق السنوات والتقنيات شاسع!


عموما فيه كثير لاعبين هاردكورز يحاولون يرجعون بالزمن ويلعبون الاساطير القديمة، وانا ما اقدر امنعهم عن هالشي. بالعكس اشوفه شي ممتاز، اما انك تلعب لعبة لها سنين طويلة (ويمكن الشخص نفسه لعب العاب لها نفس الافكار والجيم بلاي) وتقول انها اسطورة فهذي مجاملة كبيرة جدا.

مهما صار احنا بشر، وصعب جدا ان الشخص يجرب الشي الحديث ويتركه ويدّعي ان القديم أفضل منه. هذا من طبع البشر، وهالشي ينطبق على الفيديو جيمز وغيره.


تعديل/ نسيت اعلق على نقطة ..

هذي مشكلتك انت. الألعاب الكلاسيكية مستحيل تكون قديمة وغير قابلة للعب. أنا الآن العب العاب عمرها أكثر من 10 سنوات ومستمتع جداً.

مو كل لعبة كلاسيكية تقدر تلعبها اليوم. يعني فيه العاب قديمة جدا وطالعة من اجمل ما يكون (العاب 2D والقليل من العاب ال3D البسيطة والعاب الخلفيات الثابتة).

وعندك العكس تماما، العاب صعب جدا انك تلعبها اليوم (مثل اوكارينا) خصوصا العاب 3D اللي طلعت في اول فترات جيل البلايستيشن وال64 ، لانها تفتقد لكثير من التقنيات الحديثة. اللعبة تطلع بشعة بسبب الحواف البارزة والجلتشات الغبية والخلفيات الركيكة وتصميم الشخصيات المتواضع وغيرها من المشاكل التقنية.

التقنية تتقدم كل يوم وصعب اننا نغير هالحقيقة! اوكارينا مثلا على وقتها كانت حلوة على وقتها لانها تستخدم اعلى التقنيات الموجودة، لكن اليوم لما اقارنها بلعبة من الجيل الحديث (خلينا نقول جيرز) بتطلع اوكارينا -10 لول!