hits counter

اذا... فيفا × بيس (2014) شرايكم؟

king zell

Network Director
Administrator
مجموعة كبيرة من الشباب هنا ما شاء الله حصلوا على فيفا 15 و جالسين يلعبونها الأيام الماضية

أيضا في كثير حملوا ديمو بيس خلال الفترة الماضية



أنا شخصيا شفت ديمو PES و مختلف كثير عن اللي جربته في E3، اللعبة حصلت على تحسينات كثيرة



بس دام الظروف أصبحت متكافئة الآن على الجيل الجديد، شرايكم باللعبتين و ايش عجبكم أكثر (جيمبلاي)؟
 

Nasser

True Gamer
2015*

للحين ما جربت بيس بالقدر الكافي للأسف. لكن من اللي جربته اشعر بالتغيير.

تبقى فيفا متفوقة في المجمل وبفارق.
 

Unknown

Fake Gamer
جيم بلاي ؟


فارق معي ومستمتع اكثر مع بيس وبعد سنين رجعوا لجذورهم اخيرا بعد مراحل تغيير كثيره
مشكلتهم انهم بكل جزء يغيروا كثير باللعبه .. الجيم بلاي الحالي اتمنى يثبتوا عليه ويطوروه

فيفا متفوقه بكل شي الا الجيم بلاي! مشكلتي دايم احبط من الجيم بلاي واحسه يكتمني
مرات افوز/ انهزم وانا ما استحق .. ما احس لعبي pure احس شي يدخل معي يا يضبّط او يخرب
كلامي مجمل لأغلب اجزاء فيفا ولعبت حدود 6-8 مباريات فيفا 15 .. ملاحظ المشكله باقي موجوده
 
التعديل الأخير:

James Killer

Hardcore Gamer
راح العبهم الاثنين ... واستمتع بيهم..خاصة اني من زمان على بيس لكن الحين بلعبها مع فيفا.
 

PS

True Gamer
انا والشباب اللي معاي في الميلس نلعب كل يوم فيفا ويوم نزل بيس شغلتها ولكن للأسف ماعجبت أحد و تم الرجوع لفيفا 15.
 

COOL&DANGER

Hardcore Gamer
جربت الديمو حق اللعبتين فيفا تحسها لعبة مكتملة من كل الجوانب و قوائم اللعبة رائعة و تفتح الشهية للعب بيس تطورت كثير و أقدر اقول أنها افضل من فيفا بشيئين الأول الجيم بلي ممتع و أسلوب الدفاع أفضل عندي من فيفا رغم أن فيفا عندها جيم بلي صلب أيضاً و الشيء الثاني هو الرسوم محرك فوكس قدم رسوم ممتازة و أقوى من فيفا غير كذا فيفا تتفوق في كل شيء من حقوق الدوريات و الأطقم و الملاعب و الأطوار و القوائم و المعلقين و الأنميشن مع العلم أن بيس قدمت أنميشن خورافي في هذا الجزاء لكن يبقى الأحتفال بالأهداف تلقائي و مكرر .
 

USefQ80

True Gamer
فيفا ممتازه لكن يبيلها تعديلات خصوصا الحارس !
بيس 2015 بإختصار ( مرض ) ! ما قدرت العب اكثر من مباراة !

للاسف بيس انتهت و مالهم امل للمنافسه...
 

SCREAMING_RAGE

رئيس فريق TG كرة أوروبية
هل انا الوحيد اللي لاحظ ان فيفا 15 سرقت اشياء من بيس هذه السنة ؟؟

الالتفات الثقيل للاعبين و ثقلهم......... للحظات في فيفا15 تحس انك تلعب بيس !!
فيفا كان يميزها خفة اللاعبين و سرعة دورانهم......... فيفا15 تحس انك قاعد تسوق شاحنه يوم تلف بلاعب.
 

PS

True Gamer
هل انا الوحيد اللي لاحظ ان فيفا 15 سرقت اشياء من بيس هذه السنة ؟؟

الالتفات الثقيل للاعبين و ثقلهم......... للحظات في فيفا15 تحس انك تلعب بيس !!
فيفا كان يميزها خفة اللاعبين و سرعة دورانهم......... فيفا15 تحس انك قاعد تسوق شاحنه يوم تلف بلاعب.

حط اللعب على السريع وستمتع.

أنا اسوي هذي الحركة في كل أجزاء فيفا وماواجهت حركت الثقل.
 

منتقي

True Gamer
بالنسبة لي ، هذي السنة ولأول مرة منذ سنوات ، بيس تتفوق على فيفا من خلال الجيم بلاي


بيس اصبحت ممتازة وممتعة ومحبوكة بشكل كبير
 

zlatanovic

True Gamer
ما استعبد ابدا ان اللاعبين يتحولون من فيفا لبيس هالسنة او حتى السنة اللي راحت. 14 & 15 من فيفا اجزاء سيئة مقارنة بـ 11 12 13، ولو ان 15 افضل من 14 بشكل بسيط.
عن نفسي ما جربت بيس، ولا راح اجربها في اي وقت قريب الى ان يصلحون مشكلة الاونلاين والسيرفرات الضعيفه اللي ما يلعب فيها احد. غالب لعبي اونلاين، فعشان كذا مضطر على فيفا.
 

game for new

True Gamer
قلتها في موضوع الديمو واقولها احين بيس اتطورت بشكل خرافي هذا السنة الصراحة انا من النوع اله مايهمني حقوق الملاعب ولا حقوق الاندية اهم شيء عندي متعة الجيم بلاي والتكتيكات وبيس قدمت لي ه الشيء بشكل سلس وممتع جدا .... اذا تاخد الكورة بكرستيانو او تاخدها بميسي تحس بفرق كبير هذا الشيء اله كان نفتقده في كارثة بيس 2014.

اتمنى يثبتوا على الجيم بلاي في جميع العابهم القادمة فقط يطورونه كل سنة شوي غير هذا بيس عندها حقوق دوري ابطال اسيا وعندها رؤوف خليف معلق اتمنى التوفيق للعبتين في قادم المواعيد.
 

Raulioo

Tarnished
بدون طور مثل الالتمت تيم ما في امل احول لبرو بيوم من الايام..مثل ما قال زلاتانوفيتش الاوفلاين خارج الحسابات بالعاب الكرة، وفيفا تتميز بالسيرفرات الثابتة -مع ان كبواتها بدت تكثر هالفترة- لكن وضعها لا زال ارحم بكثير..أغبى شي عملوه انهم شالوا اشارة الاتصال بالمباريات مع الخصم..متأكد انهم بيصلحون هالمصيبة باحدى الحديثات.
الجزء الحالي لما تتقنه وتعرف توقف اللاعبين الصواريخ -اكبر السلبيات الحالية- وقتها بتكون نقلة ايجابية بالنسبة لك من 14..مع ان تبقى الحركة مالها داعي، تستغرب كيف انهم بدوا الثورة بـ09 مع أفضلية اللاعبين السريعين..وظلوا يعدلون هالسلبية لين ما وصلوا للتوازن المطلوب..واخرتها جو وخربوها بـ 15 ..وزادوا الطين بلة لما خلوا الشد من الخلف بيتسبب ببلنتي بضغة زر :/ ..ما تقدر تفهم بعض القرارات التطويرية
 

X-SRI-X

True Gamer
بصراحة لعبت كل اجزاء فيفا تقريبا لكني ما زلت افضل بيس عليها .. متعود على الجيم بلاي تبعه اكثر ...
 

Unknown

Fake Gamer
بدون طور مثل الالتمت تيم ما في امل احول لبرو بيوم من الايام

هالسنه بيكون في طور جديد ومشابه للالتمت تيم اسمه MyClub
غير الاطوار السابقه مثل الماستر ليق اون لاين وكن اسطوره الخ الخ

تفاصيل MyClub لحد الان ماطلعت .. لكن موجود له صوره

PES2015_myClub_ScudMenu.jpg


اخيرا بيكون فيه تحديث اسبوعي للاعبين .. وكل 3 شهور تحديث لشكل اللاعب
PES2015_LiveUpdates.jpg


السنه هذي اشتغلوا بضمير .. بس باقي نشوف التطبيق والاون لاين :sweat_smile:​
 
أعلى