إذا بلغت الثلاثين هل ستلعب الفيديو جيمز أم ستعتزل ؟

[ALaWi 2009]

حاليا فيه ناس تلعب وعمرها واصل 30 سنة , مثل Major Nelson ..

أعتقد الفيديو جيمز موجود لكل الفئات , الكبار و الصغار .

فلا مانع ان تلعب وانت بسن الشيخوخه حتى :d

 

[FALCON-WARS]

عن نفسي مستحيل اتركها لو وصلت 100 وما خرفت :confuse:

الحين مع اني ما العب مره كثير بسبب عدم تواجد جهاز غير الكمبيوتر اقديم هذا بس لو تواجد عندي جهاز بكون مقطع اللعب

اقولها ثاني لو اوقف لعب ينقص عمري
:yuck::
​

 

[D_SHEHAB]

إلى أن يأتي جيل كله كجولة ، ذاك الوقت راح أعتزل الفيديو جيمز ، الألعاب مثل الروايات تقرأها وتستمتع بأحداثها .. ما أعتقد في عمر معين يحدك بقراءة الروايات :

 

[BADERX]

يعتمد اذا شي يسوا انك تلعبه راح العبه ماكو مانع لانه سوق القيمز قاعد يختفي جيل عن جيل

 

[zizo0o]

يبدو أنه النقاش أنتهى في الموضوع والشباب طلعوا عن الموضوع كثير بس بكل أختصار ( مادام الجيم مايتعرض معا أساسيات حياتي ,,, ساأبقى العب مادمت حيا ) ...

 

[Sora Diersly]

احد الدكاترة عندنا جتني قبل امس تسألني كيف تعدّي مرحلة في زيلدا سبيريت تراكس لول. مواليد 195x
اشك ان الجيمنج صار له عُمر معيّن اللحين, لكن البشرية في العالم العربي مازالوا متخلفين فيما يتعلق بالجيمنج
شخصيا, راح استمر العب, لطالما لعبت ولطالما راح العب, بس السؤال هل بنفس كمية الوقت اللي اقضيها اللحين؟؟ الله اعلم..

 

[key_san]

ماحد قال أنه راح يعتزل , أنا بعد ما راح أوقف.

 

[Man Raider]

ما راح أعتزل الـ Games أبداً ..
سواء كان عمري 30 أو 40 ..
ما دام فيه شيء أسمه .. " Tomb Raider " ..

 

[x BLACK STORM x]

اكيد إذا وصلت عمر ال 30 بتكون عليك مسؤوليات اكبر من الان بكثير , فإذا قدرت اني انظم وقتي مابين مسؤولياتي ..ألخ , ومابين الفيديو جيمز , فأكيد مابتعزل

خاصةً اني اعشق الالعاب من الصغر , فما في شي بيمنعني من اني اكمل هوايتي إذا بلغت ال 30 ^^

 

[AliAlwazzan]

لو يصير عمري 1000 باضل ألعب الفيديو جيم

 

["Z . o . L . a . R "]

لوووول من جدكم يعني تبي اللحيه مترين تحتك وتلعب اللعاب لول اصلا صدقوني مع مرور الزمن راح تتركها تدرجيا عدا اذا بغيت عيالك يكبروا ويشوفوا ابوهم يعلب اللعاب ويقولوا هع ابوي يلعب اللعاب لووول
زي زمااااان كنت لما اروةح محل اللعاب اقول مستحيل مستحيل اترك الالعاب باربي وهالخرابيط ( انا سحليه لول ) وكنت احلف واللحين احلا سيفون معتبر لها لما تكبر تشوف كيف الاهتمام والحب يتلاشا
وحبك وتفكيرك يقودك لشي ثاني مثل حب السيارات حب الرسم اشياء كذا مافي شي يظل علي حاله لذا نصحكم استمتعوا بكل لحظه ولاتندم علي لعبه شريتها او شفتها لنه يوم من الايام راح تندم انك رفعت حرف عليها زي ماراح نندم كلنا علي RE5 عشانا طولنا لسانا عليها وتجي للي اجيف منها بين عيونا ...SOOOO MHA ^^

 

[MAX9009]

القيمز جزء من حياتي وهوايتي المفضله دايما وابداً من الطفوله وانا متعلق فيها وحتى مع الوقت والزمن وضيق الوقت يبقى لها وقت خاص من يومي .. يعني ما اتوقع اتركها مستقبلا .

 

[Output No. 3]

أكيد بلعب بين فترة وفترة.. بيكون وقتها إخترعوا بلاي ستيشن 14 :laugh::

 

[RPG.Lover]

يعتمد على مسؤولياتك وظروفك بالحياة .
جتني فترة فعلاً بعدت عن سوق الالعاب كم سنة . والأسباب كثيرة منها ظروف .
وأيضا نوعا ما ما كان في حماس .. للأسف كان يقل مع الوقت .
حاولت أني أرجع على خفيف عن طريق لعب ألعاب الأونلاين على الPC مع الأصدقاء .
شوي شوي لين ما رجعت جديا واللي شجعني هو سوني 3 مع حصرياته

 

[lightq8]

انا متزوج وعندي طفلتين والعب بعد ماينمون اهلي ساعتين وانام ماظن في مشكلة

 

[kqgaming]

انا قريب ال30 متزوج و ماشوف نفسي بوقف عن الألعاب

طبعا الالعاب اقصد بس3 فقط وبصراحه ماصرت العب الا ساعتين وازهق بسرعه

 

[osama.r]

احس اني حعتزل لاني من ذحين بدات اطفش

 

[AJ LIVE]

أكيد بكمل لعب .

 

[xXx_TiGeR_xXx]

بكمل وبعنف !!!

 

[ArTeX]

اذا الواحد متعود على الجيمز من صغره من الصعب جداً اعتزاله للعب ، ممكن مع التقدم في العمر يقل وقت اللعب بحيث يلعب اسبوعياً على سبيل المثال لكن يقطعه ؟ ماأظن هالشي لأنها عاده تعود عليها خلاص ..
انا عن نفسي مستحيل اقطع الجيمز ولو وصلت 50 سنه <- كح الله يعطينا طولت العمر &&"

حالياً انا ماألعب أي شي مثل ماكنت اسوي قبل ، قل لعبي للجيمز مع ان عمري 22 ، بس ماقمت العب الا الالعاب اللي منتظرها لضيق الوقت احياناً وعدم تفرغي ، وانا لالحين ماتزوجت لوول ، فأتوقع على المدى البعيد راح العب لعبه بالشهر xD

موضوع نقاشي شيق تشكر عليه عزيزي ..​

 

[Matr1X]

أتوقع راح أكمل لعب بس راح تقل عدد ساعات اللعب يمكن ساعة أو ساعتين في اليوم
المشكلة أخاف لما يكون عمري 30 ماراح ألعب غير فيفا​

 

[Sir Guts]

طول ما انا عايش بلعب، الفيديو جيمز مو حق الصغار بس مثل ما اكثر الناس تظن خصوصا اولياء الأمور
انا ناوي العب الى ما اموت ان شاء الله عمري 50
بس طبعا اكيد الوقت بيقل مع الشغل و اشغال البيت و العيال و ام العيال
تقل ساعاتي في اللعب؟ اي نعم لكن اقطع شي اسمه فيديو جيمز و انساه ولا في الأحلام
الفيديو جيمز صار جزء كبير من حياتي و دامي كبرت على الفيديو جيمز بموت عليها.

EDIT: هذا مثال انه حتى لما تتزوج تقدر تلعب، شوفوا رد اخونا lightq8

انا متزوج وعندي طفلتين والعب بعد ماينمون اهلي ساعتين وانام ماظن في مشكلة

 

[Anas 342]

أظن اني بكمل لعب

 

[panddora san]

شغفي بالفديو قيمز يتناقص يوم بعد يوم لا ادري اذ كان بسبب فشل هذا الجيل في ايصال العاب لاتنسى او ان الزمن هو المتحكم في زمام الامور

اعتقد انه الخيار الثاني لكن لايعني اني ساتوقف عند عمر ال 32 ولكن سيقل استخدامي لاجهزة الالعاب بمعدل خمس ايام في الشهر او اقل والله اعلم

 

[nintendo fanboy]

حلى حسب
اذا ننتندو بعدها تصنع العاب مارح اترك القيمز

 

[kitkat]

الواحد راح ينشغل بمشاغل الحياة بمجرد ما يتزوج و يشتغل و يكون عنده عيال و تدريجياً راح يختفي شي اسمه Games بحياتك =)
ما في شي يدوم
هاذي سنة الحياة =)

 

[King z]

على حسب ذاك الوقت وضروفه بس ممكن الواحد يصير كاجول اكثر يلعب كورة وبعض اللألعاب الخفيفة

واذا نزلت لعبة من السلسلة اللي يحبها ممكن يلعبها يعني هواية مو دائمة زي الحين

 

[loca]

راح يقل اهتمامي بس اكيد راح العب العابي المفضله​

 

[دودي2004]

عادي مااشوف فيها حاجة بلعب وزوجتي معاي كمان هههههههه

 

[P19]

ما أعتقد له عمر معين

أعرف واحد ابو عيال ومدمن لعب
لكن الشيء الي بيفقدك اهتمامك بالفيديو قيمز هي الاشياء الي أهم منه وأهمها مستقبلك
الي يحتاج جهد , يحتاج إنك تترك الفيديو قيمز لفترة معينه (ماتدري بعدها يمكن تفقد الاهتمام به كليا زي كثير من الناس)
عن نفسي , أؤمن إنه بيجي يوم أنسى فيه أي شيء يتعلق بالفيديو قيمز .. متى ؟ لا أعلم لكن أشعر بأنه قريب