hits counter

انطباعات ديمو رزدنت ايفل7 الاخير "تم التأكيد , كابكوم اتخذت الطريق الصحيح"

W.W.W

True Gamer
اوكي قبل كل شي حبيت اقول ان التحديث يضيف 3 حاجات جديده , دعم البلاي4 برو ليعطي تجربه افضل جرافكسيا سوائا على الفي ار او التلفزيون العادي , دعم تجربه بالفي ار , تغييرات واضافات جديده ما بكشف عنها , اكتشفوها بنفسكم ^^"

اوكي بعد تجربتي كمالك للVR و الPRO , ما اقدر اقول الا

3ea24fc3f2a6f2995fb1eafe225bac08.gif~c200


كابكوم كابكوم كابكوم كاااااااااااااااااابكووووووووووووووم @@ ! ايش هذا ؟ حرفيا عاجز عن التعبير , ما اعرف هل مفروض امدح تقنية الواقع الافتراضي ؟ ولا البرو ؟ ولا اللعبه نفسها ؟ كل الي اقدر اقوله ان بكل هذه التقنيات اجتمعت و طلعنا باعظم تجربه رعب واقعيه في التاريخ "كديمو" , الاحساس الي حسيته وانا داخل عالم اللعبه شي لا يوصف ولا بمليون ريال ! شي مستحيل تحس فيه الا لمن تجربه بنفسك

رزدنت ايفل7 بعد التحديث الاخير هي افضل لعبه جرافسكيا على الفي ار , جربت ديمو المطبخ وذكرت سابقا ان الجرافكس كان مليأ بالتعرجات لكن تحديث البرو ؟ كل شي ناعم والصوره نظيفه @@ , رزدنت ايفل7 اعظم تجربت رعب على الفي ار , رزدنت ايفل 7 اعظم لعبه في ار جربتها لحد الان بشكل عام , سوائا على صعيد التحكم والجرافكس وحتى الرعب


لحد الان مب مصدق , هل بلعب اللعبه كامله بهالشكل ؟! @@ حرفيا هذا هو الحلم لكل عاشق لالعاب الرعب وعاشق لرزدنت ايفل الريميك بالتحديد , شعور اسطوري وانت تتمشه في الممرات الضيقه بالفي ار وتشاهد تفاصيل البيئه من فوق وتحت , انك تمشي ببطيئ وتتأمل في البيئه هذه متعه لحالها , ما عمري فكرت اتعمق في بيئات الالعاب كثر لمن جربت الفي ار , هنا فعلا تحس الاشياء امامك وتنبض بالحياه !

بنسبه للاضافات الجديده ما بتكلم اكثر , لكن نصيحه لا تدخل الباب الجديد الا ومعاك فأس ^^"

ونصيحه اخيره , لا تشتري رزدنت ايفل7 الا ومعاك في ار والبرو معا ولا بتفوت نص عمرك !
 

شيطون

Fortnite Lover
اللعبة فيها تفاصيل جانبية ومدسوسة بطريقة رهيبة


واااااااااااااااااااااااو
 
التعديل الأخير:

The King Joffrey

Hardcore Gamer
امس رحت لpsx جرب far point على الpro , تحسسن كبييييير , صدق من قال الVR كانت المفروض للPRO
لان صدق تحس بفرق كبير واذا رحت بحافة جبل تحس انك صدق تشوف من فوق الجبل
مانطلع عن الموضوع , من اول ترجبه للديمو القديم وانا اقول ان اللعبه فيها ابداع كبير كلهم زعلوا عشانه بسFps


للحين ماجرب الديمو الجديد , يمكن الليله بجرب واشوف
 

YazeedVx

True Gamer
احمل الديمو القديم وبتجيني الاضافات صح؟ + هل فيه شي يسوى لشخص مامعه VR؟
 

W.W.W

True Gamer
احمل الديمو القديم وبتجيني الاضافات صح؟ + هل فيه شي يسوى لشخص مامعه VR؟
هو بالتجربتين رهيبه لكن في فرق كبير لصالح الفي ار خصوصا كونها FPS
 

شيطون

Fortnite Lover
فائدة الاصبع اخيرا انعرفت
 

NIGHTMARE HUNTER

True Gamer
كلامك يا عبد الله يفتح في نفسي تساؤل: بما أن التجربة على طرفية VR أكثر تكاملا إذا ما صاحبها جهاز سوني المطور، فمراجعات اللعبة حتكون مبنية على إيش تحديدًا؟ لنفرض مراجع جرب اللعبة على البرو والفي آر مع بعض والثاني جربها على الفي آر مع الجهاز العادي وآخر جربها بدون الطرفية ولا الجهاز المطور مو لازم في هاي الحالة نتوقع تناقض كبير جدا في المراجعات؟
في النهاية أعتقد إذا اللعبة ما أثبتت نفسها فلا الفي آر ولا البرو حيشفعولها يوم تكون بين أيدي اللاعبين
 
التعديل الأخير:

Ray Gun

Banned
سعيد بصراحة بعد ماسمعت كلامك
واضح ان كابكوكم كانت مؤمنة بالي قاعده تسويه رغم كل الانتقادات الي جتها وانا واحد من الي انتقدهم على فكره، اتمنى لها النجاح تستاهل كابكوم، الناس صارو يضغطون عليها بشكل رهيب
 

AliAlwazzan

True Gamer
اوك بعد تجربت الديمو الكامل اقدر اقول واو كابكوم كل شي رهيب كل شي رهييب لعبة لعب محترمه حتى لوكانت ك ريزي بعيده نوعا ما اكيد اول لعبه ليي في السنه الجديده
بس سؤال فين اجد الفأس :rolleyes:
 

AliAlwazzan

True Gamer
وصح نسيت اقول اسف كابكوم ووعد هذي اخر مرة انتقد لعبه بدون ما اجرب شي منها :p
 

شيطون

Fortnite Lover
اوك بعد تجربت الديمو الكامل اقدر اقول واو كابكوم كل شي رهيب كل شي رهييب لعبة لعب محترمه حتى لوكانت ك ريزي بعيده نوعا ما اكيد اول لعبه ليي في السنه الجديده
بس سؤال فين اجد الفأس :rolleyes:

 

W.W.W

True Gamer
توني احصل على مسدس , يا رباه ! التصويب عن طريق الفي ار تحفه @@ مع اني كنت اتمنى انه يدعم الموف , لكن حتى مع ذلك يضل رهيب واحسن من الكنترول العادي

لحد الان طلعت النهايه السيئه والملوثه على قولتهم , ما اعرف كيف اطلع النهايه الجيده :/
 

Random

True Gamer
وصح نسيت اقول اسف كابكوم ووعد هذي اخر مرة انتقد لعبه بدون ما اجرب شي منها :p
ما هو هذا الي نحنا كنا قاعدين نقوله كل يوم من بعد ما اعلانهم عن اللعبة :( عموماً سعيد جداً بإن اغلبية الnaysayers عندنا في ترو غيمنغ اعطوها فرصة.

باقي @dro ابيه يعطيها فرصه على الأقل، ابي اقرأ انطباعاته.
 

Dr.Zero

Banned
توني احصل على مسدس , يا رباه ! التصويب عن طريق الفي ار تحفه @@ مع اني كنت اتمنى انه يدعم الموف , لكن حتى مع ذلك يضل رهيب واحسن من الكنترول العادي

لحد الان طلعت النهايه السيئه والملوثه على قولتهم , ما اعرف كيف اطلع النهايه الجيده :/
لازم الوحش مايلمسك ابدا...
 

شيطون

Fortnite Lover
الا احد جرب يلعب باصوات يابانية ؟؟؟
حسيت الحوارات افضل

باقي @dro ابيه يعطيها فرصه على الأقل، ابي اقرأ انطباعاته.

خله اول شيء يعطي XV فرصة وبعدين يعطي RE7 :p

لحد الان طلعت النهايه السيئه والملوثه على قولتهم , ما اعرف كيف اطلع النهايه الجيده :/

لازم ماتتلوث يلوثك
 

W.W.W

True Gamer
لازم الوحش مايلمسك ابدا...
اذا لمسني يصير النهايه الملوثه لو صعدت النافذه ^^ , توني مطلع النهايه الحقيقيه

مع ذلك مازاله في اشياء غامضه , الدفتر الفاضي ايش فايدته ؟ اما الاصبع شفت حل له في اليوتيوب لمن طبقته ما صار شي :/
 

Fatale

True Gamer
كفان للسلسلة وبعد تجربتي للديمو اقدر اآكد :


هذي رزدنت ايفيل بهوية جديدة لجذب لاعبين جدد! اللعبة واضحه من الاساس انها للVR لكن كنت متفائل الى اخر لحظة

اللعبة بعد التحديث الجديد تصرخ سايلنت هيل وفيه امر كنت مستعرب منه في السيزون باس علاج واعشاب في السيزونo_O وتاكد لي في الديمو الفكرة الغبية من لمسه ممكن تموت!!

اللعبة واضح انها تعتمد على عدم المواجه الا في المواقف الحرجة. يعني نظام الهرب مثل اوت لاست!

وهذا يفسر قلة الاسلحة والطلقات ومن الحين اقولها في النسخة النهاية للعبة لازم توفر كل طلقه وكل خطوة لازم تحسبها .

نجي للإيجابية:D

اتوقع اللعبة فيها تويستات مجنونة وعاطفية بحكم ما شفناه في ريفليشن 1-2 واكثر من نهاية واشياء كثيرة غامضة بتنكشف لك اذا اتبعت اكثر من مسار في اللعبة وايضا الالغاز .

والاكيد اللعبة بالVR بتكون تجربة مست لكن بالعبها على الجهاز العادي وبدون الطرفية :)
 

Tia

ᴛʜᴇ ROTTEN-UNTAINTED
المحتوى الجديد هو نفسه في الديمو الي جا قبل فترة صحيح بس سوو له أبديت؟
 

SULTAN 3

True Gamer
بالنسبه للي جربو الديمو هل فيه اللغه العربيه ؟ اي نصوص اضافيه للغة العربية ؟ وياليت الواحد يذكر من اي ستور حمل الديمو علشان انا مهتم اجربها باللغه العربيه ..
لأن فيه بعض العاب الستور الامريكي تجي معاه اللغه العربية
 

Tia

ᴛʜᴇ ROTTEN-UNTAINTED
تقريبا نفسه بس يمديك اتقول هذا الديمو الحقيقي الكامل

انا قصدي ان المحتوى الجديد الي جا ادخله من الديمو الي حملته شهر يونيو الي راح؟

لان بحثت في الستور و ما لقيت ديمو جديد.:D

الظاهر ان الكلام فوق صحيح.^^
 

CODE-X

عضو فريق TG كورة أوروبية
بالنسبه للي جربو الديمو هل فيه اللغه العربيه ؟ اي نصوص اضافيه للغة العربية ؟ وياليت الواحد يذكر من اي ستور حمل الديمو علشان انا مهتم اجربها باللغه العربيه ..
لأن فيه بعض العاب الستور الامريكي تجي معاه اللغه العربية
انا محمله من الامريكي على ما اذكر و كان فيه العربية
 

W.W.W

True Gamer
كفان للسلسلة وبعد تجربتي للديمو اقدر اآكد :


هذي رزدنت ايفيل بهوية جديدة لجذب لاعبين جدد! اللعبة واضحه من الاساس انها للVR لكن كنت متفائل الى اخر لحظة

اللعبة بعد التحديث الجديد تصرخ سايلنت هيل وفيه امر كنت مستعرب منه في السيزون باس علاج واعشاب في السيزونo_O وتاكد لي في الديمو الفكرة الغبية من لمسه ممكن تموت!!

اللعبة واضح انها تعتمد على عدم المواجه الا في المواقف الحرجة. يعني نظام الهرب مثل اوت لاست!

وهذا يفسر قلة الاسلحة والطلقات ومن الحين اقولها في النسخة النهاية للعبة لازم توفر كل طلقه وكل خطوة لازم تحسبها .

نجي للإيجابية:D

اتوقع اللعبة فيها تويستات مجنونة وعاطفية بحكم ما شفناه في ريفليشن 1-2 واكثر من نهاية واشياء كثيرة غامضة بتنكشف لك اذا اتبعت اكثر من مسار في اللعبة وايضا الالغاز .

والاكيد اللعبة بالVR بتكون تجربة مست لكن بالعبها على الجهاز العادي وبدون الطرفية :)
يا كرهكم لتجديد :/

لا ما يموت بضربه وحده , مين قال لك هالكلام ؟ تحتاج 3 ضربات على الاقل على شان تموت منه لكن في النهايه راح تخلص الديمو بالنهايه الملوثه , لازم ما تنلمس على شان تخرج من البيت
عنصر الهروب في العاب مثل رزدنت ايفل مهو بالامر السيئ , تراها لعبه رعب في النهايه , انا يكفيني ان عندي مسدس على شان اقدر اقول عنه رزدنت ايفل كلاسيكيه

اللعبه كل شي يصرخ فيه رزدنت ايفل الا حاجتين فقط

المنظور الاول ومسامحه على شان الفي ار

وثاني شي قلة الاعداء الي ما ندري هل هم قليلين فعلا ولا كابكوم متكتمه عن الباقي

اي واحد يقول اللعبه هويتها جديده , الي يسمعه ان الخامس والسادس هم الي مقطعين ام هوية السلسله -_-" , اشوف رزدنت ايفل7 رزدنت ايفليه اكثر من اي شي صار من بعد الثالث مش حتى الرابع , هذا وانا اعشق الرابع عشق مب طبيعي

هو ثاني جزء يرجع لنا فلسفة قصر المرعب وحل الالغاز فيها نفس الريميك , بل يمكن هي اللعبه الوحيده بجانب الريميك الي تعطينا هالفلسفه
 

W.W.W

True Gamer
بالمناسبه اللعب بالفي ار مرعب جدا -_-" , مهما حفظت اللعبه , بمجرد انك تشوف المخلوق البيلوجيه يمشي قدامك تتجمد من الخوف T_T"

احد قدر يواجه الوحش بالمسدسات ؟ كأني شفت واحد في اليوتيوب سواها , كيف بضبط ؟ لان بمجرد ما اهرب منه واحصل المسدس اورجع نفس المكان احصله اختفى
 

شيطون

Fortnite Lover
اذا لمسني يصير النهايه الملوثه لو صعدت النافذه ^^ , توني مطلع النهايه الحقيقيه

مع ذلك مازاله في اشياء غامضه , الدفتر الفاضي ايش فايدته ؟ اما الاصبع شفت حل له في اليوتيوب لمن طبقته ما صار شي :/

فائدته بالاصبع
كل ماعملت شيء بالاصبع تنكتب في الدفتر
على ماظن فيه شيء معين لازم تسويه حتى تطلع فائدة الاصبع

بالمناسبه اللعب بالفي ار مرعب جدا -_-" , مهما حفظت اللعبه , بمجرد انك تشوف المخلوق البيلوجيه يمشي قدامك تتجمد من الخوف T_T"

احد قدر يواجه الوحش بالمسدسات ؟ كأني شفت واحد في اليوتيوب سواها , كيف بضبط ؟ لان بمجرد ما اهرب منه واحصل المسدس اورجع نفس المكان احصله اختفى

خذ الصمام وارجع بدون ماتشوفه حتى
 

Lord Kaido

ONE PIECE (23) YEAR
قاعد احمل فيها واثق بتجربة فريدة في عضو بكابكوم يونتى بعشق كابكوم بدرجة خرافية مثلى واحسه ان ذوقه مشابه لى بدرجة كبيرة مدح الديمو بشكل لا يوصف غير كونسبت اللعبة والبوتنشل والقدرة علي ارعب الاعبين بدون الجامب سكير البايخ تبع الاطفال بل بسبب قلة الموارد والتوتر واللعبة تعتمد بشكل كبير علي السرفايفل وفعلا اللعبة الملهم لها الجزء الاول بشكل واضح

كابكوم قاعدة تتحسن يا ناس شركتى المفضلة

اهم ما يميز هذه الكابكوم التغير
 

used2Bcat

True Gamer
مو مصدق أبداً ان هذه لعبة Capcom مصقولة وممتازة جداً ك جرافيكس واتموسفير مرعب. من زمان عن شيء خلاني أرتبك زي كذا. حتى Rush of Blood كانت تخوفني أكثر كRollerCoaster من إنها مرعبة.
خلصت الديمو 3 مرات، عالVR و العادي مع الPro، رهيبة حتى بالتحكم بين الأثنين. طلعت نهايتين بس. وخلاص وقفت، داي مذر ون.

بالنسبة للMove ما جربته، هل يحتاج جهازين ولا واحد يكفي بس يا @W.W.W ؟

تحديث: خلاص انسى قريت ردك انه ما يدعم الMove أصلاً على ما يبدو.
 

ALONE

True Gamer
ابي البرو والفي ار الحين ::cry::
متحمس بشكل مجنون شكرا شباب على الانطباعات الحماسية
قرب وقت شرائي للفي ار والبرو::lebb::
 

sol-bad

True Gamer
توني احصل على مسدس , يا رباه ! التصويب عن طريق الفي ار تحفه @@ مع اني كنت اتمنى انه يدعم الموف , لكن حتى مع ذلك يضل رهيب واحسن من الكنترول العادي

لحد الان طلعت النهايه السيئه والملوثه على قولتهم , ما اعرف كيف اطلع النهايه الجيده :/
اخبرك :smirk: اعرف كيف تتطلع النهايه الصحيحه
 

FANTASTIC DREAM

sugar man, colors to my dreams
اللعبة واضح انها تعتمد على عدم المواجه الا في المواقف الحرجة. يعني نظام الهرب مثل اوت لاست!

الخمس ساعات اللي لعبها IGN كانت عِباره عن هرب، أولاً لإن الرصاص دائماً غير كافي عشان تخلص على كل الوحوش أو تنهي جاك في كل مره يظهرلك.

ثانياً، لما تنهي جاك و تطيحه على الأرض، بتسمعه بعد فتره بيقوم وهذا بيخليك تحس إحساس فضيع بإن رصاصك راح على قِلة فايده.

لذَلِك في كثير من الأحيان إضطر إنه يستخدم الرصاص فقط عشان يعطيه فرصه للهرب. و أثتاء هربه من الفاميلي كان بسرعه يحاول يلقى أي شيء يساعده على الهرب.

أنا أعتقد فِعلاً إن اللعبه بتعطيك خيارات مُختلفه، لكن اللي خِفته و حصل إن خيار الهرب فيها أكثر قوه و أكثر منطقيه.

هي تضل مش أوت لاست حتى بمعرفة هذا، و حتى الهرب مُختلف عن الهرب في أوت لاست مثلاً.
 
أعلى