hits counter

الاعلان عن نسخة digital deluxe للعبة demon souls

SevenY0Z

Hardcore Gamer
سعر النسخة ٨٩.٩٩ دولار في الستور الامريكي
يعني بتكون ٩٩.٩٩ دولار بالستور السعودي ::cry::
 

lightq8

True Gamer
دايما العاب سوني ارخص بالكويتي من الامريكي لكن ممكن تقصد الضريبة
 

SevenY0Z

Hardcore Gamer
دايما العاب سوني ارخص بالكويتي من الامريكي لكن ممكن تقصد الضريبة
بالاماراتي غالبا بتكون ٩٤.٩٩ دولار
الكويتي ما اعرف صراحة
 

Invader Zim

TG’s Discord owner
لا تشتري من الستور السعودي
 

ASWD

True Gamer
تعسا لهم..خلها تخلل لين ما ينزل سعرها
 

Risk Breaker

True Gamer
كنت بهتم للريماستر لو كان من تطوير فروم سوفتوير و نشوف فيه العالم السادس اللي إنحذف بسبب ضيق الوقت و الميزانية...امّا انك تبيع نفس اللعبة مع تحسين رسومي و شوية حركات سنمائية ب70 دولار و فوق هذا نسخة خاصة رقمية ب90 دولار فهذا يعتبر جشع و حلب غير مبرر.
 

Sultan/X

Banned
بعد تجربتهم لريميك ماحد اتوقع بيلعبها مع عيوبها القاتلة مثل أنك كل مره تموت اللعبة تعاقبك وتكون اصعب.
 

hussien-11

Senior Content Specialist
نسخ الديلوكس في الجيل الحالي كانت أعلى بـ10$ غالبًا، و ما كانت رخيصة ب70$

الآن بياخذوا 20 دولار زيادة عليهم كمان و يبيعوها بـ90 دولار؟ و تراهم شركة طرف أوّل، يعني ال90 دولار ذي كلها لجيبتهم

... ايش نوع الحشيش الي يحششه جيم راين؟

بعدين ليش حاطين بالنسخة سلاح و درع حصري و الساوندتراك الأصلي؟

ايش رأيك يا فؤاد @JIN KAZAMA ؟

صراحة، لا تعليق.
 

Tia

ᴛʜᴇ ROTTEN-UNTAINTED
عندنا قول تسعين دولار ديلوكس ما شاء الله، الكولكيتر بكم بالله؟

والله يغصبونك لأحضان مايكروسوفت غصب اتمنى ما يسيرون بخطاهم بس
 

شيطون

Fortnite Lover
يعني بتكون ٩٩.٩٩ دولار بالستور السعودي ::cry::

بتكون 9000 دولار
EjFqr5PXcAIpLly
 

Othmane

Deference for Darkness
كان علبالي تماثيل الي في صورة يجوك مع نسخة ::laugh:: , طلعت مجرد ازياء في لعبة هههههه مالها داعي ابدا
 

لُقمَان

True Gamer
هو أنا ماكنت متفائل بإدارة جيم راين وكنت متوقع شيء سيء، بس مو لهالدرجة...
اللي قاهرني أكثر من التسعيرات والنصب والكذب والتدليس... هو أن طريقة عرض الألعاب تغيرت..

كنت متحمس في مؤتمر كشف الـPS5 أتحصل على عروض لعب مطوّلة "10 دقائق~" لألعاب مثل "الأفق : فجرٌ جديد"، "GOW :RIC"،
كما عودتنا سوني مع الكشف عن أجزائهم الماضية، فإضافة إلى كونها تعطي شعورًا رهيبًا وممتعًا أثناء المشاهدة،
فأنها تحمل قيمة إعادة مشاهدة أعلى بكثير من عرض سينمائي بحت، أو مجرد شعار... إلى الأن أعيد عروضهم الأصلية باليوتيوب، كانت مُشبعة ومسلية "حتى خارج المعرض"
 

Dark_N11

True Gamer
الديلوكس ب 90 دولار مبالغ فيه و ماقد شفت هذا الجيل نسخة ديلوكس تستحق 10 دولار زيادة فما بالكم ب 20 دولار لول
 

JIN KAZAMA

True Gamer
نسخ الديلوكس في الجيل الحالي كانت أعلى بـ10$ غالبًا، و ما كانت رخيصة ب70$

الآن بياخذوا 20 دولار زيادة عليهم كمان و يبيعوها بـ90 دولار؟ و تراهم شركة طرف أوّل، يعني ال90 دولار ذي كلها لجيبتهم

... ايش نوع الحشيش الي يحششه جيم راين؟

بعدين ليش حاطين بالنسخة سلاح و درع حصري و الساوندتراك الأصلي؟

ايش رأيك يا فؤاد @JIN KAZAMA ؟

صراحة، لا تعليق.

الجيم باس ينادينا ::whistle::



سوني مشغله التيربو في رفع الاسعار ، كل خطواتها مع البلايستيشن ٥ انه كيف تقدر تمص جيوب اللاعبين باكبر قدر ممكن ، سواء بتسعيرات الالعاب او بعمل ريمسترات بفلوس مبالغه وحتى الBC للان ماوضحوا طريقة عمله ( شخصيا اعتقد هيحدوا من قدرات التوافق المسبق عشان ريمستراتهم المستقبلية لما يبيعها بمبالغ ضخمه يقلك ترانا حسناها لك )


سياسة جيم راين سيئه وفعلا تحس في جشع مبالغ ، المشكله لو نجحت وجابت ارباح كبيره ( وشخصيا اتوقع هذا اذا في تويتر وايرا تلاقي الناس تبرر افعالهم لول) بس اتمنى يحصل لهم كف ويطيروا راسه ، ويرجعوا لبداية جيل البلايستيشن ٤ ::involve::
 

m7tram

True Gamer
على أساس أن سعر الألعاب ما ارتفع already.

ارتفع محد ما قال ما أرتفع لكن انا اتكلم عن الديلوكس اديشين وتفاهاتهم في رأيي.

بخصوص الارتفاع راح اضطر ادفع واشتري الالعاب الي احبها وكلهم راح يزيدون في الجيل القادم .. وانا اصلا العب عالبي سي واهناك اغلب العابي وفقط للحصريات الي مهتم فيها عالكونسول.
 

hussien-11

Senior Content Specialist
ارتفع محد ما قال ما أرتفع لكن انا اتكلم عن الديلوكس اديشين وتفاهاتهم في رأيي.

بخصوص الارتفاع راح اضطر ادفع واشتري الالعاب الي احبها وكلهم راح يزيدون في الجيل القادم .. وانا اصلا العب عالبي سي واهناك اغلب العابي وفقط للحصريات الي مهتم فيها عالكونسول.

أصلًا ايش الي خلى الجمهور يبلع سعر ال70 دولار و هو ساكت؟ مش الديلوكس ادشن الي أراهنك أن نسبة كبيرة جدًا من الفانز تشتريهم؟

زي ما صار السعر الأساسي اليوم 70 دولار، بكرا بيصير 90$ و الجمهور بيظل ساكت، لأنه تعود يدفع هالمبلغ أصلًا.
 

kiryu

True Gamer
سوني شغالين تسويق لاكس بوكس بالمجان
الجيل الجاي انحسم من بدايته لول
المهم بالنسبة لي ولا لعبة راح أشتريها داي ون بهالأسعار جعلي ما لعبتهم للابد >_>
 

Veeto

True Gamer
أصلًا ايش الي خلى الجمهور يبلع سعر ال70 دولار و هو ساكت؟ مش الديلوكس ادشن الي أراهنك أن نسبة كبيرة جدًا من الفانز تشتريهم؟

ارجوك ان تقل لي ان هذا مجرد انطباع .. لان ان كان هذا الكلام صحيح ... فهي مأساة !! ورفع السعر منطقي !!!!!!
 

Veeto

True Gamer
مُجرد تحليل شخصي.

كلما ارى هذه البندلات الديلوكس .. اتسائل هل هناك حقا من يشتريها !!!
كلها اضافات حتى لو كانت بتحديات باللعبه ما اكترثت لها
كيف وان تدفع عليها اموالا !
 
أعلى