الموضوع الرسمي ترو جيمرز... وش قاعدين نلعب؟

[Sir Guts]

اليوم ببدء Dark Souls.....

 

[Prince_M]

طلبت من امازون ميترويد ترولوجي ان شاء الله بتكون بدايتي مع الشهر الجاي فيها :thumbsup:

حاليا لازلت اواصل المغامره في تروبكل فريز و وصلت للعالم الرابع، العب على راحتي متى مافضيت + احاول ابتكر خطط جديده غير متوقعه في اكس و واي

 

[X I I I]

أنهيت فار كراي 3 و ختمتها 100%
و حطيت مراجعتي بموضوع المراجعات

و بدأت بـ بيوشوك آنفينت ، لعبت أول نص ساعة .. لسه ما شفت الهايب حق اللعبة :/

 

[crazy_apple]

خصلت فاير إمبلم. لعبة إبداعx إبداع .. من اجمل العاب 2013 وبراااااااحة >_> تستاهل الترشيحات والجوتي كمان. ( اذا فيه لعبة أر بي جي بروعتها أو أجمل منها على الجهاز! أحد يعطني لول.. فجئة انفتحت نفسي للأر بي جي *_* )

===

الثري دي أس يكبر بعيني بشكل كبير .. ههههه الكل ستريك للألعاب الروعة للان ماشي معي وأتمنى يستمر ( لويجي مانشن, فاير إمبلم .. أحسن لعبتين على جهاز!! .. للأن)
حالياً قاعد اللعب زيلدا لنك بتوين ورلد. البرسنتيشن, التحكم, الأنميشن .. حتى الفريمات .. ايش هالسلاسة وهالشعور البرفكتي xD بداية اللعبة مشي حالك .. فعلاً سريعة وبدون .. "فللر" ؟ وصلت لاول دنجن بوقت قصير. قاعد أشوف تحسن, تحدي ( اللعبة بدايتها جداً سهلة! ارتعبت شوي ) ومتعة أكبر كلما أمشي لقدام .. حركة اللتصاق بالجدار تحفة والدنجنز ( أنا بالجبل .. الدنجن اللي يبيله مطرقة. قسم مرحلة والغاز .. أقصد أفكار, تصميم .. رهيب!)

 

[SuperSysom]

العب ماريو سانشاين و ريثيم تينجوكو

 

[Prince_M]

رجعت العب newSuperMarioBrios.U مره ثانيه مابعد المغامره، حاليا اجمع العملات الثلاث بكل مرحله، اول منطقتين ختمتهم 100٪ باقي المناطق باقي لي عمله فقط من كل مرحله تقريبا..

بعدها لعبت SuperCountra على الSuperNintendo من خلال الWiiU، اللعبه روعه كروعة جزء الNES اهم شي البطلين نفسهم الاحمر والازرق بنفس الركضه بنفس الاسلحه لوووول xD

اخر شي لعبت DonkeyKongTF انهيت مرحلتين و بنّدت، لا ازال بالجزيرة الرابعه ✌

 

[No Longer Human]

سوبر ماريو بروس 3
الحمد لله بس إني أقدر أعيد من نفس العالم إذا خسرت ولا كنت ناوي أتركها -_-

 

[Sir Guts]

قاعد العب دارك سولز ='(

 

[No Longer Human]

عدت العالم الأول من جديد في ماريو 3 وأنهيته, موسيقى العالم الثاني رهيبة
اليوم حملت ماريو غولف وتينس 64, متحمس لهم.

 

[emperor-UAE]

قاعد العب اساسينز كريد 4
عل اكس بوكس 1
اللعبه في قمة الروعه ، و داخل جو مع البحر و عالم القراصنه

 

[Prince_M]

جالس العب من يومين SengokuBasara 3 نسخة الWii، انهيت اللعبه بمعظم الشخصيات وباقي 6 بعد اكون ختمتهم كلهم على مستوى Easy بعدها راح اعيد اللعبه بكل الشخصيات بمستوى Normal من يديد، وبعد بكررها مره ثالثه في Hard عشان اطلع كل شي تدريجي ومنها اكون دربت كل الشخصيات 60٪ تقريبا.

 

[Veeto]

قاعد العب دراجون دوجما دارك ارايزن .. تجربة من تجاربي الاولى بهالنوعية من الالعاب .. أحسها ميالة للستايل الغربي اكثر من المعتاد من اليابانيين
فيها روح جديدة .. لكن تمنيت تجربة اكثر تركيز .. لحد الحين توي في بدايات اللعبة .. اخذت ( رامي السهام ) .. اعتقد انه خيار جيد وقلت بغير بالعادة اخذ ابو السيوف في مثل هالنوع
احس الخيار نسبيا جيد فيه استراتيجية .. ما ادري الشباب بويش ينصحون .. المهمات الجانبية .. نسبيا لا بأس فيها مع اني ما زلت اشوف اللعبة بحاجة لاحكام في بعض الامور
الاسهم اللي تدليك الاماكن .. جدا سيئة .. وتشتتك اكثر من انها تدليك .. كثرة الايتمز .. تخليك متشتت .. بشكل عام تجربة جيدة جدا

 

[Darkness Key]

^
في كلاسات جديدة يمديك تختارها , ما ادري عن نسخة الدارك اريزن بس بالنسخة العادية كان في 9 كلاسات .. آخر ثلاثة يكونوا عبارة عن هجين بين كلاسين بحيث تستفيد من خصائصهم كلهم
يمديك تغير الكلاس تبعك و تبع الـPawn من عند الـInn حسب ما اذكر

 

[No Longer Human]

مشكلة العاب ماريو ثنائية الأبعاد -_-
لما تكون صغير وبمرحلة فيها واحد يرمي عصا ماوكلي أو متواجدة قاذفة القتابل وإنت مرتبك تدور على فطر عشان تظمن ما تموت من أول ضربة -_-

 

[prince khalid]

^
في كلاسات جديدة يمديك تختارها , ما ادري عن نسخة الدارك اريزن بس بالنسخة العادية كان في 9 كلاسات .. آخر ثلاثة يكونوا عبارة عن هجين بين كلاسين بحيث تستفيد من خصائصهم كلهم
يمديك تغير الكلاس تبعك و تبع الـPawn من عند الـInn حسب ما اذكر

موجودة أيضا بنفس الطريقة في نسخة Dark Arisen، اظن أنها ثلاث كلاسات وليس كلاسين، النسخة بالمناسبة أصعب من اللعبة أصلية، لكن أفضل شيء فيها أداة الفاست ترافل، ممتازة للتنقل في البيئة.

 

[Veeto]

موجودة أيضا بنفس الطريقة في نسخة Dark Arisen، اظن أنها ثلاث كلاسات وليس كلاسين، النسخة بالمناسبة أصعب من اللعبة أصلية، لكن أفضل شيء فيها أداة الفاست ترافل، ممتازة للتنقل في البيئة.

اوكي عرفت الكلاسات الهجينة .. بصراحة ما تخيلت ان كابكوم بتفاجئني بلعبة جذي .. وين كنت عنها اول ما نزلت :scream: .. فيها احساس عجيب بالمغامرة
والاغرب مع قدرات الاجهزة القديمة .. تشوف مدينة بالافق .. تقدر تروح ليها .. الاضاءة بالليل قوية

عندي سؤال اللعبة محسوبة اكشن ار بي جي .. لو محسوبة ويسترن .. وفيه العاب مشابهة ليها - اشوف الانطباعات والمراجعات لدراجون دوجما نسبيا عادية - فابغي اشوف - قمة هالجينرا -

 

[ansns]

بدأت قبل أمس في كنقدم هارتس فاينل ميكس و خلصتها قبل شوية و ببدء اليوم في تشين أوف ميومري و سلاي كوبر ثيفز إن تايم

 

[FAROOS]

عندي سؤال اللعبة محسوبة اكشن ار بي جي .. لو محسوبة ويسترن .. وفيه العاب مشابهة ليها - اشوف الانطباعات والمراجعات لدراجون دوجما نسبيا عادية - فابغي اشوف - قمة هالجينرا -

ديمون ودارك سولز , مو بس قمة الجينرا بل قمة الاندستري كله .

 

[Risk Breaker]

ديمون ودارك سولز , مو بس قمة الجينرا بل قمة الاندستري كله .

اتفق مع هذا الرأي وإذا ماناسبتك إنتضر لصدور the witcher 3 .

 

[X I I I]

بدأت قبل أمس في كنقدم هارتس فاينل ميكس و خلصتها قبل شوية و ببدء اليوم في تشين أوف ميومري و سلاي كوبر ثيفز إن تايم

تشاين أوف ميموريز نظامها مختلف نوعاً ما
نص الناس سحبوا عليها ، بس هي ممتعة إذا فهمت الباتل سيستم صح
إذا عجبك الجزء الأول فبالتأكيد الحزء الثاني رح يعجبك D:

 

[prince khalid]

اوكي عرفت الكلاسات الهجينة .. بصراحة ما تخيلت ان كابكوم بتفاجئني بلعبة جذي .. وين كنت عنها اول ما نزلت :scream: .. فيها احساس عجيب بالمغامرة
والاغرب مع قدرات الاجهزة القديمة .. تشوف مدينة بالافق .. تقدر تروح ليها .. الاضاءة بالليل قوية

عندي سؤال اللعبة محسوبة اكشن ار بي جي .. لو محسوبة ويسترن .. وفيه العاب مشابهة ليها - اشوف الانطباعات والمراجعات لدراجون دوجما نسبيا عادية - فابغي اشوف - قمة هالجينرا -

مثلك تماما، بعد تجربة سكايرم الضخمة تكاسلت على أي لعبة أخرى من نفس النوع، كنت سألعب دارك سولز لكن الشباب هنا نصحوني بالبدأ بدارجون دوجما، لعبتها على أساس تمضية الوقت على السريع وللأمانة النتيجة كانت حلوة، فيها عيوب كثيرة لكن التجربة جيدة، خاصة نظام القتال، القتال في سكايرم كان متواضعا جدا لذا أحببت بشدة نظام القتال في دراجون دوجما، أصبح مقياسي لألعاب النوع k_hand:

عالم اللعبة غير واسع لتلك الدرجة، سكايرم أضخم منها بمراحل ونفس الشيء تذهب أينما تشاء (تقريبا)، أحببت لو كان هنالك حصان في اللعبة، أحيانا أمل كثيرا بالذهاب لنقطة لنقطة، ستجد أيضا بعض المهام التي لن تجد دليلها على الخريطة، أحببت الفكرة لكن تهت مرتَين دون معرفة الطريق وكرهت اللعبة حينها.

 

[Mogrim]

انهيت ni no kuni و darksiders 2
darksiders 2
حبيت الجزء الأول كان ماشي حالو بس الثاني لعبة مليانة عيوب . فقدة الهوية حسيت المطور ضايع وقاعد يخبص.
مشاكل تقنية ، لفيل ديزاين ممل , كمبوهات ضعيفة ومكررة ، اسلحة ودروع كثرها خربت اللعبة ايش فايدة ترميلي مليون سلاح مالهم فايدة بنفس الحركات لو كانت خمسة اسلحة بأشكال مختلفة وكومبو مختلف كان اشرفلهم. ال skills قدرت افك اقل من النصف هذا واللعبة عمرها طويل بس التلفيل كان بطئ. حل الألغازعشان تعدي العقبات في الدنجنز الشي الوحيد الي كان ممتع.
ماادري توجه ال اكشن rpg في عالم مفتوح ما نفع. من الحماس اشتريت ال dlc قبل لا ابدأ اللعبة دحين ولا أفكر العب فيه.

ni no kuni
more of this kind of games please
لعبة إسطورية الأرت إبداع . مافي ولا سلبية إستمتعت بكل شي إستكشاف , side quest , القصة , الألحان.
الفاميلرز إذا كانت تطور احجامها وتكون أشكال مختلفة كان حيكون أفضل.
مقاطع الأنمي كانت قليلة اتمنيت تكون أكثر
اغنية النهاية Pieces of a Broken Heart :clap:

 

[Void]

انهيت بيرسونا 4 الذهبية امس و اعتقد اني بعيدها عشان السيكرت اند, الاضافات فيها رائعة جدا خصوصا لما نقترب من نهاية اللعبة فعلا اندمجت معاها كأنها اللعبة جديدة تيلز اوف اكزيليا للمرة الثانية في ميلا اللعبة رائعة لكن احس انها سهلة مقارنة بتيلز او جريسز

انهيت ni no kuni و darksiders 2
darksiders 2
حبيت الجزء الأول كان ماشي حالو بس الثاني لعبة مليانة عيوب . فقدة الهوية حسيت المطور ضايع وقاعد يخبص.
مشاكل تقنية ، لفيل ديزاين ممل , كمبوهات ضعيفة ومكررة ، اسلحة ودروع كثرها خربت اللعبة ايش فايدة ترميلي مليون سلاح مالهم فايدة بنفس الحركات لو كانت خمسة اسلحة بأشكال مختلفة وكومبو مختلف كان اشرفلهم. ال skills قدرت افك اقل من النصف هذا واللعبة عمرها طويل بس التلفيل كان بطئ. حل الألغازعشان تعدي العقبات في الدنجنز الشي الوحيد الي كان ممتع.
ماادري توجه ال اكشن rpg في عالم مفتوح ما نفع. من الحماس اشتريت ال dlc قبل لا ابدأ اللعبة دحين ولا أفكر العب فيه.

ni no kuni
more of this kind of games please
لعبة إسطورية الأرت إبداع . مافي ولا سلبية إستمتعت بكل شي إستكشاف , side quest , القصة , الألحان.
الفاميلرز إذا كانت تطور احجامها وتكون أشكال مختلفة كان حيكون أفضل.
مقاطع الأنمي كانت قليلة اتمنيت تكون أكثر
اغنية النهاية Pieces of a Broken Heart :clap:

فعلا اتفق معك ني نو كوني لعبة اسطورية بكل معنى الكلمة صار لي شهر اعيد تنزيلها على الجهاز بعد ما انمسحت بالخطأ قبل كم شهر لكن بسبب حجمها الكبير و النت التعيس لا ازال انتظرها تنزل..بس يلا الانتظار يسوى عشانها

 

[ansns]

تشاين أوف ميموريز نظامها مختلف نوعاً ما
نص الناس سحبوا عليها ، بس هي ممتعة إذا فهمت الباتل سيستم صح
إذا عجبك الجزء الأول فبالتأكيد الحزء الثاني رح يعجبك D:

أنا سبق و أن لعبتها على الأدفانس في هذيك الأيام لمن طلعت و ختمتها و كنت اواجه صعوبات لكن تعود غير كذا هذيك الأيام كنت صغير شوي و لعبتها على إيزي اعتقد، الآن بدأت العبها ثاني و صاحبي نصحني إني العبها على إيزي طبعا انا ما سمعت كلامه و حطيتها ستاندرد هههههه و قاعد افحط تفحيط :sweat_smile: دوبي خلصت ال4th فلور

 

[Hwoarang]

جالس العب من يومين SengokuBasara 3 نسخة الWii، انهيت اللعبه بمعظم الشخصيات وباقي 6 بعد اكون ختمتهم كلهم على مستوى Easy بعدها راح اعيد اللعبه بكل الشخصيات بمستوى Normal من يديد، وبعد بكررها مره ثالثه في Hard عشان اطلع كل شي تدريجي ومنها اكون دربت كل الشخصيات 60٪ تقريبا.

أنا للحين ألعبها واصل 80% ولا تزال ممتعه.
الحلو فيها أن حتى لو قطعت عن اللعبه فتره، عادي ترجع لها بسهوله.

 

[منتقي]

يعطيكم العافية على الموضوع الجميل

قبل كم يوم انتهيت من DMC الجزء الأخير .. وكان جيد تقييمي له 7.5/10 .

الحين جالس ألعب في ديفل ماي كراي الرابعة اللي نزلت عام 2008 .. ومستمتع فيها وواضح إنها أفضل من الجزء الأخير بسبب إن فريق كابكوم الياباني الأصلي هو اللي ماسكها بعكس الجزء الأخير اللي مسكه ننيجا ثيوري الفريق الغربي .


اشتريت الدريم الكاست وعلى وشك اعيد شينمو الجزء الأول ثم أبدا بالثاني إن شاءالله .. مستعد بعنف لميتال جير جراوند زيروز .

 

[crazy_apple]

أثنين فيتا بس مشتركين بحساب واحد .. أنا وأخوي, صرت أخليه بشتري الألعاب وأنا أنزلها من بعده :joy: ( الثري دي أس فيه كيذا؟! )
عموماً البلس الأن نزلو

lone survivor
Tekken vs street fighter
ببلاش @@!!!!! فللة! .. نزلتهم الأن, ولعبة Hotline miami .. اللي سعرها 10 لكن مع البلس صار 2 أو شي دولار. عموماً هذي اللي قاعد اللعبها حالياً ... ويالها من لعبة !

قسم أني ماتوقعت انها بهاروعة! اللعبة صعبة لكن بشكل لذيذ جداً .. يعني ماترفع الظغط! وكلما تخسر ترجع على طول وتكمل :") .. هههه كمان شوي وأحسها ستلث, طلع فيها مخ :joy: كل خطوة يبيلها دراسة ( لعبي رامبو .. من كثر التخسير بدى المخ يشغل تاكتيكس xD )
واللعبة كمان جداً واقعية p: .. ضربة وحدة وتموت, خذ حذرك .. حتى أعدائك نفس الشي. ستايل الجرافك من الأيام المغبرة بس ظابط .. والموسيقى والمؤثرات ×_× كله ذا بصراحة طلع بجو مو صاحي. العنف والدماء والأشلاء .. اللعبة عليها شعور ومتعة وإدمان.. بشكلة مرعب ( متحمس أرجع وأمسلكي سيف كاتانا, مضرب, شوت جون .. وأكسر لي فيها كم راس. وبضربةٍ واحدة @@!!! ... وعلى السريع )

 

[Wind Rider]

قاعد العب far cry 3 اللعبة جميلة لكني بدات امل منها فيها تكرار شديد و نمطية...ايضا الاتموسفير واحد طول اللعبة

ايضا العب بعض العاب الاندرويد :thumbsup:

 

[X I I I]

^ مع ذلك تظل ممتعة

 

[crazy_apple]

خلصت لتو Hotline Miami .. لعبة ممتعة .. جداً ممتعة! بشكل مو صاحي :scream:
نصيحتي للي مالعبها *_* يروح الستور, يغمض عيونه .. يدعس BUY !! ويلعبها .. ( لا يضحك عليكم شكلها @@!!!)

===
حالياً,

قاعد اللعب إنفمس SS .. اللعبة ماخيبت, جداً مسلية.
كلش تمام .. ما عدا الشوتينج بس هو اللي كان موسوس فيني بالبداية, وإختفاء نظام الXP اشوفه سلبية عظيمة :cold_sweat: بالنسبة لي .. لذة الكومبات بأول جزء ماوجدتها الى منه! تربل كيل, هد شوك, هاي فول .. الخ ( وستيكي بومب !!! ) الزبدة كان يشجع على لعب كريتف وفخم
أنا حزنان انه مو موجود لكن ما أثر على تجربتي كثير والحمد لله. والجيم بلاي مع الأبجريدز يطلع دماري !! أوكي, قدرة الدخان هذي عجيبة!!! الهد شوت! تخنق الأعداء بدال ماتحرقهم :joy: ( واااو, والله مخ xD ) حركة التجنب إختفت ( صرت تتحول لدخان .. إضافة قوية وماتوقعتها بهاروعة. سواء وسط القتال أو التنقل بين العواقب و المواسير. تحفة) , الجت باكس عليها شعور جميل وأفضل من اخر جزئين بكثير! ( البلاتفورمنج k_hand: ) والسلسلة الحديدية فكرتها جميلة, سلاح غصب تغرم فيه لانه شكله زاحف جداً ..لول جوست رايدر لو يصلحولو لعبة كيذا.

بدال تجميع النقاط لتطوير الشخصية .. يبيلك بس تجمع "الشاردز" اللي هي القطع اللي بالعادة تزود الهلث بار بالأجزاء القديمة ( الهلث بار أختفى بSS ) وعلى حسب لعبك إجرامي أو الهيرو .. أبجريدز منفصل لكل واحد.
والقصة .. كيوت وضحك xD دلسن ذا ينحب على طول وتروي بيكر (الممثل) مو مقصر معاه.

السلبية الوحيدة اللي خاطرة على بالي الأن:
- أنميشن التسلق المخيس لايزال نفسه من أول لعبة.
- نظام النقاااااااااااااااااااط

إنطابعي الأولي للعبة. لي عودة.