hits counter

SDCC ترو جيمنج ... رأيكم في الجوكر الجديد ؟؟

Hope

True Gamer
IEC7KKl.jpg



مع صدور اعلان suicide squad ظهر في آخر الاعلان مقطع بسيط للجوكر، وفجر حماس ملايين من الناس

عن نفسي:

+ الصوت كان بيرفيكت!! جاريد عرف يؤدي الصوت ببراعة ونفس رعب الجوكر
+ تعابير الوجه وااو ... مجنون @__@
+ الضحكة في بداية ظهوره قشعرتلي جسمي!! رهيبة
+ في البداية كنت منزعج من لون الشعر الفاقع بس طالع في الاعلان كويس
+ حلو انهم جابوه في التريلر في مقطع تعذيب ، مسكينة هارلي شكله لعب في حسبتها :(

- الاوشام للان مو داخلة مخي :/ ، لبسوه ملابس طول الفلم ما ينفع
- الاسنان ايش ذا ؟؟ برضه ما عجبتني


ايش رأيكم فيه ؟؟ صحيح صعب نحكم عليه بس من اعلان بس ايش كان الانطباع الاولي ؟؟

وهنا الاعلان للي ما شافه

 

KAIN

سابقاً Ghost of Sparta K
ما عطاني شعور انه الجوكر كانه شخص ثاني لو تضعه بفلم اخر ما تعرف انه الجوكر , الصوت بيرفكت

جوكر دارك نايت ما يتكرر ابدا فقط الصوت هنا افضل لو هيث ليدجر كان عنده هذا الصوت حق جاريت لتو كان اصبح جوكر خرافي اكثر مما هو عليه
 

Blue Blood

Banned
مب شرط الجوكر يكون نفس اللي بالانميشنز و الالعاب.. لازم الافلام تحتوي على اسلوبها الخاص في الشخصيات..
على العموم نشوف اذا هالجوكر يتفقوق على جوكر ذا داركنايت
 

X I I I

True Gamer
الحواجب و عدم وجودها (&) شيء يزيد الرعب اكثر من نسخة نولان.
مو بس بن افليك الي الكل ينتقده، حتى جاريد ليتو أخذ حقه من الانتقادات

فانبويز نولان يبغوا كل ادابتشن لباتمان يسير على خطى نولان.. بس الحمدلله على اختلاف اذواق الكتاب و المخرجين.

ولا دحين كان سحبوا احد الكوسبلايرز لهيث جوكر و حطوه بالفلم عشان غصب الجوكر يكون شكله كذا.

على فكرة عالجوكر بيكون لابس بدلات مافيا مختلفة و أكثر كلاسيكية ، على عكس حق ٢٠٠٨
 
التعديل الأخير:

W.W.W

True Gamer
عيونه غبيه شوي , اصلا هالممثل مب قادر اتقبله كجوكر , بس ننتظر ونشوف , اذكر هيث ليدجر ما حبيته اول ما شفته في التريلرات لكن انصدمت لمن شفته في الفيلم
 

Grumpy

True Gamer
ما حبيت الاعلان ابدأ..بس بمجرد ما ظهرالجوكر تحمست..
عجبني كل شي بهالكم ثانية الي بين فيها..
 

Mikau

True Gamer
مب شرط الجوكر يكون نفس اللي بالانميشنز و الالعاب.. لازم الافلام تحتوي على اسلوبها الخاص في الشخصيات..
على العموم نشوف اذا هالجوكر يتفقوق على جوكر ذا داركنايت
خير ان شاءالله
شكلنا موعودين مع فلم رهيب
 

Faris

Gamer
المظهر موب مرة، لكني متفائل جدًا.
وعمومًا، أنا أكره الناس اللي يتشاءمون من بدري بس عشان (ما فيه أحد يقدر يتفوق على هيث ليدقر!) وهم ما شافوا إلا 10 ثواني لتمثيل غاريد ليتو.
 

Mikau

True Gamer
المظهر موب مرة، لكني متفائل جدًا.
وعمومًا، أنا أكره الناس اللي يتشاءمون من بدري بس عشان (ما فيه أحد يقدر يتفوق على هيث ليدقر!) وهم ما شافوا إلا 10 ثواني لتمثيل غاريد ليتو.
الموضوع يسأل عن الانطباع الاولي فقط
 

dro

Versus XIII Epic
سيئ و مقزز و شفت مثل شكله اقل شي 4 في حياتي يعني مو مميز .. عكس هيث ليدجر تعريف التميز
 

CODE-X

عضو فريق TG كورة أوروبية
سيئ و مقزز و شفت مثل شكله اقل شي 4 في حياتي يعني مو مميز .. عكس هيث ليدجر تعريف التميز
غير كلامه قمة الكليشيه و تقريبا نفس 60 فيلان افلام غيره :\
 

Random

True Gamer
وعمومًا، أنا أكره الناس اللي يتشاءمون من بدري بس عشان (ما فيه أحد يقدر يتفوق على هيث ليدقر!) وهم ما شافوا إلا 10 ثواني لتمثيل غاريد ليتو.
حتى لو تذكر قبل اصدار The Dark Knight تقريباً كل الفانز كانوا متشائمين من الجوكر وانه ايمو وخربوا الجوكر الي نعرفه و و و و..
سبحان مغير الاحوال :p
 

Punished Noctis

A Silver Bullet
لسه بدري للحكم.. لكن كديزاين مش عاجبني كثير، وكصوت قاعد يحاول يحاكي هيث ليدجر، وهذا شيء غريب جداً بعد محاولتهم المستميتة في تفريقه عنه بالديزاين.
مهتم اشوف ايش يحاولوا يسوون به عموماً.
 

FANTASTIC DREAM

sugar man, colors to my dreams
بس لو هيث ليدجر ما انتحر......... كان اعطانا أداء خرافي حتى هنا :"(
أنا موب عاجبني.. من ناحية ديزاين شكلي , ولا الجمله الوحده اللي قالها في التريلر تطمن لمستوى كتابه جيد.. التمثيل"يعني" موب هذاك الشيء, لكن ماراح أحكم من الان حكم كامل.
 

The Doctor

Once a Voyager on a Cursed Sea
شيل الوشوم و أبكون أوكي معاه من ناحية الشكل... الأداء مستحيل الحكم عليه حالياً.
جاريد ليتو قادر على تقديم جوكر أسطوري، فأي تفحيط في النتيجة النهائية مش بسبب القدرات بقدر ما سببه بيكون إختيارات خاطئة في الشخصية و توجهها.

على العموم، Suicide Squad ممكن يكون ممتع، بس اللي أبغى أشوفه هو كيف هالجوكر بيواجه باتفليك في فلم باتمان كامل.

بس لو هيث ليدجر ما انتحر......... كان اعطانا أداء خرافي حتى هنا :"(
ما إنتحر...
 

DINO CRISIS

المحقق وحيد
الضحكة رهيبة وصوته ممتاز

لكن شكله بدون بدلة واوشمة زيادة خرب شكل الشخصية

بصراحة ما شفت كوميكس Suicide Squad

هل هو بنفس الشكل ؟
 

ABUALI

True Gamer
حتى لو تذكر قبل اصدار The Dark Knight تقريباً كل الفانز كانوا متشائمين من الجوكر وانه ايمو وخربوا الجوكر الي نعرفه و و و و..
سبحان مغير الاحوال :p
اتذكر مع صديقي بعد ما طالعنا الفلم، سألته: تعرف ممثل شخصية الجوكر من؟ طبعا ما عرفه.. خبرته ان صاحب هالشخصيه من هذا الفلم The Brothers Grimm
http://m.imdb.com/title/tt0355295/

صديقي استغرب وتعليقه كان كيف المخرج اختار هالممثل لهذا الدور... تمثيله ما يبين عليه ذاك القوه في الفلم السابق

اختيار الممثلين لتأدية الادوار لغز ما ينحل اللا لما تشوف الفلم كامل
 

Q8Dante

Hardcore Gamer
الشكل مرعب واعتقد يتفوق على هيث ليدجر .... لكن الاداء مستحيل نحكم عليه من تريلر
 

FANTASTIC DREAM

sugar man, colors to my dreams
شيل الوشوم و أبكون أوكي معاه من ناحية الشكل... الأداء مستحيل الحكم عليه حالياً.
جاريد ليتو قادر على تقديم جوكر أسطوري، فأي تفحيط في النتيجة النهائية مش بسبب القدرات بقدر ما سببه بيكون إختيارات خاطئة في الشخصية و توجهها.

على العموم، Suicide Squad ممكن يكون ممتع، بس اللي أبغى أشوفه هو كيف هالجوكر بيواجه باتفليك في فلم باتمان كامل.


ما إنتحر...

أخذ جرعه زايده من المخدرات... كذا ما أنتحر؟؟

بس المهم والمغزى من كلامي ياليته ما مات عشان يعطينا جوكر خرافي ثاني :p
 

FANTASTIC DREAM

sugar man, colors to my dreams
اتذكر مع صديقي بعد ما طالعنا الفلم، سألته: تعرف ممثل شخصية الجوكر من؟ طبعا ما عرفه.. خبرته ان صاحب هالشخصيه من هذا الفلم The Brothers Grimm
http://m.imdb.com/title/tt0355295/

صديقي استغرب وتعليقه كان كيف المخرج اختار هالممثل لهذا الدور... تمثيله ما يبين عليه ذاك القوه في الفلم السابق

اختيار الممثلين لتأدية الادوار لغز ما ينحل اللا لما تشوف الفلم كامل

حتى إختيار هيث ليدجر لتأدية الجوكر يبقى لغز.. ما عنده أي أداءات ممتازه في السابق عشان يأدي شخصيه مثل كذا.
أشوف جيرد ليتو عنده سيره أفضل منه لما أخذ دور الجوكر.. بما أنه ربح الأوسكار ماله سنتين وعلى دور جداً ممتاز, هو بيأدي حلو لو أعطوه نص ممتاز مثل هيث ليدجر..

اصلاً حتى لو كان عايش ماراح يعطوه دور الجوكر مرة اخرى في سويسايد سكواد.

وش يخليك متأكد؟؟؟ الرجال أعطى دور عظيم.. لقى صوت كبير إيجابي من الجمهور والفانز, ليش ما بيكررونها إذا ما مات؟؟؟ أشوفهم أغبياء إذا ما سوو.
 

Random

True Gamer
وش يخليك متأكد؟؟؟ الرجال أعطى دور عظيم.. لقى صوت كبير إيجابي من الجمهور والفانز, ليش ما بيكررونها إذا ما مات؟؟؟ أشوفهم أغبياء إذا ما سوو.
طبعاً ماراح يرجعوه، فلم سويسايد سكواد جزء من عالم جديد لأفلام DC وعالم DC السنيمائي الجديد غير متصل لا بثلاثية نولان ولا بفلم غرين لانترن ولا بمسلسل غرين آرو وفلاش.
 

-L-

Hardcore Gamer
جوكر هيث ليدجر .. كان واقعي وريلاستيك بشكل كبير وطبعا ماقصر هيث ليدجر باتقان الدور كان فعلا فعلا مناسسسسسب جداً له خاصة الظروف الي كان يمر فيها قبل موته وإلخ ..
جوكر الـ Ss .. احسه مايل للكوميكز او امممم ... مناسب لنوع الفلم وقصته !
 

Blue Blood

Banned
الحين الجوكر ليس مفسخين فانيلته؟
ليكون بيطلعون لنا النسخة الباد اسية!
 
أعلى