باطلب God Of war فيه مشاكل ؟

[Rockman]

السلام عليكم :

ادري انا قديم حيل وما لعبت جود اوف وور لأسباب خاصة لكن الحين ودي العبها
رحت الرحاب تفاجات يقولون اللعبة ممنوعة لا اصلي ولا كوبي موجود.....
نزلت وحدة من النت حاولت مليون مرة ما تشتغل

فقلت ماكو الا اطلبها اون لاين
لكن خايف يسوون سالفة على انها "ممنوعة"

شرايكم شباب ؟

 

[Khalid-S]

ما اعتقد فيها شي لو طلبتها من الخارج ... يدخلونها عادي (في السعودية)

 

[Rockman]

ما اعتقد فيها شي لو طلبتها من الخارج ... يدخلونها عادي (في السعودية)

بالسعودية ممنوعة ولا تنباع عادي ؟

 

[Justice]

اممم في السعودية اصلية ماتحصلها لكن كوبي اذكر ذاك الوقت انتشرت في كل مكان

 

[hyuga neji]

رحت الرحاب تفاجات يقولون اللعبة ممنوعة لا اصلي ولا كوبي موجود.....

تنباع بالرحاب والفراونيه نصابين من تحت لتحت بس الي بالفروانية يعطيك اياها دايركت

فقلت ماكو الا اطلبها اون لاين
لكن خايف يسوون سالفة على انها "ممنوعة"

مايسون لك سالفة ولا شي اعرف ناس طالبنها ويدخلونها عادي

بالسعودية ممنوعة ولا تنباع عادي ؟

انا شفت يبعونها بالسعودية ماعتقد ممنوعة

 

[TenZen]

السلام عليكم :

ادري انا قديم حيل وما لعبت جود اوف وور لأسباب خاصة لكن الحين ودي العبها
رحت الرحاب تفاجات يقولون اللعبة ممنوعة لا اصلي ولا كوبي موجود.....
نزلت وحدة من النت حاولت مليون مرة ما تشتغل

فقلت ماكو الا اطلبها اون لاين
لكن خايف يسوون سالفة على انها "ممنوعة"

شرايكم شباب ؟

حاول تطلبها من الخليج افضل ..

التوكيل عندنا كان يبيع Pack of 3 games وحده منهم GOW بسعر تقريبا 45 دولار

 

[RIZE]

رحت الرحاب تفاجات يقولون اللعبة ممنوعة لا اصلي ولا كوبي موجود.....

ماذا ...!! @_@



عيل شلون بنلعب الجزء الثاني .... اكيد مثل ما قال hyuga neji الحين نظامهم من تحت لتحت .. والسبب البلديه .. لانها من فتره (( لا تتعدى الشهر )) شنت حمله قاسيه على اصحاب المحلات مواهاهاهاهاها .. والظاهر هالحمله أثرت فيهم لووول وزرعت عندهم الخوف والربكه وبعدم الثقه من الزبون الغير مألوف
<<< يا زين الفسفسه

 

[persona]

وزاره الاعلام منزله تصريحين بالجريده بخصوص حقوق الملكيه قبل يومين بجريده العالم اليوم

 

[THE-LEGEND]

حنا ممنوعه عندنا بالسعوديه لكن يهربونها وكل النسخ مضروبه-_-​

 

[Golden_Sun]

انا اقول اطلبها، وانت وحظك.

العادة تدخل عادي، لأن ياما طلبت اشياء المفروض "تُمنع" في الكويت لكن دخلوها عادي. ومرة طلبت The Simple Life اسحبوا! (مع انه ينباع اصلي بالكويت!!).. فأرجع اقول "انت وحظك".

 

[ASWD]

اهم شي ماهي ممنوعة في الامارات..لان المحل اللي اتعامل معاه ياخذ العابه من هناك -ـ-

 

[Death match]

بأسواق الجهرا مافي شئ ممنوع