الموضوع الرسمي ... كأس اسيا 2011

[Wild Fox]

بسم الله الرحمن الرحيم
الموضوع الرسمي لكأس اسيا: قطر 2011

كأس اسيا قطر 2011
موعد الإقامه: [/B][/COLOR]7يناير - 29 يناير



المنتخبات المشاركه

يشارك 16 منتخباً في نهائيات بطولة كأس آسيا 2011 التي تقام في قطر، وبحيث تتأهل 10 منتخبات من خلال التصفيات التي تقام خلال الفترة من شهر يناير/كانون الثاني عام 2009 ولغاية مارس/آذار من عام 2010.

وتنضم هذه المنتخبات العشرة إلى ستة منتخبات أخرى حجزت مقعدها في النهائيات سواء بشكل تلقائي أو عبر نظام تأهيل مختلف.

وحجز منتخب قطر المنظم مقعده في البطولة بشكل تلقائي، في حين تأهلت منتخبات العراق والسعودية وكوريا الجنوبية بشكل مباشر بعد تحقيقها المراكز الثلاثة الأولى في كأس آسيا 2007.

كما تأهل منتخب الهند إلى النهائيات عقب فوزه بلقب كاس التحدي الآسيوي 2008 ويرافقه كوريا الشمالية المنتخب الذي توج بلقب البطولة عام 2010.

www.KOOORA.com



الملاعب اللتي ستقام فيها المباريات

​

و لول انه مستواه مو زي الكؤوس الثانيه .. لكن بيبقى الحماس فيه عالي لمشاركه 8 منتخبات عربيه ..
ننتظر!

 

[q8-gamer]

بالتوفيق للمنتخبات العربية وخصوصا الأزرق الكويتي

 

[إحساس]

باقي تقريبا اسبوع كامل وشوية ايام على بداية البطوله .. والحماس على آخره خصوصا لـ وجود اكثر من اسم لمنتخبات عريقه ..

اذا بنتكلم عن المجموعه الاولى .. اللي فيها قطر .. الكويت .. الصين .. اوزباكستان ..

قطر من بعد النتايج المخيبه للآمال في بطولة الخليج .. ومن بعد المستوى الباهت اللي ظهرت فيه .. ومن بعد الانخفاض الكبير اللي حصل في ترتيبها في قائمة الفيفا .. اعتقد ان هذي البطوله هي المكان الافضل انها تسترجع مستواها .. خصوصا ان البطوله على ارضها وهذا يعطي دافع كبير للاعبين انهم يحصلون على البطوله ..

الكويت اللي ابدعت في بطولة الخليج واللي اظهرت عدد من اللاعبين المميزين بالبطوله .. اتمنى انهم مايعتمدون على لاعبينهم الجدد بشكل اكبر .. خصوصا ان البطوله يحتاج لها [ خبره ] ميدانيه وخبرة بطولات سابقه .. برضو لا ننسى ان المنتخبات اللي بتواجهها منتخب الكويت اصعب بمراحل من المنتخبات اللي واجهوها في بطولة الخليج .. فـ ياليت ان الكويت ماتاخذ بطولة الخليج كـ مقياس لـ هذي البطوله ..

الصين و اوزباكستان .. اعتقد اذا جينا نقارن بين الدولتين [ كرويا ] شي طبيعي راح افضل اوزباكستان وبمراحل عن الصين .. اوزباكستان متطوره كرويا وبشكل مذهل .. انديه مبدعين في دوري ابطال اسيا .. منتخبات من فئات سنيه ومن منتخب اول يقدمون مستويات جيده جدا خصوصا الفئات السنيه .. فـ من وجهة نظري اشوف ان الصين تعتبر من المنتخبات الضعيفه جدا بالبطوله ..

المجموعه الثانيه .. السعوديه .. اليابان .. الاردن .. سوريا ..

السعوديه اللي لعبت في نهائي كاس الخليج بالمنتخب الرديف وحققت ارقام جيده بالبطوله .. مع ذلك كان الجمهور الرياضي يطالب بالبطوله وللاسف ما حققها المنتخب .. المنتخب يعاني في اواخر السنوات من النهائيات ومن عدم تحقيق البطولات .. والامثله على ذلك كثيره ومنها نهائي كاس اسيا الماضي ..

عموما .. المنتخب على حسب ما نسمع انه جاهز للبطوله تماما .. ياسر القحطاني يصرح ويقول خلوكم معنا الحين واتركو النقد بعدين .. فـ اتمنى ان الثقه اللي عند ياسر يفيد فيها المنتخب اكثر .. لكن احنا ما نبغى نهائي او نصف نهائي .. نبغى بطوله يا ياسر ..

اليابان .. المنتخب اللي يعتبره الكثير الافضل في اسيا واللي يلعب كره سريعه جدا وبـ اسلوب متطور ومتميز .. من المرشحين طبعا لـ تحقيق البطوله عطفا على اسماء اللاعبين المتواجدين بالمنتخب واللي اغلبهم يشاركون في البطولات الاوروبيه وعندهم خبره ممتازه في هذي الاوقات ..

للاسف الاردن وسوريا ماعندي معلومات كثيره عنهم .. لكن مع ذلك منتخب كـ سوريا اللي عنده انديه ينافسون على البطولات الاسيويه امثال الكرامه السوري والاتحاد السوري .. طبيعي راح يكون عنده تشكيله ممتازه اذا كانت هذي انديته .. فـ اعتقد راح يكون لهم على صيت ولو قليل في البطوله ..

المجموعه الثالثه واللي فيها كوريا الجنوبيه .. الهند .. استراليا .. البحرين ..

بالنسبه للبحرين .. البحرين قاعد يعيش ايام سيئه .. بعد ما كان من الاربعه الكبار في بطولة اسيا 2004 .. حاليا مايقدر يطلع من مجموعته في بطولة الخليج ..

اعتقد ان مجموعه مثل هذي اللي فيها منتخب كبير مثل كوريا الجنوبيه .. واللي حقق نتائج [ بالنسبه لي ماشوفها مشرفه لكنها جيده ] في كاس العالم .. وبرضو منتخب آخر دخل اسيا وقدم مستويات جيده جدا واللي هو المنتخب الاسترالي .. صعب صعب جدا للمنتخب البحريني انه يتاهل .. لكن مع ذلك نتمنى هالشي ..

المجموعه الاخيره .. العراق .. كوريا الشماليه .. الامارات .. ايران ..

لما اشوف المجموعه .. طبيعي راح اقول اللي راح يتاهل كـ مستوى هو ايران وكوريا الشماليه .. لكن لما نجي للميدان بالمباريات السابقه .. ونشوف اسلوب لعب كوريا الشماليه مثلا .. ماهي من المنتخبات الخطيره اللي اقدر اقول انها [ مرعبه ] للمنتخبات الاسيويه .. منتخب يهتم بالتكتيك الدفاعي البحت والهجمات المرتده ..
فـ ماعتقد ان الامارات او العراق راح يواجهون صعوبه كبيره في لقاء هالمنتخب [ مقارنه ] بالمنتخب الايراني الرائع اللي يمتلك لاعبين على مستوى عالي وبتكتيك ممتاز وتطبيق اكثر من ممتاز بالملعب .. فـ لذلك فيه فرصه قويه جدا لاشقائنا العرب في هذي المجموعه ..

يمكن هذي قرائه بسيطه لي للبطوله .. يمكن تكون صحيحه يمكن تكون خاطئه .. نتمنى للمنتخب السعودي الوطني التوفيق يارب ..

 

[AS-HI]

احساس انت غطيت شكل جزئي من معلومات المنتخبات ماشاء الله عليك ، المنتخب السعودي لاخوف عليه يبدع يبدع بس بالنهائيات سبحان الله ، اتمنى ثم اتمنى ثم اتمنى ان صاحب الخطط المدروسة الامير الفاضل صاحب الانجازات الكروية انه مايتدخل ببيسيرو ، ان شاء الله نشوف منتخب بيسيرو سعودي 100/100 يقدم افضل من الي قدمه منخب انجوس عام 2007 ، بالتوفيق لكل المنتخبات العربية ان شاء الله

 

[النسر الأسود]

واو على مجموعة سوريا لول
ما في أمل لنا بالتأهل

 

[Unknown]

توقعي بالمتأهلين

A اوزبكستان - قطر
B اليابان - السعوديه
C كوريا ج - استراليا
D كوريا ش - ايران

 

[The Blue King 9]

انا كتبت تعليقي بخصوص البطولة في موضوع البطولات العربية والمحلية
وبما اني متحمس مع البطولة بنسخ ردي هنا:
مجموعة المنتخب السعودي بالمجموعة الثانية متوسطة الصعوبة:السعودية - اليابان - سوريا - الاردن (ان شاء الله السعودية واليابان)

نظرة عامة لباقي المجموعات:
1: قطر - الصين - الكويت - اوزباكستان (اتوقع الصين والكويت)
3: كوريا ج - الهند - استراليا - البحرين (اتوقع كوريا ج واستراليا)
4: ايران - كوريا ش - الامارات - العراق (اتوقع كوريا ش و ايران)

يارب نفوز فيها للمرة الرابعة يا رب

 

[Wild Fox]

أتمني اللي يتأهل من مجموعه 2 كل من السعوديه و الأردن، النهائي عربي و طرف فيه السعوديه و تفوز بالكأس للمره الرابعه ان شاء الله

 

[The Blue King 9]

تو انتهت مباراة السعودية والعراق بفوز العراق 1-0

بغض النظر عن تعطاف الحكم مع المنتخب السعودي وما احتسب للعراق بنلتي او 2 + الغاء هدف مشكوك للعراق
لكن المنتخب السعودي قدم مستوى مطمئن وافضل من المنتخب العراقي الصراحة الي لعب على الهجمات المرتدة عطفا على انها مباراة ودية
وكانت مشكلة المنتخب هي في انهاء الهجمة + عدم تماسك وتفاهم خط الدفاع

 

[rsm]

:sarcastic: المنتخب الهندي بيكون له بصمة في نهائيات آسيا (عن جد) و اتمنى التوفيق لهم مدري ليش .. بالتوفيق للمنتخب السعودي .. طبعا كالعادة بنوصل النهائي او نصف النهائي و في الأخير بنخسر ..

 

[USefQ80]

توقعي بالمتأهلين
1- الكويت :inlove: و اوزباكستان
2- اليابان و السعودية
3- كوريا ج و استراليا
4- ايران و العراق

و بالتوفيق لمنتخبنا الأزرق

 

[Gladiator]

زين انه محد رشح الامارات لاني مش متوقع منهم شي......

 

[إحساس]

^

بالعكس .. الامارات كـ منتخب اولمبي قاعد يقدم مستويات خرافيه ومشرفه جدا للكره الاماراتيه .. وجوده في دور الثمانيه في كاس العالم للشباب و حصوله على كاس اسيا للشباب من امام اوزباكستان يثبت بان الامارات عندها مستقبل قوي جدا جدا جدا ..

لاعبين مثل هذولي اللاعبين الشباب عندهم القدره الكامله انهم يدخلون لـ بطولة اسيا ويلعبون فيها .. صحيح ان ماعندهم الخبره الكافيه .. لكن من وجهة نظري وصولهم لـ دور الثمانيه لـ كاس العالم اثبات لـ قدرتهم الكامله للدخول لاجواء بطولة اسيا ..

اتمنى اننا نشوف اكثر من وجه جديد للمنتخب الاماراتي .. وصدقني اذا صار هالشي فـ راح يكون للامارات كلمه قويه بالبطوله ..

 

[persona]

الكويت اللي ابدعت في بطولة الخليج واللي اظهرت عدد من اللاعبين المميزين بالبطوله .. اتمنى انهم مايعتمدون على لاعبينهم الجدد بشكل اكبر .. خصوصا ان البطوله يحتاج لها [ خبره ] ميدانيه وخبرة بطولات سابقه .. برضو لا ننسى ان المنتخبات اللي بتواجهها منتخب الكويت اصعب بمراحل من المنتخبات اللي واجهوها في بطولة الخليج .. فـ ياليت ان الكويت ماتاخذ بطولة الخليج كـ مقياس لـ هذي البطوله ..

فريق لعب بطولتين فيها دوري مجموعات وخروج مغلوب وكسبهم اثنينهم بوقت قياسي ، الفريق متفاهم حيل ، وتقولي بعد خبره ميدانية؟

آخر اخبار العنزي انه اتحاد بن همام رفض مشاركة العنزي ومحمد راشد ، حتى مع الثبوتات المقدمة تم الرفض ، وقطر منتخب نجوم العالم عندهم ومحد حاسبهم متى جنسوهم والا عطوهم بطايق ، معورهم حيل العنزي ..

 

[The Blue King 9]

^^^

يعني العنزي موب لاعب مع منتخب الكويت :surprised:
غريبة ليش .!؟ مع انه لعب مبارايات رسمية مع المنتخب الكويتي في بطولة غرب آسيا وتصفيات بطولة آسيا على حسب علمي

 

[persona]

الاتحاد الاسيوي كان يبي بطاقة تثبت انه كويتي (السالفه كيديه طلبوا هالشيء قبل ارسال أسماء المنتخبات بثلاث ايام ، ومتعمدين انه البطاقة المدنية تاخذ وقت عندنا(اسبوع) = ماراح يشارك العنزى لكن بوقت قياسي طلعوه له بيومها:laugh: ، الشي اللي خلى الاتحاد الاسيوي يسأل انه متى صدرت وليش مسوين تحقيق وشغل مباحث علينا ، خلاص البطاقة اصدرت ، وافقوا على اسمه وبلا هالتعند ..
وترى سالفه اللاعبين البدون عندنا ماهي جديده ومنهم لعب بالتصفيات وكاس اسيا والاولمبياد بعد واتحاد بن همام ماتكلم عن هالشيء الا ليما طلع لاعب اسمه فهد العنزى

 

[Dmck]

قراءة سريعة للمجموعات

مجموعة الاولى
احس فرق مجموعة كل مستوياتها متقاربة فصعب احدد فريقين
لكن اتمنى تاهل قطر والكويت

مجموعة الثانية
كنظرة اولى بالراحة اتوقع تاهل اليابان والسعودية
لكن الي اعرفة منتخب سعودية متراجع مستوى من بعد بطولة اسيا الاخيرة
لكن انشاء الله يتعافى ويرجع لمستوى المعهود في بطولة

مجموعة الثالثة
نظريا نقول كوريا جنوبية واستراليا
لكن منتخب البحرين يقدر ينافس على بطاقة التاهل

مجموعة الرابعة
احسها مثل مجموعة الاولى
كل منتخبات متقاربة في مستوى وتملك حظوظ التاهل
منتخبنا الوطني مشكلتة مستوى متذذب مرة لكن انشاء الله يلعبون بنفس مستوى بطولة اسيا الاخيرة ونحافظ على لقب للمرة الثانية على توالي
منتخب الامارات الاولمبي اخذ مركز الثاني في اولمبياد اسيا الاخيرة وهذا ابد مش قليل
اتمنى تاهل عربي

وبالتوفيق لاسود الرافدين وجميع منتخبات العربية

 

[إحساس]

فريق لعب بطولتين فيها دوري مجموعات وخروج مغلوب وكسبهم اثنينهم بوقت قياسي ، الفريق متفاهم حيل ، وتقولي بعد خبره ميدانية؟

آخر اخبار العنزي انه اتحاد بن همام رفض مشاركة العنزي ومحمد راشد ، حتى مع الثبوتات المقدمة تم الرفض ، وقطر منتخب نجوم العالم عندهم ومحد حاسبهم متى جنسوهم والا عطوهم بطايق ، معورهم حيل العنزي ..

فيه فرق مابين ان الفريق يكون متفاهم او يكون عنده خبره ميدانيه ..

التفاهم ان اللاعبين يكونون لاعبين مباريات كثيره مع بعضهم البعض .. وينتج عن هالشي ان اللاعبين يتفاهمون مع بعض ومع هذا التفاهم يكون فيه تطبيق مميز للتكتيك وبرضو مع هالتفاهم راح تقل الاخطاء كثير ..

الخبره الميدانيه ان اللاعب تكون عنده خبره في المواقف الحساسه خصوصا في المباريات الكبيره .. لو نجي ونقارن مابين البطولات اللي زي ماقلت انكم كسبتو فيها ومابين هذي البطوله .. راح تلاحظ ان فيه فرق شاااسع جدا بالمستوى .. فـ اعتقد مافيه وجه مقارنه نهائيا بين البطولتين .. حتى بالضغط الجماهيري والضغط الاعلامي مافيه مقارنه ابدا ..

فـ لذلك .. اللاعب تكون جديده عليه هذي المواقف .. هنا الخبره تلعب دور كبير كبير جدا .. يمكن بعض اللاعبين الموجودين عندكم عاشو هالتجربه انا اتفق معك .. لكن مع ذلك [ مقارنة ] بالمنتخبات الاخرى كـ مثال اليابان او كوريا الجنوبيه .. اللي لاعبينها عاشو تجارب حساسه جدا [ كاس العالم + بطولات اوروبيه + بطولات اسيويه قاريه { انديه ومنتخبات } ] .. الكويت ضعيفه جدا من هالناحيه ..

 

[X-SRI-X]

واو على مجموعة سوريا لول
ما في أمل لنا بالتأهل

تشجع سوريا مثلي ؟ :what:
ومن جد سوريا في مجموعة الموت :wow:

 

[just me]

مستوى المنتخب السعودي ان شا الله ماعليه خوف , لكن بس شوية حظ في النهائيات وبإذن الله الكأس
مع أني مـ أبغى اتفآئل فينقلب تفائلي خيبه , وخصوصا أن مستوى المنتخب لم يصل لمثل اسيا 2007 حتى الان
ياحسافتك يآ آنجووووووووووووس :confuse:

 

[AS-HI]

زين انه محد رشح الامارات لاني مش متوقع منهم شي......

اذا عندك امل بمنتخبكم ، وفره للناشئين لانهم يقدمون مستويات رائعه

 

[The Blue King 9]

المبارايات الودية التجريبية لمنتخبات الخليج اليوم
ان شاء الله يتحسن مستوى المنتخب السعودي


الجمعة 31 ديسمبر 2010
13:00 البحرين - أساسي -- : -- السعودية - أساسي أستاد البحرين الوطني
22°C

13:30 الكويت - أساسي -- : -- زامبيا - أساسي تلعب بالقاهرة

15:00 قطر - أساسي -- : -- كوريا الشمالية - أساسي

 

[PS]

أجمل شي في البطولة أن ابوظبي الرياضية تنقلها HD

 

[persona]

تأكيد مشاركة فهد العنزي ومحمد راشد في البطولة :rockon:

 

[Unknown]

الكأس بتنقل البطوله HD
فتحوا قناه وصار لها HD1 و HD2

 

[AS-HI]

أجمل شي في البطولة أن ابوظبي الرياضية تنقلها HD

الدش حقنا قديم كيف اشبك التلفزيون حقي فيه اذا شبكت الاوان بتطلع جودة عادية.

 

[Photon]

منتخبنا أبو خطط مدروسة الله يستر عليه قدام منتخب اليابان العملاق و مستويات سوريا و الأردن الأكثر من ممتازة و المتطورة.

بالتوفيق لليابان لكن قلبي و رغبتي و أمنياتي مع كوريا الجنوبية :inlove: .. كوريا لازم تفوز بالبطولة ولو بالغصب على الأقل عشان بارك جي سونغ و بارك تشو يونغ لأنها ممكن تكون بطولتهم الأخيرة

كوريا للفوز 한국 :inlove:

 

[F.JUBRAN]

منتخبنا أبو خطط مدروسة راح ياكل تبن ( و أتمناه ياكل تبن لين يشبع ) قدام منتخب اليابان العملاق و مستويات سوريا و الأردن الأكثر من ممتازة و المتطورة.

وطنيتك صفر و تحليلك صفر و ردك كله على بعضه صفر ..

 

[SCREAMING_RAGE]

سؤال على السريع: ايش القنوات اللي بتنقل الحدث ؟؟
لأني سمعت انها حصرية على قنوات الجزيره !

 

[AS-HI]

وطنيتك صفر و تحليلك صفر و ردك كله على بعضه صفر ..

+100000000

اصلا الخطط المدروسة ماختارت اللاعبين هالمرة كل الاختيارات من المدرب بيسيرو ، وحتى لو تدخلت الخطط المدروسة لازم تشجع منتخبك لاتسوي زي ماسوو منتدى الهلال يوم قاطعوا المنتخب عشانهم طردوا كوزمن او زي منتدى النصر يوم قالوا احنا مع المنتخب اللي ضد منتخبنا ، خلك وطني.