اللي سرق البرجر يرجعه !!!

بادئ الموضوع #1
السلام عليكم شباب



شحالكم , شخباركم , شو مسوين ... مصختها :rolleyes:




المهم يا جماعه الخير اللي سرق البرجر احسن يرجعه لراعيه







المهم السالفة يا شباب ان ربيعي وياي في سكن الجامعه كان يمشي في الممر وترى في كل قسم 8 غرف نوم للطلاب والمطبخ مشترك بينهم..
المهم الحبيب كان ماشي ومر على مطبخ ولقى ورقه .. ويوم وقف وقراها سيده ركظ وياب الكيمره وصورها :jawDrop::




وطلع فيها







































و هذي ترجمه ربيعي القانونيه لمضمون رسالة التظلم
جاء في البيان التالي

**
الي خذ برجر الدجاج يرجى منه اعادة العلبه الى مكانها
ليس لديك الحق في انت تأكل طعام الاخرين ( من زين الطعام)!!
انته سيء السلوك بتركك العلبه فارغه في الثلاجه
و اضافة على ذلك انته لص حقيقي لانك اخذت البرجر المخفي ايضا ( ثكلتك امك)!!
ارجعهم الى مكانهم السابق!!



والله حاله :bigSmile:


ما استوى برجر ... ذبيحه :razz:



بس الصراحة مت من الظحك يوم قريتها

(بس كيمره ربيعي مخرفه !! كاتبه التاريخ 24 واصلا اليوم 30 الفجر :razz: )
 
التعديل الأخير:
#2
لول مشي حالك حالك يمشي .. الظاهر الرجال كان في حالة ميؤوس منها مو مصدق ان البرجر طار منه :p
 
#3
اعرف شعوره >< تخيل تمسك معك تبي تشرب ببسي و تروح للثلاجه الي انت متاكد انك حاط فيها ببسي تدور ما تلقا ... اوكي اجل بروح اجيب من الكرتون و احطه بالثلاجه ... الكرتون مهب فيه... اشيك على الزباله-الله يكرمكم- القى الكرتون فاضي ... ارجع لغرفتي و انا اصيح T-T

سحقا لاخوي Dx
 
#7
SoulTaker قال:
اعرف شعوره >< تخيل تمسك معك تبي تشرب ببسي و تروح للثلاجه الي انت متاكد انك حاط فيها ببسي تدور ما تلقا ... اوكي اجل بروح اجيب من الكرتون و احطه بالثلاجه ... الكرتون مهب فيه... اشيك على الزباله-الله يكرمكم- القى الكرتون فاضي ... ارجع لغرفتي و انا اصيح T-T

سحقا لاخوي Dx
لووول حنا في بيتنا مستحيل يبقى أي junk food بالثلاجة أو اي مكان ثاني لمدة أكثر من (00:00:54:545) <---------------- ست عيال جوعانين .. بعذرهم :razz:
 
#11
المرة الجاية خله يحط همبرجر فيه مسهل أو سم فئران أو زعتر...

أنا سويت نفس الشي بس حطيت فيه شطة (اخواني كانوا صغار ذاك الوقت وما يتحملونها) آخر شي أكله أبوي...
 
#17
تصرفه ممتاز جداً واعتبره حضاري .. على الاقل ما شك في احد وراح ضربه وشتمه (صح هي ما تسوى لول) لكن يمكن الولد كان جوعان؟ وعندنا مثل يقول "الجوع كافر" :razz: ..
 
#18
شباب في مثل يقول " عداوة البطن تقعد مع العاقل اربعين يوم " أجل كيف .... :razz:

انا بيني و بينكم والله معاه حق بس مو على همبرجر .... و بعدين يوم انه مرة خايف عليه ليش يخليه هنا :peeved:

صراحة موقف حلو تشكر عليه mario0o :D

تحياتي