hits counter

تأكيد أن ذا لاست جارديان مازلت قيد التطوير :)

Zesky

True Gamer
هو في احد متحمس للعبة هذي لسة ؟ لول
والله لو انها ايش ماخذت كل ذا الوقت .. معليش مافيني انتظر سنين عشان لعبة, مهما كان مستواها

اللعبة واجهة مشاكل تقنية وتطلب الامر اعادة بناء لها حسب ما قيل.

ايضاً زي ما قال يوشيدا اللعبة تحتاج إعادة تقديم لما تجهز.

اي فان للفريق والسلسلة بينتظر اللعبة ومتى ما صدرت بيشتريها..

غير كذا الناس العادية ما حتهتم كثير.. ماعمرها العابهم كانت ضخمة مبيعياً او مرغوبه من العامه.
 

crazy_apple

True Gamer
يووووه ياأقوياء .. طار الحماس أجل :laugh::
قصة تطوير اللعبة جد يعني دراما للجيمرز, لازم يصلحو فلم قبل ماينزلوها .. تاخذ اوسكار لول.
متى أعلونها .. 2009 ؟ يااااه الوقت والله مشى >< أنا مدري عنكم بس أنا مو كل يوم اناقش الموضوع وكثير أنساه أصلاً, زين هالرسايل موجودة... اللي شغالة شغل تعذيب :joy:

شادو اوف ذا كلوسس كانت .. ماودي أعيد الأسطوانة, بس ودي أذكر , اللعبة كنز أثري, جوهر إبداعي, إبتكار الخ @_@ ... لذلك توقعاتي للعبة مالها حدود. بس 90% إحساس, الناس بتزعل يوم صدورها , وموجة الإحباط الخ .. متنبىء من الحين , لاأحد يتحمس : )
سوني أتمنى أنهم منتبهين على هالشي , توقعات الناس, ان نزلت توقعاتي من بعد الدراما اللي صايرة :joy:
 

mario0o

True Gamer
هههههه خلاص نسيناها.. ليش يذكرونا باللعبة
 

Rain

True Gamer
تريلر جديد+ موعد اصدار ولو مؤقت و بتشوف صفحات النت مليانه جفات بطل اللعبة يقفز بالهواء والوحش يطير له..
 

Veeto

True Gamer
^
ممكن أتفهم لو يصدرون ألعاب بفترات معقولة 3 -4 سنوات أشوفها معقولة جدا لكن معدل 8 سنوات ونصف مدري كيف تفيد سوني بمكتبة ألعابها
لعبتين قي 3 أجيال كاملة مدري كيف تفيد سوني بمكتبة ألعابها حتى على المدى الطويل.

ملاحظة بس فرق نينتيندو مهي كبيرة الفريق اللي كان يشتغل على ماريو 3دي وورلد عددهم كان 40 إلى50 شخص وزادو حتى صاروا 100 تقريبا قبل الإنتهاء من اللعبة
بمدة تطوير سنتين تقريبا .

902382-teamico_feb2002_super.jpg


طلعت غلطان بعد هم 22 وفيه 20 زيادة متوزعين بين استوديو اليابان وبين تيم ايكو .. الفريق صغير
بغض النظر عن المقارنات مع نينتندو .. نينتندو اسلوبهم في التطوير ككل مختلف

انا مهتم باجابة البولد .. كل ما تنوعت جينرات ومنتجات اي شركة .. كل ما كان منتجها نفسه موجه لجمهور اكبر
وبالتالي تكون عنده قابلية لعدد اكبر .. لا تفكر فيها بتفكير السيستم سيلر .. فكر فيها بالمنطلق الاكبر .. وبتشوف شلون مثل هالعناوين تؤثر بالصورة العامة
غيرها ... تعاون الاستوديوهات نفسها .. مثل استوديو هيفي راين ما بينهم وبين سوني الا اتفاقية نشر والعابهم بالمجمل حصرية
هالشي والعلاقة تتكون بين المطورين وبين سوني من خلال تجارب مثل هيفي راين او شادو
 

Andrew X

سابقاً Life
على كلامكم بأن اللعبة تم اعادة تطويرها من اول وجديد من تصريحات شركة سوني بأنهم - سيعيدون عن كشف اللعبة من جديد -
لذلك اقولكم تفائلوا..اذا كانت اللعبة مع لنش البلاي ستيشن 4 او بعد صدور الجهاز بأربع اشهر مثلا كذا يودا بيرضي الاعبين اللي انتظروا وقت طويل للعبة
اللي ابغاه في الجزء هذا بأنهم يحطون شخصيات واقعية اكثر مثل اغلب العاب الجيل حاليا (ذا لاست اوف اس , تومب رايدر , ذا ايفل وذين )
ويبتعد عن ستايل فاينل فانتسي والأنمي في تصميم الشخصيات ..لأن الأسلوب هذا ماعاد يوكل عيش في الجيل هذا واذا كانوا يبغون يوصولون لأكبر شريحة ممكنة من الاعبين ..وخصوصا ان الفريق عنده قدرات هائلة بقيادة يودا والعابهم تكون سباقة للجيل الحالي واللي بعده !!
 
التعديل الأخير:

BioMario

مصمم
إذا على كلامه شغله خلص على الأقل نبي نشوف ولو تريلر بسيط للعبه و طبعاً أكيد بتكون للـ PS4
 

S n A k e

Hardcore Gamer
ماماتوا اللي ينتظرون اللعه.؟؟؟

:thumbsdown:
 

Nyx

True Gamer
^على الأقل إحترمو نفسهم وبينزلوها كاملة.
مو زي اللي يخرفنون فانزهم بديمو :eek:k_hand:
 

SuperSysom

True Gamer
^
جاري البحث عن جبهة !

عفوا إن الجبهة المطلوبة لا يمكن اﻹتصال بها اﻵن !
 

M 7 L

True Gamer
ما عمره بيموت الحماس للعبة من هذا الفريق.

الشيء المرعب والمخيف والمحزن جداً هو بما أن للحين ما عرضو عرض جديد أو صور جديدة معناها ان اللعبة ما زالت غير قابلة للنشر!

لو كانت جاهزة تقريبا .. كان بيسوون لنا كم تيزر على خفيف .. لكن من الواضح انهم جالسين يشتغلون من الصفر + نقلها على جهاز جديد

بصراحة ماعتقد انهم بيصدرونها على البلاي3 .. ولو سووها احسها مضيعة فلوس من جد.


الشيء الي لازم يحطه في بالة اي واحد متحمس للعبة هو ان مهما كان حماسك خففه شوي لأن الفترة الا صارلك تنتظر فيها اللعبة

ما كانو يشتغلون عليها لإضافة تعديلات وإنما وديتيلز زيادة وإنما (لإعادة) الشغل فيها تماماً ...
 

AAH3:16

True Gamer
لو شركة سوني تحترم نفسها كان ألغت المشروع

لكن وش نقول اتمنى ماتكون توو هيومن جديدة
 

ifahadx

True Gamer
يااخي سوني مدلعة المطورين ولا تضغط عليهم مخليتهم على كيفهم لول

تخيلوا لو كانت اللعبة من نشر ea !! كان مع اول تأجيل يكنسلون اللعبة

هذا والجزئين السابقين (ايكو و شادو ) ماباعوا مبيعات ممتازة على ايام الـ ps2
 

M 7 L

True Gamer
^
حتى وإن ما باعت الألعاب هذا ما يغيّر من حقيقة بأن اللعبتين قدموا للأندستري شي جديد وروح جديدة للمطورين في مسارهم الفني البحت

لذلك كثير من الألعاب جاهم الهام من اعمالهم سواءا ايكو او شدو ..

وعلى فكرة صحيح إن اللعبة في البداية كان خطأ من المطورين لأن التطوير ما مشى حسب خطتهم واضطرو لإعادة بناء اللعبة

ولكن شفنا شنو قال يودا عن سوني بأنهم مع اصدار البلاي4 ساحبين عليهم ومركزين على ناك
 

crazy_apple

True Gamer
[]لو شركة سوني تحترم نفسها كان ألغت المشروع

لكن وش نقول اتمنى ماتكون توو هيومن جديدة

توو هيومن؟ مين اللي ناشرها؟ مين اللي مطورها؟ مدري مين اللي كان متوقع منها شي. يعني حتى عروضها زبالة.
فوميتا يودا , فريق ايكو , سوني ... هالمعادلة ماشية تمام. هذي لعبة ممكن .. شوف .. ممكن ,تطلع أزين شي في الحياة <_< مو بعيدة.

ايكو , شادو أوف ذا كلوسس ... شغل نوابغة!

====

"يااخي سوني مدلعة المطورين ولا تضغط عليهم مخليتهم على كيفهم لول "


:joy:
أنت من جدك؟ تحية لسوني انهم ماكنسلوها! وماستعجلوهم ,حتى صبرهم كل الوقت الطويل ذا, هذا مو شغل العاب رخيص وسطحية -_- . اللعبة هذي عليها هايب مو صاحي بسبب أعمال الفريق السابقة, اللي تعد قمة بصناعة الألعاب!
 

SoKo

Gamer
يوشيدا يقول ان اللعبة تمر بمرحلة re-engineering مع تقليص عدد الفريق يعني احتمال كبير جدا نشوفها على البليستيشن 4 (او الفيتا؟ او الستور؟)… خروج يودا من تيم ايكو ماله علاقة ابدا بتأخر اللعبة و القرار في الوقت نفسه كان صعب على سوني، ذكر في المقابلة انه انهى أغلب شغله في اللعبة من فترة طويلة لكن كيفية و وقت انهاء المشروع خارج عن سيطرته، سبب خروجه من الفريق سبب شخصي و اتوقع انه شغال على لعبة فيرست بيرسن الله يعلم وين و مع مين.

اوكي يمكن يستغرب البعض لو قلت ان فترة تطوير اللعبة تعتبر عادية نوعا ما (7-8 سنوات) و هالشي ما يمنع انها تطلع لعبة بيرفكت و قد التوقعات. اولا الفريق كان منهمك جدا جدا بالمحرك لدرجة انه مو قادر يطلع معلومات و صور للميديا لفترة طويلة، خلونا نقول سنتين. ثانيا، حجم الفريق الصغير و امكانياته المتواضعة مقارنة باستديوهات سوني في اوروبا و امريكا حد من كفاءة التطوير لدرجة انه لما احتاج مساعدة تقنية طلب يد العون من سانتا مونيكا، هالشي طبعا مب غريب على افرقة سوني و ياما حصل تعاون بين سوكر بنش و نوتي دوج.

ثالثا، في العاب كثيرة اخذت وقت طويل و طلعت بمستوى جيد جدا او ممتاز، من الجيل الماضي الن ويك و فل اوت ثري 6 سنوات تطوير L.A نوير 7 سنوات تطوير و من الجيل الي قبله رزدنت ايفل فور 6 سنوات تطوير، الالعاب هذي و غيرها بمختلف نوعياتها تأخرت لسبب او لآخر و طلعت بمستوى ممتاز. المشكلة مع ذا لاست جارديان انهم يرمون تصريحات و الناس تتحمس بعدين تتحسر، ديمو اللعبة المفروض ينزل مع كولكشن ايكو و شادو اوف ذا كلوسس و هالشي ما حصل، طبعا الكولكشن بدوره اشغل الفريق عن تطوير اللعبة بالاضافة الى مشاريع اخرى مثل ناك و ببتير الي اعطاها استوديو جابان اولوية اكبر في الآونة الاخيرة. تفائلوا يا جماعة الخير… ذا لاست جارديان قادمة عام 2014 برزليوشن عالي و 60 فريم.
 
أعلى