افتتاح موقع Shaberu! DS Oryouri Navi (لعبة الطبخ من نينتندو) - معلومات جديدة

[NSider]

لعبة الطبخ الجديدة من نينتندو .. Shaberu! DS Oryouri Navi أو Talking! DS Cooking Navi تم افتتاح موقعها الرسمي. اللعبة عبارة عن كتاب طبخ الكتروني يستغل ميزات الـDS بشكل مريح في الاستخدام.

http://www.nintendo.co.jp/ds/a4vj/index.html

- أكثر من 200 وصفة
- إمكانية التحكم بالصوت عن طريق المايك
- إمكانية التحكم باللمس عن طريق القلم
- تعليمات صوتية كاملة للطبخ عن طريق السماعات

الوصفات المختلفة:
- 39 Meat recipes
- 41 Fish recipes
- 39 Vegetable recipes
- 11 Egg/Tofu recipes
- 18 Bread/Rice recipes
- 15 Noodles recipes
- 19 Soup recipes
- 10 Misc recipes
- 8 Snacks/Desserts recipes

اللعبة موجهة طبعاً للجنس اللطيف، وراح تنزل في نفس يوم الـDS Lite الوردي (شوفوا الصور) .. بتاريخ 20 يوليو.

والله تشهي الصورة!

نينتندو تتوقع تبيع 200,000 نسخة من اللعبة. أعتقد أنها بتبيع أكثر بمساعدة الـ DSL الوردي.

عن اذنكم بروح أتغدى!

 

[mario0o]

لووول شكله شهي

اللي فهمته ان السوفوير كانه كتاب طبخ ويعطيك تعليمات طبخ (كنت اتحسبه لعبة مثل كوكينج ماما)

اتوقع اللعبة بتبيع بشكل ممتاز عند الحريم:razz: . واذا نجحت اكيد ننتندو بتنزل نسخ ثانية وفيها وصفات اخرى..

شكله الشيف اللي عطاهم الوصفات بيطللع ذهب اذا نجح السوفت وير

(اذا نجح على طول بطرشلهم اكلاتنا وكيف الطبخ والصور ...:razz: )

 

[The Doctor]

كوووووول تنفع للي ما يعرف يطبخ... I wonder if there's a recipe on how to frie an egg :question:

dammit... ليش حاط الموضوع قريب وقت الغدى؟ جوعااااااااان

bye bye... gotta eat :bigSmile:

 

[Leon]

ودي أعرف هي لعبة أو مجرد دليل ومرشد في الطبخ!!؟؟

ولو كانت لعبة كيف حتكون طريقتها بالضبط؟؟ لأن الموقع ذاكر طرق اعداد الوصفات فقط ...!!

 

[mario0o]

ودي أعرف هي لعبة أو مجرد دليل ومرشد في الطبخ!!؟؟

ولو كانت لعبة كيف حتكون طريقتها بالضبط؟؟ لأن الموقع ذاكر طرق اعداد الوصفات فقط ...!!

هو سوفتوير و كانه كتاب طبخ فيه صفحات وارشادات للطبخ وتتحكم عن طريق اللمس او الاوامر بالكلام ​

صور لبعض الأكلات

اللحم- 39 وصفة:

السمج - 41 وصفة :

الخضار - 39 وصفة :

(الصورة الاخيرة فيها لحم !؟)

الخبز والعيش(الرز) - 18 وصفة :

الشوربة - 19 وصفة :

البيض - 11 وصفة:

النودلز - 15 وصفة:

Misc !! ما عرفت شو هذا - 10 وصفات:

الحلويات (للاسف ما حطو صور -_- ). 8 وصفات​

منو اللي بيشوف بس هالصور وما بيشتري الشريط !!!​

 

[Leon]

هممم , في البداية ما هضمت الفكرة لكن بعد التفكير ليه لأ , فعلا خطوة جيدة لصالح DSL لمزيد من الأفكار اللي مو بالضرورة تكون ألعاب ....

Nice Move.​

يووه الله يهديك بس .. يعني لازم من الصور المتعبه هذي ...

 

[itachi]

والله الفكرة حلوة عدل ...
شكلي باخذه وبطبخ طبخات..( أندومي وشوربة ..والمندي على الطريقة اليابانبة )

 

[Khalid-S]

خخخخ شباب ... كل واحد فيكم يكتب توقع كم بتبيع اللعبه ... اذا البرين ترينقق باعت بشكل فوق المتصور .. ما تدري يمكن هذي تسويها ..

انا اتوقع اول اسبوع 40 الف ..

 

[hussien-11]

مادري وين ننتندو الأمريكية عن هذي الألعاب ، أو التطبيقات اللي تعتبر التوضيح الحقيقي لشاشة اللمس في الجهاز و استخدامه بمجالات كثيرة و جديدة في الألعاب -__-
​

 

[Humam]

لول لعبة طبخ, استميحكم عذرا لكي أقول إن هذا يسمى تهريج, يعني ألعاب الفيديو صارت " تشطح " كثير و ما أدري هل يحق أن تسمى هذه ألعاب فيديو .. الناس ماتت عقولها والا ايش بالضبط..

 

[Khalid-S]

لول لعبة طبخ, استميحكم عذرا لكي أقول إن هذا يسمى تهريج, يعني ألعاب الفيديو صارت " تشطح " كثير و ما أدري هل يحق أن تسمى هذه ألعاب فيديو .. الناس ماتت عقولها والا ايش بالضبط..

همام ياريت تقرا الموضوع كويس بعدين اكتب رد .. هذي مو لعبه .. هذي زي كتاب طبخ الكتروني بصوت وصوت .... ايش المشكله يعني ؟؟ الجيمرز بيروحون يشترونها !؟؟ خخخخخ الدي اس صار للجميع همام .. صار حتى للنون جيمرز .. ما تبي نينتندو تهتم فيهم ؟

 

[Humam]

خالد يوسف كاتب في الموضوع " لعبة الطبخ من ننتندو " أنا ماجبت شي من عندي.. والا تبغاني أقرا جملة وأفسرها على مزاجي.. أقرا كويس مو كويس هذا الأمر منوط بي ومحد يجلس يتشرط علي ويحاول يفهمني كيف أرد.. المشكلة إنها فكرة سخيفة ومدام موجهة للنون - جيمرز ( واحنا كلنا هنا جيمرز ) مافي داعي نزعل إذا واحد انتقدها.. مجرد سوفت وير لا راح ولا جا..

 

[Khalid-S]

ما علي من يوسف .. هذا سوفر وير موجه مو للالعبين .. موجه للنون جيمرز .. لا تجي وتقول تهريج ما تهريج .. هذي مو لعبه الكتاب باين من عنوانه .. لكن انت داخل شايف ان يوسف كاتب " لعبه " قلت خليني انزل وانتقد .

مثل ما البرين ترينقق مو لعبه . هذي كمان مو لعبه .. موجه لفئات معينه وبتفيد اشخاص كثير . ماني عارف ايش الي مزعلك ... ماني شايف من الصور في شخصيه تحركها وفي مراحل تعديها واسلحه تستخدمها عشان تكون " لعبه " خخخ الحمد لله

 

[Humam]

" خخخخخخ الحمد لله " هذي توجهها لك .. أنا ماني زعلان إلا لأن الفيديو جيمز صارت تدخل فيها خرابيط فقط لا غير, واذا زعلان لأنك منت شايف أسلحة واشياء تتحرك لول أجل المهاجونج وغيرها الألعاب مدري ليش مسمينها ألعاب مع انها كافيها لا أسلحة ولا أشياء تتحرك وو تتشقلب وتلعب شرعت..

وبعدين أنا مدري عن هذه اللعبة ولا كلفت أني اتابع عنها شي دخلت الموضوع قرأت كلام يوسف وأخذته كمرجع لأنه ما أعتقد يوسف بيحط شي غلط..

ويا سيدي سواء لعبة والا مو لعبة الأمر سواء وما يعفيها من كونها فكرة في قمة العبط ( على الأقل بالنسبة لي )

أنا الي مفروض اسألك انت ايش الي مزعلك في كلامي .. وبعدين خالد معليش ما كنت أعرف إن عندك قدرات سحرية تدخل قلوب الناس وتعرفم نواياهم..

سبحان الله أحيانا الانسان يصر على نقاشات في قمة البلاهة لمجرد العناد..

 

[Khalid-S]

خخخ .. صدقني همام .. دخلتك بالموضوع مدري وش تبي .

يا اخي هذي مو لعبه عشان تجي تعابط ومسوي زعلان وتقول الناس ماتت عقولها ... هذا مثل برنامج طبخ نزلته على الكومبيوتر عشان تتعلم منه .. نزل على الدي اس .. ايش المشكله !! على الاقل شي يفيد اكثر من لعبة ( مدري هي لعبه ولا ايش ) حقت كابكوم الي نزلتها على البي اس بي ..

همام لازم تعرف ان الدي اس مو جهاز العاب فيديو فقط .. بتشوف كتب تنزل على كارترج للدي اس احنا بنسميه لعبه .. لازم الصوره هذي تتغير عندنا .. الدي اس خرافي

 

[Humam]

على الاقل شي يفيد اكثر من لعبة ( مدري هي لعبه ولا ايش ) حقت كابكوم الي نزلتها على البي اس بي ..

لول أكيد تقصد اللعبة مطاردة ال........... الي خلصها محمد مرتين وطلع كل النهايات والبونس

 

[NSider]

يوسف كاتب في الموضوع " لعبة الطبخ من ننتندو "

خخخ أنا ندمت أني كتبت "لعبة" .. المشكلة كتبت الموضوع قبل ما توصل التفاصيل .. أنا كنت أفكرها لعبة فيها ميزات سوفتوير مثل Cooking Mama. لما عرفت التفاصيل ضفتها وحطيت الموضوع. عموماً شوف إيش كتبت هنا:

عبارة عن كتاب طبخ الكتروني يستغل ميزات الـDS بشكل مريح في الاستخدام.

أعتقد واضحة؟ عموماً ولا تزعل .. لو تبيني أغير كلمة لعبة وأكتب مكانها "سوفتوير" مو مشكلة. لكنها من نينتندو وعلى الـDS وبتجذب حمهور كبير للـDS ولألعاب مثل Super Princess Peach.

ويا سيدي سواء لعبة والا مو لعبة الأمر سواء وما يعفيها من كونها فكرة في قمة العبط ( على الأقل بالنسبة لي )

قمة العبط؟ كتاب طبخ يتكلم ويعطي وصفات بالصوت .. وممكن تقلب الصفحة بأنك تقول "OK" مثلاً. وما يحتاج أنك تستخدم يدك فيه أو أنك كل شوي تضيع الصفحة وترجع تدور مرة ثانية عنها. قمة الذكاء وبسعر مناسب مقارنة بأسعار كتب الطبخ العادية. لو يسوقونها عدل بتبيع مئات الآلاف بالراحة.

حصل خير لول.

 

[NSider]

أول فيديو (دعاية)

http://www.youtube.com/watch?v=xtEBzRb5G9Q

 

[hussien-11]

هممم ، العبقرية تكمن في الأفكار البسيطة .. الأيام بتثبت لنا اذا كانت الفكرة غير صالحة تجاريا للـDS أو العكس .
​

 

[mario0o]

حلو الدعاية

في 3 دعايات غيره هنا http://touch-ds.jp/mediagallery/st44.html

احس بتحقق نجاح قوي وخاصة انها بتخلي جميع فئات الناس يشترونها عشان يطبخون .. وحتى اللي ما يعرف بيتعللم عليها

11 يوم وبتنزل ...

 

[الــخــــارق]

جدا حلوة الفكرة ..
خاصة التحكم عن طريق الأوامر الصوتية ..

 

[Naif]

لو هذي البرامج ( برين تريننج و المترجم و الطبخ ..) تصدر عندنا بالعربي اتوقع بتحقق نجاح كبير مع دعايا مناسبة ..

 

[Mr.3B]

لو هذي البرامج ( برين تريننج و المترجم و الطبخ ..) تصدر عندنا بالعربي اتوقع بتحقق نجاح كبير مع دعايا مناسبة ..

عربي للأسف ما فيه أمل .. بس يللا نقول يا رب تنزل الطبخ أمريكية

 

[Nintendo]

اللعبه + اللون الوردي = انفجار جديد

بكل امانه ننتندو لعبتها صح مع الDS . عرفت فعلا تفتح سوق جديد للمستهلكين من كبار السن والبنات ..

 

[mario0o]

عروض فيديو طويله ويرويك الناس كيف تسوي الطبخة

لازم تشوفونه

http://touch-ds.jp/mfs/ryori/movie.html


ابداع @@

اتوقع النجاح الساحق للسوفتوير !!

 

[Bounty]

بكل اختصار ... روعه !

 

[Matt Casamassina]

شباب عالبركة أعلنوا عن النسخة الخليجية للعبة، حاطين صور جريش و كبسه جنبها دقوس.تحت اشراف أمي طبعا خخخخخخخخخخ.

فكرة حلوة، يعني البنات اللي اشتروا الجهاز للتجربة، أو النساء الأكبر على الأقل، ما يبون يلعبون طوال الوقت اغلب الظن، و شعور جيد خصوصا بالنسبة للكبار أنك تستفيد من اللي تشتريه بأكثر من طريقة و تستغله لأقصى حد. عقبال ما نشوف كتب الكترونية للدي اس، هاري بوتر مثلا؟