هاذي اول مرة اسافر فيها إلى دبي و ان شاء الله بعد كم يوم مسافر لها انا وزوجتي لمدة اسبوع، فأبغا نصائحكم عن الأماكن اللي اقدر اروح لها، اسواق، مراكز، ملاهي، مناطق سياحية.....
من أقل من شهرين كنت هناك مع أهلي, أهلي محافظين و الأماكن يلي يروحوها family friendly..
أنصحك قبل كل شي و بمجرد نزولك في المطار إما إنك تشغل التجوال الدولي قبل لا تغادر دولتك أو تطلع شريحة جوال ذات 3G/LTE غير محدود + بطارية خارجية لجوالك لأنك بتحتاج الـGPS حتى يوفر عليك كثييييير من اللّف و الدوران.
بحط لك قائمة الأماكن يلي زرناها.
::Shopping Malls::
دبي مول:
الأشهر, تقضي فيه يوم كامل, ضخم جدا و مفتوح على البحيرات و القعدات اللطيفة حول برج خليفة, فيه aquarium كبير, أيضا فيه المكتبة اليابانية المشهورة Kinokuniya.
ابن بطوطة مول:
أيضا مشهور بتصميمه المميز, مقسم لمناطق, كل منطقة تحمل theme معماري و حضاري مختلف, ضخم و فيه مطاعم لبنانية مميزة, ينقضى فيه نصف يوم بالراحة.
::أماكن سياحية::
Miracle Garden:
لاااا تروحها مع عائلة.
خذ خطيبتك أو زوجتك و روح, الأجواء يلي تحبها الإناث, زهور زهور في كل مكان زهور, مهندسة بشكل مجنون و مميز و رسوم الدخول مقبولة جدا, روح ساعات الصباح الباكرة و احسب حساب انك بتقضي ساعتين ثلاثة فحاول تلحق قبل شمسة الظهر الحامية.
المشوار مع الأهل كان ممل, كل يلي حولك couples و كله ماسك selfie sticks و شغالين تصوير =_=
أتلنتس في جزيرة النخلة:
أعتقد الناس تروحها بشكل أساسي للـaquarium الضخم يلي فيها.
أيضا مكانها في جزيرة النخلة يخلي المشوار يستاهل, مناظر جديدة و تصميم الجزيرة مميز.
Ferrari World:
في جزيرة ياس على طريق أبو ظبي.
عاملة ضجة أكبر من محتوى الألعاب يلي داخلها, لكن تصميمها مميز و رؤيتها عن قرب يستاهل المشوار, احسب حساب تقضي فيها معظم اليوم.
جامع الشيخ زايد - أبو ظبي:
تحفة معمارية و لو تلحق على لحظات ما قبل المغرب و إضاءة المسجد لساعات الليلة فجوها جدا رائع.
ما زرته هالسفرة, لكن من كم شهر في رمضان زرته و كانت صلاة التراويح فيه عالم آخر من الروحانية.
قناة القصباء في الشارقة كذالك مكان رائع للتمشية و مش بعيدة عن دبي ، جدا مكان رائع و روح قبل المغرب اذا ودك تركب العين الكبيرة للتصوير و في رحله بحرية و مطاعم و كافيهات في الهوا الطلق
مدينة العين كذالك فيها اماكن حلوة ، ساعة و نص من دبي
فيها حديقة الحيوان و جبل حفيت
والله الاخوان كفوا ووفوا لدرجة انه في اماكن انا مااعرفها
اتلنتس فندق وملاهي مائية
دبي مول
الامارات مول
ferrari world
wild wadi او وايلد وادي ملاهي مائية بس اكيد اتلنتس احسن منه
في مركز للبولنج كبير اسال عنه مكان ترفيهي