أول عمل لنا James Bond Blu-Ray Steelbook Collection

[Dr MaD]

اختلف معاك في فكرة طرح الفيديو باللغة الإنقليزية, لأن بالإنقليزي فيه مئات القنوات تعرض محتوى مشابه
حاول تقدمه باللغه العربية بيكون أسهلك في التعبير وبيطلع معاك كلام أفضل, ومحتوى عربي مميز ماسبقك إليه أحد

الشي الثاني ضروري تتكلم عن محتوى الأقراص مو بس تطلع صورة العلبة .. يعني تكلم عن بعض الأجزاء اللي أعجبك فيها المحتويات الإضافية وإيش المحتويات اللي كانت مميزه

والشي الأهم مو ضروري كل أحد يعجبه المقطع اللي إنت سويته, تقبل الموضوع بصدر رحب وفي أحسن الأحوال تجاهلهم لكن لا تكسبهم أعداء لك بردودك العدائية عليهم

 

[Wild Fox]

Superx

لازم تتقبل النقد اخوي .. اتوقع الكثير ملاحظين عندك مشكله بالنطق الانجليزي .. لكن محد حب يقولك بطريقه مباشره ... فكره القناه حلوه و ممتازه في الاف القنوات الانجليزيه لو حولتها للعربي بتكسب جمهور عربي كثير
لا تتوقع انه كل شي تقوله و تسويه بيعجب الكل .. بما انك دخلت المجال هذا لازم لازم تتقبل النقد.
موفق .. عن نفسي لايك و سبسكرايب و دايما اشجعك .

 

[Fatal Error]

من ناحية اللغة ماادري بس اشوف كلام اخوي Superx منطقي انه العرب قليل الي يشترو وان بالانجليزي موجود قاعدة جماهيرية جاهزة بس بالعربي ماتدري يمكن انت راح تجذب ناس او على الاقل تخليها تفكر انها تشتري الاصلي يبغالكم تجربوا تنزلوا حلقه تجريبية بالعربي وتشوفوا الاقبال عليها.

 

[Nintendo]

ملاحظة بسيطه:

شباب لمن تحط رد بمعنى انه صاحب الفيديو ماينفع والخ الخ، هاذي الردود تروح تحطها باليوتيوب مع الناس اللي ماتفهم وماتقدر مساعدة الغير، الاخ كاتب الموضوع ماحط الموضوع هنا إلا عشان يسمع اراء الناس ومنها يطور نفسه، لو فكرت شوي ياصاحب الرد (وش راح نستفيد من ردك قبل لاتحطه) كان فكرت مليون مره قبل لاتحطه لانه التجريح والخروج عن النص من أعمال الصغار والكبار هم اللي يناقشوا بعقل ومنطق عشان الكل يستفيد.

 

[Al Pacino]

اوه! لسى فيه ناس عايشه ماتفرق بين الانتقاد الجريء والانتقاد الوقح؟ الله يعينا عليهم.


شباب فكرتكم حلوه ومبتكرة .. انا مع الشباب الي يدعمون فكرة اللغة العربية كـمتحدث وتقدرون تحطون سب تايتل انجليزي تحت .. هذا اول فديو لكم وطبيعي الناس ماتتقبل الفكرة او يكون فيه اغلاط منكم .. أستمروا وبيتطور مستواكم. بالتوفيق.

 

[squall leonhart]

لووووووووول و يقلون لي اني نقدي جارح .. بعد الي شفته بذا الموضوع طلعت اليف P:

المهم انا مو من محبي فيدوهات ال un boxing عموما .. ما اشوف لها فايدة ابدا .. بس بالنسبة للتقديم نفسه فلغتك مفهومة لكن ليست مثالية .. و حسيت انت تتكلم باسلوب عربي لكن بلغة انقليزيه .. بالنسبة للبس حاول تلبس قميص طويل مثلا لانك نحيف و ما تطلع عليك التي شيرتات حلوه في التقديم .. التصوير و الاضائه جيدين ..

لا تحبط ابدا .. هذي اول محاولة لك و اكيد بيكون فيها اخطاء كثيره و رح تتعلم منها في المستقبل ..و كونك لقيت احد ينتقد بجد هذي نعمه عشان تطور من نفسك .. بالتوفيق ..

 

[MAX9009]

بالنسبة للبس حاول تلبس قميص طويل مثلا لانك نحيف و ما تطلع عليك التي شيرتات حلوه في التقديم

لا فيصل قوله يلعب حديد كمان :sarcastic:

 

[Raulioo]

يعطيكم العافية شباب عجبني الاخراج والتصوير ما عليهم كلام ، زي ما قال الاخوة التقديم لو بالعربي بيعطيك فرصة اكثر تعبر عن اللي بداخلك ، بالنهاية مع الترجمة الانجليزية بترضي الكل ايش المشكلة ؟
ولا تسمع كلام اللي بيحطموك ما فيه شخص بدأ وتقديمه مثالي ، الاستمرارية تولد الثقة والجرأة وبالتالي قلة الاخطاء والهفوات...لكن اللغة العربية بتساعدك اكثر بهالمشوار.. ، وترى العرب حتى وهم ما يشترون الاصلي بس بينجذبون لهالمقاطع خصوصا لما تنتشر بتويتر والفيسبوك واماكن اخرى لأنها فكرة جديدة وممكن بعضهم يفتحوا عينهم عالأصلي ! اهم شي تشمّ الكتيب وتثير الاغراءات بنفسوهم @@

بالنسبة للبس حاول تلبس قميص طويل مثلا لانك نحيف و ما تطلع عليك التي شيرتات حلوه في التقدي

يالله سورا ابدأ حرب الملابس والكوستمايزيشن @@

 

[squall leonhart]

لا فيصل قوله يلعب حديد كمان :sarcastic:

و لا تزعل .. العب حديد لووول

 

[Some1LoveNin]

بالفعل انا مع فكرة انك تتكلم عربي مع subtitle انجليزي.
حاول انك تستفيد من النقد البناء وتطور من نفسك، وحاول انك ماتتحسس من الترولز لأن هدفهم الوحيد هو الترولة فقط ويستخدمون طريقة النقد الهدّام، هذولي طنش ردودهم ولا كأنهم كتبوها..

بالنسبة لي أشوف ان اجليزيتك جيدة، بس حاول تكون اسرع شوي بالكلام إذا كنت تبي تكمل بالانجليزي، و حاول المره القادمة انك تكون متحمس وانت تتكلم لأني كمُشاهد ما أحس براحة وأنا اشوف شخص كأنه مغصوب يطلع قدام الكاميرا.

Like + Subscribed
(متابع لكم دائماً)

 

[PS]

شكراً لكل الشباب اللي يقدمون نصايح لتطوير العمل,وأن شاء الله نناقش كل كلامكم مع فريق العمل و نشوف شو بكون أخر القرارات.

 

[BlackBird]

الفيديو حلو والفكرة ممتازة
بس كم ملاحظة وقالوها الشباب حاول تحط تعابير في وجهك و نبرة صوتك ارفعها و نزلها حسب الوضع بكذا أنت بتحمسني أكمل مشاهدة
و حاول تذكر تفاصيل أكثر عن الشيء المعروض و أخيراً ما يهمك الي يجرح بكلامه ترا ما أحد بدا و كان فالقمة مثال روح شوف البرامج الي في يوتيوب شوف أول حلقة حطها و آخر حلقة حطها
بتلاحظ فرق شاااسع و ان مستواه تحسن و راحت الرهبة من الكاميرا

و نصيحة ابدا بأفلام أو كوليكشنات ضعيفة إلين ما تتحسن قدام الكاميرا و بعدين فجر بكل الكولكشنز الرهيبة الي عندك

BTW: سويت لك لايك و سبسكرايب وأنا مشجع لك أكيد

 

["a7mad"]

Superx

لازم تتقبل النقد اخوي .. اتوقع الكثير ملاحظين عندك مشكله بالنطق الانجليزي
موفق .. عن نفسي لايك و سبسكرايب و دايما اشجعك .

اختصرت كل اللي نصحوا و قالوا تكلم بالعربي !

ثانيا : انا عن نفسي اصلا ما اعرف انجليزي زين فاتمنى انه يكون عربي

 

[Superx]

أشكر كل الشباب اللي ردوا وانتقدوا ودعمونا بنفس الوقت , ماتوقعت الموضوع هني يوصل 40 رد ... والحمد لله اللي اشتركوا بالقناة هذا اكثر شيء ساعدني وشجعني ورفع معنوياتي اني استمر.

استفدت كثير من الإنتقادات والملاحظات , ومثل ماقالوا الشباب انه اول عمل, ولازم يكون في اخطاء... ان شاء الله بتشوفون اشياء تعجبكم في الفيديوات القادمة... في أفكار جديدة في بالي وان شاء الله نطبقها ونسوي شيء يرضيكم.

 

[PS]

خلاص سوبر أكس لازم نجهز لك كورس حديد لووووول لازم تعضل.

 

[Kaze]

السلام عليكم ... اتمنى انك تتقبل الكلام برحابة صدر

1) اذا كان الهدف هو الحصول على اكبر عدد من المشاهدين بإستخدام اللغة الانجليزية و جذب الاجانب ... فإعلم ان عدد المتابعين العرب ليس اقل بكثير من عدد المتابعين الاجانب، و هذه الاعداد ممكن نشوفها في البرامج الكوميديا اليوتيوبية العربية.
2) من المفروض انكم تستخدمون اللغة الاكثر دروجاً في مجتمعك و الي من خلالها ممكن تقدم شيء بمستوى افضل عكس لما تغصب نفسك على عمل شيء لا تتقنه 100% ... لان مثل ما هو ملاحظ في الفيديو اللغة التي استخدمت كان ادائها سيء الا اذا لقيت بديل للمقدم او انك تستخدم اسلوبك العام.
3) حاولوا تبتعدون عن استخدام البيوت و مرافق المنزل كمسرح للتصوير ... فيفضل استخدام مسرح خاص قابل للتغير و التعديل و فيه مرونه.
4) نحتاج شوي History عن الشيء المراد تقديمه ... لو فرضنا انه كولكشن افلام, فما اشوف في مانع انكم تقدمون درس او استعراض بسيط ما يتعدى الدقيقين.
5) في اشياء ما احب رويتها كمظهر فينه نحن يالـ"عرب" ... هو مدى التاثير الغربي على مظهرنا ... ما اختلفنا في الاذواق ... بس دائماً اشيد الى مبدأ احترام المشاهدين و البرستيج الي المفروض يكون عليه، كسبيل المثال الفيديو استعراضي الي فيه لابسين "شورتس" و مطلعين لنا سيقانهم لو واحد بفكر شنو بقول لسالفة الشورتس وسيقان مشعره ؟ او نظارة شمسية في عز الليل ؟ و الخ ... لو حبيت انك تقدم شيء رسمي و ناجح ان شاء الله حاول ان يكون عندك ثيم خاص ببرامج او فيديواتك بحيث انك ترسل رسالة عربية للعرب بان هذا برنامج عربي موجه للعرب ... و فرحت ان البرامج اليوتيوبية العربية الي اشتهرت بمقدمينها كان 80% منهم لابسين ثوب او ثوب وشماغ و البقية ثياب كاجول بشكل كاجول، و اكرر ... ان احترام المشاهدين و تقديم ما يلبي رغباتهم باسلوب شخصي مبتكر هي باذن الله احد مفاتيح النجاح.

و الى الامام و اعرف ان كولكشنك مو طبيعي ... بس يحتاج تقديم موطبيعي ~_^

 

[Output No. 3]

عمل ممتاز جداً وبفكرة جديدة رهيبة.. لكن فيه كم نقطة احباب اذكرها
طبعاً زي ما قالو الشباب وللمرة المليون، فكرة انك تتكلم عربي مع ترجمة انجليزي اريح لك واريح للمشاهدين، وراح تتميز بالعالم العربي اليوتيوبي!
وايضاً نصيحة خاصة، ابتعد عن الكلام عن العلبة وتكلم اكثر عن المحتوى.. مثل سلبيات الفيلم وإيجابياته..
غير كذا فكرة رهيبة وإخراج ممتاز، استمرو جميعاً.

 

[Superx]

الفيديو القادم ان شاء الله بيكون بالعربي.

 

[xz995]

لايك وسبسكرايب وان شاء الله تتحسن الحلقات اكثر في المستقبل

 

[PS]

الفيديو القادم ان شاء الله بيكون بالعربي.

سوبر أكس و الله أنت من الناس اللي ماتوقعت تغير رايك بس أقولك شي واحد تفكير سليم و سعي لتطوير نفسك و العمل.

هذا نتاج النقاش و النقد البناء شكرا لكل الشباب.

لو كان غير النقد البناء و النصايح ماتوصل سوبر أكس بقتناع لتقديم العمل القادم بالعربي تحت رغبت الشباب.

و الله يا KAZE

3) حاولوا تبتعدون عن استخدام البيوت و مرافق المنزل كمسرح للتصوير ... فيفضل استخدام مسرح خاص قابل للتغير و التعديل و فيه مرونه.

أمكانياتنا محدودة جداُ و العمل يحتاج التصوير في المنازل و مانقدر نقدم أي بديل عنه.

4) نحتاج شوي History عن الشيء المراد تقديمه ... لو فرضنا انه كولكشن افلام, فما اشوف في مانع انكم تقدمون درس او استعراض بسيط ما يتعدى الدقيقين.

هنقطة بكون عليها نقاش مع فريق العمل و اذا كان شي محبب لهم ستضاف أو ستقدم بطريقة مختلفة.

وبنسبه للمظر, المحتوى اللي نقدمه يفرض علينا بعض المظاهر و أذا كان في مجال شي أختياري فبكون على ذوق الشخص اللي يبي يظهر في الشاشة.

 

[P0werX7]

بصراحة أستغربت ردك العدواني على انتقاد G4mer .. فعلاً الأكسنت عندك ضعيف جداً، وانا اقول كإنتقاد عملي.. دام الأكسنت ضعيف، ليش ماتقدم بالعربي؟ بيكون أحلى بكثير وراح تاخذ راحتك بالتعبيرات اللغوية ..
النقطة الثانية، مافي اي ملامح مطلقاً .. حسيتك متوتر وكأنك تسمّع نص شفهي .. ماني حاسة انك مبسوط وانت تقدم هالعمل "إلا ببداية المقطع وهو التمثيل".

خذ الموضوع متعة، انبسط وفلها وتكلم باللهجة اللي تريحك واللي ممكن تقدم عمل أفضل فيها مو تشوف الجمهور ايش يبغى !
وبما انه لغويتك ممتازة والجرامر عندك حلو، ضيف ترجمة انجليزية لمقاطعك العربية لاحقاً حتى جمهورك الأجنبي يفهمها ..

+إضافة او اقتراح بسيط، لاتصور المقطع كامل ورا بعض لإنه راح يتعبك وبتحس بالملل .. صور كل نص دقيقة مقطع لحاله وركبهم على بعض .. الكلام المتواصل يسبب توتر من وجهة نظري ..

ومن ناحية التصوير وجوهر الفكرة.. إبداع أول قناة عربية راح تقدم فيديوهات un-boxing.

بالتوفيق لكم ومشكورين ماجد وناصر وعلي وحسين *نسيت اسم؟*

 

[Kaze]

PS

أمكانياتنا محدودة جداُ و العمل يحتاج التصوير في المنازل و مانقدر نقدم أي بديل عنه.

كل الي تحتاجه هو غرفة ... و اشياء بسيطة ما تتطلب مبالغ عشان توصل لمرحلة الاحترافية ... الاحترافية ممكن تقدم في ابسط المعدات بس تحتاج انك تختارها بشكل صحيح.
تحتاج ايضاً الى باحة او ساحة او مكان عام للتصوير الخارجي.

و بعض الامور الي لاحظتها ... اعمالكم ممكن تتغير مقدمتها بحسب الفيلم، ليش ما تصنعوا مقدمة خاصة فيكم تكون نوعاً ما سنيمائية ...
وايضاً اقتراح ... الكوميديا تم احتلاله ... الالعاب تم احتلاله ... السياسية P: تم احتلالها ايضاً ... ليش ما تحتلون الساحة الفنية "افلام و مسلسلات و برامج" ؟
لاحظت ان مافي برامج يتيوبية عربية متخصصة في الافلام و المسلسلات و الاعمال ككل ! الاجنبية و العربية ... يعني اتمنى اني اشوف مقارنة لمسرحية مدرسة المشاغبين بالنسخة الرقمية و الـ VHS او حتى استعراض لهل المسرحية الاسطورية !

في الحقيقة مقتنياتكم الفينية صعب اني اقول انها مو قيمة ! ... وحرام ما تشاركون احد تجاربكم

 

[SnakeEater]

حسيت ان بأمكانك تتعمق اكثر في الكلام لو بالعربي,

وحاول تكون البدايه ممتعه ومختصره , فالنهايه انا جاي استفيد من المعلومات الي بتقدمها.

 

[Vorg Zangief]

مو ضعيف متوسط , وماعندي اخطاء , بس مرات اتأخر في الكلمة

الدقيقة : 1:56
" i got them . for a good deal in ebay . for long time ago "

بتكلم على الاشياء اللي درسناها و لو كنت غلطان ياريت تعدلون لي
them في الجملة يمكن تكون خطآ لانك جالس تتكلم عن سيديات افلام و them للبشر و لو غلطان معذرةً
for a long time ago : اظن ان في الجملة الاخيرة كان لازم تقول from a long time ago لانك بتقول انك اشتريته من زمان اما for long time ago تنفع مثل لما تقول انك مع ماعملت هالشيء من زمان .
-- -- --
ولو انا كنت غلطان في فهم كلامك الانجليزي سامحني :confuse:
و بسرعة شباب لو انا جبت العيد خلوني امسح ردي قبل ما يجيبني اللي يبهذلني بالمنتدى

 

[PS]

لوووول لازم صاحب الشأن يرد عليك أحسن هههههههههه.

Dantila

لا ياعزيزي هذي الاسماء كلها و أن شاء الله يزداد فريق العمل.

 

[Superx]

بعض الامور الي لاحظتها ... اعمالكم ممكن تتغير مقدمتها بحسب الفيلم، ليش ما تصنعوا مقدمة خاصة فيكم تكون نوعاً ما سنيمائية ...
وايضاً اقتراح ... الكوميديا تم احتلاله ... الالعاب تم احتلاله ... السياسية P: تم احتلالها ايضاً ... ليش ما تحتلون الساحة الفنية "افلام و مسلسلات و برامج" ؟
لاحظت ان مافي برامج يتيوبية عربية متخصصة في الافلام و المسلسلات و الاعمال ككل ! الاجنبية و العربية ... يعني اتمنى اني اشوف مقارنة لمسرحية مدرسة المشاغبين بالنسخة الرقمية و الـ VHS او حتى استعراض لهل المسرحية الاسطورية !

ياخي انت شكلك تقرأ افكاري لول, ياخي بالظبط انا من شوي كنت أفكر اننا نتعمق في الفيديوات اكثر ونخلي القناة مختصة بالأفلام ونتكلم عن اشياء ثانية غير الـUnboxing بس, دامنا بنخليها بالعربي. وجت في بالي الأفلام العربية وعندي افكار حلوة وان شاء الله أطبقها مع العضو PS , ولاتخافون بيكون شيء مختلف ومو تقليد على برنامج "سيمازون" .. "سيمازون" من اول البرامح العربية الناجحة اللي شفتها في اليوتيوب المختصة في مجال الأفلام والسينما وفريق العمل القايم على البرنامج فريق ناجح بصراحة وقاعدين يتقدمون بشكل جميل جداً ويسمعون للجمهور ويطورون نفسهم عشان يوصولون للهدف اللي حاطينه , ما انكر ان يمكن الحين بديت اخذ فكرة بسيطة منهم بس مو تقليييد, ان شاء الله احنا بنقدم شيء مختلف وبيكون طبعاً في مجال الأفلام والمسلسلات والسينما بشكل عام , ولول Kaze مايهمك بنعرض مقتنياتنا الالفينية على قوولتك (ترى محد علمني اجمع كولكشن محترم غير ريجووونك رقم 1 ) لووول ياخي كل مرة اتذكر شكلها وهم مصفوفين بشكل رهييييب!!!

مشكورين للردود والدعم مرة ثانية.

تعديل: اي صح وبالنسبة للمقدمة , فكرت فيها قبل ما افتح القناة, كنت ابى شعار للقناة او مقدمة(فيديو) تكون محطوطة في بداية كل فيديو , لكن هالشيء يباله احترافية, لازم مصمم يسوي لي هالشيء , لأني بالمرة ما افهم شيء في التصميم ... لول من فترة طلبت من اثنين اجانب يسوون لي وطبعاً بفلوس (محد يسوي ببلاش لول) , بس ماعرفوا يطبقون الفكرة ... وانا نمت على الموضوع وقلت بنسويه بعديين يوم بتكون في بالي فكري واضحة وتصلح تكون ثابتة في لكل فيديو نسويه.

 

[Nintendo]

كذا تعجبوني شباب، مهم بتروجيمنج اننا نكون (مجتمع)، اذا شخص قدم عمل و احتاج نصائح نقدمها له وبالنهاية هو يجتهد للجميع واكيد اي عمل راح تواكبه اخطاء ومع الوقت تتعدل، نشوف شغلكم يالحلقة الجاية شباب وان شاء الله يكون افضل

 

[NWO]

عمل جميل لكن جيمس بوند معروف انه يلبس بدلة مش كاب وملابس عادية

واذا ما تبغوا تتكلموا بالعربي حطوا ترجمة عربية او ممكن تسوا الحلقة الي جاية مثلا ً 10 دقائق وتصير خمس دقائق مترجمة

وخمس دقائق باللغة العربية وتسئلوا المشاهدين في نهاية المقطع

ايش الي يفضلوه وبدايتكم جيدة جدا كهواة اتمنى لكم التوفيق واشوفكم منتجين افلام يوما ما

 

[s3rorh]

ما عندي شي أضيفه ... غير إني أقول *تراني متابع* ... :

 

[PS]

شباب بما أنا ناخذ أفكاركم و نضع خطط جديده للعمل,حبيت أخذ رايكم المشهد التمثيلي تحبون يستمر أو يكون كل شهر أو نلغيه؟