hits counter

أولى التفاصيل عن جهاز Orbis جهاز Sony القادم ؟ "سوني بطلت الأرقام"

Madainee

True Gamer
sony.jpg


كثرت الإشاعات هذه الأواخر على أجهزة الجيل الجديد، ما إعتدنا تسميته بالـXbox 720 لجهاز Microsoft والـPs4 لجهاز Sony لكن يحين يقول هذا المصدر هذا فإن الاخر يأتي ليقول غير ذاك الكلام وكل منهما يقول أن مصادره موثوقة فبمن نثق ؟

Kotaku واحد من المواقع الذي رغم الإشاعات الكثيرة التي ينشرها إلا أن قدرا كبيرا منها يكون صائبا ومصادره الموثوقة حسبه طبعا تجعله منجما لمشاريع الشركة السرية، يعود هذا الموقع للحديث عن جهاز Sony القادم بعدما انتهى من موجة جهاز Durango الذي قد يكون جهاز Microsoft الجديد حيث قال أن الـPS4 سيحمل الإسم الرسمي Orbis تماشيا مع تغير إسم الجهاز المحمول الجديد للـPs Vita، وأن أولى النسخ منه ستصدر نهاية العام المقبل (2013).

الموقع لم يقف عند هذا الحق وقال أن الجهاز لن يشغل ألعاب الـPs3 عن طريق القرص لكنه سيدعم الألعاب المتوفرة على الـPs Store، الجهاز سيحمل معالجين (AMD x64 GPU و AMD Southern Islands GPU) من نوع AMD ما يؤكد الإشاعة السابقة بأن Sony ستستعمل تقنية AMD.

يضيف المصدر أن الجهاز سيدعم جودة 4096 على 2160 ذات صيغة 4K مدعومة على أقراص Blu-Ray أو الألعاب المتوفرة للتحميل، ألعاب جهاز Orbis (لنجرب الإعتياد على الإسم من الأن) ستعتمد نظام التشغيل الواحد والذي سيقضي على سوق الألعاب المستعملة، نسخ المطورين من الجهاز (كيت التطوير) سبق أن تم توزيعها على المطورين والعمل جار على ألعاب نهاية 2013.

كل هذه المعلومات تبقى إشاعات مهما كان المصدر موثوقا، من الصعب إنتظار تأكيد رسمي من الشركة هذا العام وتوجب الإنتظار حتى العام القادم، ربما خلال معرض E3 2013.

شغالين على الجهاز بمعمارية AMD ( أول مرة في تاريخها ) وأسمه الأولوي أوربز ويدعم الـ 4K كمان ... واضح إن سوني راح تمشي بنفس توجه البلاي 3 !

على فكرة أي إشاعة تطلع لسوني أعتبرها تسريب وشي مؤكد ... النكست جنريشن قرب !
 

nbnt

True Gamer
قريت التفاصيل كاملة من كوتاكو وما استبعد صحتها، لكن ما اظن الاعلان بيكون هالسنه، في الغالب السنه القادمه مع اعلان موعد في نهاية 2013.
 

MaxPro

True Gamer
اوربيس اسم اولي واسم نموذج وما اظن انه الاسم النهائي ، لان اسم بلايستيشن مايمكن تتخلي عليه ابدا وكالعادة سوني تبحث عن الاقوي تقنيا قبل كل شي .
تفاصيله تحمس .

تعديل : يحتوي علي نظام منع الالعاب المستعملة !!!! لا علي كذا اسحب كلامي ، تفاصيله ماتحمس .
 
التعديل الأخير:

G4mer

Banned
نهاية الموضوع كذبة أبريل
 

Netero

True Gamer
اتوقع ان الفرق الاول من نوتي دوغ الحين شغال على الجهاز القادم , وفريق لاست العابه بتكون لهذا الجيل (طبعاً اذا كانت الاشاعة حقيقية).
 

Suzuki Yu

True Gamer
تعديل : يحتوي علي نظام منع الالعاب المستعملة !!!! لا علي كذا اسحب كلامي ، تفاصيله ماتحمس .
انا استغرب انتقاد النقطة هذي عند البعض

اي واحد يخاف على الاندستري المفروض يدعم النقطة هذي! ايش ينوب الشركة المنتجة من الالعاب المعاد بيعها؟
واذا كان على الاسعار المرتفعة يقدر الواحد ينتظر وما ياخذ اللعبة Day1 اذا شاف انها ما تستاهل سعرها ... لكن بالنهاية انت تكون أفدت الشركة المنتجة وفلوسك ما راحت للتجار اللي ماهمهم شي غير مرابحهم الشخصية
اللي سمعته ان كثير من المحال في ظروف متعددة ما يطلبوا المزيد من النسخ لالعاب معينة لانهم بيستخدموا سياسة التأجير و بيع المستعمل مع هذي الالعاب
 
التعديل الأخير:
^
تخيل انت واخوك ببيت واحد لكن كل واحد عنده كونسول، لازم تشترون اللعبه مرتين عشان تلعبونها ؟ ولا مثلا خويك يبي لعبه من عندك، لازم يشتري جديده ؟ طمع مطورين ماله داعي :sarcastic:
 

Suzuki Yu

True Gamer
^
تخيل انت واخوك ببيت واحد لكن كل واحد عنده كونسول، لازم تشترون اللعبه مرتين عشان تلعبونها ؟ ولا مثلا خويك يبي لعبه من عندك، لازم يشتري جديده ؟ طمع مطورين ماله داعي :sarcastic:

امكن مع سالفة جهازين ببيت واحد معاك حق لكن مع ذلك هذا case نادر الحصول
لكن حقيقة لما تشوف الوضع اللي ما يسر بالماركت احس انه هذي الخطوة "ضرورية" ... الالعاب اللي تبيع بشكل ممتاز صارت العاب محددة main stream والباقي يلاقي الفتات يقتات عليه
طيب وبعدين؟ الحال في النازل
 
التعديل الأخير:
قريت الخبر وكنت بحطه ، بس لما شفت المعالج amd كنسلت الفكرة الى تصرحات احدث واوثق
 

Sultan/X

Banned
لول وانتو صدقتوا سوني كذا مره صرحت تصريح ( رسمي ) ان البلاستيشن 3 عمره بلقليل عشر سنوات والجهاز نزل 2006 يعني باقي ثلاث سنوات او اربع بلكثير السنوات الجايه راح نشوف اللعاب ممله الكل تلاقيه يشتغل ع الجيل الجاي Orbis ما اظن هذا اسم للجهاز تلاقيه اسم المشروع , حركه الالعاب ماتشغل غير علي جهاز واحد هذا يعطي الشركات مربح ظخم و مو هين والالعاب راح تبيع بلهبل ( بانسبه لشركات),,,,,, في حاله اذا سكت المستهلك وهذا شي مستحيل في العصر هذا صار الانسان يتكلم بيده وبعقله وبلسانه وماارح يسكتو ع المهزله هاذي وبنهايه بيشيلو الحركه ذي مع اني متاكد انهم ماارح يحطوه مدري بس حاس محرد اشاعه ولو كان صدق علي الاقل النسخه تشغل علي ثلاث اجهزه بعدين خلاص مو جهاز واحد وبس يمكن هذا يعطيني تقبل بنسبه 20 %
 

Raziel

True Gamer
أهم شيء في الجهاز القادم تكون بيئة العمل فريندلي للمطورين، وسوني ما ترتكب حماقات معتادة تفسد التجربة على المستخدم (مثل: يوزر واحد لكل جهاز فيتا)
محاربة المستعمل ماراح تشكل تأثير علي إذا كانت كل الألعاب بتنزل داونلودبل وبالتالي اللي تفشل وتفلب ينزل سعرها بسرعة مع الوقت.

ويلتزموا بكنترولر تقليدي وبدون جيميك، ونظام تشغيل عملي ومرن. وكذا بيكون جهاز مثالي للمرحلة المقبلة (3-6 سنوات).
 

Suzuki Yu

True Gamer
حركه الالعاب ماتشغل غير علي جهاز واحد هذا يعطي الشركات مربح ظخم و مو هين والالعاب راح تبيع بلهبل ( بانسبه لشركات),,,,,, في حاله اذا سكت المستهلك وهذا شي مستحيل في العصر هذا صار الانسان يتكلم بيده وبعقله وبلسانه وماارح يسكتو ع المهزله هاذي وبنهايه بيشيلو الحركه ذي مع اني متاكد انهم ماارح يحطوه مدري بس حاس محرد اشاعه ولو كان صدق علي الاقل النسخه تشغل علي ثلاث اجهزه بعدين خلاص مو جهاز واحد وبس يمكن هذا يعطيني تقبل بنسبه 20 %
هو يعطي الالعاب والشركات اللي قاعدة تحقق نجاح كبير الان وهي تعد على الاصابع نجاح أضخم لكن في العاب وشركات كثير منتجاتها تبيع بشكل متواضع جدا وهذا النظام راح يساعدها على النهوض.
الحالة اللي احنا فيها الان من تقلص للماركت و IPs تموت وجنراز بحالها تواجه مصاعب بالتواجد بالساحة تحتاج لها حل.
وعلى هرجة العالم ما راح تسكت ... وهل الrestriction شي جديد ؟ العاب الPC اللي تحتاج كود قدامك ومعها العاب الديجتال كونتنت هذا الجيل.
 
التعديل الأخير:

hemo memo

True Gamer
اشاعات جهاز مايكروسوفت الجديد قالت نفس الكلام عن التشغيل الواحد.. ماتوقع السالفه بهالبساطه .. اهم شي اني ودي اشوف وجيه الثلاثه هذولي وهم يقرون الخبر..
Daniel DeMatteo / R. Richard Fontaine / J. Paul Raines
 

Brewmaster

True Gamer
انا استغرب انتقاد النقطة هذي عند البعض

اي واحد يخاف على الاندستري المفروض يدعم النقطة هذي! ايش ينوب الشركة المنتجة من الالعاب المعاد بيعها؟
واذا كان على الاسعار المرتفعة يقدر الواحد ينتظر وما ياخذ اللعبة Day1 اذا شاف انها ما تستاهل سعرها ... لكن بالنهاية انت تكون أفدت الشركة المنتجة وفلوسك ما راحت للتجار اللي ماهمهم شي غير مرابحهم الشخصية
اللي سمعته ان كثير من المحال في ظروف متعددة ما يطلبوا المزيد من النسخ لالعاب معينة لانهم بيستخدموا سياسة التأجير و بيع المستعمل مع هذي الالعاب

منع الألعاب المستخدمة او حتى اسلوب اكواد إea نهب لحق واضح وصريح لحق المستهلك,واللي في باتمان اركام ستي شيء أبشع! جزء من المفقود!!
في اكثر من طريقة لتحارب سوق الالعاب المقرصنة قدم حوافز بدل من النهب الرخيص,أذكر كم لعبة قدمت شيء كويس كطريقة لمحاربة المستعمل لكن ناسي والله p:
 

AL3TTR-M

True Gamer
منع الألعاب المستخدمة او حتى اسلوب اكواد إea نهب لحق واضح وصريح لحق المستهلك,واللي في باتمان اركام ستي شيء أبشع! جزء من المفقود!!
في اكثر من طريقة لتحارب سوق الالعاب المقرصنة قدم حوافز بدل من النهب الرخيص,أذكر كم لعبة قدمت شيء كويس كطريقة لمحاربة المستعمل لكن ناسي والله p:
BF:BC2
طريقته حلوه اونلاين باس بس غير
بدال مايمنعك من دخول الاونلاين كامل تجيك نصف الخرايط + طور ناقص
مع الكود الخرايط والطور تفتح وبعد ماكملت العبه اتوقع 3 شهور نزلوا خرايط لاصحاب الكود ( مب خرايط جديده هي نفس القديمه بس لاطوار ثانيه )
 

JIN KAZAMA

True Gamer
سوني اتجهت للamd عشان يصير التطوير اسهل على اجهزتها (نفس الاكس بوكس ) ، وبالنسبه للالعاب المستعمله بروك للشركات كره المستهلكين وعداوه الهكرز لول !
 

Raziel

True Gamer
في عدة مقترحات لحل مشكلة المستعمل، بس كلها غير رسمية لكن مقترحات قريتها في كوتاكو + MVCUK قد تطبق:

1- استخدام خدمة البلس كوسيلة للاستفادة من المستعمل وإعادة بيع اللعبة.

2- اعادة بيع اللعبة عن طريق خدمة "المستعمل" :صاحب اللعبة يبيع الكود ويسترد تلقائياً نقاط عملية البيع للمتجر الرقمي، ثم يعاد شراء الكود من جديد بواسطة مشتري جديد بسعر أقل طبعاً
 

Veeto

True Gamer
ويلتزموا بكنترولر تقليدي وبدون جيميك، ونظام تشغيل عملي ومرن. وكذا بيكون جهاز مثالي للمرحلة المقبلة (3-6 سنوات).

انا عكسك .. اتمنى يسووا كنترولر جيميك .. بس يكون جيميك (( فعال )) مثلا خاصية اللمس الخلفي بالفيتا عاجبتني الفكرة جدا ( مع اني ما جربتها )
يعني تخيل حجم التغيير في بعض الامور لو هالشيء تم تطبيقه بفعالية في الالعاب .. مثلا فكرة التسديد في الكورة
وغيرها .. بالعكس هالجيميك عجيب .. المهم انه يكون فعال مو مجرد جيميك

اتمنى سوني تبدي في خطة المزاوجة الحقيقية بين المحمول والكونسول ... تخلي كود مثلا في العاب الكونسول
وتقدر تنزل محتويات معينة في الفيتا .. وتخلي التجربة مختلفة .. وجذي
 

hemo memo

True Gamer
ماهي محاربه هي احتواء.. التخطيط انه تجيهم نسبه من مبيعات المستعمل .. شريت لعبه مستعمله تشتري كود عشان تفعلها ... اعجبتني آراء يزيد وفايز لانهم قاعدين يشوفون الصوره الاكبر هنا.. لما تكون اجهزة الجيل الجديد السيفتي فيها ممتاز وتكون مبيعات المستعمل ترجع مربح كذا نكون حلينا اكبر مشكلتين هالاندستري يعاني منها.. برافو سوني و مايكروسوفت.. نينتيندو؟!
 

DOOM1800

Hardcore Gamer
^
^

احنا مانقول خلو المستعمل بل اننا عارفين ان المستعمل مضر و بشكل كبير على استمرار الصناعة وخاصة في مجال الابداع و تقديم شيء فريد بس فيه طرق اخرى لمحاربة المستعمل ، مثل ما ذكر احد الاخوان عن باتلفيلد باد كمني 2 كيف انك اذ شريت اللعبة يعطونك كود و به تكون عضو VIP وتحصل على خرايط و اشياء اضافية قبل الكل وهذا شيء بسيط من الي ممكن يقدم .
 

hemo memo

True Gamer
^
طيب انت قلتها *اضافيه* فيه ناس ماتهتم.. اغلب العاب هالجيل يعطونك اشياء اضافيه اذا شريت اللعبه جديده ومافيه فايده.. لو هالمشكله انحلت مع الدي ال سيز كانو ماراحو لهالفكره اللي اتوقع هي الحل الوحيد وزي ماقلت هذي ماهي محاربه اذا كانت بكود هي مجرد طريقه يقدرون يطلعون من المستعمل مربح.. لو محاربه كان حرفيا لعبة لكل جهاز وهالشي اعتبره انتحار.
 

ryo hazuki

True Gamer
كثير للاسف يشتكون من الاسم و ان الاسم بايخ ، ياربي ، هذا الاسم مبدئي ، مثل البني ادم ، لما يكون صغير يقولون له بيبي او طفل
و لما يكبر شوي خلاص محد يقوله بيبي مرة ثانية

معلومات طيبه ، سوق المستعمل مايهمني و الحمد لله ، مواصفات طيبة

طبعا سوني شركة العاب و الكترونيات و شي طبيعي انها دائما تطور و تختبر و تحاول تجهز للي قادم
سوني مجبورة تشتغل على جهاز جديد ، لان ممكن تكون عندهم اخبار عن جهاز مايكروسوفت و متا راح ينزل لذالك ماودهم يوصلون الحفلة متأخرين مثل ماصار بداية الجيل الحالي
لان لو تأخروا هذي المرة و جهازهم نزل اخر جهاز الاضرار راح تكون اكبر من المرة السابقة
 

قناص

Banned
تعديل : يحتوي علي نظام منع الالعاب المستعملة !!!! لا علي كذا اسحب كلامي ، تفاصيله ماتحمس .

و نفس الكلام سمعناه عن جهاز مايكروسوفت القادم !
الله يستر .
المشكلة أن هالأشياء تخلي تجربة مشتري الألعاب اللأصلية أسوأ و أسوأ و تقلل من قيمة الألعاب بشكل كبير

الحماية من القرصنة و سوق المستعمل ما يعني أنك تسرق اللاعب حرية التصرف بألعابه "الأصلية"
 

Burdegation

True Gamer
يحطون خدمة تأجير العاب بسعر مناسب و الكل بيكون راضي
 

Veeto

True Gamer
هو يعطي الالعاب والشركات اللي قاعدة تحقق نجاح كبير الان وهي تعد على الاصابع نجاح أضخم لكن في العاب وشركات كثير منتجاتها تبيع بشكل متواضع جدا وهذا النظام راح يساعدها على النهوض.
الحالة اللي احنا فيها الان من تقلص للماركت و IPs تموت وجنراز بحالها تواجه مصاعب بالتواجد بالساحة تحتاج لها حل.

اذا كان الحل متمثل في محاربة المستعمل فهذي غباوة من القائمين على الصناعة
انا ما اظن ان المشكلة في المستعمل .. وما اظنه جزء من المشكلة مثل ما الكل مخلنه مشكلة

انا اتذكر .. اني لعبت ميتال جير 2 .. وانهيتها اكثر من 30 مرة .. ومثلها ميتال 3
بيس والكر كملت 110 ساعات .. المنتج الرائع ما بتستغني عنه

لكن هالجيل قدم لينا العاب ابو 6 ساعات ... ويش تبيني اسوي فيها ؟؟
ريزدنت 4 كانت تقريبا اكثر من 15 ساعة !

انا عاجبني نموذجين هالجيل .. حاربوا المستعمل نوعا ما
نموذج روكستار .. خصوصا مع ريد ديد وبوردرلاند .. نزلوا اللعبة واستمروا يدعمونها تقريبا الى 5 او 6 اشهر
DLC وراء الثاني .. ومحترمين يخلونك تحلل الشراء وتستثمر في اللعبة وفوق هذا يخلون المنتج حيوي مدة اطول
والناس تجي تشتريه

او نموذج باتمان .. حتى مع اركام سيتي وقصة كاتوومان صحيحة وسليمة
تبي تجرب اللعبة اشترها مستعملة ... تبي التجربة كاملة تدفع
وظلوا يدعمون اللعبة الى 3 اشهر قدام .. تمنيت يقدمون اضافات مثل كاتوومان تندمج مع القصة
بس للاسف كان عندهم بوتينشال وما استغلوه

بشكل عام اظن التوجه بهالطريقة لمواجهة ومحاربة المستعمل مو صحيحة
 

Sultan/X

Banned
المستهلك مو غبي والشركه مو غبيه وكلنا عارفين ان ما احد راح يرضي بشي هذا خصوصا مع بدايه الجيل الجاي تلاقي الالعاب بمليار خصوصا اصحاب المحلات عندنا مو الكل يخاف ربه تخيل انك تضطر انك تشتري لعبه جديد ه وخويك معاه اللعبه وماعاد يبغاها وماتقدر تجربها بس لنها ماتشغل غير ع جهاز واحد وتروح تاخذ لعبه جديده 400 او 300 او اي كان السعر حقها , مو كل الناس شبعانه وتقدر تجيب فلوس اغلبيه القيمزر من فئه الشباب للي تقريبا بشكل عام يعتمد علي مصروف للي يعطوه ياه اهله بنسبه لي مو مشكله بس شرحيه ظخمه ظخمه معتمده اعتماد كلي علي المستعمل , سوني دايم تدور علي رضاء مستهليكيها زي لما تهكرت شبكه الـ PSN عوضو الجميع بحزمه اللعاب رائعه وهم توهم خسرانين الملايين همهم بس رضاء المستهلك , مافي دخان من غير نار لكن اشك ان سوني تبي تحطها بجهازها الجاي اشك
 
أعلى