hits counter

إنطباعاتي الشخصية عن الـ X1 و الـ PS4 و مقارنة بسيطة

Wild Fox

True Gamer
اول شي بس حاب انبه انه هذي انطباعات شخصيه و اخذت الموافقه من واحد من المشرفين ..اتمنى الموضوع ما ينقلب لحرب فانبويز و خلافه ..

بأبدا باول شي ممكن تشوفه لما تاخذ الجهاز و هو :

ا
لـ Packaging :

PS4: ممكن واحد من اسوأ الPackaging اللي شفتهم .. الجهاز بين حامل كرتوني و مش ثابت .. ممكن هذا يكون سبب كثير من المشاكل اللي واجهها الجهاز .. خصوصا انه في اجهزه كان حلها مجرد اعاده تركيب HDD مفكوك او مهزوز.

X1 : يحتاج اتكلم ؟ افضل حمايه شفتها للجهاز .. قطعتين من الفلين لكل طرف و تحمي الجهاز من الضربات وو هذا غير التصميم الفخم .. راح تحس بالـ500$ اللي دفعتها لما تاخذ الجهاز "نسخه الـday one "

المحتويات :

1-الاكواد الاضافيه :

PS4
: شهر PSN+ و شهر Music unlimited و 10$ حلال عليك ، لعبتين مجانا ضمن الpsn + وهي Resogun "افضل لعبه نزلت في الجيل الجديد الى الان" و Contrast.

X1 : أسبوعين اشتراك لايف + اتشيفمنت day 1 "مين يشتري؟" ، هذا كان في الريجون الامريكي .. لكن الريجون الاوروبي طلعوا بلعبه مجانا "للاسف انا مش محسوب هنا".

==============

2- الكاميرا

Kinect 2.0
:

سلبيات :

- مش دائما تستجيب للي تقوله ، مرات احتاج اكرر الامر مرتين عشان يستوعب .. و مرات ما راح يسمع الا امر واحد و تنتظر الين يقفل او تقول "Stop listening " و تعطيه الامر الثاني ..

عندك مثلاً لعبة Kinect Sports طلعت عيني الين اشتغلت ! "حاطها في مكان مناسب قبل ما احد يقول ممكن و ممكن ".

داخل الالعاب "من تجربتي لـ DR3 " الاستجابه سيئه .. مرات كثير اعطي الامر و ما يستجيب .. لازم اكرر الامر اقل شي مرتين او ثلاث .. نادر جدا ما استجاب من اول مره .

- مشكله ثانيه مشكله الـ Recolonization .. كنت جالس على الكنبه و جنبي شخص ثاني و له حساب على نفس الجهاز .. الشخص الثاني قدم راسه شوي قام دخله و خلاه كانه هو اللي يلعب و انا صفطني مع ان الكنترولر في يدي !

- في 3 نقط حمرا تطلع من الكاميرا و تكون واضحه جدا ... مزعجه جدا بالنسبه لي !

الايجابيات :

+ الكاميرا متطوره جدا .. يتعرف عليك في ثانيه.

+ جربت الـ excersice app و كان روعه و يحسب حركاتك و جهدك العضلي بطريقه ممتازه .

+ الاوامر الصوتيه تريحك كثير "لما تستجيب " و تحس نفسك في بعد ثاني .


Playstation Camera :



- الاوامر الصوتيه متعبه جدا .. بتعيد و تزيد و تكرر عشان يستوعب! و لو اني اكتشفت انك لو اعتمدت على مايك الكاميرا الاستجابه اسرع

- الـ face recognition ممتاز لكن مرات ممكن يتاخر شوي و لا ما في مقارنه بينه و بين الكينيكت.

جربت PlayRoom و كانت اللعبة Laggy شوي.

الكينكت يتفوق بالريوس هنا . لكن الPS CAM يؤدي غرضه المباشر بدون مشاكل ز و كنت راضي عنها و اعطتني اكثر من اللي توقعته منها .


===================================

الـ Power Brick :

مايكروسوفت ؟! سلامات ؟ بلوكه مع الجهاز .. كبير جدا !

و لاهم حطيت الجهاز على الستاند باي و جالس اسمع صوت " همممممممممممممممممممم" .. طلع فيه مروحه
اوك شي جميل انك تحط مروحه فيه .. بس يبقى شي مزعج انك تحتاج Power brick من الاساس .

الصوره توضح :

[TWEET]403987239480197120[/TWEET]

================================

الكنترولر :

PS4 : تطور كثير عن اول ! العاب الFps بترتاح جدا و انت تلعبها .. الgrip في الجهاز رهيب !

الtouch pad سريع الاستجابه "كيلزون" و كل شي فيه حلو .. لكن اتضايقت و انا العب فيفا و حسيت نفسي مش مرتاح فيه.

X1: بطاريات ؟! اوك اوك عارفين من اول بس ياخي يبقى عيب .. تجبرني اني اشتري Charge and play kit ليه ؟ صراحه هذي النقطه ما فهمتها من مايكروسوفت .

لكن الشي الايجابي هو مكان البطاريه الجديد يعطيك مسكه افضل للكنترولر .. زر الHome يعطي منظر فخم.

حسيت اني اشد على اصبعي لما استخدم RB و LB و اتضايقت منهم خصوصا انهم click buttons و الكنترولر ثقيل .

شخصيا افضل الـ DS4.

=======================================

الكونسول نفسه :

X1 كبير جدا .. و واخذ اغلب مساحه الرف .. بينما الرف العلوي حاط فيه الwiiu و الـPS4 ، خوف مايكروسوفت واضح جدا من مشاكل الحراره.

الجهازين فيهم لمسه حلوه و لو ان الx1 tradional اكثر ، اللهم العطفه الي في الركن . الX1 اهدا وقت اللعب من PS4.

================================


الـ User Interface :


الفرق الاكبر بالنسبه لي هو نظام الـ Share .. لا ما اتكلم عن twitch .

X1 متاخر جدا من هذي الناحيه .. Xbox record that و اللي راح تسجله 30 ثانيه الى 5 دقايق حسب اللي تختاره .. 5 دقايق ما تكفي
ما في خاصيه لالتقاط الصور ؟ ما في مشاركه على تويتر .. لازم Sky drive .. الموضوع كله على بعضه معقد ..
في الطرف الاخر Ps4 زر و جاهز و الشيرينج على الفيسبوك للفيديوز و الصور لتويتر و الفيسبوك بضغطه زر . و 15 دقيقه كامله .

الـ PS4 بالراحه يتفوق ..

X1 : عانيت فيه من مشاكل و ايرورز ..

1- تثبيت الألعاب سلبيه كبيره في حق الجهاز .. DR3 اخذت مني 20 دقيقه عشان ابدا لعب " غيري طولوا اكثر" ما جربت العاب ثانيه فما اقدر احكم . في المقابل KillZone على الps4 اخذت 4 دقائق فقط !

[TWEET]404989036764602368[/TWEET]

2- الشاشه تفصل بالكامل و ترجع .. صارت معاي مره وحده و طيحت قلبي .. لكن في ناس صارت معاهم اكثر من مره .

3- مرات اكون جالس العب و اللعبه تروح على الـ home page من نفسها !

4- احط اللعبه Pause و اروح و تصير Unpause من نفسها !

5- Error طلعلي 3 مرات الى الان و اقلقني .. رقمه " 0x8027025a" الجهاز بيقلك الapp اخذ اكثر من اللازم جرب مره ثانيه و لا في شي بيفتح معاك !

كلمت الـ support .. بكل بروده قالوا احنا عارفين عن المشكله افصل سلك الكهرباء دقيقه و رجعه ! قلت اوك مره وحده فصلت و رجعت و لعبت و حبيت اروح على netflix و نفس المشكله .. فصلت و شبكت netflix و بعدين بالعب نفس المشكله :rage:

المشكله موجوده عند يوزرس كثير الرقم عندكم سووا بحث .. الحل الاخير طلع انك تحط الجهاز على power saving و ماراح تقدر تشغل الجهاز بالامر الصوتي و ما تقدر تسوي داونلود و الجهاز مقفل و خلافه .

6- جربت الTV عند واحد من اقربائي .. شاف مباراه كره سله .. و كلامه كان "ان الوضوح اقل و فيه لاق" . الانترفيس يحتاج شغل كثير من مايكروسوفت عشان يصير ثابت .


الـPS4 السهل الممتنع .. سريع و تعرف انت فين و تسوي كل شي بسهوله مطلقه و من غير تعقيد. لكنه متاخر عن الـX1 بس اقلها ثابت ومستقر.


=================================================


رأي شخصي بحت :

بأمانه و من دون اي انحياز لاي طرف .. انصح الكل بالــ PS4 تجربتي مع الX1 كان فيها داونجريد عن اللي جربته مع البس4 . امور بسيطه و بديهيه تخرب عليك كثير، من اللاق في الاستجابه لبطء تحميل الالعاب و مشاكل الUI .

و غير كذا نص خدمات الاكس اذا مش اغلبها مش مدعومه في المنطقه العربيه .. و اللي حسيته من التجربه ان الاكسبوكس موجه بشكل اساسي لتجربه مدمجه مع التلفاز . و غيرها اسباب ممكن انتوا تعرفوها اكثر مني .

و في الاخير رأيكم و قروشكم و انتم احرار .

سلامو عليكو .. رايح العب ماريو .
 
التعديل الأخير:

the-hope

Hardcore Gamer
تسلم اخوي عبدالله
افضل انطباعات قريتها للجهازين ومرجع للي محتار بينهم
بالنسبة لي خاخذ جهازين من الثلاثة ان شاءلله (PS4-X1-WII U)
اتمنى يبقى الموضوع بالهدوء هذا:sadwalk::sadwalk:
 

Q8y

Casual Gamer
ما اقدر اتفق معاك الا بنقاط معينه والي تخص البلايستيشن 4

لكن تبقى مشاكل الأكس بوكس حلها باليد

وال جهازين جدد في الساحه أتمنى أعطاهم سنه على الأقل
 

Master Assassin

True Gamer
بالنسبة لي اخذت الوي يو من فترة قصيرة وماني مستعجل على اي من الجهازين ، ولكن لو فرضنا اني قررت اشتري واحد من الجهازين الآن بيكون خياري أكيد PS4
مو لأن الإكس ون سيء ، ولكن عندي كمية أصدقاء و أقارب بيشترو الPS4 وهذا بحد ذاته يحسم الخيارعندي
الإكس ون مشكلته اني أدفع في اللايڤ زيي زي أي واحد في أمريكا ولكن بالمقابل هو ياخذ خدمات ومميزات وانا بالنهاية ماعندي ولا نصها حتى
ما انكر اني فان كبير جدا لفورزا و يمكن زي ما قلت سابقاً هي اللي تجبرني اشتري الجهاز مستقبلاً ولكن على الأقل الى نهاية 2015 بكتفي الPS4 بجانب الوي يو
ومشكور على الإنطباعات الحيادية للطرفين .
 

R E M i X E R

Hardcore Gamer
الله يبارك لك عبدالله :)

أنا الجيل هذا "أخطأت" و أخذت الـ360 :( بسبب نوايا خبيثة جدا :::blush:::

الجيل القادم أنا خلاص قطعت فيها و قررت أخذ البس4 :) ! وكانت مقومات عديدة حسمت قراري ! أهمها الحصريات طبعاً ! و ممكن يكون الإنتماء :smirk:

متى أشتريه ؟ مع مجس5 ان شاالله تعالى


يعطيك العافية عبدالله
 

Emirates

True Gamer
يعطيك العافيه عبدالله على الانطباعات وعرفنا بدرجة كبيرة شو يقدمه الجهازين

كفيت ووفيت

بانتظار الجهازين
 

W.W.W

True Gamer
بس مو كأنك نسيت شي ؟ الالعاب ثم الالعاب ثم الالعاب
الاكس ون لو بخذه بكون معاي 4 ألعاب متنوعه

ديد رايزنق3
فورزا5
Killer Instinct
باتلفيلد4
ويمكن رايز كخيار خامس

بينما البلاي4 بصير معاي لعبتين فقط ومن نفس الجنرا مع الاسف

كيلزون
باتلفيلد4
ويمكن كناك كخيار ثالث

طبعا هذا من غير ما نحسب الالعاب المجانيه القابله لتحميل لكلا الجهازين

الاكس ون مع مشاكله مستعد اخذه أول جهاز , بس مشكلتي الوحيده معاه انه ما نزل عندنا بشكل رسمي ولا عليه ضمان معتمد

أتكلم وانا مسوي بري اوردر للبلاي4 وكيلزون وبيوصلني يوم 13 ديسمبر >_>
 

ryo hazuki

True Gamer
تسلم على الانطباعات ، عطتنا صورة واضحة

بس عن نفسي ما اقرر شراء جهاز على شان الانترفيس و الخصائص هذي ، اهم شي الالعاب طبعا
وكذالك تطبيق سكايب على ال x1 جدا مهم بالنسبة لي و تطبيق يوتيوب بعد
اذا فية مشاكل في النظام الان مايخوفني لان اعرف ان مايكرو بتحدث الواجهة كل سنة لتصبح مستقبلا شي مختلف تماما عن الي موجود الان مثل ال 360

اما بخصوص ال ps4 ما اعتقد بتغيير الواجهه لفترة طويله هذا اذا ماكان جيل كامل

في النهاية اهم شي الالعاب و متا تتوفر العاب رائعة على هذي الاجهزة وجب شراءها
 
التعديل الأخير:

ASWD

True Gamer
عبدالله شيل النايلون مدري وش اسمها عن المحول اذا بعده مغلف بيها لانه خطر في اي وقت يصير احتباس لا سمح الله
 

NA1F

True Gamer
بس مو كأنك نسيت شي ؟ الالعاب ثم الالعاب ثم الالعاب
الاكس ون لو بخذه بكون معاي 4 ألعاب متنوعه

ديد رايزنق3
فورزا5
Killer Instinct
باتلفيلد4
ويمكن رايز كخيار خامس

بينما البلاي4 بصير معاي لعبتين فقط ومن نفس الجنرا مع الاسف

كيلزون
باتلفيلد4
ويمكن كناك كخيار ثالث

طبعا هذا من غير ما نحسب الالعاب المجانيه القابله لتحميل لكلا الجهازين

الاكس ون مع مشاكله مستعد اخذه أول جهاز , بس مشكلتي الوحيده معاه انه ما نزل عندنا بشكل رسمي ولا عليه ضمان معتمد

أتكلم وانا مسوي بري اوردر للبلاي4 وكيلزون وبيوصلني يوم 13 ديسمبر >_>


الرجال مسوي استعراض عن نظام الجهازين وسرعة الاستجابه
بالنسبة للالعاب الكل يعرف عن الالعاب الي صادرة ..
 

Veeto

True Gamer
انطباعات مميزة ورائعة وسهلة .. اعتقد مايكرو ظلمت نفسها كثير بفكرة الـ DRM شكلها كانت مبنية في كل نموذج عمل الاكس ون
التنصيب الكامل .. وغيرها كلها تتابعات لهالشي .. لما اتذكر اعلانهم في جراند ثيفت اوتو 4 - مقارنة بين الانتظار في البلاي 3 والاكس 360
 

FARES_

True Gamer
الانطباعات ممتازه ما خليت شي كنت بسأل فيه :v:شكرا !
 

Classic Player

TG News Editor
ما ادري عن البلايستشن 4 لكن كلامك عن الاكس1 صحيح ... استخدامه شوي معقد

بس في ميزة نسيتها ما ادري اذا موجودة في البلاي4 برضو .. الي هي السمارت قلاس ... اعجبتني كثير اغلب استخدام صار بالسمارت قلاس خصوصا لمشاهدة النتفلكس و هولو

و ايضا دعم اللغة العربية بالكامل شي جميل
 

HorizOn

Banned
اشوف مافي تحيز بالموضوع مع احترامي احس قاعد اطلع سلبيات الاكس بوكس بالغصب عموما من قرأت كنترول بلاي سيتشن 4 افضل"من هنا "وقفت القراءة

أنتظر مقارنة تجربيبة من TG

وشكراً
 

HorizOn

Banned
بس مو كأنك نسيت شي ؟ الالعاب ثم الالعاب ثم الالعاب
الاكس ون لو بخذه بكون معاي 4 ألعاب متنوعه

ديد رايزنق3
فورزا5
Killer Instinct
باتلفيلد4
ويمكن رايز كخيار خامس

بينما البلاي4 بصير معاي لعبتين فقط ومن نفس الجنرا مع الاسف

كيلزون
باتلفيلد4
ويمكن كناك كخيار ثالث

طبعا هذا من غير ما نحسب الالعاب المجانيه القابله لتحميل لكلا الجهازين

الاكس ون مع مشاكله مستعد اخذه أول جهاز , بس مشكلتي الوحيده معاه انه ما نزل عندنا بشكل رسمي ولا عليه ضمان معتمد

أتكلم وانا مسوي بري اوردر للبلاي4 وكيلزون وبيوصلني يوم 13 ديسمبر >_>

عبدالله شو رايك بالتسجيل الفيديو التي ارسلتك اياها امس على "الواتس اب" حقت الكنيكت والاستجابات السريعه كيف كانت ؟! اشرح لهم :relaxed:
 

White Soul

Moderator
مشرف
يعطيك العافية على الانطباعات المميزة :)
كلا الجهازين حاليًا ما يستاهلوا بالنسبة ليي ، مستقبلًا باخذ واحد من الاثنين إن شاء الله (بجانب الوي يو الي أخذته)
مبدأيًا أميل للـPS4 وانطباعاتك شجعتني أكثر


سلامو عليكو .. رايح العب ماريو .

لول بعد كل هالمقارنات تركتهم ورحت للوي يو ؟ :joy:
 

Tomb raider

True Gamer
مقارنة جيدة ، كنت افكر اشتري الX1 اول وانتظر الPS4 شوي، شكلي بنتظر عالX1 واشتري الPS4 بندل مع انفمس :yum:
 

Wild Fox

True Gamer
بس مو كأنك نسيت شي ؟ الالعاب ثم الالعاب ثم الالعاب

موضوعي في جهه مخلفه عن الالعاب .. كلا الجهازين بيطلعلهم العاب مميزه في المستقبل .. و العاب اللانش ما تعبر عن شي .
لو موضوعي كان اللانش كنت ذكرت الالعاب.

عبدالله شيل النايلون مدري وش اسمها عن المحول اذا بعده مغلف بيها لانه خطر في اي وقت يصير احتباس لا سمح الله

شلته يوسف ، الصوره قديمه اول ما فتحت الجهاز :sweat_smile:

ما ادري عن البلايستشن 4 لكن كلامك عن الاكس1 صحيح ... استخدامه شوي معقد

بس في ميزة نسيتها ما ادري اذا موجودة في البلاي4 برضو .. الي هي السمارت قلاس ... اعجبتني كثير اغلب استخدام صار بالسمارت قلاس خصوصا لمشاهدة النتفلكس و هولو

و ايضا دعم اللغة العربية بالكامل شي جميل

في App للبلايستيشن على الجوالات و التابلت .. استخدمته مره و حملت resogun و انا برا البيت و لقيتها جاهزه لما رجعت البيت
جربت اشغل السمارت جلاس برا البيت و قلي no xbox found ? فمااتعمقت فيه
اللغه العربيه ايجابيه كبيره طبعا للاكس بوكس .. عن نفسي ما استخدمتها . فراحت عن بالي


اشوف مافي تحيز بالموضوع مع احترامي احس قاعد اطلع سلبيات الاكس بوكس بالغصب عموما من قرأت كنترول بلاي سيتشن 4 افضل"من هنا "وقفت القراءة

أنتظر مقارنة تجربيبة من TG

وشكراً

music-notes-tissue-box.jpg


هدي اعصابك ..و كمل قراءه.. الموضوع اسخف من اني انحاز لطرف على حساب طرف ..
و بالنسبه للكنترولر اسمها اراء شخصيه يا مسلم .. و ذكرت ايجابياته كامله .
و ارجع اقرا اول سطر اكثر من مره

لول بعد كل هالمقارنات تركتهم ورحت للوي يو ؟ :joy:

صعب تشوف سباك ايطالي كيوت و يقلك ميييااااااااااااااوو و تطنشه :joy:
 

abosaed

Casual Gamer
شكرا لك على الموضوع الرائع كفيت و وفيت
كنت ناوي اشتري بي اس فور بكل الاحوال بس كنت ابي توضيح حتى يطمأن قلبي :::blush:::
مثل السوفت وير وغيرها

أنصدمت من تقييم الكونترول توقعت الاكس ون افضل من PS4 لكون الجيل السابق افضل نقطة لصالح البي اس فور كنت قلق من ناحيتها

:heart:
 

StackOverflow

Casual Gamer
قوود
الـ UI بالإكس راح يتغير مافيها كلام محد يرضى بواجهة السفينة الفضائية حقت الإكس ون
فكذا راح تروح أغلب سلبيات الجهاز

سؤال بس
بالبلاي 4 تقدر تطلع صوت اللعب من المايك المشبوك باليد؟ ماتكلم عن الشات أتكلم عن أصوات اللعبة. ويطلع الصوت مجسم ولا حقيقي ؟
أنها ميزة مجنونة لو تقدر تشبك أي مايك 3.5mm .
 

الخفاش

Casual Gamer
شرحك بسيط وكافي .. بالنسبة لي الجهازين شرائهما واجب ولكن الاولوية للاكس ون مثل ما سويت هذا الجيل وبعدها راح اخذ البلاي 4 مع انشارتد باذن الله ..

سؤال بخصوص الاكس ون. هل سرعة الانترنت تأثر على سرعة تصفح الداشبوردأقصد في تصفح الماركيت هل فيه تأخير ؟

مبروك الجهازين وتتهنى فيهم :)
 

Wild Fox

True Gamer
سؤال بس
بالبلاي 4 تقدر تطلع صوت اللعب من المايك المشبوك باليد؟ ماتكلم عن الشات أتكلم عن أصوات اللعبة. ويطلع الصوت مجسم ولا حقيقي ؟
أنها ميزة مجنونة لو تقدر تشبك أي مايك 3.5mm .

ما جريتها شخصيا لكن اتوقع ان الصوت stereo حسب اللي قراته
سؤال بخصوص الاكس ون. هل سرعة الانترنت تأثر على سرعة تصفح الداشبوردأقصد في تصفح الماركيت هل فيه تأخير ؟

مبروك الجهازين وتتهنى فيهم :)
التصفح سريع و smooth جدا . ما عندي فكره عن سرعه النت صراحه .. النت عندي مناسب و ما واجهت اي مشاكل .
 

Unknown

Fake Gamer
ماقصرت كم استفسار جوابت عليه ..سؤالي اذا انت حاط الجهازين ستاندباي هل فيهم حراره اذا لمستهم ؟ المراوح تشتغل لكل الجهازين ؟
 

W.W.W

True Gamer
عبدالله شو رايك بالتسجيل الفيديو التي ارسلتك اياها امس على "الواتس اب" حقت الكنيكت والاستجابات السريعه كيف كانت ؟! اشرح لهم :relaxed:
رائع , بس عبدالله يقول ان الاستجابه مش على طول كويسه , وما اعتقد عبدالله بكذب او بيتحيز لجهاز عن الاخر , كان ما شفته شره الاكس ون من الاساس
لهذا يوجد حالتين , يا ان الكنيكت فعلا الاستجابه فيها نص نص وأنت وريتني أسهل الأوامر الي بدون مشاكل أو ان عبدالله ما نطق بعض الأوامر بشكل صحيح (&)
موضوعي في جهه مخلفه عن الالعاب .. كلا الجهازين بيطلعلهم العاب مميزه في المستقبل .. و العاب اللانش ما تعبر عن شي .
لو موضوعي كان اللانش كنت ذكرت الالعاب.
ما أختلفنا , الاكس ون هو الي ينصح فيه في الوقت الحالي خصوصا لو كان معاه ضمان
 

Gomez

Gamer
اشوف مافي تحيز بالموضوع مع احترامي احس قاعد اطلع سلبيات الاكس بوكس بالغصب عموما من قرأت كنترول بلاي سيتشن 4 افضل"من هنا "وقفت القراءة

أنتظر مقارنة تجربيبة من TG

وشكراً

best-cry-ever-gif_o_GIFSoupcom.gif
 

Wild Fox

True Gamer
انا قلت رأيي ، و مع كل العيوب اللي شفتها نصحت فيه كجيمر ، و كل واحد له رأيي بخصوص الشي اللي ينصح فيه فما في خلاف هنا.
بالنسبة للنطق .. نقطي ان شاء الله سليم.. ما أزكي نفسي بس شغلي كله إنجليزي و انطق اللغة من صغري
و اذا كان في شك ، في لهجتين اتجربوا على الجهاز مع نفس المشاكل .. Texan و newyorker
خذ لفه على المواقع بتشوف ان في ناس أشتكت من نفس الشي .
 

Wild Fox

True Gamer
ماقصرت كم استفسار جوابت عليه ..سؤالي اذا انت حاط الجهازين ستاندباي هل فيهم حراره اذا لمستهم ؟ المراوح تشتغل لكل الجهازين ؟
حراره ما فيه ، و ما اذكر سمعت مراوح الجهاز تشتغل
المروحة الوحيدة اللي تشتغل مروحة الpower brick ... "هممممممممممممممم" :::smile:::
 

W.W.W

True Gamer
انا قلت رأيي ، و مع كل العيوب اللي شفتها نصحت فيه كجيمر ، و كل واحد له رأيي بخصوص الشي اللي ينصح فيه فما في خلاف هنا.
بالنسبة للنطق .. نقطي ان شاء الله سليم.. ما أزكي نفسي بس شغلي كله إنجليزي و انطق اللغة من صغري
و اذا كان في شك ، في لهجتين اتجربوا على الجهاز مع نفس المشاكل .. Texan و newyorker
خذ لفه على المواقع بتشوف ان في ناس أشتكت من نفس الشي .
همممم يمكن يتصلح هالمشاكل مع التحديثات الجايه , يعني ما اتوقعها مشكله ابديه

عموما بما انك ممتلك الجهازين , كنت اتمنى نشوف لك فيديوهات وصور تغرينا فيها شوي ولا شرايك ؟ :yum:
 

Wild Fox

True Gamer
أكيد التحديث يصلح اي شي ، لكن أتكلم عن شي بين يدي الان ، ما اقدراتنبا بالمستقبل الا الشركة قالت بصلح الشي الفلاني ! :joy:
بالنسبه للصور و الفيديوهات اذا رجعت البيت و كان فيني حيل أبشر .
و بعدين بقول التحديث بيصلح الشي و بيصلح الشي هذاك اذا بالجهاز الفلاني .. هذا الانحياز و الترقيع بيييززااتووو .
 

S n A k e

Hardcore Gamer
اغلب المواقع عطت الاكس بوكس ون تقاييم افضل.. صحيح انه اكبر حجم لكن هذه ماهي مشكلة بتاتا ... وخدمات اللايف لا تقارن بالسوني .. معليش ..

... الناس اللي يقولون اشتري بلاي ستيشن عشان العاب .. والاكس بوكس ترفيهي .... لا يا شيخ .... من بدايتها حصريات اكثر والعاب محترمة اكثر ... انا عن نفسي بشتريهم اثنينهم

لكن الحق يقال ان الاكس بوكس ون كجهاز افضل .. وصحيح ان بعض مميزات منزوعه منه بالسوفتوير اللي كانت موجودة ب360 ... بس السالفه ابديت ويرجع لك كل المميزات وفي مطالبات كثيره الان لمايكروسوفت انها ترجع خصائص ال360 وزيادة ... عموما ... تبي حصريات ولانش محترم اكس بوكس ون ... تبي تنتظر فتره الله اعلم فيها لين ماتنزل حصريات لسوني اشتره من اللحين والعب العاب طرف ثالث مش نفسك فيها ....
 
أعلى