hits counter

ألعاب لعبتها بس أهلك ما كانوا يرضون أنك تلعبها

Old Hunter

True Gamer
اسف @Invader skoodge ..
ما قدرت أقاوم، سرقت هذي من اللسته حقتك

-

gta san andreas
GTASABOX.jpg


عشان فيها ذبح و قتل و تقدر تدعم العالم في كل مكان، كانت أمي الله يحفظها تقول " حرام عليك يا ولدي "


-

دارك اعذرني بسرق ردك قبل ما تحطه :

Dead or Alive

(&)

دمتم بود
 

m7tram

True Gamer
طول عمري العب بغرفة بروحي فمايدرون عني اصلا .. لكن في لعبة كنت انا أحرص بزياده انهم مايدرون واطفي التلفزيون بسرعه اذا سمعت احد جاي.

file_16887_fear_effect_2_001.gif

:relaxed:
 

Good Hunter

True Gamer
God of war وكله بسبب مقال في جريدة الجزيرة عن خطر هذه اللعبة والكفر اللي فيها وانه صمموها اليهود للاستهزاء بالدين وغزو شبابنا واطفالنا كما فعلوا سابقا مع البلوتوث..
 

Hekari

SquallX سابقاً
God of war وكله بسبب مقال في جريدة الجزيرة عن خطر هذه اللعبة والكفر اللي فيها وانه صمموها اليهود للاستهزاء بالدين وغزو شبابنا واطفالنا كما فعلوا سابقا مع البلوتوث..


هذا .. جاي عشان هذا.. بالذات الثالث لما نزلت كنت متحمس لها جدا بس لعبتها متاخر

بس السبب مش نفسه ، السبب لإنه التعري الزايد عن اللزوم ولعبة ال Mini game وعاد وقتها في 2011 وقبل موضة التعري كانت جداً نادرة مش ترند زي الحين

وأيضاً .. كنت تحت ال 18 وقتها ، كان اخوي شاري كولكشن الجزء الاول والثاني واجلس الصبح وانزل الصوت كلياً واطلع يمين يسار واي خطوة رجل تقترب اقفل الشاشة واحاول اشيل اللعبة اقرب وقت ممكن (&)

خلصت الجزء الاول والثاني بدون حوارات ولا صوت ::fdoly::
 

s3rorh

True Gamer
بالنسبة لي، مو ألعاب .. بل أمور اخرى فقط للبالغين








..







..







..






زي جرائم القتل و الأشباح .. و كذا
 

aboooood

True Gamer
اه اخوي كثير يحكيلي ابتعد عن الالعاب السولز عشانها مش الي حتى ابن خالتي صار يردد هي الجملة بعد ما شاف لعبي المتميز ع سلسلة دارك سولز و لعبة بلود بورن
 

Lazy Gamer

Hardcore Gamer
Resident evil 4 او اي لعبة رعب
تخيل اسمع المديح عن اللعبة في كل مكان بس ما اقدر اجربها طبعا كانت في محاولات تهريب بس كلها تنكشف قبل ما اخرج من باب المحل ، مرة وحده قدرت اوصل فيها البيت و شغلتها واشوف المقدمة مبسوط وانكشفت و انقص السيدي زي شرائح البيتزا ::sad::ما انسى ذاك اليوم
Fatal frame 2 تهربت بسهوله وامان على اساس الغلاف الامامي بنتين كيوت و بشتريها لاختي وفعلا شغلت اللعبه مع اختي ومن اول شبح قفلت اللعبه و ما عد شغلتها
 

Terminator

True Gamer
اخ على التسعينات, اهلي الحمدالله ماكانو يتدخلون في اي شي يخصني بعالم
الالعاب والافلام..بس اتذكر موقف مع واحد من الجيران كنا نجتمع عنده بالحوش ونلعب
بالدور مرة مباريات ومرة لعبة سباق دراجات واذكر اللعبة كانت على PS1
كانت وحدة من الشخصيات اللي تقدر تاخذها بنت عليها short (خير ياطير) والحبيب
قال لازم اودي السيدي للمحل عشان يلبسونها سروال
 

dro

Versus XIII Epic
العاب ما تنفع الأهل يشوفونها ؟ عد و اغلط و بستر على نفسي لكن لأقرب الصورة وضعي كان قريب من @m7tram (&)

اتذكر فترة برنامج 99 و دراما و آهات المجتمع الغثيثة.. تكلموا عن كلب الحرب و بولي و صارت دراما و هواش خاصة لسوء الحظ تصادفت اني وقتها كنت العب بولي ::woot::
 

S30D1999

True Gamer
I3zJDMIIQ6k_iRCC8LsZJhAKbKC8I7f4Mp1lYdZ8Hxk3hvBS1GLsBsmiG80gk5T0c9Ww


الصياعة في اللعبة هذي كانت غير طبيعية لوول، طبعا الوالد ماقصر اول ماشافني العبها كسر الشريط الى نصفين وكان بيكسر السوني معه بس قوة الاقناع عند الوالدة الله يحفظها لعبت دورها.


طبعا فيه لعبة اخرى شريتها بس ماكنت ادري وش على غلافها الا يوم كبرت، احد يذكر لعبة المصارعة ذيك اللي كان فيها ذا روك مسوي الmiddle finger على الشريط ؟
 

Dark_N11

True Gamer
كل شي كان مسموح
جتا فايس سيتي اول لعبة ابوي اشتراها لي على البلاي 2
 

White Soul

Moderator
مشرف
بوكيمون

لا مش مزحة ومش علشان سالفة فتوى التحريم الي طلعت وقتها :/ بس لأني كنت مدمن عليها بزيادة

بشكل عام أهلي ما كانوا يتدخلوا في نوعية الألعاب الي ألعبها، بس يتدخلوا في المدة الي أقضيها على الألعاب.
 

Othmane

Deference for Darkness
اول لعبة كانت GTA فاي سيتي, الي كل ماتفتحها او تضغط Pause تظهر ا...... تعرفون ::sweat::
او جهة شارع الرئيسي جنب الشاطئ...
هم ما كانو يعرفون اني العبها اصلا حتى يرضون او لا, بس كان لازم اتجنبهم ::laugh:: ولا اروح فيها
 

Dr.Dreams

Hardcore Gamer
انا العب بغرفتي العاده فما كان فيه احد يدقق على نوعيه الالعاب او الشي اللي ممكن تحتويه
لكن بالعاده اخواني الصغار يحبون يشوفوني لما العب مغامرات فكانت اللعبه الوحيده اللي لازم اكون
فيها حذر لان كل 10 متر كان فيه بلوى : P اذكر كنت العبها على اواخر التسعينات الميلاديه على الـPS1
مايحتاج اذكر اسمها لانها واضحه من الشخصيه الاسطوريه :p

TpITJkZiBRUBwA1xZEbMxXg5gQxVnuoUnhES7mbWmwDVwpiCsRaTRK_0p9Lgla_Eee9iqzTa2XLCD03qhSSss3R1KUKzYlgUPBYAXM-rUUT_HfN6mChb0iMzHwsVNJIlx4N9g459L94NriHbpRRgmDt8z9M
 

S30D1999

True Gamer
انا العب بغرفتي العاده فما كان فيه احد يدقق على نوعيه الالعاب او الشي اللي ممكن تحتويه
لكن بالعاده اخواني الصغار يحبون يشوفوني لما العب مغامرات فكانت اللعبه الوحيده اللي لازم اكون
فيها حذر لان كل 10 متر كان فيه بلوى : P اذكر كنت العبها على اواخر التسعينات الميلاديه على الـPS1
مايحتاج اذكر اسمها لانها واضحه من الشخصيه الاسطوريه :p

TpITJkZiBRUBwA1xZEbMxXg5gQxVnuoUnhES7mbWmwDVwpiCsRaTRK_0p9Lgla_Eee9iqzTa2XLCD03qhSSss3R1KUKzYlgUPBYAXM-rUUT_HfN6mChb0iMzHwsVNJIlx4N9g459L94NriHbpRRgmDt8z9M
دوك نوكوم ؟
 

Nostalgic

ᴛʜᴇ REMINISCER
الوالدة كانت رافضة فكرة اقتنائي لأي جهاز ألعاب رفضًا قاطعًا ولهذا احتفظت بالـPS2 لفترة طويلة سرًا عنها، ولكن من الجانب الآخر ما كان في أي رقابة أبوية على الألعاب نفسها أو حتى على الأفلام والمسلسلات فكنت ألعب أو أشاهد أي محتوى بدون أي اعتراض أو تدخل منهم أو من باقي العائلة.

من حسن حظهم كنت طفل عاقل وما يتأثر سلبًا بالمحتوى الترفيهي اللي يستهلكه. (&)
 

Daud

True Gamer
المشكلة مو باللعبة .. انما كل اللعبة والدك ما ينتبه لشي فجأة لما تصير بجزئية فيها مقاطع غير مقبولة يدخل الوالد الغرفة ويطلع المنظر قباله ... اذكر ايام gta vice city اول مرة دخل والدي الغرفة وانا في قصر ricardo diaz وبمكتبه ::sweat::
 

Anaxïmandrøs

True Gamer
غير رقابة توقيت اللعب ومدته.. فما كانت أي رقابة على الألعاب نفسها عكس الأفلام مثلا .. وعلى العموم فترة الجيل الرابع وحتى بداية الجيل الخامس (فترة طفولتي) ماكانت الألعاب بذيئة أو بمحتوى خادش للحياء.. الأمر بدأ مع جيل البلايستيشن 2 وإنت طالع
 
أعلى