وهل يخفى القمر كانت ومازالت افضل لعبة في تاريخ نتيندو واكثر لعبة تاثيرا في عالم الالعاب وعلى المطورين ومنهم كوجيما
بعتقادي لولا الله ثم اللعبة هذي ماكنت الالعاب بل الشكل الي نشوفه حاليا
أنا بصراحه ألعاب نينتندو اهيا اللي مخليتني ألعب قيمز لحد الآن، صحيح ان تجيني فترات ألعاب بأجهزه ثانيه بس تجربتي مع ألعاب نينتندو مختلفه
ولعبة بوكيمون هي أكثر لعبه أقعد عليها وقت طويل.
يعني توني أمس استوعب اني لاعب 700 ساعه ببوكيمون اكس! ماتوقعت ابدا اني راح العب بلعبه هالكثر.
وهالفتره قاعد ألعب ألعاب زيلدا ولحد الآن خلصت (skyward - ocarina of time - between worlds - windwaker) وبصراحه من احلى تجارب حياتي.
ولاعب تقريبا 70% من ألعاب السلسله على الـDS أول مانزلوا.
وناوي ارجع لهم مره ثانيه وأبدي من البدايه.
وأعز سلسله لقلبي هي سلسلة Paper Mario
خلصت جميع أجزاءها وكل جزء له طعم خاص فيه (خصوصاً اول جزئين 64 و جيم كيوب)، ماعدا جزء الوي ماعجبني وماحسيته بمستوى الأجزاء الباقي الا اني غصبت نفسي وخلصته عشان اكون لاعب كل الأجزاء
انا من الأقليه اللي عاجبهم جزء الثري دي اس واشوفه من احلى العاب الجهاز، يمكن لأني أحب وأميل للعب بالأجهزه المحموله اكثر من المنزليه، لدرجة اني توني مسويلي جهاز كمبيوتر جديد بمواصفات عاليه جداً عشان العب فيه العاب نينتندو ستريمنج مع الانفيديا شيلد بورتبل لوول.
وبعد ما أنسى Pikmin، هاللعبه من احلى الالعاب اللي لعبتها، خصوصاً بيكمين 3 عالوي يو، لأني كنت منتظر أشوف ألعاب نيتندو بالأتش دي وشريت الوي يو مع هاللعبه فكنت منبهر بالجرافيكس جداً.
وطبعاً الحب الأبدي كيربي لول، كيربي لاعب كل أجزاءه وفيه كم لعبه خلصتها 3 مرات.
وآخر شي بتكلم عن سلسلة ماريو الثري دي بلاتفرومر، بدايةً بماريو 64 الى جالاكسي 2 (ماريو 3دي وورلد ما اعتبرها من ضمن السلسله، مع انها كانت من امتع ألعاب اللعب الجماعي وخلصتها مع ربعي بيومين بس كنا نقعد عليها فوق ال5 ساعات ضحك ووناسه)
أفضل لعبة ماريو ثري دي عندي هي ماريو سن شاااين، اااخ يا هاللعبه شنو ذكريااااااات، لعبتها 3 مرات ولي اليوم كل فتره اشتاق اروح اشغلها واقعد العب فيها ادور النجوم الزرق ( لي الحين موقادر اجمعهم كلهم)
وبعد ما انسى ألعاب يوشي، على ال64 والقيم بوي ادفانس والدي اس ومؤخراً الثري دي اس ولعبة الوي يو شكلها نااااريه بتكون.
أحب الالعاب اللي تلعب فيها وانت مرتاااح وتاخذ راحتك تتمشى وتجمع كل شي وتكون كلها الوان واجواء تفتح النفس، انا من الناس اللي اندمج لما العب العاب اكشن، يعني لما لعبت لاست اوف اس كنت انفعل واقعد على اعصابي طول الوقت لين خلصتها.
حتى زيلدا سكاي وارد كنت اتنرفز من تحكم الويموت البايخ لدرجة اني كنت ناوي اوقف اللعب بعد كم ساعه، بس لعبت فيها اكثر من نصها ووقفت وبعدين رديت بعد كم شهر وخلصتها.
وبالنهايه اقول .... شكراً نينتندو.
::heart:
