hits counter

استفسار عن العدسات اللاصقه للعين .

BaKREee

Hardcore Gamer
السلام عليكم ..
ياشباب العدسات اللاصقه للعين الطبيه له سلبياات ؟؟ انا عندي ضعف نظر وقررت استخدم العدساات حبيت استفسر اذا احد قد استخدم العدسات .. وهل له انواع ؟ او اذا احد عندده نصايح عن العدسات ..

اتمنى الرد باسرع وقت لان اليوم راح اخذها ان شاء الله ..

مع العلم اني استخدم النظارات حاليا من 3 سنوات تقريبا ..
 

G4mer

Banned
أممم أنا أستخدمت عدسات لفترة والحمد لله العدسات الي أستخدمتهم مرتاح معهم و أمنات على العين

عدسات جونسن ..فيها ثلاث عدسات تقدر كل شهر تبدل بينها طبعا أذا بتشيلهم من عينك قبل ما تنام
وتقدر تنام والعدسات في عينك بس تستخدمهم لمدة أسبوع
 

BaKREee

Hardcore Gamer
ممتاز شكرن اخوي قيمر .. انا سمعت بنوع من العدسات تجي 6 حبات يعني 3 ازواج كل زوج يجلس معك شهر وممكن يكون اطول اذا مالبستها كل يوم .. هي نفس الي قلت لي عليها ؟ جونسن ؟
 

G4mer

Banned
^^^
صحيح ..جونسن (( ماركت جونسن ))
أنصحك بشده على العدسات لأنها خفيفه على العين
بس في البداية بتتضايق من العدسه لأنه بتحس شي في عينك لكن مع مرور الدقائق بترتاح
أنا أحيانا أنسى أني مركب عدسات
والرؤيه أحسن من النظرات <<< اطار النظاره يخرب عليك منظر الطبيعه أحس أني قاعد أشوف تلفزون والسبه النظاره :nerd:
 
من تجربتي المنكوبة لا تسويها

خصوصا اذا انت راعي جلسات على الشاشة زي الكمبيوتر والجيمز

لانك راح تظل فاتح عيونك لا اراديا "بحلقة" وراح تنشف العدسة اذا ما غمزت عينك بدري
ومع الوقت راح تضرك ...

وانتبه كمان اذا بتمشي بمكان فيه هوا كثير وخصوصا اذا اتربة لان احتمال اقل وصخ يلصق بعينك ويصير التهاب

على العموم بسبب الكمبيوتر دمعت عيني يوم وحمرت , وما قدرت اشوف النور منها, رحت لاستشاري وطلع عندي التهاب جانب الحدقة وجلست اتعالج كاني اعمى فترة اسبوعين الى شهر والحمدلله طابت
لكن ما الت هناك بقعة بيضاء ما تنشاف الا بتدقيق قريبة من الحدقة ... مابيها تكبر

يا تستمر نظارات يا تسوي ليزك وتريح نفسك ب 6000 ريال حد اقصى غالبا وتزيد كل ما ضعف نظرك
 

G4mer

Banned
أنزين Hironobu Sakaguchi
أنا أفكر أسوي ليزك
بس أنا من النوع 24 ساعه كمبيوتر و جيمز ....تنصحني بالعملية
 

JIN KAZAMA

True Gamer
انصحك تسوي ليزك (العالم كله بيسويها اللحين) بس اهم شي يكون عمرك فوق ال22سنه
لانه هذا هو العمر اللي يثبت فيه النظر ,وكان اهم شي مايكون فيك انحراف في العين
اما العدسات فالنظاره احسن منها بمليون مره ,استخدام العدسات بشكل كبير يجيب بلاوي للعين

يا تستمر نظارات يا تسوي ليزك وتريح نفسك ب 6000 ريال حد اقصى غالبا وتزيد كل ما ضعف نظرك
الليزك غالي جدا عندكم :tongue:عندنا مغربي يسويها ب500$ للعين الواحده وفي ناس تسويها ارخص
 

Tanton

True Gamer
من وين انت؟ أذكر آخر مرة سألت عن الليزك كانت +7000 ريال
 

JIN KAZAMA

True Gamer
انا من اليمن
وعلى مااعتقد في مستشفى حكومي عندنا يسويها ب300 $ للعين الواحده

تعديل :يمكن اكون غلطان شكلها 500$ للعينين والمستشفى الثاني نفس القصه !!!! الصراحه مش متاكد من السعر هذا (ال500 للعينين) بس المشكله في واحد يكلمني الان ويقولي ان العينين
ب500 $ !!!! بازيد اتاكد
 
التعديل الأخير:

Advil

Hardcore Gamer
خليك على النظارات افضل بمئة مرة، العدسات لها اثار سلبية خطيرة مثل الالتهابات واحداث ضرر بالقرنية . ابحث بجوجل راح تلاقيه بالتفصيل ،اذكر جملة دكتور عيون عندنا بانه لو راحت عينه ما راح يحط عدسات .
 
أنزين Hironobu Sakaguchi
أنا أفكر أسوي ليزك
بس أنا من النوع 24 ساعه كمبيوتر و جيمز ....تنصحني بالعملية

انا نفسي بسويها وانا ما اعيش نمن غير كمبيوتر وتوابعه :laugh::

على العموم بما اني ادمنت النظارات منذ الصغر... ممكن افصل نظارة عادية لكن اخلي عدستها تحتوي الملتي كود الي تعزل الاشعة من دخول عينك .. على الاقل البسها وقت الجلسة الطويلة للكمبيوتر ... منه تخفيف جهد على عيونك لانك بعد العملية لا ينصح بارهاقها.. ومنها اهتمام لعينك وشوية شوية تخفف ادمان النظارات :tongue:

وموضوع العدسة افادوك باقي الشباب ... الحمدلله على الصحة والعافية :)
وتذكر السعر حسب قياس نظرك يزيد او يقل وحسب المكان الي تروح له
 

BaKREee

Hardcore Gamer
انا عند الكمبيوتر ماالبس النظاره .. عند الجيمز والتلفزيون بشكل عام البس النظاره .. العدسات مخطط اخليها للمناسبات والطلعات فقط ! "يعني لبسي لها راح يكوون ناادر مو البسها عند الكمبيوتر والجيمز وكذا "
 
^^
حسب الي يريحك... انا من ناحيتي بحاول اريح عيوني قد ما اقدر لاني اعرف كيف اتعبها فوق حدها
وكمان اكون وقتها مبسوط رجعت بصري زين اجي احرقه من البداية ههه :tongue: ؟

سوي العملية وان شاء الله خير وحافظ على عينك
 

جون سيلفر

True Gamer
بما ان الموضوع عن العدسات
انا عيني اليمين اضعف من عيني اليسار من وانا صغير
هل احد جرب عملية الليزك وهل هي تنفع ومع العلم اني ماجربت لانظارات ولا عدسات
احد فيكم مثل حالتي اشوف بشكل جيد لكن اذا غمضت عيني السليمة البيكسل يضعف :laugh::
 

m7787m

Banned
البيكسل يضعف ؟

شكلك تلعب X 360 على تلفزيون SD أو إنك ما عندك سلك HDMI .
 

Arkan

Hardcore Gamer
خلك على النظارات احسن
انا فيني ضعف نظر ولبست عدسات لمده اسبوعين ما أرتحت إطلاقاً

كانت للعين اليمين كرتون عدسات لمستوى ضعف غير عن العين اليسرى
استعملتهم وتبديلهم بشكل اسبوعي لكن ما ارتحت اذا لعبت قيمز راح تضطر تفتح عيونك اكثر من اللازم راح تحس بأن العدسه قاعده تنزل من عينك وتنطر شوي تلاحظ انك بالعين الوحده نص بالعده ونص بدون عدسه
مجرد ترمش ترجع العدسه لوضعيتها

وعلى فكره العدسات حساسه حيل لازم تداريها وتنظف ايدك وقت تركيبها واذا ركبتها غلط راح تعاني منها واذا سكرت على بعضها العدسه خسرتها ولها محاليل مفروض تنظفها فيها اذا طاحت بالارض او مسكتها وايدك ناشفه

خلك على النظارات احسن وحتى لو تغير ستايل النظاره راح تغير فكرتك بالعدسات
 

BaKREee

Hardcore Gamer
ياشباب الحمدلله تم شراء العدسات .. والاحظ اكثركم فاهم غلط انا اخذ العدسات " للمناسبات ! " فقط يعني وقت الجيمز والتلفزيون والكمبيوتر ماراح البسها .. جاااري تجربة العدسات :p
 

Golden_Sun

True Gamer
صارلي ألبس عدسات اكثر من 6 سنين، مرتاح معاهم.
استخدم العدسات اليومية اللي كل يوم تتبدل، انظف، واريح ما تحتاج انك تعقمهم. البسها الصبح وافصخها بالليل قبل النوم
بالنسبة للماركات يُفضل انك انت تجربهم تجربه شخصية، مثلا انا جونسن ان جونسن ما ارتاح لهم واستخدم نوعية ارخص منهم لكنهم مريحين اكثر. تعتمد بالاول والاخير عليك : )
 

BaKREee

Hardcore Gamer
العدسات اليوميه ياجولدن يقولون مخصصه للي يمارسون الرياضه ..
الحمدلله لبست العدساات ومرتااح معهم الان لي ساعه تقريبا وكل شي تماااام .. بس عندي سؤال انا الي عندي جونسن وقالي الي اعطاني اياها ان عمر العدستين " 15 يوم كحد اقصى ! " هل صحيح هالكلام ؟؟؟
احب اشكر كل من ساعدني بالموضوع .. صحيح اني جلست نص ساعه احاول البسها لاكني الحين مرتاح :p
 

Still Alive

True Gamer
بما ان الموضوع عن العدسات
انا عيني اليمين اضعف من عيني اليسار من وانا صغير
هل احد جرب عملية الليزك وهل هي تنفع ومع العلم اني ماجربت لانظارات ولا عدسات
احد فيكم مثل حالتي اشوف بشكل جيد لكن اذا غمضت عيني السليمة البيكسل يضعف :laugh::

سويت عملية ليزك قبل اسبوعين ب5500 درهم عند مستشفى مغربي

نظري كان نازل 5 من 6 في العينين الأثنين .. الحين اقدر اقول انه صار 5.7 !!
 

جون سيلفر

True Gamer
سويت عملية ليزك قبل اسبوعين ب5500 درهم عند مستشفى مغربي

نظري كان نازل 5 من 6 في العينين الأثنين .. الحين اقدر اقول انه صار 5.7 !!

ماشاء الله
ليه مستشفى مغربي ؟
طيب يقولون ماتصلح الا للعينين
اما عين وحدة مافي عملية لعين وحدة مثلي:sweat:
وهل هي خطيرة يقولون بعد العملية يجيك ألم فضيع بالعين وممنوع تفرك عيونك بعد العملية
انا ابروح للمستشفى بعد العيد وابسويها
 

Still Alive

True Gamer
ماشاء الله
ليه مستشفى مغربي ؟
طيب يقولون ماتصلح الا للعينين
اما عين وحدة مافي عملية لعين وحدة مثلي:sweat:
وهل هي خطيرة يقولون بعد العملية يجيك ألم فضيع بالعين وممنوع تفرك عيونك بعد العملية
انا ابروح للمستشفى بعد العيد وابسويها

من هذا الى قال لك ما تنفع الا لعينين؟

اصلاً هم يسووا لك فحص النظر لكل عين لحالها .. والعملية نفس الشيء يستغلوا لك على كل عين لحالها

بعد العملية ما يجيك آلم فضيع بل آلم بسيط جداً .. بس ممنوع عليك تفركها وتدخل فيها الماء لمدة اسبوعين ، وتبتعد عن الاضواء الساطعة والتلفزيون واللابتوب في الفترة هذي .. وتلبس نظارات شمسية لما تطلع برة عشان الشمس والأتربة
 

Saadawii

True Gamer
استخدم العدسات من يمكن 6 أو 7 سنوات. الحفاظ عليها ضروري. النوم فيها شيء خطأ وخطير.
الرؤية بالعدسات أوضح من النظارة (وفق دراسة قريتها).
أفضل نوع من العدسات هو عدسات بايوميديكس. جونسون أكثر انتشار وفيه منها فئات جيدة، لكن بايوميديكس أفضل بكثير حسب تجربتي الطويلة.
ينصح أكثر باستخدام العدسات اليومية، لأنها ما تحتاج إلى عناية. أعتقد لأن أكثر الناس ما عندهم التزام ووعي، لكن إذا عندك التزام ووعي، الشهرية أوفر بكثير.
 
أعلى