الموضوع الرسمي للتصوير والمصورين / تحديث : شاركونا صور إنستجرام

[Madainee]

حبيت اشارك الصور ألي بالعشوائيات بهالموضوع (&)
http://www.true-gaming.net/boards/showpost.php?p=633969&postcount=2496

سعروره حرام الي تسويه هههههههههههههه :laugh::

لا بس صراحه لو كنت في بريطانيه كان جبت كميه او تشكيله كبيره
لغرفتي :inlove:

 

[s3rorh]

بو 87 .. صوره الركجمه حلوه

maxi4g خلي الناس تتعذب .. مو بس أنا :smug:

 

[Snake-87]

ركجمة?

 

[Nin Boy]

ركجمة?

Surfing

 

[Boo22]

ركمجة = ركوب + امواج

 

[Burdegation]

في احد يعرف كم سعر استبدال السكرين البروتكر لكانون 500d لان اللي عندي مكسوره مثل هذه

بس الشاشه الحمدالله ماصارلها شي شغاله عادي بس يبيلي ابدل الحمايه

و هل هالسكرين البروتكتر تنفع ابدلها فيه ؟
http://www.amazon.com/GSS-Caoted-Op...4?ie=UTF8&s=electronics&qid=1281651710&sr=8-4
http://www.amazon.com/GGS-Optical-G...1?ie=UTF8&s=electronics&qid=1281651710&sr=8-1
http://www.amazon.com/GGS-Optical-S...6?ie=UTF8&s=electronics&qid=1281651710&sr=8-6
http://www.amazon.com/GGS-Optical-G...1?ie=UTF8&s=electronics&qid=1281651710&sr=8-1

مادري شنو الفرق بينهم -_-

 

[أوكازو]

نجد 2006
Nikon D200, Nikkor 24-120mm

 

[أوكازو]

Golden

 

[Snake-87]

ما شاء الله الأخيرة رووووووووووعة , بالنسبة لنجد 2006 ممكن أشوف الصورة الأصلية ؟

 

[Dr MaD]

الحشرة الذهبية .. ذهبية !

 

[s3rorh]

:surprised:
ما شاء الله .. رهيبه

 

[Tomb raider]

بحط بعض الصور اللي احطها دايما بFaceBook ، صغرت حجمها بس عشان يسهل التحميل .. الجوده اقل

 

[أوكازو]

شكراً لكم شباب .. من ذوقكم ..

Snake-87
مدري وش تقصد بالأصلية؟
إذا تقصد الملونة .. فللأسف هاردسكي جاب العيد ذات مرة و راحت كل الصور اللي عندي..
و إذا كان قصدك تسأل عن شيء آخر.. تفضل

 

["a7mad"]

اوكازو ما شاء الله خرافية الصورة .. اذا عندك ايفون تصلح تحطها خلفية لوول

ذهب ما شاء الله


Tomb raider

اعجبتني صورة كوب ستار بوكس و صورة الجيتار ..

ما شاء الله عندنا ناس فن .. و ياليت تشاركونا صوركم اكثر .. لان الموضوع ينشط شوي و ينام -_____-

 

[Snake-87]

مدري وش تقصد بالأصلية؟

الصورة بدون تعديلات .

إذا تقصد الملونة .. فللأسف هاردسكي جاب العيد ذات مرة و راحت كل الصور اللي عندي..

خيرها بغيرها , معوض إن شاء الله ^^

 

[Snake-87]

بس الشاشه الحمدالله ماصارلها شي شغاله عادي بس يبيلي ابدل الحمايه

الشاشة طالعة لي برة ؟ مثل الصورة إلي بآمازون ؟ إنت مركب لها حماية وإلا البلاستك الخارجي انكسر ؟
عندك صورة واضحة لكامرتك على جنب بالشاشة ؟

 

[Burdegation]

^
خلاص صلحتها ب7 بالوكاله P:

و شريتلي بروتكتر للشاشه, لاضرر من حمايه اكثر

 

[أوكازو]

الصورة بدون تعديلات .

خيرها بغيرها , معوض إن شاء الله ^^

عموماً الصورة عبارة عن FineArt دمجت فيها السماء و النفود
طبعاً اخذت كل الصورتين بنفس اللحظة
كان الجو وفتها خرافي و الهلال كان بقلب السماء فرق
فتذكرت نقاش اثنين الشباب كانوا عند الشاطئ يصورون و كان القمر مرتفع نسبياً
فقال الاول لو القمر تحت سوي بس!!!
قال الثاني و مالو نقربه لك :laugh::

فأخذت صورة لقلب السماء فوووق و دمجتها مع النفود.


بالمناسبة الذهبية ماجاها تعديل بالفوتوشوب.. الكونتراست و الشارب مباشرة من العدسة
من بعد هالصورة و انا حاب العدسة اللي صورتها فيها و صارت عدستي المفضلة
حتى اني بعت كل عدتي و العدسة هذي ما ازال محتفظ فيها
و هي موقوفة من الانتاج حالياً

الكاميرة Nikon D70s
العدسة Nikkor 105mm f/2.8

 

[Burdegation]

في احد يعرف مواقع زينه تقارن بين العدسات (للكانون)
بخاطري 70-300مم بس ابي اقارن بين كم عدسه عشان اعرف اذا كان فرق السعر يسوى

و مواقع فيها توتوريالات و حركات للتصوير ؟

 

[Painkiller Q8]

حبيت اشارك .. الصوره صورتها في ماليزيا .. الي يبي يضحك يحفظ الصوره ويشوف نوع الكامره ^__^ .. على قولت احد المصورين المحترفين .. يقول انت عندك حس تصويري غني ولاكن كامره مضحكه لول !

طبعا بس عدلت الكونتراكتس في الفوتوشوب ! ENJOY !

 

[i7asan]

صور من تصويري بعدسة الجالكسي اس

 

[MohamedEgy]

ِشباب محتار بين كاميرتين

دى
http://www.amazon.com/Fujifilm-Fine...bilized/dp/tech-data/B0035JD0DW/ref=de_a_smtd

او

http://www.amazon.com/Sony-DSC-W350...r_1_1?s=gateway&ie=UTF8&qid=1285501093&sr=8-1

على فكرة انا مبدأ معرفش اى حاجة عن التصوير

 

[Burdegation]

لشنو تبيها بالضبط ؟

تبي كامرة تتعلم فيها فنون التصوير و الدخول في احتراف هل هالهوايه (بس بتكون كبيره و ماتدخل الجيب)
او تبي كامرة تدخل الجيب و تاخذها كل مكان معاك و تضغط زر التصوير و خلاص (و تكون بدون امكانيات تحكم احترافيه, الا اذا كانت ميزانيتك عاليه)

و كم ميزانيتك ؟

 

[MohamedEgy]

الميزانية فى حدود السعر اللى فوق

مممم ما اعرف اية الاحسن والله

تنحط بالجيب او لا

المهم تكون تصورها حلو ونقي وتصور فيديو

 

[Burdegation]

اخذلك السوني اذا

 

[Lonely Heart]

اخذتها لما كنت بميونيخ في الصيف

 

[Silent Dream]

نصحوني الشباب بكانون ونيكون , واحد قالي نيكون لتصوير أشخاص أفضل و كانون كتصوير مناظر أفضل .. مدري هل كلامه صحيح أو لأ .
عموماً .. حبيت أعرف وش تنصحوني فيه كمبتدأ ؟

لونلي : صورتك "خورافية" باختصار ! ما شاء الله .

 

[Burdegation]

شكرا :

بس اي صوره لانهم كلهم طالعين ممسوحين عندي

بالنسبه لايهو الاحسن فهذا شيء راجعلك, فأحسن كامره للمبتدئين اهم:
canon 550d
Nikon D90

http://www.digitalreview.ca/content/Canon-Rebel-T2i-EOS-550D-Compared-to-Nikon-D90.shtml


و دورك انك تقرى عنهم و تشوف المقارنات بينهم على شان تقدر اتقرر ايهي الاحسن لك بس حط ببالك شيء مهم انك اذا قررت تاخذ نيكون مثلا و شريت عدسات لها راح تظل على النيكون على شان اذا شريت كامره يديده تقدر تستعمل هالعدسات عليها, على شان جذي اتشوف اكثر اصحاب هالهوايه عندهم بس ماركه وحده من هالثنتين

بالنسبه لي فأنا استعمل حاليا canon 500d النسخه قبل 550d و مرتاح منها جدا

و على فكره ترى , 550d يسمنوها بأمريكا T2i


اما اذا كنت فاهمك غلط و كنت تبي كامره عاديه بوينت اند شوت :razz::

فأحسن شي canon s95
كامره اكثر من رهيبه و احسن كامره في التصوير الداخلي و الاماكن اللي اضائتها ضعيفهو و فيها خيارات تقدر تتحكم بسرعه اغلاق الshutter و حجم فتحة العدسه و هذه خيارات موجوده بكامرات الdslr و غير متاحه في معظم البوينت اند شوت
بس فيها عيب واحد ان لم تصور فيديو مافيها auto focus يعني لم تصور فيديو و واحد قرب منك او بعد بتصير صورته مو واضحه و لازم اتعدل وضع العدسه يدوي

اذا مو مهتم بالفيديو وايد فهذه هي الافضل بدون منافس كمواصفات و حجم .

 

[أوكازو]

نصحوني الشباب بكانون ونيكون , واحد قالي نيكون لتصوير أشخاص أفضل و كانون كتصوير مناظر أفضل .. مدري هل كلامه صحيح أو لأ .
عموماً .. حبيت أعرف وش تنصحوني فيه كمبتدأ ؟

لونلي : صورتك "خورافية" باختصار ! ما شاء الله .

كانون كانت تتفوق على نيكون بكاميرات الديجيتال -DSLR- .. لكن الأخيرة قلصت الفارق بقوة بعد صدور معالجها الـ EXPEED حتى انها تفوقت في الكاميرات الأخيرة بقوة.
الجانب الثاني بهذا المجال هو العدسات LENSES و هنا لا مجال للمقارنة بين الشركتين .. فنيكون تعتبر من عمالقة تصنيع العدسات و تعد من فئات كارل زايس مثلاً ..
بينما كانون تعتبر وليدة بمجال تصنيع العدسات إذا ما قارناها بالشركتين السابقتين .. و ببدايتها عموماً كانت نيكون تصنع لها العدسات .. فلذلك -شخصياً- أشوف نيكون تتفوق على الكانون بسنوات ضوئية بمجال العدسات؛ و بطبيعة الحال هذا ما يعني أن كانون مشي حالك.. أو تقارن بتوكينا أو سيجما مثلاً! لا أبداً هي من أفضل المصنعين و بلا شك .. لكن شخصياً أشوف أن النيكون تتفوق عليها بكثير بهذا المجال.

لذلك اختياري و نصائحي -للرجال خصوصاً - باقتناء النيكون .. و شخصياً مستخدم للنيكون من 7 سنوات تقريباً.

الكاميرات اللي ذكرها لونلي هنتر ممتازة للمبتدئين .. لكن الـ Nikon D90 تعتبر فئة أعلى من الـ Canon 550D مثلاً..

لذلك اعتقد أن الخيار الأرخص و الممتاز للمبتدئ هو Nikon D3100

و عندك من نفس الفئة D3000 and D5000 .. نفس الفئة بس موديلات اقدم من D3100 .. و ارخص .. و الفروقات الموجودة بـ D3100 مب كبيرة جداً و تستاهل ذاك المبلغ يعني : )

و كانون عندك منهم T2i أو 550D "بالتسمية الأوروبية" اللي ذكرها لونلي .. بس نفس فكرة الـ D3100 .. غالية دون فروقات تستحق عن الموديل اللي قبله
لذلك انصحك بـ T1i أو 500D .. الفئة الأقدم شوي .. و أرخص بأكثر من 1000 ريال .. و فروقاتها عن T2i ما تستحق المبلغ المدفوع
و إذا تبي ارخص برضو عندك XS أو D450 برضو مش بطّالة و ارخص منهم بكثير.

طبعاً ميزة الكاميرات هذي انها ماهي معقدة الاستخدام لك كمبتدئ .. و تقدم لك خصائص الـ DSLR بالكامل .. لذلك ماراح تكون بحاجة لتبديل الكاميرة سريعاً إذا احتجت تجرب عدسات و كذا..
يعني إذا تعرف ناس متقدمين و عندهم عدسات من العيار الثقيل تقدر تجربها على الكاميرات هذي.. و حتى تقدر تشتري عدسات و تستخدمها مع كافة كاميراتك بالمستقبل.

لكن عيبها الوحيد .. إنه متى ما تقدم مستواك بالتصوير راح تحس انها ما تشبع رغبتك و إنك تبي كاميرة كبيرة عليها العلم و تلبي رغبتك!

و إذا تبي حاجة من فئة D90 اللي ذكرها لولني .. عندك تحفة نيكون الجديدة Nikon D7000 .. و تعبتر الجيل الجديد من D90 .. لكنها بشكل مطور كلياً حتى أن البعض صنّفها كفئة جديدة من نيكون!

نازلة على نهاية اكتوبر إن شاء الله : )

 

[Silent Dream]

يعطيكم العافية لولني و أوكازو , ما قصرتوا والله : )
بس أنتوا زدتوا حيرتي على كذا ههههه XD , خلاص بتوكل على الله وباخذ الـ500D مثل ماقلتوا كبداية .