الاتصلات السعوديه .. و smart filter .. الى اين ؟

[squall leonhart]

لا يخفى عليكم سوء الخدمات المقدمه للانترنت في السعوديه ,, من محدودية السرعه و الانقطاعات المستمره و محدودية سعة المقسمات .. الى ان شركة الاتصلات تبهرنا بمفاجئة جديده .. يمكن بعضكم المشتركين بافاق dsl او سعودي نت او جوال نت لاحظوا هذا الشعار متكرر بالفتره الماضيه

هذا فلتر النت الجديد الي ركبوه بعد التحديثات الاخيره .. المصيبه انه يمنع الكثيييير من المواقع بدون اسباب مقنعة مثلا mininova ممنوع .. و كذا موقع ثاني يبرر المنع .. لكن نجي للمصيبة الكبيره ..

ما تقدر تدخل على PSN .. انا استغربت من يوم ما طلع الفلتر الغبي ان جسابي مو راضي يدخل و كنت احسب ان الشبكه فيها مشكله .. لكن الشغله طولت لاكثر من اسبوع و بعد بحث لقيت ان الكثير يعانون من نفس المشكله و هم من مشتركي الاتصلات المتخلفه ..


احد عنده حلول .. بالتصفح للاسف لاول مره صرت استخدم برنامج بروكسي بس ابغى حل لل PSN .. هل في برامج تخليني اتخطى البروكسي لل PSN عن طريق ال PC ( انا شبكة البيت حقتي موزعه عن طريق ال PC)

الموضوع نصه عام و نصه تقنى بالاخير قررت احطه هنا

 

[Silent Shadow]

المشكلة بدأت تظهرلي الأسبوع الماضي ، بديت أستخدم بروكسي بالمتصفح وحليت المشكلة رغم ظهور مشاكل ثانية معه بس بتظل أفضل من إني أقعد على إنترنت نصه محجوب .
المشكلة فيه مواقع محجوبة لأسباب غبية :annoyed:

 

[king zell]

بصراحة حركة تقهر


بحاول أوصل الموضوع لسوني السعودية لأن لهم علاقة قوية بالإتصالات.. و ما أعتقد يرضيهم الستور السعودي على PSN يكون محجوب

 

[النسر الأسود]

أنا ساكن في سوريا وأعاني كثير من ال PSN
في عدة طرق استخدمتها بمواقف مختلفة منها استخدام بروكسي معين لبلد أخرى ( مثلا استخدمت بروكسي سعودي وكان فعال وحل المشكلة في وقتها )
في موقف آخر غيرت ال DNS وأيضا حل لي مشكلة من المشاكل العديدة
على كل إذا مهتم بالتفاصيل فأنا حاضر

 

[Photon]

أوكيه .. كنت أحسب ذي المشكلة للبعض مو الكل ، رغم أني ما واجهتها ( بحكم أنه اشتراكي مع موبايلي ) ، كلهم أخيس من بعض ، لاخدمة و لامعاملة ، تتصل يعطوك أشكل ، مشاكل*غريبة ، مادري متى يتطور قطاع الاتصالات بالبلد :sarcastic:

 

[Flames]

@________________@


و أنا اقول شالسااااااالفة ! , طلع عيني اقسم بالله , حاولت فيه كل شيء لكن باقي يعطيني انه محجوب


على فكرة مو بس Mininova , تقريبا جميع مواقع التورنت محجوبة , سحقا ! , تبا ! للإتصالات السعودية , مب كفاية ان خدماتهم زفت بكل ما تعنيه الكلمة , و التصريييييييييف إلي يصير في الدعم الفني , كل ما صار شيء يقول المشكلة في السعودية او المشكلة في جدة !


اللعنة >_< , والله ما تعرفوا القهر إلي انا فيه إلحين , حجب عليا موقع كان هو السبب في دخولي النت تقريبا :


في أحد عنده حلّ او رقم ندق عليه و ننشب في حلقه لين ما يفتحه لنا ؟

 

[Ze Truth]

ما ادري وش تتكلم عنه...

اتصالي افاق شامل وانا الحين داخل مينينوفا.

 

[Dr.Dreams]

ما ادري وش تتكلم عنه...

اتصالي افاق شامل وانا الحين داخل مينينوفا.

نفس الشي بالضبط معي

 

[Flames]

^

حاول تبحث عن تورنت و تدخل عليه شوف وش يقول لك , لأن انا عندي الصفحة الرئيسية احيانا تفتح و أحيانا لا , بس التورنتات مستحيل تنفتح .

على فكرة مب بس ميني نوفا, مواقع كثيرة , منها يقول لك فيها Pornography و هي مافيها شيء و غيرها من تصريفات تقهر الواحد:crying:

 

[Niessu7]

المشكلة مو في كل المقسمات .. انا في الشرقية هنا ما واجهتني المشكلة .

بس قبل اربعة ايام وانا في جدة المشكلة كانت زاعجتني وانواع الرفريش عشان تفتح الصفحة .

 

[Dr.Dreams]

7
7
7
بحثت وحملت كل شي طلع عندي تمام:lebb:

 

[nbnt]

الـsmart fiter عند اهل جده بس؟ الله يستر لاتصير للسعوديه كلها.. بدون تورنت وبدون بسن وقريباً بدون لايف O__O?؟؟

 

[Flames]

^

" تفاءلوا بالخير تجدوه "... :crying:

* باقي في ذرة أمل عندي *

 

[nbnt]

^

نقول ان شاء الله

بدون الثلاثة اشياء اللي قلتها (مع بعض الحاجات) ايش نبغى بالـ DSL? خلاص يرجعوننا للـدايل اب أحسن :sarcastic:

على فكره فيه احد غيري عنده تخبيط بالاتصال هاليومين؟ الداونلود يعطيني نص السرعه والابلود.. مدري ايش اقول عنه :annoyed:

 

[53]

قبل فتره مو بعيده كان عندنا بالكويت نفس السالفه. شركة كوالتي نت حطت هالفلتر الي يمنع التورنت واللايف لأسباب انهم قاعدين يطورون الشبكه او شي من هالقبيل.

بصراحه ما اعتقد بتطول عندكم وأتوقع لفترة قصيره بس لان مستحيل الناس بترضى.

 

[The Bloodstains]

سالفة Mininova بسيطة، كل الا عليك انك تدور بروكسي وتدخل الموقع وتحمل ملف التورنت بالبروكسي. هم حظروا الموقع ما حظروا التراكر (اعتقد).

 

[Aoks]

انا الاتصالات السعودية وادخل mininova عادي والستور مو محجوب ​

 

[Solay]

اتوقع هالمشكله بس بجدة او يمكن الحجاز بشكل عام.

 

[Silent Shadow]

كل المشتركين بآفاق وايرلس بيواجهوا هالمشكلة سواء بالغربية و بغيرها .

 

[iCrow]

قبل فتره 3اسابيع يمكن كان الانترنت دمار بكل معنى الكلمه :evil::
ما كان في اي شي يبين لك انك تستعمل DSL السرعه نزلت بشكل رهيب . اعتقد الديل اب كان اصرف بواجد :crying:
انحلت المشكله بعد اسبوع تقريباًَ من العذاب
وها اليومين بديت اشم ريحه ها المشكله مره ثانيه :w00t:

بالنسبه للمواقع الاسبوع الي فات البعض منها ما يفتح لفترات مو حجب بس تحس ما يتصل بالموقع ... التورنت جربته وشغال معي :what:

 

[Burdegation]

قبل فتره مو بعيده كان عندنا بالكويت نفس السالفه. شركة كوالتي نت حطت هالفلتر الي يمنع التورنت واللايف لأسباب انهم قاعدين يطورون الشبكه او شي من هالقبيل.

المشكله للحين , كل مواقع التورنت حاظرينها و ماقدر ادشها الا بالطرق الملتويه

بس باقي المواقع و الـpsn مافي مشكله معاهم

المشكله مو من كواليتي ..بل من الوزاره نفسها

نأسف ‘ لقد تم إغلاق هذا الموقع وذلك بناء على تعليمات وزارةالمواصلات

 

[Zero]

وزارة المواصلات XD ؟!

 

[Flames]

أنا يعطيني هذي

ما يخليك تدخل الموقع لكن لمن تحمل ملف التورنت بطرق ملتوية ينزل معاك لأن ما حجبوا " التراكر "

 

[KOTSHY]

ما احد لقى حل ؟؟

 

[Nintendo]

الحمدلله ماعانيت من المشكلة (dsl عادي مش شامل) ولكن اخواني يشتكوا ...

 

[KOTSHY]

هي المشكلة بالشامل وسعودي نت فقط

 

[Nintendo]

انا مشترك سعودي نت ولكن مش شامل,, لول اول مره احس اني تميزت بشئ مع انه النت حالته سيئة اجمالا ويفصل كثير صاير

 

[Id]

هي المشكلة بالشامل وسعودي نت فقط

المشكلة في الشامل بس .. بس الغريب إنها ما شملت كل المناطق أخوي عنده شامل ولا يطلع عنده الحجب ولا يمنعه من دخول شبكة الـPS ..

 

[Jonas]

النت عندي بدون ميني نوفا يقل مقداره :/ stc للأسف ان خدماتها عاديه جداً و اي شركة ثانيه تقدر تنافسها و تتغلب عليها بقوه

GO

 

[Megagarcon]

ايش الفرق بين الحجب والSmart Filtter؟

اليوم الصباح حاولت ادخل مواقع ومدونات ومنتديات عديده بس ماقدرت, كلها محجوبه (حجب عادي مش Smart Fillter). المهم اني بعد ما دخلتها عن طريق بروكسي طلع المنتديات والمدونات هاذي عااااااااااااااااااااااااااااااديه جدا :surprised::surprised:

هم الظاهر يحجبوا وبس .. اي شي حجب, موقع فيه افلام صور ممثلات احجب احجب احجب موقع فيه تحميل 99% ملفات و1% بورن (والظاهر مايطلع في السعوديه البورن, يعني لما تبحث ماتطلع نتايج) احجب احجب. خلاص, السالفه عبط, اي احد ينتقد جهاز حكومي احجب.

لكن المنتديات الي تصدر ثقافة الارهاب مثل Montada.com ما تنحجب. :what: