hits counter

بعد تجاربكم مع الاجهزة الجديد.. تنصحونا نشتري ولا ننتظر؟

nolongerempty

⠀⠀⠀
السلام عليكم..

امس رايح المجمع واشوف الاكسبوكس يناديني ويقول "بس عطني مجال! تعال تعال تعال".

كل مرة اشوفه وامسكه وافكر ان كل اللي ابغاه هو تجربة فخمة لسلستي المفضلة جيرز اللي مالعبت منها الا الثاني فقط. اغلب الالعاب اللي موجودة بالباس عندي على ps4 واغلبها مالعبتها.

القائمة الصادمة:

- Rdr2 خلصت اول مهمة او مهمتين

- Gow مالعبتها للحين بسبب كثرة الاعمال فوق راسي.

- ديس اونورد بجميع اجزائها.



العابي المفضلة اللي للحين مدري ليش ماختمتها

- ويتشر ٣
- سكايرم

فلذلك الدنيا تحدني اشتري ps5


المهم.. حقين اكس بوكس سيريس اكس و بلايستيشن ٥.

هل التجارب تسوى ولا تنصحونا بالانتظار؟ وياليت تفصلون لنا سبب الشراء من عدمه بالوقت الحالي.
 

MOSU

Another Side Another Story
لا انا عندي بلاي5 وما انصحك تشتريه الحين انتظر زيادة الى 2022 او 2023 افضل لك او الى نسخة البرو الوضع صحراء حاليا وفي مشاكل عديدة
 

Veeto

True Gamer
رايي الشخصي .. ساتحدث عن البلاي ٥ فقط
يعتمد على تلفزيونك .. 4K ام لا
اذا لا .. لا تستعجل بالشراء الآن .. الا اذا كنت مهتم بتجربة ريميك ديمون سولز .. والريميك للامانة مصقول ولعبة جيل جديد

اذا كانت شاشتك 4K .. فالخيار نسبيا اسهل .. لان تجربة ال 4K مختلفة لاغلب الالعاب .. هنا يدخل تفصيل ثاني .. اذا لم تجرب حصريات سوني في جيل البلاي ٤ .. فلا تحتاج لاجابة .. اشتر الجهاز .. اذا كان لديك باكلوج كبير .. ايضا اشتر الجهاز .. تجربة الباكوورد ممتازة جدا وتستحق شراء الجهاز لها

بشكل عام .. هناك قفزة جيل واضحة .. بلاي روم مثلا تلخصها مع الديوال سينس

اذا كنت ابديتد بالالعاب وليس لديك اي باكلوج .. ولا تفكر بديمون سولز .. انتظر ولا تستعجل
 

Good Hunter

True Gamer
انتظر، البس٥ خصوصا مكلف.
واعتبر شرائي له الحين اكبر مقلب، لانه اغلب الالعاب اللي شريته علشانها قادمة او ستصدر على البس ٤ باسوأ الاحوال.
اسعار ألعابه غالية، اتوقع اني دفعت ربع قيمة الجهاز لشراء الالعاب.
يد الجهاز خايسة، الجهاز عفش وكبير وضخم، الجهاز صارت الذاكرة فيه فل رغم انه ما كمل شهر. ناهيك عن المشاكل والتعليقات وعدم جاهزية نظام الجهاز.

اذا كان عندك PS4 ابقى عليه لين ٢٠٢٢ او لين ينزل سليم وتنحل مشاكل التخزين والجهاز وتنزل العاب كبيرة.


حسنة الجهاز الوحيدة ديمون سولز، مافيه اي سبب ثاني.
 

bits

True Gamer
بتكلم على البلاي ستيشن ٥ لأنه هذا الي عندي. اذا عندك لعبتين ولا ثلاثة من الجيل السابق ما لعبتهم لسه وجاهم تحديث للبلايستيشن ٥ بالإضافة إذا عندك إهتمام بديمون سولز فالجهاز يستاهل. كونترولر ممتاز و تطبيق خصائصه في لعبة استرو المجانية مع الجهاز رهيب بالإضافة إنه اللعبه نفسها مستواها ممتاز. أيضا الجهاز مع اخر تحديث خفت مشاكله.

غير كذا اصبر شوي وخذه لما تنزل له كم لعبة زيادة وتنزل اسعار ألعاب الاطلاق ( أنا أخذت ديمون سولز وساك يوينسخ فيزيائية بسعر ممتاز أقل بفارق عن سعرها الرقمي)
 

RE-load

True Gamer
السيريس اكس ما تعمقت فيه
لكن حرفيا مافيه شي غير العاب الجيل القديم
لكن الجهاز واعد بالعابه (المستقبلية)

Ps5 مافيه الا ديمونز سولز كلعبة جيل جديد
والعاب الجيل القديم جميلة عالجهاز زي قوست اوف تسوشيما وقود اوف وور

في النهاية زي ما قال اخونا @Veeto
الشاشة والباكلوق يلعبوا دور كبير
اضيف عليها اللودنق
 

Pineapple

True Gamer
البلايستيشن 5 عندي ، شخصياً ما أنصح أحد يقتنيه الا اذا مظطر لأن الجهاز يبدو فيه مشاكل كبيرة ، جهازي الأول خرب و بدلته بواحد ثاني.
 

منتقي

True Gamer
عن نفسي الموضوع مرتبط بشغلتين :

1- شراء تلفزيون يدعم 4k و HDR
2-نزول رزدنت ايفل 8 وراتشت اند كلانك للبلايستيشن 5

الوقت الحالي وحتى نهاية شهر 4 ميلادي مافيه اي شيء يدعوا لشراء الجهاز
 

صـلاح

True Gamer
بصراحة يا أخوي من كلامك يتبين لي أن وقتك ضيق جدًا

وحتى إن وجدت وقت فبيكون لألعاب محدودة ويمكن ما تلحق تخلصها كون فترة تفرغك قصيرة

في هذه الحالة ,, أشوف تجيب لك أرخص PC في السوق ,, أو ممكن xbox series s يمشي الحال معك

أجهزة الـ PS5 أو xbox series x ما تناسب لوضعك بحكم عدم تفرغك للألعاب فخسارة تشتري أجهزة قوية وأنت ما راح تستثمر فيهم كثير

+

في حل آخر ,, إذا كنت من النوع اللي يلعب بأي مكان اختصار لوقتك ,, ممكن أحد أجهزة نينتيندو تناسب ظروفك أكثر
 
التعديل الأخير:

aboooood

True Gamer
بالوقت الحالي خليك ع الجيل الماضي ،اولا الاجهزة الجديدة فيها مشاكل الاسعار غالية ثانيا مافي شي غير يروح عليك كل الالعاب راحت لسنة القادمة والالعاب النازلة ع الجيل الجديد موجودة ع الجيل السابق الا كم لعبة انتظر افضل حل


ونصيحة ثانية اذا ناوي تشتري سوني انتظر سنة ثانية لما ينزل سليم او برو
 

fatal framer

True Gamer
اقدر احجز لي نسخة اول ماتوصل.
في محلات اقدر اشتري منها بس يبيعونه باغلى من سعره الرسمي ففي الوقت الحالي ناطر بس شكله اقرب وقت نحصل دفعة منه بشهر 5 او 6 اتوقع وقتها يكون نازل الموديل اليديد
 

Zhuge Liang

Moms Are Tough
من الاخبار الي اشوفها بلاي 5 نفسه فيه مشاكل سوفتوير و هاردوير , بالنسبه لي انتظر نسخة برو او سلم
ايضا يد التحكم تحتاج صدور revision جديد يصلح المشاكل مثل ما حصل مع يد بلاي 3 و 4 , فأنتظر بلاي 5 سلم او برو مع يد محسنه افضل من الوضع الحالي
 

KH_m

True Gamer
ما عندك البرو او الون اكس؟ اشتر.
عندك؟ لا تشتر، انتظر.
نفس كلامه
أنا راضي أن اشتريت جهاز بيكون في بدايته PS4 Pro Pro مع كم حصرية محترمه كواحد عاش طوال الجيل الماضي على العادي
 

cult

True Gamer
القاعدة الذهبية
إذا بتنتظر لين تخفيض (-١٠٠) بعد كم سنة
او اشتره الان (نقطة)
 

ALONE

True Gamer
شخصيا كنت مثلك محتار وفعلا متأكد اني بستمر مع الون x لفترة من الزمن

بحكم فعلا الوضع تصحر لكل الجهازين سواء حصريات او طرف ثالث يستاهل

لاكن الي خلاني فعلا اخذ السيرس x

اني اشتريت شاشة تدعم 4k 120 فريم

فقلت انا شاري السيرس x شارية بأذن الله ليه مااخذه الحين واستمتع بجيرز 5 وكود بالـ 120 ايطار

وفعلا كان قرار موفق وايضا السيرس x ماشاء الله ممتاز ومايعاني من اي مشاكل تصنيعية
..........

شخصيا نهائيا ماانصحك تشتري فعلا مافيه اي شئ يخليك تشتري الا لو عندك شاشة 4K120
 

KhalidOwaAlha

True Gamer
اذا ماتهمك دارك سولز ريميك اخذ الاكس بوكس سيرس اكس و الاسباب كثيره جدا واولها القيم باس


ثاني سبب توفر دعم X360 مثل لوست اوديسي ولاست ريمننت
 

عاشق 360

True Gamer
انصحك بالسيرس اكس , القيم باس فيه العاب كثر شعر الراس , فوق هذا انت بتلعب العاب الطرف الثالث بأقوى نسخه ع الكونسول . علاوة على ذالك الجهاز يدعم احدث التقنيات من دولبي اتموس ودولبي فيجين وغيره .

مستقبل قوي ولاين اب خيالي .
 

NOBLE

Hardcore Gamer
انتظر، الـ PS5 مشاكل سستم و محيوس حوس.
الا اذا خاطرك بديمون سولز فيسوى انك تاخذه
 

خشبة

تيبس شراً
انا قبل ماتنزل RE8 بقليل شاريه ان شاء الله..

بس قاعد افكر بالتلفزيون المناسب ومحتار :(
 

Veeto

True Gamer
انا قبل ماتنزل RE8 بقليل شاريه ان شاء الله..

بس قاعد افكر بالتلفزيون المناسب ومحتار :(

توقيت ريزدنت ما يساعد لان التلفزيونات الجديدة ٢٠٢١ ما بتكون نزلت
حدد الحجم اولا وبعدها ابحث .. عندك الفئة العليا OLED LG
وعندك الفئة الاقتصادية X900H غيرهم لا تدور
 

Qué mirás bobo

True Gamer
البلاي ستيشن الخامس صفقة رائعة ونقلة كبيرة مقارنة بالجيل السابق، وبالتأكيد يستحق الشراء، لكنهُ ليس ضروريًا، فمكتبتهُ ليست ضخمة بالشكل الكافي، وبالإمكان بسهولة الانتظار سنة أخرى.
أكثر ما أعجبني في الجهاز هُو يد التحكم الثورية، هدوء الجهاز، التوافق المسبق وألعاب الجيل الماضي التي نالت التحسينات.
 

mamiqdadi

True Gamer
أنا مهتم أشتري السيريز إس قريبا لكن سعره في السوق عندنا مسخرة، أكيد راح أنتظر
 

BETTER GAMER

Hardcore Gamer
برأيي، لازال لدى الPS4 العمر الكافي حتى تكون أجهزة الجيل القادم لديها السعر والمكتبة التي تجعلك تفكر بأنها حقًا باتت تستحق الشراء :wink:
 
أعلى