الموضوع الرسمي لمستجدات خدمة ال PlayStation Now (ألعاب مارش/ شادو وورير ٣ Day one وكرايسس ريماسترد)

[Good Hunter]

السلام عليكم.

الموضوع الرسمي لخدمة البلاي ستيشن الرسمي، يتضمن مستجدات وتحديثات وآخر إصدارات الخدمة.



بأحط بعض النقاط الهامة هنا لأن واضح ان الخدمة ما سوقت بالشكل المطلوب وفي أمور ما وضحتها سوني بشكل مفهوم - Sony is being Sony-


1- الخدمة متوفرة على PS5/PS4/PC
2- الخدمة تشتغل في أي مكان ومو لازم أمريكا، طالما عندك حساب أمريكي.
3- تحتاج تدخل الحساب الأمريكي اللي اشتركت في بالخدمة اذا كنت تبغا تبث ألعاب ( سواء العاب PS2/PS3/PS4 ) لكن في الالعاب القابلة للتحميل تقدر تلعبها بأي حساب تملكه على الجهاز. بمعنى، تقدر تشترك بالخدمة بحساب امريكي وتحمل لعبة وترجع تلعبها بحسابك الأساسي.
4- ما تحتاج كريدت كارد، تقدر تشتري كود للخدمة من أمازون من الرابط في التجربة الموضحة في الرابط ادناه.
5- الالعاب اللي مالها تاريخ مغادرة راح تبقى تملكها وتلعب فيها بأي حساب، لكن الخدمة تعمل فحص بشكل دوري على اشتراكك، لو خلص، حيظهر قفل على الالعاب، ويروح القفل لما ترجع تشترك. الالعاب اللي لها تاريخ مغادرة ما رح ترجع لك بعد تاريخ المغادرة
6- تاريخ المغادرة معناه انه في العاب تصدر على الخدمة بشكل مؤقت مثل بعض افلام نتفلكس
7- الالعاب المتوفرة هي العاب PS4 تحميل وبث. العاب PS3 بث فقط.
8- العاب PS2 هي نسخ العاب PS4 وهي تحميل وبث
9- بالنسبة للخدمة على PC اعتقد انها ما تشتغل على الخدمة الا ب VBN، لأن تطبيق البي سي بيحولك على موقع بلاي ستيشن منطقتك دايركت ويصير error، اتوقع لازم تتحايل على التطبيق بطريقة ما.
10- على PC الالعاب فقط بث.
11- البث يتطلب اتصال نت كويس، حبذا ألياف.
12- البث متوفر فقط ب 720 و 1080 كدقتي وضوح.
13- الخدمة هي الطريقة الوحيدة اللي تقدر تشغل فيها MGS4 على ال PS5 أو PS4 بشكل رسمي && - تسويق &-

بالأسفل تجربتي بالخدمة في الموضوع السابق

ما ادري صراحة الموضوع قديم ولا لا لكن تفاجئت اليوم بعد ما اخذت فوتشر كود لخدمة البس ناو من امازون - ١٠ دولار لمدة شهر- واللي اخذته علشان كان فيه العاب PS4 كثيرة موجودة بالخدمة بحملها علشان اوفر..

اللي فاجئني ان العاب ال PS3 تشتغل فعلا
صعقت لما شفت MGS4 تشتغل كما لو أنها شغالة من الدسك، طبعا انا سامع كلام ان الخدمة تحسنت بشكل كبير على الفايف بفضل ال SSD، الاداء اللي قاعد اشوفه خرافي جدا، ولا غلطة ولا فيه اي تاخير ولا انبوت لاق....
اتصالي الياف بس اللي اذكره ان الخدمة ما تشتغل بالسعودية..

مفاجئة الموسم بالنسبة لي، نفسي هافتني على مجس٤ من فترة وما عندي PS3, ما توقعت ابدا انها تشتغل.


سوني من اجل اللاعبين

الخدمة مش بطالة وفيها كولكشن PS4 و PS3 خراااافي، وهذي عينة من التجارب.

وهذا رابط الفوتشر كود للي يحب يجرب.

ما اضمن تشتغل للكل، انا اتصالي سريع وشكلهم ما يدرون اني في السعودية &&

بس اذا كانت تشتغل من زمان! ليه محد تكلم؟؟؟ &&

روابط مهمة

All PS Plus Games

All PS5, PS4 games lists for PS Plus Essential, Extra, and Premium

www.pushsquare.com

وهذا رابط الكود اللي حاب يشترك بدون كريدت كارد

Mestores | Home of modern electronics

منزل الالكترونيات الحديثة

www.mestores.com

 

[Emirates]

هل هي متوفره عندنا في الامارات؟

اللي اعرفه بعدها

خيار ممتاز بجربها اذا تشتغل او لا لأني ماجربت

 

[Netero]

لول لي أكثر من سنة ألعب عليها، المشكلة تتطلب إتصال قوي وثابت

 

[Good Hunter]

هل هي متوفره عندنا في الامارات؟

اللي اعرفه بعدها

خيار ممتاز بجربها اذا تشتغل او لا لأني ماجربت

لازم تحمل الخدمة من الستور الامريكي او اي ستور تتوفر فيه الخدمة

 

[Good Hunter]

لول لي أكثر من سنة ألعب عليها، المشكلة تتطلب إتصال قوي وثابت

مستغرب، الانطباع دايما هنا انها ما تشتغل خارج الدول المتوفرة فيها، انصدمت لما شفتها تشتغل.

 

[abdo عبدو]

اتصالي الياف بس اللي اذكره ان الخدمة ما تشتغل بالسعودية..

سؤال .... كم تحتاج عشان تحمل لعبة حجمها 30GB ؟

 

[bits]

شغالة بدون استخدام vpn؟

 

[Good Hunter]

سؤال .... كم تحتاج عشان تحمل لعبة حجمها 30GB ؟

انا اتصالي ٢٤٠ ميقا
بس الجهاز بعيد واستخدم مقوي، لذلك يمكن استخدم ثلث او نص السرعة.

بس الكلام مو عالسرعة، الكلام هو كيف تشتغل كذا بالسعودية ومن ومتى!!

 

[Good Hunter]

شغالة بدون استخدام vpn؟

لا ابدا بدون استخدام هذي الاشياء.

بعد ما قلبت بالخدمة وجربتها، ياخي سوني عندها كنز عظيم ينافس القيم باس! خصوصا لو حطوا فيها شوي من ليقاسي البس١ و بس٢

بس ياخي حمير هم&&

 

[FCB-Kratos]

تحمست بالبداية و حسبت تنقدر ننزل الألعاب
+
أتوقع خبرتك من زمان انها تشتغل هنا لو سويت حساب أمريكي (ول كنت أتكلم عن تنزيل ألعاب الـ PS4 ما كنت أعرف ان الستريمنج لأكاونت أمريكي بيكون زين عندنا)

 

[OldGamer]

السلام عليكم.

ما ادري صراحة الموضوع قديم ولا لا لكن تفاجئت اليوم بعد ما اخذت فوتشر كود لخدمة البس ناو من امازون - ١٠ دولار لمدة شهر- واللي اخذته علشان كان فيه العاب PS4 كثيرة موجودة بالخدمة بحملها علشان اوفر..

اللي فاجئني ان العاب ال PS3 تشتغل فعلا
صعقت لما شفت MGS4 تشتغل كما لو أنها شغالة من الدسك، طبعا انا سامع كلام ان الخدمة تحسنت بشكل كبير على الفايف بفضل ال SSD، الاداء اللي قاعد اشوفه خرافي جدا، ولا غلطة ولا فيه اي تاخير ولا انبوت لاق....
اتصالي الياف بس اللي اذكره ان الخدمة ما تشتغل بالسعودية..

مفاجئة الموسم بالنسبة لي، نفسي هافتني على مجس٤ من فترة وما عندي PS3, ما توقعت ابدا انها تشتغل.


سوني من اجل اللاعبين

الخدمة مش بطالة وفيها كولكشن PS4 و PS3 خراااافي، وهذي عينة من التجارب.

وهذا رابط الفوتشر كود للي يحب يجرب.

ما اضمن تشتغل للكل، انا اتصالي سريع وشكلهم ما يدرون اني في السعودية &&

بس اذا كانت تشتغل من زمان! ليه محد تكلم؟؟؟ &&

أي شركة ألياف ؟

 

[Dark_N11]

الخدمة شغالة عندنا بالسعودية
السنة الي راحت رجعت ألعب اجزء جاو القديمة بدون مشاكل اتصال
الألعاب المتطلبة اكثر تقنياً لاحظت فيها لاق و تأجيل بسيط بالحركة

اتصالي فايبر اس تي سي 200 ميجا

 

[Good Hunter]

أي شركة ألياف ؟

شركة سلام ( الاتصالات المتكاملة سابقا).

 

[Alwa7sh-017]

من زمان قد تكلمت في موضوع بلايستيشن ان فيه كثير فالسعودية شغال عندهم بس انت وحضك على حسب نتك

 

[ABUALI]

وش ظل من مكتبة ps3 للآن مافي له بديل على ps4؟
اللي يحضرني الآن كليزون 2، 3 ومجس4 وريماستر سلسلة جاك...
لكن مع ذلك، لو كانت تجربة الخدمة مثل ما تفضلت، فراح تكون أفضل من اقتناء أي جهاز للعبها.

 

[KH_m]

ايه شغاله.
جربت بلودبورن عليه وكانت مقبوله، يبغالها طبعا فايبر.
بالمناسبة بعد ما جربتها كان عندي فضول لو اقدر اشغل الاكس كلاود على الالبتوب، احد قد جربه هنا ؟

 

[Good Hunter]

وش ظل من مكتبة ps3 للآن مافي له بديل على ps4؟
اللي يحضرني الآن كليزون 2، 3 ومجس4 وريماستر سلسلة جاك...
لكن مع ذلك، لو كانت تجربة الخدمة مثل ما تفضلت، فراح تكون أفضل من اقتناء أي جهاز للعبها.

سلسلة جاو خصوصا اجزاء ال PSP
فيه سلاي كولكشن واعتقد سلاي فور.
مجس كولكشن

عموما لسا بأجرب العاب اكثر واوافيكم بالنتائج.
حاليا جربت كيل زون ٢ وجاو٢ ومجس ٤ وكلها شغالة زي الفل، طبعا الله يعين اللي بيلعبها لان الرزلوشن هو الاصلي ٧٢٠.

جربت ذا ويتشر ٣ كلعبة بس٤ عن طريق البث وهي الأخرى كأنها شغالة دايركت من الجهاز.

 

[Good Hunter]

عينة من الالعاب اللي متوفرة لل PS3
ديد سبيس
فال اوت ٣ ونيو فيقاس.
اجزاء راتشيت السابقة
انفموس ١ و ٢
اجزاء رزستنس
ريزدنت ايفل دارك سايد كرونيكلس
سايرن PS3
سايلنت هيل HD
ايكو
اوبليفيون

 

[KH_m]

فيه ميزة غريبة لاحظتها والي هي لو اشتريت لعبة بس4 من الستور الامريكي موجودة الناو فتقدر تبثها من دون اشتراك في الخدمة.
مدري مين يبغى يبث بدل ما يشغلها طوالي لكنها موجوده

 

[عاشق 360]

صعقت لما شفت MGS4 تشتغل كما لو أنها شغالة من الدسك، طبعا انا سامع كلام ان الخدمة تحسنت بشكل كبير على الفايف بفضل ال SSD

شدخل ال ssd بخدمة الستريمنق ؟ الهارديسك ماله دخل هنا دامك بتلعبها ستريمنق ولا انا غلطان ؟

 

[Good Hunter]

فيه ميزة غريبة لاحظتها والي هي لو اشتريت لعبة بس4 من الستور الامريكي موجودة الناو فتقدر تبثها من دون اشتراك في الخدمة.
مدري مين يبغى يبث بدل ما يشغلها طوالي لكنها موجوده

هو هذا اللي كنت بسويه قبل لا اكتشف ان العاب ال PS3 فسكت اتجاه اخر.

الفكرة كانت ان فيه كمية العاب PS4 كثيرة فكان ودي احملها بدل ما اشتريها على حده، وكنت ناوي على كم لعبة فقلت بتكون صفقة رابحة لو اخذتها عن طريقة الخدمة + استفيد من باقي المكتبة كاملة

 

[Good Hunter]

شدخل ال ssd بخدمة الستريمنق ؟ الهارديسك ماله دخل هنا دامك بتلعبها ستريمنق ولا انا غلطان ؟

على ما يبدو له دخل، سرعة نقل البيانات او شي من هذا القبيل.. على ذمة اليوتيوبر Mystic هالمعلومة لأنه دايما يسوي مقارنات للخدمة بين الفور الفايف وكيف تحسنت بالفايف.. كانت كارثية زمان، انبوت لاق وبطء استجابة.

 

[FCB-Kratos]

على ما يبدو له دخل، سرعة نقل البيانات او شي من هذا القبيل.. على ذمة اليوتيوبر Mystic هالمعلومة لأنه دايما يسوي مقارنات للخدمة بين الفور الفايف وكيف تحسنت بالفايف.. كانت كارثية زمان، انبوت لاق وبطء استجابة.

أتوقع تحسن الأداء بسبب المعالج، أذكر بواحد من مؤتمرات AMD قالوا كذا يوم استعرضوا معالجهم << كانوا يتكلموا عن ستريمنج يوتوب و تويتش، بس أتوقع نفس المبدأ

 

[ABUALI]

على ما يبدو له دخل، سرعة نقل البيانات او شي من هذا القبيل.. على ذمة اليوتيوبر Mystic هالمعلومة لأنه دايما يسوي مقارنات للخدمة بين الفور الفايف وكيف تحسنت بالفايف.. كانت كارثية زمان، انبوت لاق وبطء استجابة.

مو يمكن لأن الps4 أصلاً كحيان ؟ ومالها دخل بالssd وهالأمور هذي

 

[Good Hunter]

مو يمكن لأن الps4 أصلاً كحيان ؟ ومالها دخل بالssd وهالأمور هذي

هو وش اللي مخلي البس٤ كحيان اذاً &&
لأن مافيه SSD وتقنيات افضل.

 

[ABUALI]

هو وش اللي مخلي البس٤ كحيان اذاً &&
لأن مافيه SSD وتقنيات افضل.

بهذا المنطق، حط ssd في الps4 ورح يصير ps5 بسعر أرخص
الps4 كحيان من مجاميعوه ومو بس وحدة التخزين

 

[XORO]

هل هي متوفره عندنا في الامارات؟

اللي اعرفه بعدها

خيار ممتاز بجربها اذا تشتغل او لا لأني ماجربت

نعم تشتغل توني اشتركت جالس احمل لعبة Sonic Force كتجربة

جربت الستريم ما نفع مع اني مركب السلك والسرعة عندي 500MB

 

[Aboshaman]

اتصالي ممتاز وجربتها قبل فترة على ps4
كويسة لكن لاجيت اسوي ستريمنغ على ألعاب ps3 ماتضبط..عكس ألعاب ps4 اللي الستريمنغ فيها ممتاز.

 

[AliAlwazzan]

كيف طريقة الاشتراك ؟ جيت بجربها شهر طلع لازم احط كريدت كارد

 

[Good Hunter]

نعم تشتغل توني اشتركت جالس احمل لعبة Sonic Force كتجربة

جربت الستريم ما نفع مع اني مركب السلك والسرعة عندي 500MB

غريبة ليش!
سرعتي ٢٠٠ والستريمنق يشتغل بسهولة عندي، بس لازم تسوي ستريم من نفس الحساب الامريكي.

اتصالي ممتاز وجربتها قبل فترة على ps4
كويسة لكن لاجيت اسوي ستريمنغ على ألعاب ps3 ماتضبط..عكس ألعاب ps4 اللي الستريمنغ فيها ممتاز.

انا شغال عندي بس مثل ماذكرت الرزلوشن ضعيف، هو ما ادري العاب PS3 صارت بالية كذا وبهالسوء ولا الستريم فيه مشكلة.

كيف طريقة الاشتراك ؟ جيت بجربها شهر طلع لازم احط كريدت كارد

ما يحتاج كريدت كارد، اشتر بطاقة من الرابط فوق وسو لها redeem زي البلس.


الخدمة تحتاج اتصال قوي خصوصا لالعاب PS3
بس قاعد اشوف ناس اتصالاتهم قوية وما تشتغل عندهم.

واعتقد المشكلة يمكن تكون بنوع الاتصال، ياليت اللي ما يشتغل عندهم الستريم لألعاب PS3 يذكرون وش نوع اتصالهم.
اتذكر STC عندهم بورتات مقفلة وخرابيط وبعض الخدمات ما تشتغل، كنت اعاني معاهم.