إشاعة: Jim Ryan رفض مشروع “كوجيما” القادم بحسب مسربي الأخبار

[FANTASTIC DREAM]

جميل .. لك وجهة نظر مختلفة .. ما قلت ان التطور من اجل التطور فقط هو الغاية .. ولكنه ضرورة وحتمية

ما ادري وش قصدك ب "العرب" .. ولا ادري وش نقطتك اللي تتكلم عنها

انا ما جبت عدسة من راسي واخترتها بدون سبب .. ولا عندي نظرة مسبقة داخل بها على الالعاب اليابانية .. انا عشت مع الالعاب اليابانية وعارف نقطي وين

لا تصير انت اللي تخش بالنوايا #٢ بعد هنا وتقرر لي وجهة نظري .. انت اكبر من كذا

خذ كلامي فيس فاليو لا تلعبص في الما ورائيات .. انا جالس اتكلم عن نقطة ووجهة نظري .. وقد ذكرتها نصا .. انا في غنى عن المحللين الشخصين

دقيقة

مالذي تعني عندما تقول إنها ضرورة حتمية؟

لا ترمي claim و تمشي الله يرضى عليك

أنا أقولك إن التقنية مطوعة لأسباب كثيرة ، هي means to ends ، و هذا هي كيف في الواقع تتطور. و إنت يبدولي إن عندك رأي اخر لكن ما وضحته لسا.

ما أطلب analysis لكيف الألعاب اليابانية متأخرة تقنياً، أنا أبغى أعرف المستقبل الذي أنت تريده بما يخص الألعاب اليابانية لإن هذا هو الأهم. هل تبغى الألعاب اليابانية تكون أمتع و لهذا قمت بال analysis؟ هل تبغى الألعاب اليابانية تكون مواكبة تقنياً بحد ذاته؟
عشان اوضح، لنقل إن شخص قام بنفس ال analysis لكن في سياق إنه يتعلم على الجانب التقني في الألعاب.. هنا ال analysis كانت لغرض تعليمي
و لو قلنا إنه قام بال analysis حقتك عشان يعرف فيما إذا الألعاب الغربية أحدث من اليابانية على أساس الجانب التقني، فهذي analysis لغرض مقارنة
لذلك ال analysis نفسها ليست مهمة لوحدها بما إن معناها ممكن يتغير في سياقات عديدة، الأهم هو السياق التي تستعملها فيه. أبغى أعرف إيش هو.

 

[Nyx]

النقاش مو كان اليابان ضد الغرب؟ وراه قلب تحليل هيت بوكس(&)؟

 

[Eye]

دقيقة

مالذي تعني عندما تقول إنها ضرورة حتمية؟

لا ترمي claim و تمشي الله يرضى عليك

أنا أقولك إن التقنية مطوعة لأسباب كثيرة ، هي means to ends ، و هذا هي كيف في الواقع تتطور. و إنت يبدولي إن عندك رأي اخر لكن ما وضحته لسا.

ما أطلب analysis لكيف الألعاب اليابانية متأخرة تقنياً، أنا أبغى أعرف المستقبل الذي أنت تريده بما يخص الألعاب اليابانية لإن هذا هو الأهم. هل تبغى الألعاب اليابانية تكون أمتع و لهذا قمت بال analysis؟ هل تبغى الألعاب اليابانية تكون مواكبة تقنياً بحد ذاته؟
عشان اوضح، لنقل إن شخص قام بنفس ال analysis لكن في سياق إنه يتعلم على الجانب التقني في الألعاب.. هنا ال analysis كانت لغرض تعليمي
و لو قلنا إنه قام بال analysis حقتك عشان يعرف فيما إذا الألعاب الغربية أحدث من اليابانية على أساس الجانب التقني، فهذي analysis لغرض مقارنة
لذلك ال analysis نفسها ليست مهمة لوحدها بما إن معناها ممكن يتغير في سياقات عديدة، الأهم هو السياق التي تستعملها فيه. أبغى أعرف إيش هو.

اولا ..اكيد سامع بالمبدأ الياباني المعروف كايزن .. هذا لوحده يختصر الكلام

لكن معليه حلو .. خلني اوضح .. التطور ضرورة حتمية لان مافي منتج كامل .. دائما فيه مجال للاضافة والابتكار والتحسين صح ولا لا؟ ودائما كان فيه حدود حارمتنا نتجاوزها ..

هل هي مطوعة بكامل قدراتها؟ لا ما اشوف هالشي
هل means fulfill the ends؟ نوب .. لسا

الموضوع اللي حصل تدرج في الطرح .. ما راح يفيدك لو اختصرت لك النقاش.. بس we were on a break

قصدي النقطة هي الالعاب اليابانية متأخرة بس

النقاش مو كان اليابان ضد الغرب؟ وراه قلب تحليل هيت بوكس(&)؟

انت متأخر عن الحفلة .. كان فيه ارك شخصنة بعد

 

[White Soul]

@Eye بعد هذا النقاش للحين مصر تبغى تصير مشرف؟

محتوى مخفي: كيف بتصير نقاشات الإدارة لو Eye مشرف

وايت سول: شباب شرايكم بالبلاغ الأخير؟ أنا أشوف نعطي العضو X ثلاث نقاط مخالفة

مهمد: يعتمد هل بنعطيه نقاط المخالفة في رده الأولى أو الثاني، الهيتبوكس في كل رد له يختلف فالنقاط تختلف

عين: لا يا حبيبي ردوده كلها محطوطة في مربع رد ثنائي أبعاد، الهيتبوكس نفسه لا تسوي فيها عميق

 

[MH MD]

تكلم عن نفسك لو سمحت في ناس تقرأ ومهتمة بعد بالنقاش شف احد الردود نزلت منهم.. هو النقاش صاير كل واحد عنده حجة و اسلوب لدرجة ان الثاني معاند على ما يبدو انه يقتنع... فخل نشوف نهايتها.. بالاخير لهذا السبب وجدت المنتديات.. عتبي الوحيد ان وجد على الطرفين و اشوفه بدأ يوصل انه كل واحد بدأ يرمي الثاني سالفة انت غلطت علي واهنتني و اتمنى ما تستمر ذي.

شيء بضيفه، محد بيقنع الثاني على كذا، and that's okay، هو فقط نقطتي انه لو تتكلم بنقطة معينة، اثبتها وخليني افهم، مش شرط اتفق معاها، أو أشوفها صح، بس خلني اشوفها من بعيد، اتفهمها وكيف وصلت لوجهة النظر ذي، الريدي وصلنا لنقطة تفاهم بكم نقطة وذا الشيء كويس.

المشكلة تتعلق انه في اشياء معينة، أعرف وبل متأكد منها انها غلط، لكن يتم ادخالها بالموضوع لدعم النقطة، اللي هو شيء ما احبذه، لأنه سهل جدا نفيها، وكل اللي يصير انه الشيء يتشعب، ذا اللي اقصده بشكل عام اني ما احب الكلام المبهم العام، في اشياء الاسهل والافضل تقول انها "ما تعجبني" وخلاص باحترم هالشيء، ما يحتاج تبرر من جميع الجهات وتدخل بمتاهات.

المحزن انه في كم نقطة معينة بالفعل كنت منتظرها تظهر بالنقاش، نقاط فعلا اقدر اشوفها واقول نعم، كلامك صح اتفق معه بهالناحية، هي شيء ما اتطور فعلا بالسلاسل ذي او رجعت للوراء شوي حبتين، بس ما ظهرت لسه ولا حتى اي تلميح بسيط لها، بالعكس تلميحات تقول العكس عنها وانها تطورت، وراح اتجاهات غلط تماما، مش عارف اذا فات الأوان لتصحيحه وارجاعه للمسار الصحيح ولا يكتشف بنفسه (@)

شوف عبدالله ترى انا توقعي الكبير بسبب اختلاف الكبير بين المحمدين هو ان العين ينظر لها كمطور و مهمد ينظر لها كلاعب. فلذلك اوجه التقدير عند تصحيح اداء المطور للعبة راح يختلف اكيد من عين مطور او عين لاعب.

مثال ثاني؛ Airpods max مسببة اختلاف وجهة نظر كذلك. المستخدمين العاديين يقولو ان مافي فرق كبير كان بالنسبة لهم كصوت عن السماعات الثانية الغالية عندهم. الaudiophiles يكرهون السماعة و دخول ابل للمجال خوفًا من انها تلعب بالاسعار و ترفعه كعادة ابل لما تدخل اي سوق. لكن لما تجي للناس اللي تصنع سماعات بتشوفهم يمدحون اشياء كثير بالسماعة من ناحية تصنيعية و السبب ان هذه اشياء ما ينتبه لها المستخدمين كثير.

حبيت هالتحليل..... بس خلني اشوف....
انا لسه اشوفها من المنظورين، طبعا المنظور الأهم هو كلاعب، واللي يمتعني، ذا النمبر ون عندي، ودايم تشوف كلامي بهم يتعلق بالجيمبلاي ميكانكس ومقدار المتعة الشخصية عندي وكيف انها تساعدني استمتع اكثر.

بس حتى كمنظور مطورين، أشوف نوعية العاب معينة، وأسلوبها، هي شيء ومدرسة بحد ذاتها، مش شيء قديم او متخلف، لأن اساسيات واسلوبها تجدها مختلفة كثير عن باقي الالعاب بالسوق، والمطورين نفسهم يعملوا على تطويره، وصقله، وفهمه، واتقان مثلا الهيت ديتيكشن وتفاعلات الاعداء والمؤثرات والضربات وغيرها، كلها تصب بجعل اللعبة ممتعة، تاثيرها قوي، غيرها من التفاصيل، الشيء بحد ذاته يتطور لنفسه ويقلب علم بقوانين وأدوات تستخدمها بشكل مش موجود بنوعية العاب ثانية.

لو اسلوب اللعبة نفسه المطورين ما يشوفوه worth it انه يكون موجود بالسوق، ما بيسووه اصلا، الاسهل لهم يتبعوا ترندات معينة، نجاحها شبه مضمون وتضمن انه يكون لك قبول اكثر، فقط لانك ماشي مع الصيحة، كونهم ما زالوا ثابتين عليه فهو لأنهم غالبا يشوفوه يستحق الوجود.

وكثير من الاحيان الشيء فعلا يثبت وجوده، كيف مونستر هنتر وورلد نجحت نجاح ساحق واثبت وجوده مع الاحتفاظ بهويته، أو بيرسونا أو DMC كلهم الأعلى مبيعا بسلاسلهم والافضل استقبال نقديا، العامل المشترك انهم حافظوا على اسلوبهم وطوروه واثبتوا انه يستحق الوجود بالفعل ولسه الكثير يقدروا يستمتعوا به حتى الآن بدون نواقص ومشاكل.

مثال الAirpods حلو لأنه يذكرني بنقاش قريب، بس مفاده انه الاير بودز صارت موضة ويعتبروه "تطور" من السماعات السلكية، والكل ماشي بهالاتجاه، بس اقول انه لا، السماعات السلكية بالنسبة لي افضل لأنها: أقل قابلية للضياع ، و ما تحتاج شحن.

ممكن تقول ان الايربودز هندسيا وتقنيا متطورة وهي اريح للاستخدام، صح، بس هل احتياجها للشحن يعتبر تطور للشيء اللي ما كان يحتاج شحن زمان؟ فعليا لا، والتخلي عن السماعات السلكية او اعتباره شيء قديم غير مواكب للزمن وبالتالي ماله اي worth هو غير صائب.

او مثال فتحة السماعة بالجوالات من كم سنة، الكل تقريبا شالوه من الجوالات بس ما اعتبره تطور أبدا، زمان كنت اسمع واشحن بنفس الوقت مثلا، الحين يا تسمع، او تشحن، او تشتري قطعة خارجية قبيحة عشان....تعوضك عن ميزة كانت موجودة زمان بشكل طبيعي....؟؟؟؟؟؟

في تايملاين ثاني كانت نقطة النقاش هنا بتكون عن الجوالات والسماعات، وكان بيكون تايملاين أسوأ.

 

[I B R A]

بس جد شباب هذه الفقرة مو عميقة؟ فيه أحد في المنتدى يعرف يشرح زي كذا؟ ما أعتقد لذلك عين من الحين أسطورتي

محمد اندريتيد

 

[used2Bcat]

محمد اندريتيد

يبيله بس شوي parameter tuning و يصير اطلق مشرف بالمنتدى إذا وصل للإشراف.

 

[Eye]

تعديل :
هاهاي مقلبتك يبوي !
ترا امزح انا ناوي ارد بس حبيت ارد الدعوة قبل الزحمة بما انك اوفيشلي دن

ما كان يحتاج تجيب مقالة ويكيبيديا، عارف المفاهيم ذي كويس وعن ايش انت تحاول تتكلم، ماعندي اي سوء فهم من ناحيتها.
لكن براجع معاك مفهوم بسيط برضو، بألعاب الاكشن الجيدة بالعادة، تحتاج ان ضرباتك ونتائجها تكون consistent لتشتغل كلعبة اكشن بالمقام الاول ، لو تبغى جد جد تسوي محرك جاذبية سوبر دقيق وتخلي الاعداء ragdolls مثلا ، بتطلع نتائج فوضوية جدا حقيقة و finicky حتى بأحدث الاجهزة ،الشيء فعليا...ما يصلح بلعبة اكشن او فايتنج، ابحث عن اي لعبة فايتنج حديثة، يابانية او غربية، بيلتزموا بنفس القوانين، لأنه الconsistency جدا مهمة بالالعاب ذي و اي نتائج معينة بتخرب الاكشن والتنافسية بل وتقتلها، تمام؟ تمام انتهينا من النقطة ذي.

انا ويكيبيديا اللي يجيبون مقالاتي يبوجاسم

تمام .. وجميل بما اننا على نفس الصفحة والمفاهيم متفقين عليها .. نستعملها الان كاساس في النقاش بدون لخبطة .. وبما انك ما تبغاني استرسل في ذا الكلام .. نوقف عند اللي وصلنا له

نقطتك عن الكونزيستنسي اتفق معك عليها .. وجود النتيجة المتوقعة مطلوبة .. لكن بشكل جزئي.. ما اتفق معك انها اول ذا واي تكون ثابتة ومتوقعة في كل اصدام .. راح نتدرج خلالها مع النقاط اللي اردفتها مشكورا على اضافتك وجيفاتك ..

الهدف الاساسي من هالرد يكون توضيح لمطلبي وتعقيب تفصيلي لوجهة نظري اللي اتبناها وعلى اساسها اشوف تأخر الالعاب .. مو بالضرورة اقنعك برؤيتي .. لكن اشرح لك وش كنت اقصد عشان تكون الصورة كاملة

الشيء مهم بزيادة في سلسلة DMC، لأنها على عكس اغلب باقي العاب الاكشن حتى، تعتمد بشكل اساسي على الكومبوز الستايلش، والدقة عنصر مهم هنا، فبالتالي لازم لما استعمل هاي تايم، انا اتوقع وأبغى اسوي لانشر للعدو بالهواء، ما ابغى ضربة السيف لفوق تخليه يرجع لورا يطيح، او يشقلبه ليسار لأني لمست يده اللي رفعها بالغلط بفريم معين، أبغى ارفعه لفوق عشان اسوي كومبو هوائي زي كذا.

كلام جميل .. صحيح اسلوب وتوظيف دمك٥ للكومبو له طابع خاص .. ما نختلف .. لكن - وانا ما اطالب تكون الاجسام راق دولز بالضرورة هنا- ٦فيكتور اكسيس برضو محدودية في الكومبات .. وبريدكتبل بزيادة .. لان كل مرة نفس الضربة بتنتج نفس النتيجة .. ممكن تشوف ان الراق دول انجن بيسبب عشوائية وبتصير حركة الاجسام هايمة .. ذا تصور لمشكلة واردة .. وانا اتفق .. لكن فيه حلول لكل مشكلة

مشكلة التصادم في يد الوحش .. تقدر تخليها تنقطع مثلا .. تقدر تخلي العدو يسوي يسوي لانش تمام .. بس انميشن اللانش ياخذ لمسة اليد بعين الاعتبار

يعني انت ضربت لانش في يد الوحش اليمين .. خله يسوي لانش .. بس انميشن الريكويل يكون سبين من اليمين لليسار وهو طاير فوق ..

الحاصل ان انميشن اللانش ريكويل نفسه دايم ثابت .. دام اللانش في الجهة الحمرا من الصندوق .. بيعطي نفس الريكويل وبنفس التسارع بغض النظر السنتر اوف ماس .. يعني اذا الضربة صدمت اعلى الصدر تعطي نفس الحركة لو اسفل البطن

ك جودة لعبة : جيد .. ك تقدم لعنصر اللعب : متأخر

والشي ذا كله تضبيطه يدوي من المطورين، بالحقيقة هذه العملية اصعب بمراحل من جعله مجرد فيزيائية عشوائية وتترك الامر لمحرك الفيزكس يقوم بالباقي، هذا شيء حتى لعبة رخيصة زي Goat Simulator تقدر تعمله، واللعبة نكتة من المطورين لدفع حدود هذا الكونسبت، هل الشيء ينفع لأكشن؟ لا، أي لعبة اكشن كويسة بالسوق تعتمد على تضبيط الانيميشن اليدوي والتفاعل عشان تحقق النتائج المرجوة وتعطيك احساس الضربات بشكل صحيح، ينفع للعبة ما تهتم وتسويها بدافع الضحك او الاكشن عنصر جانبي فيها؟ نعم.

كلام جميل .. لكن تقرير ينفع ولا لا وجهة نظر شخصية ..

وجهة نظري .. they must figure somthing out .. الصناعة ذي تقدر بالبلايين .. ومردود الربح بالملايين .. بالنسبة لي اشوفه تعاطف في غير محله .. لو كابكوم اندي ولا استديو جديد معليه .. بس كم لهم بالصناعة؟ ٤٠ سنة؟

بالنسبة لي النتيجة اللي وصلو لها خلال ذي الفترة غير مرضية .. بغض النظر عن كيف انهم الان افضل مطورين من عدمه والعابهم جيدة

مع ذلك؟ لسه في تفاعلات باللعبة تعتمد بشكل كبير على البيئة والمكان وتفاعلات الاصطدام والارتداد، وليست مجرد set animations، شوف الحركة ذي:

الحركة ذي بالكامل تعتمد على مفهوم الارتداد والاصطدام للشعاع، تفاعل الحركة ذي بغرفة مغلقة ضيقة يختلف تماما عن تفاعلها لو سويتها ببيئة مفتوحة وتكون مرتدة بشكل اكبر، وبالتالي تفاعل الاعداء معهم بيختلف ايضا، بيتناثروا حسب المكان الصحيح ومن اي جهة ينضربوا

هذي كلها بارتكل ايفيكت وسمبل باونس فيزكس .. تختلف عن الكومبات .. وذا شي حتى اوكارينا وويكر سوته ..

الآن نجي لأهم نقطة.

العببب .. يلا بدا الجد..

هنا بالذات، انت مخطئ، موقع دانتي ماله تأثير؟ نفس الريكويل؟ راح اثبت العكس، بفوتج انا مصوره بنفسي، وزبطته، ما نشتغل بالرخص.

كبيييير! .. انا ما عندي نسخة البي سي ولا كان ما جلست احوس واتعب في نسخة البس٤ واحاول ٢٠ ساعة ازبط .. ولم تزبط معنا .. بس يلا فيك العشم

مع ان يمديني اقول انت مفبرك الفوتج ومختار اللي يناسب كلامك

بس امزح ترا ما اقول كذا بس استهبل .. لا تاخذها جد!

أحب هالحركة فاستخدمتها كمثال، بالمرة الأولى ضربته من أبعد ما يكون، الرصاص وصله، في دمج خافت بسيط ممكن تلاحظه باليسار، لأن الحركة من بعيد ما عملت أي أثر، كالمفترض أن يكون.

المرة الثانية رحت قربت منه شوي، سويت نفس الحركة، الآن صار في ريأكشن من العدو نفسه، الحركة قريبة منه وضربته بشكل اكبر، لكن ما طاح لسه.

المرة الثالثة، عملت الحركة بوجهه مباشرة، من اقرب ما يكون، قوة طلقة المسدس والريكول خلته ينطرح بالأرض لورا ويظل مستلقي بالارض.

طيب قبل لا تغلطني .. كلامي كان على الجيف الاول اللي انت حطيته .. وكنت اتكلم فيه عن موقع الجسم بالنسبة للجسم .. موضع .. ووضحت ان الريكويل :

ولا تفرق مكان الضربة وتوقيتها بالنسبة للجسم وحركته

مو جالسة تفرق حتى بمثالك هذا .. لو الوحش في وسط انميشن ضربة ولا انت واقف ولا متحرك ولا فوق ولا تحت .. ولا جبتها بعين الوحش ولا رجله .. النتيجة وحدة ..

اللي انت جالس تتكلم عليه في هذا المثال هو دامج كالكيوليتر .. لما تكون بعيد الدمج ١ .. اقرب الدمج ٥٠ .. ملاصق الدمج ١٠٠ .. مجرد حسبة قوة الدمج وعلى اساسه الارتداد يحصل .. لكن موضع لاندينق الضربة ما راح يغير شي بالنسبة للموف سيت حق ذي الضربة .. وريكويل الوحش راح يعتمد على الدامج .. ومنه راح يسوي الانميشن المختار لقوة الدامج

مثال ثاني

عملت حركة معينة وحدة، كنت قريب منه فانضرب بالضربتين عادي

الآن لأني كنت ابعد منه شوي، الضربة الثانية didn't connect ، مع اني عملت نفس الحركة بالضبط، وش اللي اختلف؟ موقعي ومكاني.



فنقطة ان مركز وموقع دانتي ما تفرق باللعب عموما ولا برياكشن الاعداء هي blatantly wrong، الشيء اللي كنت تنكره من البداية، أهو اثبتته بالدليل والواقع، هالشيء لحاله ينسف كلامك كله.

اثبتت لي الكوليجن ماسك؟ مو حنا متفقين من البداية ان الماسكات دقيقة على محور الجسم .. اذا مافي تلامس ما راح يحصل التصادم؟

لكن اساس كلامي يقول : ما راح يفرق في حال التصادم موقع دانتي والمومنتوم تبعه ولا موضع التصادم نفسه .. اذا الحركة ١ على الوجه ينتج عنها انميشن ١ وهكذا

ما حقرت ولا قللت من شخصك، قلت انك تكذب او تعابط، اللي اتضح انه صح فعلا، ونعم يهم لو تكذب وتعابط اذا كلامك غلط، هو الشيء اللي يقلل من فكرتك انت.

بينما انت من البداية تستعمل اسلوب تحقير اصلا فيني وممشيها عادي، نص كلامك سخرية وبنبرة condescending ما أحبها ، بس لما اقول انك جد تعابط تجي تسوي زعلان وإني أهنتك بشيء رد retha الأخير هنا يختصركل الكلام اعتقد.


سوء الفهم امشيه، بس أسلوبك خابره وأشوفه واضح للعيان هنا، هي مش نقطة ولا اثنين ولا ثلاث ولا اربع صار فيها "سوء فهم" ، لكن كثير، كثير اشياء اسالك عنها او تعطيني بديل لكن ما توضح،نقطة المهام والدنجنز، ما جاوبت، نقطة الاختلاف بالقوة والتاثير واختلاف الجيم ديزاين بين 4 و 5، ما جاوبت، نقطة تطور وورلد اللي بالبداية كانت متأخرة لكن فجاة صارت اصلا 3 كانت متقدمة اكثر، تراجعت عن كلامك، نقطة انه الرسوم والتفاعل والسرعة والجرافكس اللي في دمك5 موجودة بلعبة بس3 وقلت اعطيني مثال طيب حتى لو بس4، ما جاوبت، غيرهم، كلهم نقاط ترميها، وتتفادى تجاوب عليها بصراحة، ايش اسمي ذا؟ هو انت اللي خاش بدفاع مستميت اصلا من البداية، انا ما احب اي واحد يناقشني بشكل misleading اللي كنت تسويه من البداية ويحاول يستغفلني سواء بالتراجع عن نقاط او رمي كلام مبهم عام ليثبت انه صح.

وحابب انك ترمي اساءات مباشرة مبطنة تحت اسلوب "كان ممكن اقول كذا وانك مفلس وان ذوقك فاشل الخ، بس ما بقول كذا لأني محسن الظن"، بس ذا الشيء ما يمشي معي، اساءة مباشرة واضحة لي اكثر من اي شيء سويته سابقا

بس ما علينا من ذا كله، رمضان كريم.

خلاص ليت ات قو .. انت قلت انا قلت .. اسلوبي ميس ليدنق .. اسلوبك تحقيري .. وش الفايدة نثبت التهم .. اللي فات مات .. قفل موضوع الشخصنة .. كلنا رجال هنا بلاش نتصرف تصرفات اطفال

لكن يعلم الله وهو عالم الغيب والباطن وحده .. اني ما قصدت استنقص ولا اهينك واسئ لك برسالة مبطنة ترا .. انا كنت احاول اوضح نقطة : ان سهل نخليها بزرنة واقول من البداية الكلام اللي قلته

اذا زعلت منه وخذته بشكل شخصي انا اعتذر .. بالمقابل ترا الفاظ كذب عبط غباء الخ مو حلوة في وسط نقاش .. لكن انا اخذ الموضوع بحبية ومزوحية ترا .. لكن اتمنى ما نكمل على نفس الوتيرة

وسامحني اذا اسلوبي تحشيشي شوي .. ترا انا كذا .. لما نطلع الكورنيش بتشوف اني كذا ..

رمضان كريم علينا وعليك يبوحميد

 

[لُقمَان]

محمد اندريتيد

هو للحين أنا ماني معجبني أبدًا أسلوب عين، حتى لو خاض بتفاصيل تقنية وأمثلة توضيحية، الأمور واضحة وماتحتاج شرح زيادة رد محمد عليه قدر يقنعني أكثر.

 

[I B R A]

هو للحين أنا ماني معجبني أبدًا أسلوب عين، حتى لو خاض بتفاصيل تقنية وأمثلة توضيحية، الأمور واضحة وماتحتاج شرح زيادة رد محمد عليه قدر يقنعني أكثر.

هو انا كنت اقصد من النواحي التقنية ، الولد موسوعة ما شاء الله

 

[Yashiro]

هو للحين أنا ماني معجبني أبدًا أسلوب عين، حتى لو خاض بتفاصيل تقنية وأمثلة توضيحية، الأمور واضحة وماتحتاج شرح زيادة رد محمد عليه قدر يقنعني أكثر.

أنا مع ردود محمد أيضاً، لكن عين خنقه و كان خصم من نفس الكاليبر لدرجة خلاه يستسلم و هذا إنجاز غير مسبوق (@)

 

[YAHiA]

*يفتح الموضوع*

*يكتشف أن الردود أطول من العشر معلقات*

 

[FANTASTIC DREAM]

اولا ..اكيد سامع بالمبدأ الياباني المعروف كايزن .. هذا لوحده يختصر الكلام

لكن معليه حلو .. خلني اوضح .. التطور ضرورة حتمية لان مافي منتج كامل .. دائما فيه مجال للاضافة والابتكار والتحسين صح ولا لا؟ ودائما كان فيه حدود حارمتنا نتجاوزها ..

هل هي مطوعة بكامل قدراتها؟ لا ما اشوف هالشي
هل means fulfill the ends؟ نوب .. لسا

الموضوع اللي حصل تدرج في الطرح .. ما راح يفيدك لو اختصرت لك النقاش.. بس we were on a break

قصدي النقطة هي الالعاب اليابانية متأخرة بس

كلامي من البداية إن لازم يكون فيه good argument لليش المطورين بياخذون إتجاه معين و ما يكون الأمر فقط لمواكبة أخر ما وصلت له التقنية. و ما لقيت من كلامك ضد هذا الكلام ، بل هناك إحتمالين: إنت تتفق معي ، او عندك وجهة نظر ما بين البينين لم أستطع فهمها من ردك المبهم هذا.

للمرة الأخيرة بعطيك أمثلة محددة أكثر لإيش أنا أقصد و بعدين قلي إيش تختلف معه

- إذا دمك 5 عندها إنميشن وجه جيد او مقبول لا يكسر واقعية الشخصيات فيها في الكت سينز، أنا ما أشوف داعي تحسينه إلى درجة تنافس الألعاب الأخرى مثلاً (ذا لاست أوف أس بارت 2). الشخصيات في دمك عموماً لا تعبر عن مشاعر كثيرة ، و السلسلة مو مبنية على جذب تعاطف اللاعب مع الشخصيات و بذلك التركيز عليه أكثر من ذلك أمر أحمق و إهدار لموارد التطوير و الوقت. إلا إذا جزء قادم بيتغير جذرياً مثل جاو. هذا مثال واحد.

- لكن لعبة مثل بريث أوف ذا وايلد مع الأعداء الذي يتفاعلون بطرق ذكية مع البيئة و معك، بيكون منطقي لو قرروا يضيفوا على هذا الجانب في الجزء الثاني إن الأعداء في المنطقة يصير عندهم قابلية ما لجمع المعلومات عن أسلوبك و تغيير إستراتيجياتهم لاحقاً كتكيف و التوجه في التصميم إن تحافظ اللعبة على التحدي في مواجهتهم (و ليس إستعراض ذكاءهم). مواكبة التقنيات هذه ممكن يجلب نتائج مثمرة للتجربة التي تحاول اللعبة تقديمها (التحدي، الإنجاز، المتعة، التكيف مع البيئة).

قلي إيش اللي تختلف فيه من بين المثالين و هل لديك أمر ستضيفه لما قلته

 

[MH MD]

أنا مع ردود محمد أيضاً، لكن عين خنقه و كان خصم من نفس الكاليبر لدرجة خلاه يستسلم و هذا إنجاز غير مسبوق (@)

لو ما كان ردي ذاك واضح....هو تحديدا رد عبد الله والتحريض اللي حسيته كان القشة، مش عين، لو جانا من صفحة 3 بنفس الرد كنت بقول نفس الشيء (@) هو راس البلا بالموضوع

 

[OSMIUM]

الي الموضوع انفتح عشانهم (&) ..

خطأ

هذا موضوع مقهى تروجيمنج الجديد (&)

 

[Yashiro]

لو ما كان ردي ذاك واضح....هو تحديدا رد عبد الله والتحريض اللي حسيته كان القشة، مش عين، لو جانا من صفحة 3 بنفس الرد كنت بقول نفس الشيء (@) هو راس البلا بالموضوع

عبد الله انتقم شر انتقام

 

[retha]

بسم الله.
أنا مالي خبرة ولا أفهم بفيزيائيات الألعاب ولا الصناديق الي معلقين عليها من كم رد، لكن عندي عدة تصحيحات:


أولاً:

قوة التطوير في ريد ديد وجاو وويتشر واساسن وكيف جالسة تضيف

رد دد أوكي، قاو مع إني ما أعتقد التطور إنك تكثّر سينمائية بما إن السينمائية مب شيء جديد لكن أوكي، ويتشر أوكي...
لكن أساسنز كريد صارت مثال على التطوير؟!
معليش، فالهالا تقولك لا، عبارة عن more of the same لا وفوقها يمطون أبو اللعبة بالقرايندنق المقرف (أو تدفع للمايكروترانزكشنز) عشان الواحد يقول يووه عمرها طويل أجل تستاهل سعرها!
مفهومك للتطور انضرب في عرض الحائط بما إن أساسنز كريد تعتبرها مثال له.


ثانياً:

هيتمان فقدت جودتها وتصميم المهمات المحسوب

هل لعبت ريبوت هتمان؟ لأنه... فعلاً رأيك غريب؟
الثلاثية ما حصّلت كل هذا المدح الي نشوفه كل مكان إلا لأنها طوّرت نفسها، مب العكس كما تقول أنت.


ثالثاً:

(الاونلاين) اضافة غربية حركت الصناعة لقدام

بس أنت تقول إن "الاستمرارية بالتقدّم" هي الي تهم وليس شيء من عقود أضافوه وخلصوا، كيف صرنا نستشهد بشيء قديم مثل "إضافة" الأونلاين؟

رابعاً:

ليش معايير الالعاب الغربية (عالم مفتوح لوت بوكسسالخ) الحين ماكلة الجو؟ لانها اخر ما توصلت له الصناعة

أرجو إنك تثبت على نقطة يا أخي، هل المهم هو آخر ما توصلت له الصناعة ولو كان يخرّب التجربة مثل اللوت بوكسز؟ أم تحسين الجودة بالبرمجيات والكتابة والإبداع مثل ما كنت تقول في ردودك الأخرى عكس هذا الي اقتبسته؟

خامساً:

بيرسونا ٣ وكان فيها تناغم اكبر في ميكانيكيات اللعب ودنجنز ومهمات افضل من ٥

واللهِ شوف، التناغم ماهو شيء نقدر نقيسه وأمر نسبي بين الأشخاص، فأحس صعبة نتجادل فيه.
بس ميكانيكيات اللعب في 5 هي تطوير لـ 3، تماماً كما كنت تطلب من المطورين في ردودك، كيف كذا الحين؟
الدنجنز هذي نقطة حتى الي ما لعب بيرسونا ويقرأ عنها من بعيد بيعرف إن كلامك مستحيل ومستحيل، نعم مستحيل دنجن عشوائي و auto generated ويتكرر نفسه يكون أفضل من دنجن مصمم يدوياً ويختلف عن باقي الدنجنز.
أيضاً أنت تقول المهمات أفضل، ياليت توضّح أكثر، الي أعرفه إن المهمات في 5 لها تأثير على قتالاتك في الدنجنز، أليس هذا تطوّر طبيعي لـ 3 كما كنت تريد؟
أرجو إنك توضّح نقطتك هنا إن أسأت فهمك، ولا بكذا تكون ناقضت نفسك.


سادساً:

تقارن لعبة تربل اي بكود وفيفا حقين البكجات والكاجولز؟

معليش، لكن كود وفيفا AAA، كلنا نعرف هذا الشيء وأتحدى أحد يثبت العكس.
كون اللعبة للكاجوالز أو للهاردكورز لا يعني شيء بما إن مقارنتنا تمسّ الصناعة والصناعة تشمل الألعاب الموجهة للكاجوالز أو الهاردكورز.
سؤالي هنا: ليه تقول "حقين البكجات" وكأن البكجات شيء سيء؟ مب أنت أصلاً تقول إن اللوت بوكسز هي آخر ما توصلت له الصناعة؟ ما فهمت هنا، كلام يعاكس نفسه.


الخلاصة: نعم، حالياً الألعاب الغربية متقدمة على اليابانية في مجالات، لكن ما ننسى إن اليابانية متقدمة في مجالات أخرى، مب لازم نقلبها حرب ونقلل من واحد منهم عشان نطلّع الثاني أحسن.

 

[Invader Zim]

*يفتح الموضوع*

*يكتشف أن الردود أطول من العشر كلمات*

صلحتها لك

 

[Eye]

كلامي من البداية إن لازم يكون فيه good argument لليش المطورين بياخذون إتجاه معين و ما يكون الأمر فقط لمواكبة أخر ما وصلت له التقنية. و ما لقيت من كلامك ضد هذا الكلام ، بل هناك إحتمالين: إنت تتفق معي ، او عندك وجهة نظر ما بين البينين لم أستطع فهمها من ردك المبهم هذا.

لاني ما قلتها

للامانة حقك علي .. انت قلت لي انك ما قريت .. توقعت انك راح تقرا .. بس ما قريت .. سوو ..هير وي ار :

المسألة مش بالبساطة اللي تصيغها فيها .. وهذي المشكلة فما اقدر اقول اتفق معك .. ولا اختلف معك .. ولا بين البينين .. راح يعتمد على عناصر كثيرة

ولكن .. لو اجبرتني اختار .. و "التطوير فقط لاستغلال اخر محدثات التقنية" .. طبعا باقول لا ..

للمرة الأخيرة بعطيك أمثلة محددة أكثر لإيش أنا أقصد و بعدين قلي إيش تختلف معه

هههههههههههههههههههههههه .. ياخي فارس والله انت فلة عليك مصطلحات .. راكبة ك تهديد والله

ترا امزح معك

- إذا دمك 5 عندها إنميشن وجه جيد او مقبول لا يكسر واقعية الشخصيات فيها في الكت سينز، أنا ما أشوف داعي تحسينه إلى درجة تنافس الألعاب الأخرى مثلاً (ذا لاست أوف أس بارت 2). الشخصيات في دمك عموماً لا تعبر عن مشاعر كثيرة ، و السلسلة مو مبنية على جذب تعاطف اللاعب مع الشخصيات و بذلك التركيز عليه أكثر من ذلك أمر أحمق و إهدار لموارد التطوير و الوقت. إلا إذا جزء قادم بيتغير جذرياً مثل جاو. هذا مثال واحد

.

اذا بمعنى افتراضا .. لان انميشن الوجه انكاني بقوة .. بس ما راح نتطرق لجودته في دمك٥ حنا في غنى عن هذا الانتقاد وتصيد الاخطاء .. متفقين؟ تمام

طيب .. حبة حبة .. انت ما تشوف له داعي تحسينه .. هذا يا فارس امر شخصي وتفضيل اختياري بالنسبة لك
.. انت تتقبله غيرك لا ..انا انتبه للتفاصيل لا اراديا واتقزز من الانكناني .. لذلك ما اقدر اتقبله

الان ضرورة وجوده في اللعبة .. الموضوع هنا صعب تحدده ديفينتلي من ديفولوبمنت ستاند بوينت ..
وجهة نظري .. دمك بدون نقاش المفروض توفره .. كابكوم عندهم مكتبات برمجية في محرك ري انجن جاهزة لل موشن كابشر .. عندهم موارد لا تنضب .. اسمهم كبير .. السلسلة معروفة وناجحة ..

ايش المبرر ما تضيف هذا الشي؟ كسل؟ رخص؟

يعني عاجبك منتج فلاقشيب يكون هذا مظهره اذا حل المشكلة وارد

- لكن لعبة مثل بريث أوف ذا وايلد مع الأعداء الذي يتفاعلون بطرق ذكية مع البيئة و معك، بيكون منطقي لو قرروا يضيفوا على هذا الجانب في الجزء الثاني إن الأعداء في المنطقة يصير عندهم قابلية ما لجمع المعلومات عن أسلوبك و تغيير إستراتيجياتهم لاحقاً كتكيف و التوجه في التصميم إن تحافظ اللعبة على التحدي في مواجهتهم (و ليس إستعراض ذكاءهم). مواكبة التقنيات هذه ممكن يجلب نتائج مثمرة للتجربة التي تحاول اللعبة تقديمها (التحدي، الإنجاز، المتعة، التكيف مع البيئة).

قلي إيش اللي تختلف فيه من بين المثالين و هل لديك أمر ستضيفه لما قلته

الجانب هنا اللي هو انميشن الوجه؟ يب ، تعابير الشخصيات بتكون اضافة حلوة .. وبتعطي اكسبرشن افضل للوحوش بشكل ممتع

انا عارف وش تبغى توصل له .. بس اعتبر ذا جوابي

 

[ABUALI]

هذا وانت عين بس، الله يستر علينا من باقي وجهك.

 

[MH MD]

ترا امزح انا ناوي ارد بس حبيت ارد الدعوة قبل الزحمة بما انك اوفيشلي دن

ما عليك لسه اوفيشلي دن (@)، بما انه شايف نفس النقاط تتكرر، بس بما انك تعبت شوي حبيت اعطيك شوي تعقيب بسيط + ريكومينديشن.

كلام جميل .. لكن تقرير ينفع ولا لا وجهة نظر شخصية ..

وجهة نظري .. they must figure somthing out .. الصناعة ذي تقدر بالبلايين .. ومردود الربح بالملايين .. بالنسبة لي اشوفه تعاطف في غير محله .. لو كابكوم اندي ولا استديو جديد معليه .. بس كم لهم بالصناعة؟ ٤٠ سنة؟

بالنسبة لي النتيجة اللي وصلو لها خلال ذي الفترة غير مرضية .. بغض النظر عن كيف انهم الان افضل مطورين من عدمه والعابهم جيدة

اشوف انه they figured it out والانيميشن افضل بكثير مع مظهر واقعي اكثر بكثير والنتيجة شيء حافظ عالهوية بشكل متطور، فعليا كان من اكثر تخوفاتنا قبل اعلان الخامس انه يضحوا بالمظهر او يضحوا بالجيمبلاي، بس طلعوا ما ضحوا بولا واحد منهم والشيء طالع افضل بكثير من زمان وقابل للتصديق اكثر، وصلوا لبالانس عجيب، ولحد ما اشوف شيء افضل منه سواء غرب او شرق أو وسط، بيظل بالقمة من هالناحية، هو حتى لو بتروح للعبة اكشنية من سوني بكل الموارد اللي عندهم زي GOW 2018 بتشوف نفس الكلام اللي اتكلم عنه، وذول وصلوا لقمة الواقعية بالانيميشنز والرسوم ومافي احد ينافسهم بالصناعة -الا روكستار-، بس لازم في برينسبلز معينة لازم تتبعها عشان تخلي الاكشن feels good وكونسستنت، فعادي تشوف فيها كم انيميشن "عبيط" بنفس الشكل ما يهتم بالدقة المتناهية، مع انه فعليا بامكانهم، بس لأنهم عارفين انه بيخرب رتم الاكشن المطلوب و احساسه.


هذا و.....تسارع تطور الصناعة دي بالذات بشكل ما تشوفه بأغلب باقي الصناعات والمجالات ممكن يعمينا لبعض الاشياء، انه في اشياء تكون متطورة بالفعل وما تحتاج تغيير لأجل التغيير، ممكن اعطيك مليون مثال بالحياة الواقعية بس عشان ما نروح بعيد، احنا ما زلنا نستعمل نفس اساس الكونترولرز اللي موجودة من عشرين سنة، نفس الاربع ازرار، ستارت سيليكت، اربعة تريغرز ورا ديباد انالوغ ستيكز، نفسه بالزبط فقط مع iterations تخليه افضل وشوية جيمكس ما يستعملها غير لعبتين، ليش؟ لأنه الريدي وصلوا لأفضل شكل ممكن للكونترولر يعطيك تحكم كامل بالشخصية وتمسكه بيدينك وتكون مرتاح، ما راح اقول عن الكونترولرز الحالية متخلفة لأن الاساس القديم نفسه من عشرين سنة ما اتغير ويمكن يظل نفسه بعد عشرين سنة زيادة برضو عادي ومحد يعترض.
حتى الجوي كونز والويموت مثلا ما يعوضوا أبدا عن الكونترولر التقليدي بنهاية المطاف وما يعطيك تحكم دقيق قدهم.

هذا وجهة نظري العامة بالموضوع من البداية.

مشكلة التصادم في يد الوحش .. تقدر تخليها تنقطع مثلا .. تقدر تخلي العدو يسوي يسوي لانش تمام .. بس انميشن اللانش ياخذ لمسة اليد بعين الاعتبار

الانيميشن مرات يختلف slightly حقيقة، بس ما علينا*
هالشيء ما بيمشي مع فلسفة السلسلة ذي، قطع اليد اقصد، بس تدري وش؟

في سلسلة ثانية تسوي هالشيء، وبتعجبك، اسمها Ninja Gaiden، على قد ما انا فان لDMC على قد ما انا برضو سوبر فان لنينجا جايدين، وفلسفتها التصميمية ماشية باتجاه معاكس من DMC، ، بينما دمك تعتمد على الكومبوهات الستايلش وكيف تتفنن بضرب وقتل الاعداء وتحولهم لألعاب وتعمل كومبوز طويلة، نينجا جايدين تعتمد عالـefficient killing ، تقتل الاعداء بأسرع ما يمكن، هالشيء يتضمن تقطيع اليد، والرجول، والراس، والشيء حتى متناغم مع الجيمبلاي نفسه، وردات فعل الاعداء حسب الجزء اللي تقطعه تختلف، تتغير هجماتهم، لو قطعت يدهم يفقدوا هجماتهم، بعضهم لو قطعت راسهم لكن ما قطعت رجولهم لسه يقفزوا عليك، الشيء كان عظيم وشعور التقطيع لا يضاهى، واحنا نتكلم عن سلسلة من 15 سنة تقريبا، بس عملت العنصر اللي ذكرته من وقتها من اجهزة اقدم من الموجود حاليا، بدون ما تضحي بكونها هاك ان سلاش سريعة، بس لأنها ما تهتم بعنصر الكومبوز ذي، تهتم تخليك تحس انك فعلا نينجا قاتل سريع، للحين مافي شيء يعوضها.

للأسف العنصر ذا خرب بشكل كبير باصدارات سيجما، واللي للاسف صارت النسخة الديفولت حسب رأي تيكمو وبالتالي هي اللي جابوها بالكولكشن الجاي.... : (

خلاص ليت ات قو .. انت قلت انا قلت .. اسلوبي ميس ليدنق .. اسلوبك تحقيري .. وش الفايدة نثبت التهم .. اللي فات مات .. قفل موضوع الشخصنة .. كلنا رجال هنا بلاش نتصرف تصرفات اطفال

لكن يعلم الله وهو عالم الغيب والباطن وحده .. اني ما قصدت استنقص ولا اهينك واسئ لك برسالة مبطنة ترا .. انا كنت احاول اوضح نقطة : ان سهل نخليها بزرنة واقول من البداية الكلام اللي قلته

اذا زعلت منه وخذته بشكل شخصي انا اعتذر .. بالمقابل ترا الفاظ كذب عبط غباء الخ مو حلوة في وسط نقاش .. لكن انا اخذ الموضوع بحبية ومزوحية ترا .. لكن اتمنى ما نكمل على نفس الوتيرة

وسامحني اذا اسلوبي تحشيشي شوي .. ترا انا كذا .. لما نطلع الكورنيش بتشوف اني كذا ..

رمضان كريم علينا وعليك يبوحميد

وأنا بدوري اعتذر برضو لو حسيت اني استنقصت منك بشيء، هو حتى انا ارمي الفاظ معينة ممكن تظهر بشكل قاسي شوي، بسياقات ثانية تمشي وممكن تظهر بشكل لطيف او عادي، بل بعضها انا استعملها لنفسي حتى -ايه عادي اقول لنفسي اعابط واقول كلام bs ساعات-، بس مستوعب انها ما تمشي دايما مع أي احد، والكلام ذا كله يطلع مجرد تبرير لها، فأعتذر فعليا لأي اساءة حسيت بها وأي مضايقة اتسببت بها لك بأي شكل، بنهاية الامر؟ ما يسوى ذا كله واحنا نتكلم عن اشياء ترفيهية لا اكثر.

رمضان كريم وجمعة مباركة ^^

 

[Eye]

قبل كل شي .. @retha راجع لك .. لا تفكرين اني سحبت

ما عليك لسه اوفيشلي دن (@)، بما انه شايف نفس النقاط تتكرر، بس بما انك تعبت شوي حبيت اعطيك شوي تعقيب بسيط + ريكومينديشن.


اشوف انه they figured it out والانيميشن افضل بكثير مع مظهر واقعي اكثر بكثير والنتيجة شيء حافظ عالهوية بشكل متطور، فعليا كان من اكثر تخوفاتنا قبل اعلان الخامس انه يضحوا بالمظهر او يضحوا بالجيمبلاي، بس طلعوا ما ضحوا بولا واحد منهم والشيء طالع افضل بكثير من زمان وقابل للتصديق اكثر، وصلوا لبالانس عجيب، ولحد ما اشوف شيء افضل منه سواء غرب او شرق أو وسط، بيظل بالقمة من هالناحية، هو حتى لو بتروح للعبة اكشنية من سوني بكل الموارد اللي عندهم زي GOW 2018 بتشوف نفس الكلام اللي اتكلم عنه، وذول وصلوا لقمة الواقعية بالانيميشنز والرسوم ومافي احد ينافسهم بالصناعة -الا روكستار-، بس لازم في برينسبلز معينة لازم تتبعها عشان تخلي الاكشن feels good وكونسستنت، فعادي تشوف فيها كم انيميشن "عبيط" بنفس الشكل ما يهتم بالدقة المتناهية، مع انه فعليا بامكانهم، بس لأنهم عارفين انه بيخرب رتم الاكشن المطلوب و احساسه.

حبيب يابوحميد .. اي مداخلة از الويز اكثر من مرحب بها

هو لا اخفيك .. انا انبسطت جدا من ٥ .. لاني زي اللي فقدت ايماني بعد دي ام سي الجيل اللي فات .. قلت يا ولد اجعلو هذا الاسم يرقد بسلام .. ما ابغى الاسم يتلطخ .. واللي تحصلنا عليه في ٥ كان افضل من توقعاتي السوداوية

خلني افتح قلبي بالكي بليد واقولك ..

o--w- < / o3

اللي يفهم الكود له حلاوة .. ارسل لي العنوان تبعك وتكاليف الشحن وعطني لايك وسبسكرايب وشير وتوصلك

لما كنت صغير واول مرة شريت دمك ١ .. وشغلتها .. وجلست اكفخ بالشياطين .. وعندي مسدس وسيف!! سيف بعد!! قلت ما هذه العبقرية! وش ذا الابهار الاعجازي!! كيف بشر يقدرون يسوون كذا! واقلب الشريط واشوف شعار كابكوم .. واسأل ولد عمي الكبير .. مين ذولا .. قالي ذولا يابانيين .. لك ان تتخيل كيف شفتهم عمالقة عظماء .. والى اليوم من اذكر دمك يجيني فلاش باك الابهار والصدمة .. فـ :
هل يعتبر كثير اني اطالب باني اعيد ذا الشعور قبل لا اموت مرة ثانية؟

هذا و.....تسارع تطور الصناعة دي بالذات بشكل ما تشوفه بأغلب باقي الصناعات والمجالات ممكن يعمينا لبعض الاشياء، انه في اشياء تكون متطورة بالفعل وما تحتاج تغيير لأجل التغيير، ممكن اعطيك مليون مثال بالحياة الواقعية بس عشان ما نروح بعيد، احنا ما زلنا نستعمل نفس اساس الكونترولرز اللي موجودة من عشرين سنة، نفس الاربع ازرار، ستارت سيليكت، اربعة تريغرز ورا ديباد انالوغ ستيكز، نفسه بالزبط فقط مع iterations تخليه افضل وشوية جيمكس ما يستعملها غير لعبتين، ليش؟ لأنه الريدي وصلوا لأفضل شكل ممكن للكونترولر يعطيك تحكم كامل بالشخصية وتمسكه بيدينك وتكون مرتاح، ما راح اقول عن الكونترولرز الحالية متخلفة لأن الاساس القديم نفسه من عشرين سنة ما اتغير ويمكن يظل نفسه بعد عشرين سنة زيادة برضو عادي ومحد يعترض.
حتى الجوي كونز والويموت مثلا ما يعوضوا أبدا عن الكونترولر التقليدي بنهاية المطاف وما يعطيك تحكم دقيق قدهم.

هذا وجهة نظري العامة بالموضوع من البداية.

كلام كليم ولا غبار عليه .. ووجهة نظر احترمها

ما اضيف على كلامك زود مثالك وافي .. الا .. ان احيانا تواجهك رود بلوك كلاعب او مطور .. مثلا في بعض الالعاب اللي تتطلب كومبو تضغط ٩ ازرار مع بعض .. هنا فيه مدرستين فكريتين : يا انك تفعل قدرة القومو قومو اصابع وتزيد مرونتك ومهارتك في التضغيط .. او ان الشركة الله لا يهينهم ينقلون مكان الازرار بحيث تنضغط بشكل اكثر سلاسة

تعرف بما انك جبت ذي النقطة ولا ابغى اثقل عليك .. بس ياخي عندي افكار لتحسين الكنترولر : الحين انت تمسك اليد بخمس اصابع .. بس ياخي ما تستعمل الا الابهام والسبابة .. احيانا افكر اقول ليه ما يحطون ازرار خاصة ورا اليد

محتوى مخفي

ذا الشي بيسهل اللعب ويعطيه سلاسة .. وكل مرة امسك يد تجيني ذا الفكرة .. لاحظ ممكن تحط ٩٠ زر ورا بعض مثل الحمر والخضر وبعدهم زرق صفر .. برضو جودة الضغط .. تقدر تحط انالوق ورا .. نوع الازرار ..الخ

المفروض لا مارك سيريني ولا الفنت سبينسر ولا كيوزومي .. انتخبوني بدالهم واضمن لكم مستقبلا باهرا للصناعة

الانيميشن مرات يختلف slightly حقيقة، بس ما علينا*

هالشيء ما بيمشي مع فلسفة السلسلة ذي، قطع اليد اقصد، بس تدري وش؟

في سلسلة ثانية تسوي هالشيء، وبتعجبك، اسمها Ninja Gaiden، على قد ما انا فان لDMC على قد ما انا برضو سوبر فان لنينجا جايدين، وفلسفتها التصميمية ماشية باتجاه معاكس من DMC، ، بينما دمك تعتمد على الكومبوهات الستايلش وكيف تتفنن بضرب وقتل الاعداء وتحولهم لألعاب وتعمل كومبوز طويلة، نينجا جايدين تعتمد عالـefficient killing ، تقتل الاعداء بأسرع ما يمكن، هالشيء يتضمن تقطيع اليد، والرجول، والراس، والشيء حتى متناغم مع الجيمبلاي نفسه، وردات فعل الاعداء حسب الجزء اللي تقطعه تختلف، تتغير هجماتهم، لو قطعت يدهم يفقدوا هجماتهم، بعضهم لو قطعت راسهم لكن ما قطعت رجولهم لسه يقفزوا عليك، الشيء كان عظيم وشعور التقطيع لا يضاهى، واحنا نتكلم عن سلسلة من 15 سنة تقريبا، بس عملت العنصر اللي ذكرته من وقتها من اجهزة اقدم من الموجود حاليا، بدون ما تضحي بكونها هاك ان سلاش سريعة، بس لأنها ما تهتم بعنصر الكومبوز ذي، تهتم تخليك تحس انك فعلا نينجا قاتل سريع، للحين مافي شيء يعوضها.

للأسف العنصر ذا خرب بشكل كبير باصدارات سيجما، واللي للاسف صارت النسخة الديفولت حسب رأي تيكمو وبالتالي هي اللي جابوها بالكولكشن الجاي.... : (

نوتد برو .. اخر مرة لعبت نينجا قايدن ويييين يمكن من ١١ سنة او اكثر

بس اخلص بيرسونا ودمك ومونهان ببدأها XP امزح امزح بس اخلص برافلي ٢ بلعبها وبعطيك الانطباعات

وأنا بدوري اعتذر برضو لو حسيت اني استنقصت منك بشيء، هو حتى انا ارمي الفاظ معينة ممكن تظهر بشكل قاسي شوي، بسياقات ثانية تمشي وممكن تظهر بشكل لطيف او عادي، بل بعضها انا استعملها لنفسي حتى -ايه عادي اقول لنفسي اعابط واقول كلام bs ساعات-، بس مستوعب انها ما تمشي دايما مع أي احد، والكلام ذا كله يطلع مجرد تبرير لها، فأعتذر فعليا لأي اساءة حسيت بها وأي مضايقة اتسببت بها لك بأي شكل، بنهاية الامر؟ ما يسوى ذا كله واحنا نتكلم عن اشياء ترفيهية لا اكثر.

رمضان كريم وجمعة مباركة ^^

ناااااه يبوحميد .. اعتبره ما حصل .. وقالها ناروتو : الطريقة لايصال مشاعرنا هي بقبضاتنا .. اي قوت ثيك سكن .. فالامور طيبة يبو .. والله يغدق عليك من كرمه ويبارك عليك توو برو

 

[Zhuge Liang]

هذا وانت عين بس، الله يستر علينا من باقي وجهك.

مو اي عين هذي عين ساورون

 

[FANTASTIC DREAM]

لاني ما قلتها

و هو أمر كارثي ، جاوب على الاسئلة بوضوح و مباشرة حتى ما نضيع وقت بعض.

هههههههههههههههههههههههه .. ياخي فارس والله انت فلة عليك مصطلحات .. راكبة ك تهديد والله

ترا امزح معك

"للمرة الأخيرة" لم أقصد فيها تهديد، بل قصدت إن لو ما جاوبت على السؤال بالصيغة الأخيرة هذه فما راح أضع وقت إضافي في النقاش بما إنك إنت تعرف نقاطي لكن أنا ما اعرف نقاطك. مو كل شخص عنده نفس للنقاش أسبوعين زيك إنت و محمد، و مو كل شخص عنده كيبورد صوت النقر عليه لذيذ أو سرعة كتابة زي ما يكون جاستن بيبر شارب حشيش و أعطوه سيارة في نفس الوقت. بعضنا يحب يروق و هو يكتب، و يشرب شاي، و حركات، و بعدين يروح يكمل الفطور في بيت جدته اللي تطبخ شوربة لذيذة جداً و ما أحب أقولها "و الله جدتي أنا جاي عشان طبخك للشوربة" لإن هذا بيطلعني إنسان أناني جداً. تباً.

طيب .. حبة حبة .. انت ما تشوف له داعي تحسينه .. هذا يا فارس امر شخصي وتفضيل اختياري بالنسبة لك
.. انت تتقبله غيرك لا ..انا انتبه للتفاصيل لا اراديا واتقزز من الانكناني .. لذلك ما اقدر اتقبله

يب

يحق لك أن تتقزز منه ... هل سأناقشك في هذا؟ لا. واحد من الأسباب ليش أبغى أعرف بشكل أعمق وجهة نظرك و نقاطك في الموضوع، هو لإن لو كان فيه مشاعر و ذوق شخصي متداخل مع الإنتقاد فأقدر أراه و ما أضيع وقتي معك.

فبذلك عندنا نقطة هنا توصف المستقبل الذي تراه مناسب أكثر للالعاب اليابانية:

ألعابهم don't offend ذوقك الشخصي و تميل إلى حبك للإعتناء بالتفاصيل و حبك للبيرفيكشن.

و هذا أمر لا أريد أن أناقشه، و أحس لو بدأنا بنقلب جلسة فرويدوية، و أخر واحد أسوي هذه الجلسة هذه معه هو إنت

لكن نقدر نتعلم منك أو تتعلم مني في النقاط التالية

دمك بدون نقاش المفروض توفره .. كابكوم عندهم مكتبات برمجية في محرك ري انجن جاهزة لل موشن كابشر .. عندهم موارد لا تنضب .. اسمهم كبير .. السلسلة معروفة وناجحة ..

هم عندهم موشن كابتشر و يستعملونه و يعملون إنميشن في منطقة الوجه


لكن الأمر هو شخصياتهم لا تعبر facially عن الكثير و الستوري تيلنج ما ييني subtext من خلال الحوارات بين الشخصيات. يعني إيش تبغى يسوون هنا. إذا بكرة والله تبغى تتساؤل إذا شخصية في القصة و المشهد "تكذب او لا" في أحد قصص ريزيدنت إيفل ، ممكن أطالب بتقنية افضل في هذا المشهد. شيك لعبة la noire حتى ترى مثال لأهمية تحسن هذه التقنية كون الجيمبلاي يحتاج تحدد مين الكذاب و مين الصادق. لكن غير كذا أنا الغير خبير في هذه التقنية ، ما أشوف لها مجال للتحسن إذا تركيب اللعبة ما يسمح، و ممكن في مجال للتحسن و الإستعراض في جوانب لا أعرفها في الfacial animation، أرجوك قلي إذا تعرف... أنا فاتح في دهاليز عقلي الأن غرفة المخزن و عجل لإن المخزن يصكر الساعة 6.

يعني عاجبك منتج فلاقشيب يكون هذا مظهره اذا حل المشكلة وارد

ايش المبرر ما تضيف هذا الشي؟ كسل؟ رخص؟

إنت تكلم شخص أشوف إن تطور الجرافيكس.. من ناحية photorealism لازم يتوقف إرادياً في نقطة معينة لإن في كل جيل الشغل يزداد و الكرانش يعرض و طبيعة التنافس في السوق نخلي كثير إستوديوهات compelled إنهم يتفوقوا على الأخر مين الأكثر قرباً للواقع. بالعكس، أشوف لو فيه مجال فيه جوانب يعملوا عليها بشكل أقل تقنياً و بشكل واعي حتى لو يستطيعوا بيكون أفضل لي لإن 1- لاست أوف أس ثلاثة ممكن تصدر أقرب 2- ممكن نقلل من الكرانش.

 

[MH MD]

تعرف بما انك جبت ذي النقطة ولا ابغى اثقل عليك .. بس ياخي عندي افكار لتحسين الكنترولر : الحين انت تمسك اليد بخمس اصابع .. بس ياخي ما تستعمل الا الابهام والسبابة .. احيانا افكر اقول ليه ما يحطون ازرار خاصة ورا اليد

محتوى مخفي

ذا الشي بيسهل اللعب ويعطيه سلاسة .. وكل مرة امسك يد تجيني ذا الفكرة .. لاحظ ممكن تحط ٩٠ زر ورا بعض مثل الحمر والخضر وبعدهم زرق صفر .. برضو جودة الضغط .. تقدر تحط انالوق ورا .. نوع الازرار ..الخ

المفروض لا مارك سيريني ولا الفنت سبينسر ولا كيوزومي .. انتخبوني بدالهم واضمن لكم مستقبلا باهرا للصناعة

...تصدق، انا نسيت الشيء، لكن الفكرة فعلا موجودة، بكونترولر ستيم، في ازرار ورا، يسموها paddles، هو طبعا مافيها دعم default بالالعاب لكن تسوي لها مابنج لزر ثاني بداله، وانطباع اللي اعرفهم وجربوها في دمك5 مثلا انها شيء عظيم

هو فقط لأنه مافي لعبة تستغله بشكل كامل فعلي حسب علمي هو اللي يخليني انساه

حتى سوني نفسها عملت اضافة زر جديد لكونترولر البس4 قبل سنة تقريبا، الناس افتكرت انه بيكون ستاندرد بكونترولر البس5 مثلا، لكن لا، ولو انه للحق شكله غير عملي ومريح مثل كونترولر ستيم.

أو سرعة كتابة زي ما يكون جاستن بيبر شارب حشيش و أعطوه سيارة في نفس الوقت.

...اعترف ان التشبيه دمرني.

 

[retha]

ياخي عندي افكار لتحسين الكنترولر : الحين انت تمسك اليد بخمس اصابع .. بس ياخي ما تستعمل الا الابهام والسبابة .. احيانا افكر اقول ليه ما يحطون ازرار خاصة ورا اليد

ذا الشي بيسهل اللعب ويعطيه سلاسة .. وكل مرة امسك يد تجيني ذا الفكرة .. لاحظ ممكن تحط ٩٠ زر ورا بعض مثل الحمر والخضر وبعدهم زرق صفر .. برضو جودة الضغط .. تقدر تحط انالوق ورا .. نوع الازرار ..الخ

يارب استر!
البشرية تهرب من إنهاك الحياة والعمل والدراسة عشان تلعب وهي مروقة وأنت تبيهم يسوون عمليات جراحية اخطبوطية!
الحمدلله إنك مالك يد بالصناعة بكبرها!

 

[Eye]

و هو أمر كارثي ، جاوب على الاسئلة بوضوح و مباشرة حتى ما نضيع وقت بعض.

لا بالعكس! rhetorically طريقة الاجابة وتوقيتها بيرد على سؤالك بشكل اشمل وادق .. لان السؤال حاف بدون النظر للموقف منقوص .. بس اي دايقريس

"للمرة الأخيرة" لم أقصد فيها تهديد، بل قصدت إن لو ما جاوبت على السؤال بالصيغة الأخيرة هذه فما راح أضع وقت إضافي في النقاش بما إنك إنت تعرف نقاطي لكن أنا ما اعرف نقاطك. مو كل شخص عنده نفس للنقاش أسبوعين زيك إنت و محمد، و مو كل شخص عنده كيبورد صوت النقر عليه لذيذ أو سرعة كتابة زي ما يكون جاستن بيبر شارب حشيش و أعطوه سيارة في نفس الوقت. بعضنا يحب يروق و هو يكتب، و يشرب شاي، و حركات، و بعدين يروح يكمل الفطور في بيت جدته اللي تطبخ شوربة لذيذة جداً و ما أحب أقولها "و الله جدتي أنا جاي عشان طبخك للشوربة" لإن هذا بيطلعني إنسان أناني جداً. تباً.

هههههههههههههه ادري يا فارس .. ياخي قلت لك انت اسلوبك فلة احيانا وعليك قطات راندوم زيي .. انا اعيش عشان الراندوم واضحك عليه دونت جدج مي

اسمع مشكلة الكيبورد اشتري لك ميكانيكال كييورد .. ريزر بلاك ويدو جاااامد .. وانطرب يا وحش

ولا سوي ميوت للكليك في الجوال وعيش .. فن فاكت الحشيش يخليك سلو ..

بعدين قول لجدتك "جدتي انا ما ودي اكلف عليكم .. بس الشوربة تجيبني بدون ما اقدر اقاوم"

يب

يحق لك أن تتقزز منه ... هل سأناقشك في هذا؟ لا. واحد من الأسباب ليش أبغى أعرف بشكل أعمق وجهة نظرك و نقاطك في الموضوع، هو لإن لو كان فيه مشاعر و ذوق شخصي متداخل مع الإنتقاد فأقدر أراه و ما أضيع وقتي معك.

فبذلك عندنا نقطة هنا توصف المستقبل الذي تراه مناسب أكثر للالعاب اليابانية:

ألعابهم don't offend ذوقك الشخصي و تميل إلى حبك للإعتناء بالتفاصيل و حبك للبيرفيكشن.

و هذا أمر لا أريد أن أناقشه، و أحس لو بدأنا بنقلب جلسة فرويدوية، و أخر واحد أسوي هذه الجلسة هذه معه هو إنت

لكن نقدر نتعلم منك أو تتعلم مني في النقاط التالية

لا لا انا عطيتك سايد نوت على شي انت تكلمت عنه .. انت قلت وجهة نظرك عن انك ما تشوف الاكسبرشن سينك له مغزى ..انا اقولك هذا شي منظور .. انت ما تهتم انا اهتم .. ما تبنى عليه ارقيومنت اذا هو فقط تفضيل

هم عندهم موشن كابتشر و يستعملونه و يعملون إنميشن في منطقة الوجه


لكن الأمر هو شخصياتهم لا تعبر facially عن الكثير و الستوري تيلنج ما ييني subtext من خلال الحوارات بين الشخصيات. يعني إيش تبغى يسوون هنا. إذا بكرة والله تبغى تتساؤل إذا شخصية في القصة و المشهد "تكذب او لا" في أحد قصص ريزيدنت إيفل ، ممكن أطالب بتقنية افضل في هذا المشهد. شيك لعبة la noire حتى ترى مثال لأهمية تحسن هذه التقنية كون الجيمبلاي يحتاج تحدد مين الكذاب و مين الصادق. لكن غير كذا أنا الغير خبير في هذه التقنية ، ما أشوف لها مجال للتحسن إذا تركيب اللعبة ما يسمح، و ممكن في مجال للتحسن و الإستعراض في جوانب لا أعرفها في الfacial animation، أرجوك قلي إذا تعرف... أنا فاتح في دهاليز عقلي الأن غرفة المخزن و عجل لإن المخزن يصكر الساعة 6.

هههههههههههههه انا المخزن عندي يفتح ٧

سوري مايت ..

طيب ذي نقطة متعقدة ترا .. ويا رب نخش وما نتلخبط اند سو هيلب مي قود ..نتكلم عن مظهر كابشر ضعيف بس ماله دخل في صميم اللعبة لكن بنفس الوقت ملحوظ ولكن مش مهم في الكت سينز

للامانة .. كلامك يحتمل معاني كثيرة .. اقدر افهمه باكثر من طريقة لذلك بحاول اجيب رد يشمل جميع الاحتمالات اللي ببالي

مالها مجال تتحسن . . . فيه ٥٠ طريقة تقدر تحسن فيها الموشن كابشر .. يا للمفارقة عاد اننا بدينا النقاش نحش كوجوما .. وحدة من الامور المستحسنة اللي اضافها كوجيما بممثلين كبار هي اداء الممثل الكبير .. اللي للامانة استغربت تاثيره الخرافي على الموشن كابشر

انت تقصد هذا المجال كيف تحسنه وتوظفه في اللعبة اذا ما كان ركيزة في الجيمبلاي

وانا اقول مش شرط يكون ريسبونس مباشر لجيمبلاي اليمنت .. الاضافات الجمالية هذي حلاوة عيون .. ومو بالضرورة توظف عنصر زي كذا بشكل اساسي في الجيمبلاي .. اذا الفكرة هنا ايجاد حلول .. فاانا انوه ذي مش وظيفتي اللي اعيش عليها واسترزق .. هم كذا .. ومطالبين يحلونها بكل الاحوال .. فليش يتخاذلون؟

لكن بيت القصيد هنا .. صحيح موشن كابشر الوجه مب اساسي وعادي تقدر تتجاهله .. لكن اي غلط فيه بيكون واااضح ونقص في اللعبة بغض النظر عن التوجه .. اي انسان او حيوان او نبات بيشوف المشهد .. لا اراديا بينتبه للغلط ..

ك مطور كبير له وزنه .. ما نتوقع منك الا الكمال .. وغلطة الشاطر بعشرة ..

نرجع للمحور .. فيه طرق لا حصر لها يا فارس كيف تستغل تقنية الموشن .. الابداع ليس له حدود .. ممكن تخلي تعابير السخصيات تتغير مع تنفيذ الضربات .. ممكن تزيد تركيز في لحظات معينة في اللعب على تعابير الوجه .. هك ممكن تخلي الوحوش بالذكاء الاصطناعي تتجاوب مع تعابير الشخصيات من الم خوف ضحك الخ .. ف المجالات غير متناهية

الحين الايفون الايفووووون فيه انموجي وسناب شات فيه فلاتر تحول الصورة لمودلز متحركة .. الجلسة الوحدة على موشن كابشر بتقنية متطورة بالاف الدولارات .. ومو من عدم .. لكن مش من المخجل ان تقنية ابو دولار تجيب شي مقارب؟

إنت تكلم شخص أشوف إن تطور الجرافيكس.. من ناحية photorealism لازم يتوقف إرادياً في نقطة معينة لإن في كل جيل الشغل يزداد و الكرانش يعرض و طبيعة التنافس في السوق نخلي كثير إستوديوهات compelled إنهم يتفوقوا على الأخر مين الأكثر قرباً للواقع. بالعكس، أشوف لو فيه مجال فيه جوانب يعملوا عليها بشكل أقل تقنياً و بشكل واعي حتى لو يستطيعوا بيكون أفضل لي لإن 1- لاست أوف أس ثلاثة ممكن تصدر أقرب 2- ممكن نقلل من الكرانش.

للاسف هذي هي الطبيعة الحقيقية للحياة .. كل حلو فيه احلى منه .. الان لما طلعت تقنيات دقة ٤ كي و ٨ كي .. قلك الشركات لا حبيبي تعال .. البكسلات اكثر من الالوان .. حط hdr .. واضغط الكاميرات والمصممين دبل الضغط

انا اتفق معك جزئيا ذو .. فيه حد معين من الخطر انك تعديه وتخاطر بالمشروع لو تعديته ..

لكن وجهة نظري وفلسفتي البرمجية وانت قلته بعد! "بشكل واعي" .. quantifiying recources .. لو تحسب مواردك وفق معيار معين راح تقدر تسوي تحجيم تقريبي لل المشروع ويساعدك في القرارات ..

برضو احد الامور الضرورية اللي لازم تنوخذ بالحسبان هو براعة الموظفين والايفيشنسي تبعهم .. ادري كلامي استعلائي ويحسسك اني شايف عمري .. بس فعليا في قطاع التقنية .. طاقم العمل لازم يكون مصقول المهارة عشان تكون النتيجة بدون عواقب

واهم نقطة ضريبة العمل الابداعي الحتمية ان الالهام والفن لا يطاوع عنصر الوقت .. لذلك المشاريع المخططة حتى على اعلى مستوى تصادف فترات جفاف ومشاكل ابداعية .. مثل الرايتر بلوك .. ولنا في جيم راء راء مارتن مثال .. ٣٠ سنة يكتب رواية ولسا ما انتهت

 

[abdullah-kh]

الحين بدأت أمل شكلي بسكر الموضوع

 

[Eye]

الحين بدأت أمل شكلي بسكر الموضوع

لا هيه ! خلنا نوصلها للعيد

 

[Old Hunter]

الحين بدأت أمل شكلي بسكر الموضوع

ولا عليك أمر، حتى أنا طفشت ..

إذا قلبت الموضوع سياسي راح يتقفل صح ؟