أستفسار : السفر إلي USA .. تعذيب في المطار !

[BioMario]

السلام عليكم ورحمة الله وبركاتة ..

حبيت أستفسر عن شيء في بالي وكل مرة أسمعة في الواقع عند أصدقاء أخواني
أريد أتأكد من ناس مجربة هذا الشي ..

هل صحيح أنا كإنسان عربي السفر إلي أمريكا صعب او شبة مستحيل ؟!
أعرف واحد يقول لي يحققون معاك تحقيقات رهيبة و مفصلة بدرجة ما تتوقعها وفوق ها تفتيش شامل
و و و و أشياء كثيرة جداً جداً ..
أريد أعرف ان هل هذا الشيء صحيح ..

طبعاً هذا الشيء أتوقع من برجين التجارة في NY ..

عموماً حبيت أستفسر بخصوص هذا الشيء لأنه مادري بعض الاحيان يدخل في بالي وبعض الأحيان يوم أفكر بشكل عميق
أقول مستحيل بهذي الدرجة !

 

[Tomb raider]

المشكله في التفتيش، اتذكر خالي ييلس بالساعات علشان التفتيش -_- تلعوز وايد وياهم !

 

[Nintendo]

اخوي الاسبوع الماضي رجع من هناك .. بحكم وظيفته فيروح هناك كم مره ويقلي الوضع صار اسهل بكثير من السنوات الماضيه ...

غالبا اذا رحت بفيزة طالب ماعتقد احد بيكلمك علي ..

 

[Id]

عندنا ولله الحمد في السعوديه صارت مشاورات تفاهم بين البلدين .. وصار الطالب يقدر يطلع فيزا دراسه 5 سنوات علشان لا يعذبونه بالتجديد .. و السياحه كمان طلعوا له فيزا كذا .. يعني تسهلت الأمور ...

 

[NESTA]

عندك عبدالله (جينكو) و خالد .... ممكن يساعدونك بحكم انهم هناك.

 

[Double T]

انا الان اكتب الرد من امريكا ( سياحة ) .. كل شي مشي معاي تمام الين وصلنا مطار لوس انجلوس .. الي صار ان طلبوا مني انا و الوالد انا نسجل بعض البيانات و بعدها الموظف يسألنا كم سؤال و انتهينا ما اخذ منا اكثر من 30 دقيقة .. انا جيت عن طريق الخطوط السويرية فما كان معانا ناس كثير .. لو حصل و كان معاك عرب كثير هنا المشكلة و ممكن تقعد تنتظر 3 الى 4 ساعات

التحقيق و الأشياء هذي مبالغ فيها كثير .. هو مجرد كم سؤال و خلاص و بعد ما تطلع من المطار تشوف الوجه الأخر لامريكا

 

[Koshiro]

يارجال الامريكان مافيه افضل منهم في التعامل تسمع كلام كثير لكن في الحقيقة الكثير من الناس يهولون الامور

 

[High Lander]

على حسب ....في مطار نيويورك , اجراءات الدخول ما اخذت مني ساعه ونص رغم العدد الكبير من الطلاب والعرب ...

في المره الثانيه يوم رجعت جيت على مطار ديترويت ...كنت انا السعودي الوحيد ...جلست سبع ساعات ..حققوا معي الامقريشن ...ثم فتشوا كل شناطي ...اخذوا لاب توبي لمدة ساعتين ... حققوا معي فدرل ايجنتس ...

 

[G7Ga7]

اخواني الكبار دارسين في أمريكا . ..
فكل ما جا واحد فيهم يرجع لنا , لازم معاه قصة/موقف صار له في المطار !! , بس ذيك الايام كانت سالفة 9/11 توها فريش !!

الآن أتوقع مثل ما قال عمر صار أسهل ..
لكن مهما كان صدقني راح يكون فيه اسئلة , وتفتيشات .. الخ .. لول الشهر الي راح أخوي (تخرج له كم سنة ! ) رجع لامريكا , ويوم جا يطلع للمملكة , اخروه في التفتيش ففاتته الرحلة xD

 

[Superx]

أعرف واحد يقول لي يحققون معاك تحقيقات رهيبة و مفصلة بدرجة ما تتوقعها وفوق ها تفتيش شامل
و و و و أشياء كثيرة جداً جداً ..
أريد أعرف ان هل هذا الشيء صحيح ..

صح .. يوم رحت في المطار وصار التفتيش قالي انت خلك شوي على صوب .. عندك تفتيش خاص XD

مايخلون شي والا يفتشونه ويفتحون الشنط وعفشة :sarcastic:

يعني كلامك صح .. هم مشددين على العرب بشدة .. يعني تتعذب بالمطار بس .. اما يوم توصل امريكا كل شي حلو :

--​

 

[Golden_Sun]

على حسب المطار اللي بتطب فيه، جربت شيكاغو، كان زحمة والمعامله مش ولا بد بس تأخيرنا كان بسبب الزحمة (اللي صج مو طبيعية) مو لأن احنا عرب.
اما في LA ما طولنا يمكن نص ساعه اذا مو اقل، جداااا سهالات وكانت معاملتهم راقيه : )
وجربت الطيران الداخلي في اوهايو وكنساس، عادي ماكو شي يذكر.
(^ هالكلام كله صيف سنه 2006)

فانت وحظك، وين بتروح؟!

 

[Khalid-S]

صار لي سنتين عايش هناك والوضع صار اسهل فعلاَ من اول مره دخلت فيها امريكا.

لا تخاف المسئلة فيها "تهويل" شوي. هو اول شي بتوقف في طابور عشان ختم الدخول. على حسب مزاج الي قدامك مرات يسألك ومرات ما يسأل. اذا سئل فبتكون الاسئلة مثل "وين بتسكن؟، ليش جاي امريكا؟ مين معك؟ تعرف احد عايش في امريكا؟ كم معك فلوس؟" مو اكثر من كذا. مرات ما يسألون ومرات يسألون. مثل ما قلت لك على حسب مزاج الي قدامك.

حتى مرات تحصل واحد "حليل" وطيب ويشجعك على الدراسة ويتمنى لك التوفيق. ومرات تحصل واحد طريقة كلامه فيها "نفاخ" ... يعني شويه استحقار ويبين لك انك "غير مرحب بك".

بعدها، للدول الي محطوطه في "بلاك ليست امريكا" (مثل السعودية، اليمن وسوريا) حسب ما شفت. يقولون لك بعد الختم تروح غرفه فيها كراسي وتحط جوازك المحطوط في ملف وتنتظر لين ما ينادونك. اذا نادوك بيعيد عليك الرجال هذي الاسئلة من جديد ويطقطق على الكومبيوتر ويقولك توكل على الله.

هذي الحركة يسونها للشباب فقط. النساء والرجال الكبار في العمر ما يسونها. حتى البنات ما ينادونهم.

لكن المسئلة تافهه ولا تخاف. ما تسوى ابدا. لكن انصحكم تروحون لمطار غير مطار نيويورك. زحمة غير طبيعية هناك واحتمال تقعد فوق 5 ساعات بس عشان يعطونك تأشيرة دخول.

 

[DeaDMaN]

امم, انا بروح بعد اقل من شهر دراسه في Penn State University .. اول 3 ايام في تكسس هيوستن و بعدها بروح نيويورك ومن نيويورك الى Pennsylvania "احتمال كبير هالرحلة تكون بطائرة مروحية, سمعت من طلاب السنة الماضيه لكن مافي خبر أكيد عن دفعتنا" .. و المهم في الموضوع هو أني مضطر امر بمطار نيويورك :yuck::.

+ اللابتوب مليان افلام و أغاني منزله من الTorrent, انا اكيد بسوي فورمات للجهاز لكن هل الفورمات يكفي ؟ او اترك الجهاز واخذ لي واحد ثاني هناك احسن؟

و هل يفتشوا الMP3 players او لأ ؟

 

[Xeno]

مطار JFK نزلت فيه كذا مرة, 20 دقيقة وأنا طالع.

بالنسبة للسيكوريتي كانوا عادي مع الجميع.

 

[Aoks]

ديد مان ما انصحك تاخذ اللابتوب معك لأكثر من سبب

اشتر واحد جديد من هناك لو تقدر​

 

[Khalid-S]

^ لول ويلكم.

اولاَ: مو لازم تمر من نيويورك (اتصل على الملحقية الثقافيه وتفاهم معاهم في هذا الامر). انا خط سيري (الرياض-فارنكفورت ~ فرانكفورت-بوستن). تقدر تخلي خط سيرك مشابه لـ خط سيري، بس تاخذ بعدين رحله داخليه من بوستن-بنسلفينيا.

اتصل عليهم وتأكد من هذي المعلومة

ثانيا: اكيد ما انصحك تخلي ملفات "قرصنة" داخل اجهزتك. يعني ما تخلي مكتبة افلام في جهازتك لول. كم اغنية او كم حلقة مسلسل وانمي عادي. انا الهارد ديسك حقي (خارجي) اخذه معي مرات في شنطة اليد وفيه حلقات انمي (ومرة نزلت OS "للتجربة" كامل ونسيته في الهارد ديسك) محد قال شي.

بس للامان. لا تخلي ملفات هذي في جهازك. خليها في هارد ديسك خارجي اشحنه مع الملابس.

لا ما يفتشوا MP3 بلاير لول.

انا سمعت "من كم يوم" ان في كندا صاروا يفتشون عن الملفات المقرصنة والاغاني خصوصاَ بشكل قوي جداَ. اذا حصلوا معاك "سواء كنت اجنبي او مواطن" يبهذلوك.

 

[hamad 11]

احد اخواني نفس الشي يتعلم هناك

اموره طبيعية جداً جداً, تفتيش عادي مثله مثل البقية.. ونادراً يسألوه اسئلة ولكن على خفيف.. الموضوع كله ما يتعدى نص ساعة وهو طالع من المطار.

 

[Khalid-S]

مطار JFK نزلت فيه كذا مرة, 20 دقيقة وأنا طالع.

بالنسبة للسيكوريتي كانوا عادي مع الجميع.

 

[DeaDMaN]

^شكرا ً خالد, Aoks

هو المشكلة اني رايح عن طريق ارامكو, ماتوقع بقدر اغير شي .. اول 3 ايام لازم تكون في تكسس لأنها مقر ارامكو هناك, في Orientation ولما تخلص في ناس ينتظرونا في مطار نيويورك و ..حسب كلام الطلاب اللي قبلنا بعدها نروح معاهم في طائرة مروحيه لبينسيلفينا .. فـ احس ان تغيير الطريق شبه مستحيل لكن بستفسر يوم السبت عن كل التفاصيل.

ثانيا: اكيد ما انصحك تخلي ملفات "قرصنة" داخل اجهزتك. يعني ما تخلي مكتبة افلام في جهازتك لول. كم اغنية او كم حلقة مسلسل وانمي عادي. انا الهارد ديسك حقي (خارجي) اخذه معي مرات في شنطة اليد وفيه حلقات انمي (ومرة نزلت OS "للتجربة" كامل ونسيته في الهارد ديسك) محد قال شي.

ايه انا قلت اني 100% بسوي فورمات, لكن هل الفورمات كافي ؟

عندي هارد ديسك لكن ماحتاج احمل شي, بشتري الاغاني او الافلام اللي ابغاها قبل او بعد ماأروح, او ممكن انزل من هناك P= ..

ديد مان ما انصحك تاخذ اللابتوب معك لأكثر من سبب

اشتر واحد جديد من هناك لو تقدر

^أقدر اخذ لابتوب ثاني, لكن افضل أني احمل جهازي (Qosmio G30) لو ماكنت بواجه اي مشاكل ..

 

[Xeno]

هههههههههههههههههههههههههه يجوز

 

[BioMario]

صديقي إلي قالي السالفة هذي أتوقه من مطار JFK ..
عموماً شباب أشكركم ألف شكر على مساعدة ..
وشكراً خالد على التفاصيل ..

يعني الأمر عادي مب مثل ما توقعتة خطير إذا السالفة من كلام مفتش في المطار او شي عادي ما يهمني كلامة حتى لو طاح فيني سب ما يهمني إطلاقاً ..
لأن الواحد يحط في باله شخص واحد ما يعبر او ما يمثل عامة الشعب وطبعاً في الزين وفي الشين في كل بلد ..

وأشركم مرة أخرى شباب