1- Fire Emblen Echoes
أنهيت القصة قبل أسبوعين تقريبا وكتبت انطباعي هنا
أمس أنهيت محتوى البوست-جيم، والي كان صعب جدا بالمناسبة، التحدي الوحيد الي لعبته في سلسلة فاير امبلم وقلت فيه "بس أبغى أفوز، مهما كان الثمن" وبالفعل فزت (بالكاد) بعد ما خسرت شخصيتين. حفظت على file جديد علشان لو قررت يوم من الأيام أرجع وأخلص التحدي بدون ما أخسر أي شخصية.
قصصيا محتوى البوست-جيم مرتبط بقصة awakening فالي لعب اللعبة زيي راح يعجبه المحتوى.
لسة فيه محتويات إضافية لكنها للأسف DLCs تنباع منفصلة. رغم إني أعترف إن ايكوز لعبة محترمة وبمحتوى ضخم وتستاهل 40$ لكن كثرة الDLCs شيء يقهر الصراحة ومو مستعد أدفع مبلغ ضخم حتى أعرف باقي القصص الجانبية في اللعبة. هاذي مو أول مرة بالمناسبة، awakening و fates كانوا نفس الشيء. فاير امبلم أسوأ سلسلة عند نينتندو من ناحية الDLCs.
2- Super Mario Odyssey
صحيح إني ختمت القصة في 2017 لكن بالنسبة لي ألعاب ماريو ما تخلص إلا لما أجمع كل النجوم/الأقمار أو أنهي التحدي الأخير. أعترف إن لسة باقي لي قمرين واحتمال أرجع لهم يوم من الأيام، لكن بشكل عام؟ ختمت اللعبة. التحدي الأخير كان ممتع.
3- Metroid Samus Returns
كتبت انطباعاتي عنها هنا.
أنهيتها أسرع مما توقعت، اللعبة قصير، وساعدني على إنهائها كونها إدمانية جدًا. كان من المفترض إنها تكون "لعبتي الجانبية بجانب هورايزون" لكن النتيجة إني أنهيتها قبل لا توصلني هورايزون حتى xD
4- VVVVV
كتبت انطباعي عنها هنا.
يا حليل ألعاب الاندي ممتعين وخفيفين وتخلصهم في يوم أو يومين فيساعدوك في إنهاء التحدي (&)
4/30