hits counter

العاب أستخدمت الحل الكامل لإنهائها

fatal framer

True Gamer
الحين فكرة الموضوع استخدم حل كامل اني امشي عليه خطوة بخطوة .. ولا حتى لو كنت معلق بمكان وشفت حل عالسريع؟

لان لو الثانية فماعتقد احد فينا ما يستخدم حل تقريبا بكل لعبة لول.

اكيد الثانية عاد تخيل معاك حل كامل وتطبق خطوة بخطوة بدون ماتفكر نهائيا

شالفايدة من كونها لعبة نطالعها يوتيوب ونفك روحنا
 

m7tram

True Gamer
اكيد الثانية عاد تخيل معاك حل كامل وتطبق خطوة بخطوة بدون ماتفكر نهائيا

شالفايدة من كونها لعبة نطالعها يوتيوب ونفك روحنا

والله لما كنا صغار كنا نطبقها وانا طبقتها بداينوكرايسيس ١.
 

ASWD

True Gamer
بوووووي..تعيسة الذكر باراسايت ايڤ ١و٢ الغازهم كانت تجنن وقتها فا اضطريت اوقف لعب لين ما ينزل لها حل في مجلات العاب الكمبيوتر عشان اعرف الرقم او الطريقة لحل اللغز اللي انا مسنتر عنده وانا وحظي ينزل الحل بعد شهر او شهور..اتوقع فيه غيرها بس اللي محفورة في مخي هذي من زود ما عقدتني

ريزي وسايلنت هيل ومجس كانو وقتها العاب مقدسة عندي كنت امشط اجزائها تمشيط عالعميان بدون مساعدة

كا حل كامل لا ما سويتها مع اي لعبة..استخدم الجايدز حاليا لتجميع الكوليكتبلز في الالعاب والايتمز اللي تحتاج حوسة عشان تحصلها مثل الاسلحة الدروع خواتم الخ او لحل لغز عقدني بمعنى عقدني*الله يرحم هالالغاز*
 

*RA!N*

Hardcore Gamer
ريزدنت ايفل 3 وقتها كنت مره صغير وماني متعود العب العاب زي كذا
كانت اختي تقرأ وانا العب ^^
-----------------------------------
haunting ground كنت ضايع وطلع صديقي عنده مجله واستعرتها منه لعبه رهيبه
 

Gavroche

World history is a court of judgment
أتوقع احتجت استخدام الحل في بعض العاب الفيجوال نوفلز مع تعدد مساراتها و وجود اسلوب معين لفتحها..

وأذكر برسونا ٤ كانت فيها هالمشكلة بعد:pensive:
 

LegendaryK

True Gamer
ماريو ٦٤ انهيتها بنفسي ولا اذكر كم نجمة جبت بالضبط
لكن حتى اجيب ال١٢٠ نجمة استعملت مجلة العاب الكمبيوتر ايامها
وبس بعدها ما اعدت استعمل حلول كاملة

كتبت الرد بموضوع ماريو ثري دي بالغلط بسبب اني ارد من الجوال وبالغلط دخلت عليه لول :sweatsmile::laughing:
 

Invader Zim

TG’s Discord owner
ماريو ٦٤ انهيتها بنفسي ولا اذكر كم نجمة جبت بالضبط
لكن حتى اجيب ال١٢٠ نجمة استعملت مجلة العاب الكمبيوتر ايامها
وبس بعدها ما اعدت استعمل حلول كاملة

كتبت الرد بموضوع ماريو ثري دي بالغلط بسبب اني ارد من الجوال وبالغلط دخلت عليه لول :sweatsmile::laughing:
myleg.jpg
 

Silent-Horror

True Gamer
تقريبا كلها؟ ::whistle::

أتذكر أول حل استخدمته كان من كتابة @Silent-Horror الله يذكره بالخير لفف12. فادني مع مهمات الصيد لدرجة طبعته ليسهل علي الرجوع له.
هههههه سعيد جدا إنك استفدت من الحل الكامل
أنا كذلك استفدت منه في البلاتينيوم للعبة
بصراحة الدليل اللي كتبته للعبة شي أفتخر به للآن.
 

AliAlwazzan

True Gamer
MGS4 واللعين فامباير استخدمت معاه كل شي ممكن ومافاد ومره بالصدفه كنت رايح البقالة منبوده بالزاويه وشفت مجلة وفيها الحل الكامل للعبة واخدتها
 

SILENT EVIL

True Gamer
اللعبة الأولى كنا جروب مع رزدنت ايفل ٢ واحس اني كنت ناصب عليهم لاني طول الوقت كنت ماسك الكنترول :tearsofjoy:.
اللعبة الثانية كنت لوحدي لاني كنت العب باراسايت إيف ٢ بترجمة يابانية وعلقت عند كلمة مرور صندوق الكاشير في المتجر نهائياً ما قدرت اطلعه الا اني استعين بالحل.
الثالثة أعتقد كانت الون إن ذا دارك.
 
أعلى