TCF |فاتح الروم
Hardcore Gamer
نهيت عدة نهايات في اللعبة، اقدر اقول ان الجودة الكتابية تتحسن وقت ما تدخل المسارات. ما ادري هل لان الجزء المشترك كتابته صدق تعبانه ولا عشان البناء؟ هو حتى لو قاعد تبني الى حدثك الكبير، المفروض ان حتى البناء يكون فيه شي يميزه عن الشي الا تبني اليه، بدل ما تضيع عمرك عشان "النهاية تسوى". لان النهاية مو كل شي، النهاية لحظة بينما الرحلة هي الا بتقعد فيها ساعات طويلة.
ابغى افتح موضوع الى اكس بليز، مو لاني اشوف انها اكثر فجوال نوفل تستاهل تنلعب، بس لاني استمتعت بها واشوف ان ناس واجد يقدروا يستمتعوا بها، بس افكر افتح الموضوع بعد ما اخلص Lost Memories الا هو السيكول ( او البريكول) حق اكس بليز.
(على فكرة، الاوبننج حق الجزء الثاني، حطيته لانه احلى من اوبننج كود امبريو)
اكس بليز زي ما قلت سبين اوف و احداثها في نفس عالم بليز بلو بس مع ذلك ما ليها شغل بسلسلة بليز بلو، لو تسألني الشي كان محاولة لاستغلال اسم بليز بلو عشان يجربوا حاجة جديدة، ما اقدر اقول اني الومهم وبكذب لو قلت اني ما احترم الشي. سلاسل واجد تستمر بنفس الاسلوب وكل الا تسويه هي انها تضيف او تعدل الاشياء الا اولردي موجودة عندها بدل ما تغامر وتحاول تسوي شي جديد تبدع فيه.
مثل ما قلت في الرد، العمل مو الى هناك، لو بتسألني كان فيه بعض الافكار من فجوال نوفلز اخرى بس كانت بشكل اضعف وبس لمس سطح الافكار هذه من غير ما يتعمق فيها، الشرير في اكس بليز نذل و حقير ويذكرني باحد شخصيات بليز بلو (اكشلي نفس الشخصية بس معدل عليها شوي) بس رغم كل شي وصخ سواه، هدفه النهائي ما كان اكشلي كان كويس، ولما سأل البطل هل عنده حلول بديلة توصل الى نفس النتيجة البطل عطاه حلول وردية ما تودي ولا تجيب. الشي ادى لاحد الجمل المفضلة الى الشرير
And isn't my way better than those who scream "Foolish Humans"
الفجوال نوفل كان فيها افكار كويسة، كويسة واجد اشكلي، بس المشكلة ان تطبيقها ما كان الى هناك، يعني لو افكار زي كده كانت في فجوال نوفل زي كايوس تشايلد كانت قيمتها واستخدامها بكون افضل بكده بمليون مرة، خصوصا ان المواضيع مش مناقشة بشكل كويس في اكس بليز و بس انطرت نهاية اللعبة.
على الرغم ان فيه اشياء عجبتني في اللعبة، الا ان هذا ما يقدر يخليني اتغاظى عن بعض المشاكل الا فيها، الفجوال نوفل مصنفة على النها تشوني بس ما كانت القتالات تشونية كفاية واحسن ما في القتالات كان الاوستات للاسف عدا قتالين يمكن ، وفي البداية حسستني انها مجمعة كل كليشيهات اعمال الهيرم وجامعتنها "عشان البلوت" وهو شي ما حاولت تبرره او تكذب عليك فيه (الا هو نقطة كويسة في حد ذاته لما افكر فيها)، بس مع ذلك لسى احترم محاولتهم، لانها جلبت لي وحدة من اكثر اللحظات الهايب في بليز بلو سنترال فكشن.
اللعبة فيها ست نهايات:
هيناتا
كون
ماي
اس
النهايات السيئة
جاج (اهم نهاية)
هذا تقريبا الترتيب الا انح به في النهايات، النهايات السيئة ما تفرق لين جبتها ولا لا، ولو ان احد النهايات السيئة اكشلي يقولوا لك هذا الا تستاهله لانك ما اخترت اي نهاية.
صديق البطل ما ليه نهاية، ثو اجادل انه كان ممكن يكون ليه نهاية بس انسحب عليه بعدين.
النهايات زي ما توقعت كانت احسن من نهايات ستاينز قيت، مش استنقاص في ستاينز قيت بحد ذاتها ولكن نهايات ستاينز قيت (غير وحدة) ما كانوا يضيفوا شي لا للقصة ولا الى الشخصيات.
مسارات اكس بليز مو بس تعرفك زيادة على الشخيات الشريرة والطيبة، هي ايضا تعطيك سيناريوهات "ماذا لو" الا بشكل غير متوقع كانت تعطي فكرة عن الاشياء الا تصير في الكواليس.
هيناتا نهايتها بمثابة نهاية "المسار المشترك" الا تعطيك اكبر وتف في الفجوال نوفل، وتخليني اشكك في صحة بعض الاشياء بحد ذاتها في النهاية، غير ان النهاية رجعت لي بعض المشاعر الا شعرت بها في طوكيو بابل نهاية احد المسارات.
نهاية ماي و كون تقدر تقريبا تقول انهم وجهين لعملة واحدة، ما يناقشوا افكار مختلفة عن بعض وكلا الشخصيتين ينتهوا بنفس الخيارات تقريبا.
نهاية اس هي النهاية الحقيقية وهي الا مبنية عليها احداث بليز بلو، الا فيه فكرة بس مو عارف اوصل ليها، الدنيا فيها ين ويانج وما تقدر تكمل عيشتك بالجزء الابيض بس الا البطل كان يمثله، اذا ما بتستخدم الجزء الاسود لازم على الاقل تتقبله عشان ما تخسر الاشياء الا تحبها.