SoKo
Gamer
الاليت كنترولر (Xbox Elite Wireless Controller) هو باختصار جهاز تحكم من مايكروسوفت يشبه جهاز تحكم الاكس بوكس ون و لكن مع إمكانية الكستمايزيشن (تخصيص التحكم و تغييره حسب الرغبة). بعد انتظار طويل أخيرًا صار متوفر و قدرت أجربه لمدة يوم في أكثر من لعبة (شوتر/سيارات/قتال/بلاتفورم) و أتوقع أقدر أجاوب على أغلب التساؤلات المتعلقة فيه. الي متردد يشتريه بسبب السعر حاليًا 699 درهم (السعر الرسمي حسب مايكروسوفت السعودية 579 ريال سعودي) يقرأ هذا الموضوع و أتمنى يستفيد..
أهم المزايا الي يقدمها الجهاز ؟
- إمكانية التبديل ما بين 6 عصا للأنالوج (عصا الابهام)، كلها معدنية و مختلفة في الحجم/الشكل/الطول، اختيارك للعصا المناسبة ممكن يعزز الدقة و السرعة و الاستجابة أثناء اللعب.
- الدي باد يوجد بشكل مختلف (دائري) ليسهل عمل الكومبوز في العاب القتال، أو بشكله العادي التقليدي.
- قطع خلفية تقدر تثبتها لتسهيل التحكم (القفز أثناء اطلاق النار مثلاً) من غير ما ترفع الابهام من عصا الأنالوج.
- إمكانية التحكم بعمق التريجر العلوي عشان تقدر تطلق رصاص بشكل أسرع أو بالمعدل الي تحبه.
- ضبط حساسية التحكم و تغيير مواقع الأزرار و حفظ 255 تشكيلة تقدر ترجع لها بعدين (ما تقدر تحفظ أكثر من 2 في الكنترولر).
-مريح لليد و مصقول بشكل فاخر مع قبضة مطاطية من الخلف تقوي مسكتك للكنترولر حتى بعد فترات طويلة من اللعب.
محتويات العلبة بالضبط ؟
- Xbox Elite Wireless Controller
- Carrying case
- Set of 4 paddles
- Set of 6 thumbsticks: standard (2), tall (2), and domed (2)
- Set of 2 D-pads: faceted and standard
- USB cable
- AA batteries
- Quick Setup Guide and Product Manual
شريت الجهاز و ما عرفت كيف أضبطه أكثر عشان العب ؟
لازم تنزل تطبيق على الاكس بوكس ون اسمه Xbox accessories app و بعد ما تدخل عليه بتحصل كل شي يخطر على بالك، هذي الازرار القابلة للإدخال عشان تغير مكانها:
- A, B, X, and Y
- D-pad up, down, left, and right
- Left and right bumpers
- Left and right trigger activation
- Left and right thumbstick click
اذا كنت من محبين العاب السباقات مثل فورزا 6 تقدر تستخدم القطع الخلفية كغيارات للقير، و طبعًا تخلي التريجر العلوي RT و LT أعمق عشان تقدر تتحكم بالسيارة عند المنعطفات، أما بالنسبة لألعاب الأكشن و البلاتفورم فالتركيز أكثر بيكون على عصا الأنالوج لأنك بتتحرك كثير و بتغير الكاميرا فشوف الي يناسبك أكثر.
ممكن أشتري الجهاز عشان استخدمه للبي سي ؟
اذا عندك ويندوز 10 بتقدر تشبكه على طول أما ويندوز 7 و 8 فتحتاج تنزل الدرايفرز من موقع الاكس بوكس الرسمي، الاستخدام بيكون عن طريق وصلة USB تحصلها في الكرتون ( الوايرلس ادابتر بيتوفر بعدين لو حاب تلعب بدون واير).
كيف كانت تجربتك الشخصية ؟
بالنسبة لي أكثر شي لعبته هيلو 5 و أتوقع الملاحظات الي بذكرها تحت ممكن تنطبق على أي شوتر. طبعًا اعدادات التحكم عندي Bumper Jumper و ال Sensitivity رقم 2 لأني العب اونلاين دايمًا على شاشة 32 بوصة أو أقل. مع الاليت كنترولر أول شي فكرت فيه عصا الانالوج مثل ما تشوفون في الصورة تحت:
- عصا الانالوج على اليسار متوسطة الطول عشان الحركة تكون سلسة و سريعة.
- عصا الانالوج على اليمين طويلة عشان دقة و حساسية التصويب.
- الدي باد ما يهمني أي واحد لأني ما استخدمه تقريبًا.
- التريجر RT (اطلاق النار) خليته أقل غزارة من العادي (اغزر من RB بشوي) عشان اطلق عالعدو أسرع بمجرد ما أشوفه.
حاليًا أحاول اتفلسف في الابلكيشن عشان أوصل لأفضل حساسية تصويب تناسبني (لعيون الهيدشوتس XD)
هل تنصحني أشتري الجهاز ؟
أتوقع أغلب المميزات انذكرت فوق فخلونا نشوف السلبيات:
السعر و البطارية الغير قابلة للشحن تقريبًا أكثر شي ممكن يخلي الواحد يتردد، أيضًا ممكن ما يكون الكل مهتم بفكرة التلاعب بالتحكم، من وجهة نظري الكنترول ما يحول الشخص من عادي لمحترف مثلاً.. لكنه يحسن الأداء بشكل واضح جدًا خصوصًا في العاب التصويب.
حاليًا أحاول أجيب Achievement هيلو 5 عاللجندري Solo و مستمتع بالتحكم.
الي عنده أي سؤال يتفضل
التعديل الأخير:
