أفضل دولة اجنبية للدراسة؟

[Still Alive]

طبعاً اغلب الى يروحوا للدراسة يروحوا بريطانيا او كندا او استراليا او جنوب افريقيا او امريكا او حتى فرنسا ..

ابي انطباعات اي شخص درس بالخارج عن الدولة والمدينة الى زارها ، من ناحية التطور المعماري والاجواء والمناخ واطباع الشعب المستضيف

انا ادرس في كندا في مدينة نوعا ما ريفية اسمها Kamloops ، وبطبيعة الحال من ناحية التطور المعماري تعبانة شوي .. لكن الكنديين بشكل عام شعب رايق وطيب جداً ، ويحب المساعدة .. المناخ لا تعليق .. لا تستغرب اذا جاك يوم وكان الفجر مطر والظهر حر وشمس وفي الليل ثلج وبرد :confuse:

لكن انا ناوي اطلع بحكم انه الخدمات الموجودة في المدينة تعبانة ولأنها مش الستايل الى انا احبه (احب العمارات الطويلة والزحمة والاختلاط .. الخ )

 

[Wild Fox]

الله يوفقك ...بس اشوف مو سبب تترك مدينه و دوله بس لانها ريفيه بما انك رايح للدراسه اصلا ! استحمل شوي !
اذا مصر ابعد عن الدول العربيه كلها !
استراليا حلوه و فيها تطور عمراني و الناس من كل الاعراق ..بتعجبك اكيد
المناخ راح يكون عكس العالم... تعامل الناس متوسط في اللي يعاملك باحترام و في اللي يعاملك بجفاف "زي اي مكان بالعالم"
و اذا تبا نصيحتي خليك بكندا كثير يمدحوها الشباب ويمدحوا شعبها .

تعديل : يا اخي غير افتار XBL حقك P:

 

[DONY]

طبعاً اغلب الى يروحوا للدراسة يروحوا بريطانيا او كندا او استراليا او جنوب افريقيا او امريكا او حتى فرنسا ..

ابي انطباعات اي شخص درس بالخارج عن الدولة والمدينة الى زارها ، من ناحية التطور المعماري والاجواء والمناخ واطباع الشعب المستضيف

انا ادرس في كندا في مدينة نوعا ما ريفية اسمها Kamloops ، وبطبيعة الحال من ناحية التطور المعماري تعبانة شوي .. لكن الكنديين بشكل عام شعب رايق وطيب جداً ، ويحب المساعدة .. المناخ لا تعليق .. لا تستغرب اذا جاك يوم وكان الفجر مطر والظهر حر وشمس وفي الليل ثلج وبرد :confuse:

لكن انا ناوي اطلع بحكم انه الخدمات الموجودة في المدينة تعبانة ولأنها مش الستايل الى انا احبه (احب العمارات الطويلة والزحمة والاختلاط .. الخ )

لو أنك تشوفلك كلية أو جامعة بتورونتو أو أتاوا فراح يكون أفضل من أنك تنقل لدولة جديدة علشان هالسبب , وصدقني صعب جداً أنك تلاقي شعب متعاون وراقي مثل الشعب الكندي .. أنا ما درست بكندا بس بسبب أن أهل أمي كنديين وزرت هالدولة عدة مرات وعاشرت بعض الشيء شعبها وشفت الفرق الكبير بينهم وبين الشعوب الأخرى .. والأفضلية لهم .

 

[BioHazard]

يكفيك الـco-op education بكندا.

 

[Still Alive]

اتفق معاكم بخصوص الشعب الكندي. بصراحة استغربت لما وصلت لهم ما توقعت يكونوا بهذا المقدار من الطيبة والتعاون

شكلي بروح تورنتو او فانكوفر

 

[Capitano-18]

الموضوع جا في وقته ، انا آخر سنة لي في الثانوية ، والصيف هذا راح أقدم ( راح ادرس بالخارج ) ان شاء الله

ومحتار أي دولة ، الأقرب بالنسبة لي بريطانيا بس الناس يقولون صعب تلتحق بالبعثة والخ ...

امريكا ما أتوقع ، استراليا ممكن ! ، وعندي صديق راح يدرس باليابان وقالي تعال معي بس ما أعرف هل لازم اتعلم اللغة اليابانية وكيف مستوى الجامعات والدراسة هناك .

من جد حدي محتار

 

[Jonas]

ليش ما تروح فانكوفر ؟ من أحلى المدن في العالم

 

[Monsteropolis]

بالنسبة للأخلاق وتعامل الشعب فغالب الشعوب الغربية (الأوروبيين والبريطانيين، الأمريكان والكنديين، الأستراليين والنيوزلنديين) أخلاقهم في القمة وتعاملهم راقي. أما باقي الشعوب وبالأخص الآسيويين واليابانيين تعاملهم مو بمالستوى المطلوب مع الأجانب.

ولا تفكر تدرس في دولة غير إنجليزية, غير أنك بتجلس فترة شوي طويلة (توصل لسنة) لدراسة اللغة، فإذا بتكمل مستقبلا بعض التخصصات مثل MBA الدراسة فيها بالإنجليزي. فخلك على الإنجليزي أفضل.

الشعب الأبيض في ساوث أفريكا لهم تاريخ عريق مع العنصرية, وواحد أعرفه صار معاه جنوب أفريقي أبيض في الشركة يقول أخلاقه قمة السوء ومافي احترام. وأختي تقول معاها في المستشفى وحدة جنوب أفريقية وطيبة وعلى نياتها. يعني انتبه إذا بترول ساوث أفريكا أو أي دولة فيها شعوب مختلفة وعاشت مشاكل زي بلجيكا مثلا.

هذا غير أن ساوث أفريكا أساسا مافيها جامعات معتبرة.

يعني يتلخص عندك يا تجلس في كندا أو تروح أمريكا أو بريطانيا أو إيرلندا أو أستراليا أو نيوزلندا.

أنا بالنسبة لي لو مكانك بروح بريطانيا, يمكن لأني أحب الأنجليز والأدب الأنجليزي وهذي الأشيا, لكن أيضا أقرب بوايد. بس حط في بالك أن البكالوريوس في إنجلترا 3 سنوات, وبعض الشركات زي General Electric من موقعهم كاتبين يبغو طلاب 4 سنوات. ما ادري كيف يتعاملوا مع طلاب انجلترا بس حط هالشي في بالك لأني شفت أكثر من شركة تبغى طلاب 4 سنوات.

إذا السالفة على المدينة عندك فانكوفر (أعتقد في نفس المنطقة الي أنت فيها) وتورنتو. أكيد فانكوفر أفضل وهذا شيء معروف وفيها جامعة محترمة University of British Columbia. وأعتقد أن McGill الي في Montreal تدرس أنجليزي بس أـوقع أيضا القبول فيها صعب.

أنت أيش تخصصك؟ لأن قبل لا تختار الدولة وكذا, شف الجامعات الممتازة في تخصصك وبعدين قارن بين الدول الي هذي الجامعات فيها. بعض الناس مثلا يقولوا لك "أمريكا متميزة في الهندسة" وتلاقيه في جامعة رايحة في أمها. فحط أيضا نقطة أنك تروح جامعة محترمة في بالك.

أعتقد أنك درست من قبل في LSE الي في لندن إذا ما كنت مخربط بينك وبين واحد ثاني؟ إذا درست فيها فغريبة ما عجبتك لندن؟

 

[bXNmbQ==]

طبعاً اغلب الى يروحوا للدراسة يروحوا بريطانيا او كندا او استراليا او جنوب افريقيا او امريكا او حتى فرنسا ..

ابي انطباعات اي شخص درس بالخارج عن الدولة والمدينة الى زارها ، من ناحية التطور المعماري والاجواء والمناخ واطباع الشعب المستضيف

انا ادرس في كندا في مدينة نوعا ما ريفية اسمها Kamloops ، وبطبيعة الحال من ناحية التطور المعماري تعبانة شوي .. لكن الكنديين بشكل عام شعب رايق وطيب جداً ، ويحب المساعدة .. المناخ لا تعليق .. لا تستغرب اذا جاك يوم وكان الفجر مطر والظهر حر وشمس وفي الليل ثلج وبرد :confuse:

لكن انا ناوي اطلع بحكم انه الخدمات الموجودة في المدينة تعبانة ولأنها مش الستايل الى انا احبه (احب العمارات الطويلة والزحمة والاختلاط .. الخ )

بريدة ولا تبعد غبار وشمس ومطر وكل الي تبيه

بس فيها شيء ناقص الاختلاط مافيه الا رجال:lebb: و مافيها عماير طوال غير موفنبيك :rockon:ومافي زحمه:confuse:

اهله مره طيبين :fd3:

انا لاحظت انك مو رايح للدراسة رايح سياحه :sadwalk:
يعني الي يبي يدرس يشوف المدينه الي به علم اكثر مو الي عمايره طوال و به اختاط وزحمه واسواق:sarcastic:

الحمد لله على النعمه :sarcastic:

ابسئلك ايش بتستفيد من العمارات والزحمه :what:

 

[X-SRI-X]

مادري ليش البعض يقول لو تروح للدراسة لا تشوف حلاوة المدينة ؟!
ياخي وش المانع اروح ادرس وانبسط بنفس الوقت ؟
عصفورين بحجر واحد يا رجل

 

[bXNmbQ==]

مادري ليش البعض يقول لو تروح للدراسة لا تشوف حلاوة المدينة ؟!
ياخي وش المانع اروح ادرس وانبسط بنفس الوقت ؟
عصفورين بحجر واحد يا رجل

ادري انك تقصدني

بس الرجال كاتب الموضوع

رايح سياحة يعني بالله عليك ماشاف زحمة الرياض

ولا عمارتين طوال خلاص رح للمدينه جميله وحلوه واهلها طيبين

بس ماتكون مثل الي رايح سياحه بيشوف اسواق و ماادري ايش انت رايح دراسة مو سياحه

 

[Photon]

بحاول أساعدك باللي أعرفه رغم إني ما قعدت فترة طويلة أو عندي تجربة عميقة ببريطانيا ..

أول شي أنا أفضل لك بريطانيا لعدة أسباب :

1- بالنسبة للتعامل و توابعها على عكس مايقال عنهم ، قمة الإحترام و الصدق و لما تحتاج مساعدة ما بتحصل أبدا أحد يخذلك ( يمكن احتكاكهم مع الأجانب اللي ماليين بلدهم له دور ) .. بالنسبة لكندا ما أعرف كيف الشباب يمدحونهم لأنه على كلام عمتي ( تحضر دراسات عليا من كم سنة هناك ) تذم فيهم و في تعاملهم و إنهم شعب عنصري و unfriendly على الإطلاق .

2- قريبة من الخليج و كلها ما تعدي ست ساعات سفر و هذه إيجابية حلوة لما يكون عندك إجازة أو أي ظرف طارئ إضطرك ترجع لا سمح الله و تفتك من هم الترانزيت و أسعار التذاكر الغالية .

3- جامعات بريطانيا ممتازة و غنية عن التعريف و تعتبر وجهة عالمية معروفة للدراسة فيها لدرجة إنه لما تشوف طلاب الجامعة الواحدة تشك إنه فيها طلاب بريطانيين من كثر الأجانب سواء الخليجيين و العرب إجمالا و الصنيين و الكوريين و دول شرق أوروبا و أمريكا الجنوبية و غيرهم .

4- بالنسبة للمعيشة بريطانيا بلد رايقة جدا و هادئة و بعض المدن مهيأة أكثر من غيرها لمعيشة الطلاب و تلبية احتياجاتهم بشكل عام و جامعاتها ممتازة و الدراسة فيها سهلة ( Leeds, Nottingham, Newcastle و غيرهم .. )

إذا جيت بتكلم عن سلبيات فبصراحة ما لاحظت أشياء تذكر أو تضايق الواحد بشكل تخليه ما يفكر يروحها .. يمكن أذكر فقط غلاء المعيشة لحد ما لكن هذه تتفاداها بسهولة إنك تبعد عن المدن الكبيرة إعلاميا بالعالم مثل لندن على سبيل المثال عشان تتجنب مصاريف زيادة مالها داعي بس لأنها وجهة سياحية و اقتصادية عالمية فقط لا أكثر .

إذا عندك أسئلة أكثر إسأل و نحنا بالخدمة

 

[s3rorh]

ألي اعرفه بأنه الطالب يلحق البعثه مو البعثه تلحقه P:
بما أنك كنت بلندن من فتره وألحين بكندا ... اتوقع عندك معلومات كثيره عن بريطانيا وكندا ... جرب تروح لدوله اخرى !!
استراليا مثلاً !!

 

[zlatanovic]

يارجل .. كاملووبس هي اسوأ مدينة للدراسه في كندا ..
لدرجة ان الكنديين نفسهم يسمونها [ Middle of NoWhere ]
دايم اجيها ازور بعض الشباب .. بصراحه اسميها صحراء تسد النفس .. ازين مافيها يمكن جامعتها كبيرهـ =(
حاول تحول على [ فانكوفر ] او [ جوالف ] وعش حياتك ..
.
.
حاليا اشوف اكثر الشباب يحولون على استراليا .. فـ مادري وش السالفه .. الناس كانت تقول كندا هي الافضل .. ويوم جينا قالوا استراليا هي احسن شي ..
الله يوفقك وين مارحت

 

[Capitano-18]

اسف على المداخلة في موضوعك اخوي Still Alive ، بس قلت ماله داعي افتح موضوع ثاني .

ياليت إلي عنده معلومات عن استراليا وكيف تعامل شعبها والمدن وجوها والخ ... + اليابان

بما اني راح ادرس تقنية معلومات ( هندسة حاسب ) فأضفت خيار اليابان بما انه شعب تكنولجي بحت ومتطور فقلت ليش لا ، بس ما ادري اذا لازم تتعلم اللغة اليابانية !

 

[Noah`s Ark]

الموضوع جا في وقته ، انا آخر سنة لي في الثانوية ، والصيف هذا راح أقدم ( راح ادرس بالخارج ) ان شاء الله

ومحتار أي دولة ، الأقرب بالنسبة لي بريطانيا بس الناس يقولون صعب تلتحق بالبعثة والخ ...

امريكا ما أتوقع ، استراليا ممكن ! ، وعندي صديق راح يدرس باليابان وقالي تعال معي بس ما أعرف هل لازم اتعلم اللغة اليابانية وكيف مستوى الجامعات والدراسة هناك .

من جد حدي محتار

جامعات اليابان تدرس باللغة اليابانية .

 

[Photon]

اسف على المداخلة في موضوعك اخوي Still Alive ، بس قلت ماله داعي افتح موضوع ثاني .

ياليت إلي عنده معلومات عن استراليا وكيف تعامل شعبها والمدن وجوها والخ ... + اليابان

بما اني راح ادرس تقنية معلومات ( هندسة حاسب ) فأضفت خيار اليابان بما انه شعب تكنولجي بحت ومتطور فقلت ليش لا ، بس ما ادري اذا لازم تتعلم اللغة اليابانية !

أعرف واحد راح بعثة لليابان على حساب أرامكو على أساس يدرس هناك و يشتغل بقسم أرامكو الياباني بعد التخرج .. الدراسة باليابانية و راح تدرس لمدة سنتين على الأقل اليابانية قبل الجامعة و ما يفرق مكان الدراسة لأنهم كلهم يدرسوا باليابانية .

 

[Guns N Roses]

شباب بما ان الموضوع عن الدراسه .. شو رايكم ببلد مايتكلم اللغه الانجليزيه .. مثلا اسبانيا؟ .. يعني لو ابي اغيير ومليت من الجو السائد الي هو امريكا بريطانيا استراليا كندا .. مم مسأله التخصص وانه غير مرغوب لانه اسباني والاسباني مو مرغوب عندنا .. حلها ان فيه جامعات امريكيه هناك وجامعات اسبانيه تدرس بالانجليزي. ف ابي اتعلم لغه ثانيه. ؟ شو رايكم؟

 

[Noah`s Ark]

^
لو كان عندك " الوقت " و " المال " الكافيان .. أنصح بشدة تعلم اللغة الثالثة

 

[Monsteropolis]

بذكر بريطانيا إذا بتروح ترا الآن سعر صرف عملتهم (الباوند) رخيص ويعيش اسوأ أيامه (الآن الباوند يساوي 1.55 دولار). فالأسعار صايرة مثل أمريكا وكندا. فإذا بتروح هناك حول لك مبلغ جامد من الآن, قبل ثلاث سنوات كان سعر الصرف 2.0 وغالبا يصير 1.8 أو 1.7 بس آخر ثلاث سنوات صار ينزل تدريجيا.

وأحب أقولك فكر تفكير منطقي وخلك من كلام الناس. ناس يقولوا أستراليا أحسن وناس كندا أحسن وناس أمريكا أحسن. بالنهاية تشوف كل واحد يقول دولته هي الأحسن :fd3: وفي الواقع كلها دول ممتازة بشكل عام لكن القضية تعتمد حسب الجامعة الي أنت راح تدرس فيها مو الدولة. وعن أخلاق الشعب يمكن تتعامل مع ناس كويسين ويمكن مع ناس شينين. لكن بشكل عام كل الدول الأجنبية شعبها أخلاقهم طيبة وأفضل مننا بفرق كبير.

شباب بما ان الموضوع عن الدراسه .. شو رايكم ببلد مايتكلم اللغه الانجليزيه .. مثلا اسبانيا؟ .. يعني لو ابي اغيير ومليت من الجو السائد الي هو امريكا بريطانيا استراليا كندا .. مم مسأله التخصص وانه غير مرغوب لانه اسباني والاسباني مو مرغوب عندنا .. حلها ان فيه جامعات امريكيه هناك وجامعات اسبانيه تدرس بالانجليزي. ف ابي اتعلم لغه ثانيه. ؟ شو رايكم؟

غير الفترة الي راح تدرس فيها لغة اسبانية + سنة تحضيرية .. دراسة البكالوريوس 5 سنوات مقارنة ب3 في أوروبا و4 في أمريكا.

 

[Sora Diersly]

انا في امريكا. تفكيري مثل تفكيرك يا Still Alive. بعد 6-7 شهور راح انقل يا كاليفورنيا او نيويورك. مسألة المدن الكبيرة في امريكا مش بس لأنها كبيرة وفيها عماير طوال وزحمة .. علما اني احب زحمة نيويورك بشكل اليييم!! خورافية المدينة... من جد لا تُصدّق, برضوا لأن المدن الكبيرة تراها فيها فرص اكبر انك تقابل اشخاص اكثر وافضل وتتعلم بشكل اسرع. لأنك تقابل 75% من العالم في نيويورك او كاليفورنيا. وطبيعة المدن هذي مختلطة يعني ماعندهم عنصرية كبيرة.. وفوق هذا هي مدن حيّة طوال اليوم. يعني لو تنزل للشارع بأي وقت تلاقيه زحمة ووناسة وتشوف الناس رايحة وجاية. مش مثل سياتل اللي انا فيها في واشنطن. بعد الساعة 5 كل شي يقفل! :S

معاناة مرة.. والمدينة عندي تكون خطيرة بعد الساعة 6 لأن مافيه احد في الشارع غير اللي يبي يسرق وإلا هربان من احد -_-" بالنسبة لي السكن في مدينة كبيرة يساعد الشخص انه يكسب خبرات ويقابل ناس بشكل كبيييير جدا! انا اسبوع واحد في نيويوك يُعادل شهرين في مدينة سياتل! والله تعرفت على بشر .. في الشارع تقدر تسولف مع خلق الله .. والكل يبتسم ومتعودين انهم يتكلمون مع اي stranger. بس في الـ west coast كرهت نفسي .. الناس هنا مررررة protective وشوي وتجيك جزمة high heel على راسك لما تتكلم -___-"

مدري.. برأيي امريكا اكبر تجمع لكل البشر.. مافيه جنسية ماتمر عليك. وكل يوم تتعرف على حظارات جديدة وبشر. واللي يقول انت رايح تدرس وإلا تتسيّح .. قوله " محد يقدر يدرس وهو مو مستانس ولا مرتاح بالمكان اللي هو فيه " انا في سياتل 24 ساعة مطر .. مانشوف الشمس إلا كل شهر مرة .. وقسم جتني كآبة حادة واكتسبت عادة غبية .. اني آكل لما اكون مكتأب Emotional eater وحاليا انا اعالج عند دكتور من هالكآبة اللي عندي بسبة المطر. ابغى انقل لنيويورك بأي طريقة بس ماقدرت! وضعي مع البعثة حوسة شوي ومحتاج وقت.

عموما حط في بالك الجو اللي انت رايح له.. إذا تحب البرد او الحر .. نوعية المدينة.. عدد سكانها.. وستايلك انت في الحياة... إذا تحب مكان زحمة روح لمكان زحمة .. بالنسبة لي .. افضل من انك تندم في النهاية على مكان حطوك فيه البعثة وتقعد تماطل مثلي طول الوقت تحاول تروح للمكان اللي ضحيت فيه اول -___-"

خل قراراتك حاسمة واخيرة مع الملحقية .. وإلا بتاكلها من جد >.> لول

 

[Monsteropolis]

انا في امريكا. تفكيري مثل تفكيرك يا Still Alive. بعد 6-7 شهور راح انقل يا كاليفورنيا او نيويورك. مسألة المدن الكبيرة في امريكا مش بس لأنها كبيرة وفيها عماير طوال وزحمة .. علما اني احب زحمة نيويورك بشكل اليييم!! خورافية المدينة... من جد لا تُصدّق, برضوا لأن المدن الكبيرة تراها فيها فرص اكبر انك تقابل اشخاص اكثر وافضل وتتعلم بشكل اسرع. لأنك تقابل 75% من العالم في نيويورك او كاليفورنيا. وطبيعة المدن هذي مختلطة يعني ماعندهم عنصرية كبيرة.. وفوق هذا هي مدن حيّة طوال اليوم. يعني لو تنزل للشارع بأي وقت تلاقيه زحمة ووناسة وتشوف الناس رايحة وجاية. مش مثل سياتل اللي انا فيها في واشنطن. بعد الساعة 5 كل شي يقفل! :S

معاناة مرة.. والمدينة عندي تكون خطيرة بعد الساعة 6 لأن مافيه احد في الشارع غير اللي يبي يسرق وإلا هربان من احد -_-" بالنسبة لي السكن في مدينة كبيرة يساعد الشخص انه يكسب خبرات ويقابل ناس بشكل كبيييير جدا! انا اسبوع واحد في نيويوك يُعادل شهرين في مدينة سياتل! والله تعرفت على بشر .. في الشارع تقدر تسولف مع خلق الله .. والكل يبتسم ومتعودين انهم يتكلمون مع اي stranger. بس في الـ west coast كرهت نفسي .. الناس هنا مررررة protective وشوي وتجيك جزمة high heel على راسك لما تتكلم -___-"

مدري.. برأيي امريكا اكبر تجمع لكل البشر.. مافيه جنسية ماتمر عليك. وكل يوم تتعرف على حظارات جديدة وبشر. واللي يقول انت رايح تدرس وإلا تتسيّح .. قوله " محد يقدر يدرس وهو مو مستانس ولا مرتاح بالمكان اللي هو فيه " انا في سياتل 24 ساعة مطر .. مانشوف الشمس إلا كل شهر مرة .. وقسم جتني كآبة حادة واكتسبت عادة غبية .. اني آكل لما اكون مكتأب Emotional eater وحاليا انا اعالج عند دكتور من هالكآبة اللي عندي بسبة المطر. ابغى انقل لنيويورك بأي طريقة بس ماقدرت! وضعي مع البعثة حوسة شوي ومحتاج وقت.

عموما حط في بالك الجو اللي انت رايح له.. إذا تحب البرد او الحر .. نوعية المدينة.. عدد سكانها.. وستايلك انت في الحياة... إذا تحب مكان زحمة روح لمكان زحمة .. بالنسبة لي .. افضل من انك تندم في النهاية على مكان حطوك فيه البعثة وتقعد تماطل مثلي طول الوقت تحاول تروح للمكان اللي ضحيت فيه اول -___-"

خل قراراتك حاسمة واخيرة مع الملحقية .. وإلا بتاكلها من جد >.> لول

رحت نيويورك من قبل؟ ترا أزحم من الي تشوفه في التلفزيون بمليون مرة. وهذا زين إذا طلعت من مطار جون كندي أصلا. وترا المدينة منتشر فيها السرقة والإجرام والعنصرية. وأي لغة الي راح تكتسبها, المدينة فيها كثار asian ولهجتهم رايحة فيها. وأسعار السكن غالية نار. يمكن 40 ألف دولار في السنة.

 

[Nyx]

لول إنتم رايحين سياحه ولا دراسه.

 

[Sora Diersly]

رحت نيويورك من قبل؟ ترا أزحم من الي تشوفه في التلفزيون بمليون مرة. وهذا زين إذا طلعت من مطار جون كندي أصلا. وترا المدينة منتشر فيها السرقة والإجرام والعنصرية. وأي لغة الي راح تكتسبها, المدينة فيها كثار asian ولهجتهم رايحة فيها. وأسعار السكن غالية نار. يمكن 40 ألف دولار في السنة.

اي رحت لها وادري بزحمتها واطلق زحمة .. العنصرية ووو ألخ في الأحياء السيئة والدراسة في جامعة في NYC تضمن لك اكبر تجمع بشري في مكان واحد.. وإذا على الآسيوين عادي مهوب شرط ترمي نفسك عندهم.. فيه امريكان كثر شعر راسك 12453645754356743 مرة لول

على فكرة... الصينيين والهنود بكل مكان بالعالم.. لا تفكر تهرب منهم وإلا من لغتهم .. إلا في القبر :laugh::

 

[Gladiator]

لول إنتم رايحين سياحه ولا دراسه.

:laugh:

 

[Still Alive]

اشكركم شباب على كل ردودكم ، وراح اخذ اقتراحاتكم بمحمل الجدية .. غالباً راح احول على فانكوفر ، اهم شي دعواتكم اني اروح لها واتوفق وارتاح فيها لأنه فعلاً نفسي اروح لجامعة UBC فيها .. اشكركم مرة ثانية.

انا لاحظت انك مو رايح للدراسة رايح سياحه :sadwalk:
يعني الي يبي يدرس يشوف المدينه الي به علم اكثر مو الي عمايره طوال و به اختاط وزحمه واسواق:sarcastic:

الحمد لله على النعمه :sarcastic:

ابسئلك ايش بتستفيد من العمارات والزحمه :what:

طيب الى بيروح دراسة معناها لازم يعكنن نفسه ويطلع روح عيشته :annoyed:

رايح دراسة بس على الأقل اكون في مكان يفتح النفس عشان ادرس فيه .. واضرب عصفورين بحجر واحد

 

[Sora Diersly]

اشكركم شباب على كل ردودكم ، وراح اخذ اقتراحاتكم بمحمل الجدية .. غالباً راح احول على فانكوفر ، اهم شي دعواتكم اني اروح لها واتوفق وارتاح فيها لأنه فعلاً نفسي اروح لجامعة UBC فيها .. اشكركم مرة ثانية.




طيب الى بيروح دراسة معناها لازم يعكنن نفسه ويطلع روح عيشته :annoyed:

رايح دراسة بس على الأقل اكون في مكان يفتح النفس عشان ادرس فيه .. واضرب عصفورين بحجر واحد

بالتوفيق حبيبي : زورنا بسياتل! ترى الفرق 4 ساعات بيني وبين كندا :happy: