hits counter

اسعار تلفزيونات سامسونج وسوني 2017

fatal framer

True Gamer
اعلنت سامسونج عن سعر تلفزيونات qled
ل2017
والشركة تقول انه هالتقنية اوضح من oled اوضح صورة وتحسن بالالوان
والسعر من 2500 دولار لل55 بوصة للشاشة المسطحة والشاشة المنحنية من 3500 الى 4500 دولار
بينما موديلات سوني متوقع انها راح تبدي من 2400 دولار 55 بوصة
بس اكيد مو السعر الرسمي لانه سوني ماعلنت عن الاسعار لغاية هالوقت

بقت شركة باناسونيك ماتسرب اي شي عن سعر موديلات oled

شخصيا احترت زيادة مع هالشركات خصوصا اني لقيت موديل lg oled e6 بسعر مناسب لان عليه عرض

بالذات اللي تخليني اشكك سامسونج مع
qled

المصادر
سوني
سامسونج
 

KAIN

سابقاً Ghost of Sparta K
ما شفت احد ينصح في qled , الي عجبني تلفزيون سوني هذا


فديو اخر

 

ASWD

True Gamer
مو ديلات ال سي دي الجديدة من سوني اسعارها مصخرة.اجل الoled جم بيكون سعره ٤٠٠٠ لاقل حجم لووول!!!
 

fatal framer

True Gamer
@KAIN
سوني تقدمت بالصناعة من خطوتها الصوت من الشاشة نفسها وهذا شي ينحسب لها

@ASWD
شي غريب من سوني لان العادة تلقاها ارخص من المنافسين بس على موديلها oled بتكسر هالقاعدة
اسعار هالتقنيات مقاربة بشكل كبير بس شكلي ماراح انطر هالتلفزيونات على ماتنزل لان اكيد بيغلون السعر كالعادة عندنا
 

Clock Ender

Tarnished
شخصيا احترت زيادة مع هالشركات خصوصا اني لقيت موديل lg oled e6 بسعر مناسب لان عليه عرض
خذ LG هو الاستثمار الاكثر اماناً الآن .. مادري عن الـQled كثير حق سامسونج لكن مارح استغرب لو طلع هراء اعلام بينما تلفزيونات LG برأي المستهكلين والمواقع المحترفة هي أفضل تلفزيونات Upper high end تاخذها على الاطلاق
استثمر في افضل جودة تلفزيون مُختبرة ومُجربة ومستهلكة!
 

fatal framer

True Gamer
خذ LG هو الاستثمار الاكثر اماناً الآن .. مادري عن الـQled كثير حق سامسونج لكن مارح استغرب لو طلع هراء اعلام بينما تلفزيونات LG برأي المستهكلين والمواقع المحترفة هي أفضل تلفزيونات Upper high end تاخذها على الاطلاق
استثمر في افضل جودة تلفزيون مُختبرة ومُجربة ومستهلكة!
صح كلامك اهي شي مجرب وموثوق
انا كنت فعلا ناوي انطر شوي علشان اشوف qled او موديلات سوني الصوت من الشاشة نفسها بس المشكلة انه مبين اسعارها غالية وماتفرق عن lg بشكل كبير
هذا غير انه السعر بيتضاعف لما يوصل منطقتنا
على العموم انا شريت التلفزيون واليوم الظهر بيوصل بس اللي خلاني اتردد شوي كلام بعض الاعضاء عن البرايتنيس واللون الاسود ومن هالكلام
انا خذيت افضل شي في الوقت الحالي لل4k واكيد بعد 5 سنين راح يكون في تنوع اكثر لمختلف الماركات ويمكن تقنية افضل
 

bXNmbQ==

True Gamer
اخر ثلاث شهور من كل سنة الخصم يكون كبير جدا على الشاشات فهو افضل وقت لشراء شاشه #نصيحه
 

bXNmbQ==

True Gamer
خذ LG هو الاستثمار الاكثر اماناً الآن .. مادري عن الـQled كثير حق سامسونج لكن مارح استغرب لو طلع هراء اعلام بينما تلفزيونات LG برأي المستهكلين والمواقع المحترفة هي أفضل تلفزيونات Upper high end تاخذها على الاطلاق
استثمر في افضل جودة تلفزيون مُختبرة ومُجربة ومستهلكة!
مش هراء وهي مطبقته السنة الماضية

شاشات كمبيوتر وتلفزيونات
 

Silent-Horror

True Gamer
شي غريب من سوني لان العادة تلقاها ارخص من المنافسين بس على موديلها oled بتكسر هالقاعدة
سوني أرخص من LG و سامسونج ؟؟؟ هممم من فترة ما اخذت شاشة جديدة بس حسب ما أعرف سوني أغلى من الاثنين
وأنا ما أنصح بشاشات سامسونج الجديدة
تظل سوني أو LG خيار أفضل من سامسونج
 

fatal framer

True Gamer
سوني أرخص من LG و سامسونج ؟؟؟ هممم من فترة ما اخذت شاشة جديدة بس حسب ما أعرف سوني أغلى من الاثنين
وأنا ما أنصح بشاشات سامسونج الجديدة
تظل سوني أو LG خيار أفضل من سامسونج
يمكن صح كلامك اخوي لاني من زمان ما قارنت في السوق بين سوني وباقي المنتجات
و علشان جذي خذيت الافضل lg
راح احط الصور في موضوع المشتريات في وقت ثاني من اليوم ان شاء الله
 

fatal framer

True Gamer
آه أخذت خلاص ؟ ألف مبروك
أنا شاشتي الرئيسية في المشاهدة ( أفلام مسلسلات أنيمي ... الخ ) هي LG
الله يبارك فيك اخوي تسلم
انا حاطه في غرفة ثانية بس بعد ما قررت شسوي بالاجهزة احطهم فوق كبت او طاولة او الرفوف الستاند
يعني حتى البرو ماخذيته حاليا يمكن يفيدني بس في حالة الافلام والمسلسلات بجودة 4k
 

Riitmoo

Hardcore Gamer
امس كنت اشوف المقارنات بين qled و oled من اللي شفته ال جي ما يصلح الا للافلام جوده الالوان كانت واضحه جدا على سامسونج و بتفوق واضح تقنيه كوانتوم دوت مسويه شغل جميل و انا كقيمر اشوف qled افضل لي بنتظر اكثر واشوف شنو راح اخذ وقتها تكون الاسعار ارخص
 

khalid-xs

Hardcore Gamer
لا أدري أين أضع استفساري لكن أرجو أن تفيدوني ، ما حصلت شاشة ks8000 ٤٩ انش مالقيت غير ٥٥ انش كيرف وسعرها فوق ميزانيتي ، هنا بالخبر ولا سوق دوت كوم واكسترا الخبر يقول نفذت من الوكيل بلا بلا ، امازون الشحن بيسخطني لذا خيار مستبعد ، ناهيك اني ما احتاج الكيرف اصلا ، لذا وش البديل محتاج الشاشة خلال مارس حتى العب هورايزن بتقنية اتش دي ار لا أملك البرو حاليا لا افكر بشرائه ... ( شاشتي الحالية عمرها ثلاث سنين من ال جي ليد فل اتش دي لكن جودتها اللونية ماش قبيحة باهتة )


لذا يا شباب ماهو افضل بديل ؟ ولا يوجد فروقات شاسعة بينها وبين ks8000, وجدت ال جي و سوني فوركي و اتش دي ار لا ادري اذا تدعم ١٠ بيت ولكن بتأكد بوقت لاحق ،موديل ٢٠١٦ اعتقد سلسلة ٨ ،
 

W.W.W

True Gamer
X93d سوني كويسه ؟
 

Imagine Breaker

Casual Gamer
لا داعي للاندهاش من انخفاض اسعار التلفاز وذلك لتسويق الكم الكبير المنتج مسبقا بالإضافة إلى ان المستقبل يحمل شاشات تلفاز بلا زجاج اي ما يشبه الليزر ولا اعرفمتى ستدخل حيز التجارة لكنها مخترعة بالفعل بالاضافة لأسباب اخرى لا يفضل الخوض فيها .. لكن هناك تشجيع على ان يحوي كل تلفاز على جهاز او اكثر من تلك لأسباب ما !!
 

JOKER MASK

True Gamer
السلام عليكم

اخواني انا شفت شاشات سامسونج ٦٥ Qled با ١٥٠٠٠ با امازون وشاشات سوني OLED با ٢٥٠٠٠ با امازون اسعار سوني استهبال صراحة ويييين وش ذا العبط ادري انها تقنيات جديدة اجل لو وصلت سوقنا كم بتصير شكلها حفله عبط من الوكيلين
 

Tia

ᴛʜᴇ ROTTEN-UNTAINTED
مرحبا بالشباب، انا ناوي اشتري شاشة الفترة القادمة و قعدت اتصفح مواقع الخبراء و الخيارات كثيرة جداً.. انا ابغى شاشة خمسين انش فور كي و اتش دي ار بسعر في متناول اليد و لقيت ان سامسينج عندها موديلات كويسة جداً و بأسعار معقولة كثير. ميزانيتي ثمانمية باوند ماكسيمم فأي مساعدة في هذا الشأن من اهل الخبرة و شكراً مقدماً.^^
 

أرسلان

True Gamer
مرحبا بالشباب، انا ناوي اشتري شاشة الفترة القادمة و قعدت اتصفح مواقع الخبراء و الخيارات كثيرة جداً.. انا ابغى شاشة خمسين انش فور كي و اتش دي ار بسعر في متناول اليد و لقيت ان سامسينج عندها موديلات كويسة جداً و بأسعار معقولة كثير. ميزانيتي ثمانمية باوند ماكسيمم فأي مساعدة في هذا الشأن من اهل الخبرة و شكراً مقدماً.^^
http://www.theverge.com/circuitbrea...-4k-hdr-tv-e-series-2017-pricing-release-date
 
  • Like
Reactions: Tia

XORO

True Gamer
موقع سوني مسعر تلفاز A1E نسخة 55 بوصة 4000 دولار

موقعهم العربي السعر مب محدد شكلهم ناوين يدبلون الاسعار

بيكون تلفازي القادم لكن بعد عشر سنين
 

Tia

ᴛʜᴇ ROTTEN-UNTAINTED

يعطيك الف عافية، انا توكلت على الله و اخذت سامسينج موديل KU6300 خمسين بوصة لأن شفت الكثير يمدحه للناس الي عندها ميزانية متوسطة و موجود في اغلبية لوائح التوب عشرين من مختلف المواقع و ممتاز جداً للجيمنج بشكل عام و هذا سبب شرائي لشاشة جديدة.
 

أرسلان

True Gamer
يعطيك الف عافية، انا توكلت على الله و اخذت سامسينج موديل KU6300 خمسين بوصة لأن شفت الكثير يمدحه للناس الي عندها ميزانية متوسطة و موجود في اغلبية لوائح التوب عشرين من مختلف المواقع و ممتاز جداً للجيمنج بشكل عام و هذا سبب شرائي لشاشة جديدة.
مبروك عليك أخي بندول،تتهنى فيه إن شاء الله. :)
 
  • Like
Reactions: Tia
أعلى