germany
Hardcore Gamer
اذكرك كيف كنت تمدح فيه ايام دورتموند, بيني وبينك متابعته لدورتموند قلت بشكل كبير بعد رحيل كلوب. بس اللي اذكره ان توخيل غير عقلية الفريق من فريق يعتمد على ردة الفعل فقط, الى فريق يصنعها ويبادر باللعب وبالاستحواذ عليها.
كنت مستغرب انك كنت تتمناه في البايرن على حساب مدربين امثال كلوب وغيرهم في هذا الوقت, وقتها ما كنت فاهم ليش بسبب قلة متابعتي له وبسبب عدم تحقيقه للبطولات.
حتى لدرجة اني ما كنت افضله يجي تشيلسي لما سمعت الاخبار عن اقترابه لتدريب النادي.
بس بعد ما شفته مع الفريق وكيف كان يدير المباريات وكيف كان قائد قبل ما يكون مدرب خارج وداخل ارضية الميدان.. صار مدربي المفضل, حتى اكثر من كلوب.
مش معقول الفريق يحتل المركز ال ١١ بسبب عدم وجود مهاجم صريح, في النهاية معاك اوباميانغ والداهية بوتر راكنه في الدكة.. حتى في الدكة ما هو موجود.
لو جينا نحسبها صح راح تشوف ان الادارتين مافي عليهم لوم كبير بسبب شح المهاجمين في السوق او بسبب عد نجاح المهاجمين اللي يجون النادي.
بعد دروغبا شفنا النادي كيف عانا مع توريس الين جا كوستا, ولما خرج كوستا النادي جاب موراتا بمبلغ كبير وما نجح معانا.
وبعدين الادارة جابت جيرو كحل مؤقت وكانت صفقة ناجحة, ولما لامبارد مسك النادي طلع تامي ابراهام اللي كان هداف الفريق على حسب ما اذكر.
في فترة توخيل الفريق كان ما يعتمد على مهاجم رقم ٩ الا في بعض المباريات وكان يدخل جيرو فيها.
في الموسم اللي بعده الادارة جابت احسن مهاجم متاح في السوق وبسعر عالي, الخيارات البديلة هم هالاند اللي مافي نادي قدر يجيبه و هاري كين اللي ادارة توتنهام منعت انتقاله للسيتي. فافضل خيار متاح كان لوكاكاو.
نجي لي لوكاكو, انا ابدا ما اعتبرها صفقة فاشلة من ناحية المردود. اللاعب قدم ارقام مقبولة جدا خصوصا لمهاجم في تشيلسي خصوصا وان الفريق نصه جاته اصابات ولوكاكو ما سلم منها, لاكن اللي حكم على هذي الصفقة بالفشل هو لوكاكو نفسه وبتصريحه الغير احترافي.
كان ممكن يلعب الموسم الثاني وتتحسن ارقامه بشكل كبير مع عودة المصابين وتأقلم لوكاكو مع الفريق.
السوق فيه شح في مركز المهاجم, ووجود موتينغ في اساسي البايرن هو اكبر دليل على ذلك.
الادارة جابت العيد في طرد توخيل وتعيين بوتر براتب يعد من اعلى ٥ رواتب في العالم!!
قرارات كارثية من ناحية تعيين الجهاز الفني, لاكن من ناحية الصفقات ما اشوف شيء غلط لا من هذي الادارة او الادارة القديمة.
لهذا السبب ريس جيميس ذكر اسم لياو بانه اصعب خصم واجهه في مسيرته, رغم ان لاعبين امثال ماني وفينسيوس جونير لعبوا ضده
السيتي, ارسنال, ليفربول يحتاجون لاعب بهذي الخامة.. واصلا كنت اتمناه يجي تشيلسي قبل ما نجيب مودريك بس الاوان فات
