hits counter

الريال السعودي والدرهم الإماراتي قادم إلى الستيم

YazeedVx

True Gamer
مااستفدنا شيء, على كذا المحلات الكبار مثل جرير وغيرها بتتواصل مع الناشرين - مثل حالة سوني - وبنشوف اسعار فلكية, سعر 299 ريال للعبة هو مجرد نكتة, 80 دولار على ايش؟
واتوقع التخفيضات راح تتأثر كذلك, ستيم كان يضرب به المثل في الرخص في الالعاب لكن هالشيء مااتوقع بيستمر للاسف

المشكلة اذكر قريت انه فورزا 6 في ستور الاكس بوكس ب299 كذلك, غير عن الالعاب بالستور السعودي اللي 70 دولار, ويزعلوا لما الناس يتجهوا لطرق غير قانونية
 

L.O.R.D

True Gamer
LpX44eS.png




هلا بالريجيون لوك
 

khaled 13

True Gamer
واو ماتوقعت يخفضون معظم الاسعار بنسبة 33 % شيء طيب والله

لكن شيء محزن ايضا انك تشوف شركات مو بس ماتخفض الاسعار بل ترفعها بعد ! مثل بثيسدا وكابكوم و اكتيفيجين

سعر فالآوت 4 مبالغ فيه وبقوه
شوفوا اسعارها بجميع العملات هنا
https://steamdb.info/app/377160/
نسخة الريال والدرهم هي الأغلى وبفرق كبير :/

LpX44eS.png




هلا بالريجيون لوك

كنت ناوي اشتري ألعاب وابيعها على الامريكان لكن الله يقلع الريجون لوك :mad:
 

L.O.R.D

True Gamer
هم شالوا خيار الباي بال؟
الباي بال في الأساس غير مدعوم بشكل رسمي في الشرق الأوسط ( حتى لو كان هناك صفحة باي بال السعودية )
 

XORO

True Gamer
امس كنت بشتري فول اوت من ستيم واليوم اشوف السعر 299 درهم

سلامات .... حتى الهنود اللي عندنا ما سووها
 

Black JK

True Gamer
الباي بال في الأساس غير مدعوم بشكل رسمي في الشرق الأوسط ( حتى لو كان هناك صفحة باي بال السعودية )

كيف؟ كل مشترياتي بالستيم كانت عن طريق الباي بال؟
 

D.M.C.N

Gamer
لازم نتواصل مع بثيسدا بخصوص سعر فول اوت الغير مبرر .. اما الالعاب بشكل عام قل سعرها كثير ولكم أمثلة على ألعاب مانزلت في الماركت لسه ..

لعبة just cause 3 قيمتها الاساسية 59$ أي 216.5DH وقيمتها بعد التحويل 150درهم.
لعبة Xcom 2 قيمتها الاساسية 59$ أي 216.5DH وقيمتها بعد التحويل 159درهم.
لعبة Dues Ex قيمتها الاساسية 59$ أي 216.5DH وقيمتها بعد التحويل 150درهم.
لعبة Hitman قيمتها الاساسية 59$ أي 216.5DH وقيمتها بعد التحويل 150درهم.
ولعبة نزلت مثل GTA 5 (مع التخفيض) قيمتها 41.19$ أي 151DH وقيمتها بعد التحويل 113درهم.

ألعاب الانديز كلها تخفض سعرها بشكل رهيب, اللعبتين اللي لاحظت عليهم ارتفاع هم كود وفول اوت4 (واحس تسعيرتهم غلط أيضاً)

الاسعار بالريال السعودي أيضاً ارخص من الدرهم الاماراتي.
 

ibrahimJ

True Gamer
اسعار سكوير اكثر من ممتازة بس بثيسدا سيئة جدا مو بس كذا اغلب العابهم اليحين ما يمديك تشتريها , التسعيرة الي حطتها بثسيدا عبارة عن هراء خالص
شباب احد منكم يتكرم ويفتح عن هذا الموضوع في جاف.
 

NCC-1701

Banned
الباي بال في الأساس غير مدعوم بشكل رسمي في الشرق الأوسط ( حتى لو كان هناك صفحة باي بال السعودية )
كيف مب مدعوم؟ انا دائما اشتري من ستيم عن طريق حسابي في الباي بال.
 

khaled 13

True Gamer
لازم نتواصل مع بثيسدا بخصوص سعر فول اوت الغير مبرر .. اما الالعاب بشكل عام قل سعرها كثير ولكم أمثلة على ألعاب مانزلت في الماركت لسه ..

لعبة just cause 3 قيمتها الاساسية 59$ أي 216.5DH وقيمتها بعد التحويل 150درهم.
لعبة Xcom 2 قيمتها الاساسية 59$ أي 216.5DH وقيمتها بعد التحويل 159درهم.
لعبة Dues Ex قيمتها الاساسية 59$ أي 216.5DH وقيمتها بعد التحويل 150درهم.
لعبة Hitman قيمتها الاساسية 59$ أي 216.5DH وقيمتها بعد التحويل 150درهم.
ولعبة نزلت مثل GTA 5 (مع التخفيض) قيمتها 41.19$ أي 151DH وقيمتها بعد التحويل 113درهم.

ألعاب الانديز كلها تخفض سعرها بشكل رهيب, اللعبتين اللي لاحظت عليهم ارتفاع هم كود وفول اوت4 (واحس تسعيرتهم غلط أيضاً)

الاسعار بالريال السعودي أيضاً ارخص من الدرهم الاماراتي.
مع اني اشتريت اللعبة قبل التعديل إلا اني قبل شوي سويت Request a refund وكتبت لستيم اني مابغى ادعم بثيسدا بسبب تسعيرتهم .
 

L.O.R.D

True Gamer
اسعار سكوير اكثر من ممتازة بس بثيسدا سيئة جدا مو بس كذا اغلب العابهم اليحين ما يمديك تشتريها , التسعيرة الي حطتها بثسيدا عبارة عن هراء خالص
شباب احد منكم يتكرم ويفتح عن هذا الموضوع في جاف.
في بالفعل موضوع في جاف
ومو بس نحن متأثرين
الستور الياباني والماليزي جدا متضررين
الستور التركي من زمان تم اضافته ووضعهم اسوء من عندنا

http://www.neogaf.com/forum/showthread.php?t=1138499
 

khaled 13

True Gamer
يس ستيم رجع فلوسي وشال فالآوت 4 من حسابي :)

بروح اشتري just cause 3
ماتتفوت بهذا السعر
 

khalid-xs

Hardcore Gamer
بسيطة في منصات ثانية تدعم الباي بال او الفيزا و اخذها بالدولار لو كان سعرها اهبل بالريال على ستيم
 

ibrahimJ

True Gamer
في بالفعل موضوع في جاف
ومو بس نحن متأثرين
الستور الياباني والماليزي جدا متضررين
الستور التركي من زمان تم اضافته ووضعهم اسوء من عندنا

http://www.neogaf.com/forum/showthread.php?t=1138499

غيروا الماليزي؟ لانوا الماليزي كانت اسعاره اكثر من ممتازة
احد الاشخاص شرح انوا هذا الشئ له علاقة بتسعيرة المنتجات عندما تبيعها لبلاد مختلفة حيث قال انوا هذه التسعيرات تنطبق حتى على المنتجات الرقمية بس ماني قادر اصدقه لانوا مثلا بعض الناشرين من امريكا مثلا wb خفضوا الاسعار على عكس بثسيدا .

لول، قايل لكم
ماله علاقة.
اللي بيصير إن ما بيحصل تحويل عملة، بس هالشيء ماله أي علاقة بشأن الأسعار المخصصة للمنطقة و بمفرده لا يشير لا إلى تحسن و لا لتدهور

HgGp4Tx.png
 

ibrahimJ

True Gamer
ما اقصد بهالموضوع، اقصد كلامي عن وضع ستيم العام...
شوف مصطفى سالفة اللوك ريجون منطقي والكل يعرف انه راح يصير لانوا في ناس تستغل الاسعار المخفضة وتبيعها زي ما صار مع oirgin حيث EA قفلت الستور الهندي لانوا الناس تستغل تخفيض الاسعار وتشتريها عن طريق Vpn او حتى يعيدوا بيعها على شكل keys فإذا كنت تبغى تلوم احد لوم اصحاب مواقع cd keys .
 

The Doctor

Once a Voyager on a Cursed Sea
شوف مصطفى سالفة اللوك ريجون منطقي والكل يعرف انه راح يصير لانوا في ناس تستغل الاسعار المخفضة وتبيعها زي ما صار مع oirgin حيث EA قفلت الستور الهندي لانوا الناس تستغل تخفيض الاسعار وتشتريها عن طريق Vpn او حتى يعيدوا بيعها على شكل keys فإذا كنت تبغى تلوم احد لوم اصحاب مواقع cd keys .
ما يغير الواقع. ستيم من فترة وهو يصير منغلق أكثر، و هالشيء فقط بيزيد مع الوقت.
 

MoShaKiS

Hardcore Gamer
GTA V إرتفع سعرها من 150 إلى 249 حتى أغلى من تحويل 60$ :neutral:
مسألة وقت والشركات تعرف السالفه ويحددو السعر على كيفهم
اللي عينه على لعبه معينه يشتري من الحين ، على سبيل المثال deus ex mankind divided مازالت 150 وتعتبر صفقة العمر
 

khaled 13

True Gamer
GTA V إرتفع سعرها من 150 إلى 249 حتى أغلى من تحويل 60$ :neutral:
مسألة وقت والشركات تعرف السالفه ويحددو السعر على كيفهم
اللي عينه على لعبه معينه يشتري من الحين ، على سبيل المثال deus ex mankind divided مازالت 150 وتعتبر صفقة العمر
الغريب انهم رفعوا سعر الجزء الخامس فقط بينما الاجزاء الاخرى لا زالت بسعر ممتاز وحتى انهم خفضوا سعر سان ادريس من 83 ريال إلى 47 ريال في نفس اليوم

ايضا توني انتبهت انه جميع ألعاب روكستار موجودة في الستور وتقدر تشتريها عكس قبل:smile:
 

XORO

True Gamer
شريت just cause 3 سعرها جدا ممتاز
 

HDNA

Ulfsaar
كنت رافض مسألة تحويل الريال قبل ماتصير لكن يبدو بأنه قبل سنتين رأيي كان مختلف لدرجة أرسلت رسالة لدعم ستيم أطلب منهم التسعير بالريال ::laugh::

cKyfUla.png
 

oX.

Hardcore Gamer
لول,fallout بـ 300 ريال!؟ ماهذا الهراء! يبدو أن الاستغلال العربي المبالغ فيه لاسعار الالعاب لاحقنا حتى بالديجتال!
كويس مالقيت GTA V بـ 350 ريال ويكتبون تحت "سبب الغلاء لانها ممنوعه"
 

The Last Lombax

In a new adventure~
يبدو أن الاستغلال العربي المبالغ فيه لاسعار الالعاب لاحقنا حتى بالديجتال!
فعلا! المجرمين قاعدين يبيعون ألعاب ستيم الثانية بأرخص من السعر الأمريكي!
 

oX.

Hardcore Gamer
فعلا! المجرمين قاعدين يبيعون ألعاب ستيم الثانية بأرخص من السعر الأمريكي!

شيء لايبرر لشيء! انا ايش همني العاب قديمة ليش ماقدر اشتري فول اوت 4 بـ 60 دولار زي الستور الثاني والسعر العالمي المعروف! ليش 300!؟
 
أعلى