persona
True Gamer
السلام عليكم
اذا تبي تفكر بفرصة عمل بالصيف ، إقرى هالموضوع..
إعادة الهيكلة يعني شنو؟
هو قطاع يدرب طلبة المدارس و الجامعات خلال فترة الصيف لشهري(يوليو-أغسطس 2008) بجهات مختلفة بالقطاع الخاص لاكتسابهم الخبرة و المهارات
أولا: شروط التسجيل:
- الحضور شخصيا.
- أن يكون كويتي الجنسية.
- أن يكون غير مسجل في المؤسسة العامة للتأمينات الإجتماعية.
- أن يكون مسجل في المراحل التعليمية التالية:
ثانيا: المسنتدات المطلوبة:-
- طلبة الصفين الثالث و الرابع بالتعليم الجامعي.
- طلبة الصف الثاني في الكليات و المعاهد التي يتجاوز فيها مدة الدراسة عن عامين دراسيين.
- طلبة الصفين الثالث و الرابع بالتعليم الثانوي.
1- صورة شخصية.
2- صورة من البطاقة المدنية.
3- صورة عن آخر مؤهل دراسي.
4- نموذج تحويل راتب صادر من البنك برقم الحساب و اسم الفرع.
5- شهادة لمن يهمه الأمر من الجهة التعليمية التابع لها تفيد بالمرحلة الدراسية المقيد بها حاليا.
ملاحظة:
لا يمكن استقبال أي طلب للتسجيل دون توفر المستندات المطلوبة كاملة و لن يتم استقبال أي طلب بعد التاريخ المحدد للتسجيل، علما بأن التسجيل سيكون حسب الإحتياجات و التخصصات المطلوبة من الجهات المدرب
فترة التسجيل:-
اعتبارا من يوم الأحد الموافق 20/4/2008 و حتى يوم الخميس الموافق 15/5/2008 بمقر البرنامج من الساعة 4:30 و حتى 7:00 مساء.
العنوان:-
جنوب الفروانية - الضجيج - الدائري السادس - بجانب بيت التمويل (يعني صوب ميداس وراعيين الاثاث)
الإستفسار: الإتصال على خدمة التواصل 103
http://www.mgrp.org.kw/Header.htm
شهالهدف من أنه أشتغل الحين؟
كونك متدرب ، راح تفهم في مجال العمل تدريجياً وتتعلم من أخطائك"فمحد طلع من بطن أمه عالم" ، لنفرض إنك طالب تدرس بالثانوية ، وقدمت وأشتغلت بالصيف ، وبعدين دشيت الجامعه ومابقالك إلا سنه وتتخرج وتوظفت مره ثانيه ، راح تتعود على نظام الشغل وروتينه..لانه صادفك التدريب مرتين في دراستك..
أسمك متدرب فيعني الأخطاء منك وارده جداً واللي راح يوظفونك راح يدرون بهالشيء ، اما اذا مشيت مع نظام العمل "لنفرض أنت عندك علاقات عامه ممتازة ، وشافوك انه تتعامل مع المراجعين بنفسيه طيبه وباسلوب حلو" هذا كمثال..
راح يعرضون عليك الوظيفه ، وهذي أيجابيه ممتازة إذا أنت خريج وتدور على شغل
وهذي فرصه كبيره للطلبة اللي معدلاتهم جيد وبالنازل أنه شهادتي هذي مو مقياس لإدائي في العمل.
الفرق بينه وبين لوياك؟
مادري أحس لوياك هو عمل تطوعي أكثر ، منو بالله بيكون كاشير؟ والا محاسب في مكدونلز في المستقبل؟ مرات أحس أنه الهدف من هالمشروع هو تغطيه الوافدين اللي بيسافرون في هالشركات اللي ترعى لوياك أكثر من لا يكون هدفه لشباب الكويت
إي إستفسار؟