أرقام الـNPD لشهر يناير:- الوي يو وأرقام مفجعة!!

[Old Snake]

شباب اللي يقولوا شوفوا البلاي3، أنتم قريتم جملة أسوأ فترة لنش في تاريخ الميجور كونسولز؟؟
البلاي3 باع أكثر من 3.5 مليون جهاز في 2006 وهي شهرين نوفمبر وديسمبر فقط والجهاز لسى ما تم إطلاقه بأوربا حتى.
الوي يو بالمقابل نينتندو للحين وبشهر إضافي عن البلاي3 وهو يناير مش قادره تخلص "الشحنة" حقتها المقدرة بـ3 ملايين جهاز.
ما أحب أتنبأ بمستقبل الأجهزة لأنه سوق التكنلوجيا بشكل عام متقلب ولكن اللي عايش حالة إنكار ويوهم نفسه إنه الوضع طبيعي جداً المفروض لا يتفائل كثير.

 

[Eye]

55 ألف متوقع جدا بعد موسم الأعياد ، الجهاز حتى الآن ما يستاهل الالتفات له بس لاجل زومبي يو ننتندو لاند واساسنز كريد اللي الناس اللي تبغاها عندها اجهزة ثانية
الناس اللي شبهت الوي يو بالدريم كاست ابدا ما اجادت الوصف ، الناس متوقعة نجاح كبير للجيل الجديد ممكن من وجهة نظر المستهلك اللي يبغا مواصافات وحشية ، متناسي ان المواصفات ترفع التكاليف والوقت
بالتالي تعطي فرصة اكبر للوي يو للظهور ولسرقة الأضواء حتى نزول جهاز الجيل الجديد من ننتندو

 

[Emirates]

شباب شو المنطق في انه هالمبيعات عادية في ظل شح الالعاب او نصبر لين تصدر ( 55 الف ) بكل امانة رقم كارثي واتعس من التعاسه لجهاز يفترض يكون خليفة الجهاز رقم 1 في الجيل السابق

اذا ناينتندو خفضت التوقعات وقامت تعلن اسلحتها بدري والطرف الثالث قامت تسحب على الويي يو بالعاب المولتي للجيل الحالي كل هذي موشرات انه الامر غير اعتيادي

ناينتندو تتوقع الى مارس تصل ل 5 ملايين جهاز ،،، اكيد هي عارفه هالفترة مافيها العاب ليش خفضت التوقع ؟؟؟؟

حقيقة مرة ناينتندو لازم تستوعبها الكاجوال مو مهتمين بالجيم باد مثل ما كانت تتوقع والسعر ابدا مايساعد لمشتري في نظره الاكس 360 اوفر يقدم ترفيه اكثر

 

[hussien-11]

حقيقة مرة ناينتندو لازم تستوعبها الكاجوال مو مهتمين بالجيم باد

هذا الشيء بيتغير مع الوقت، لما تصدر ألعاب أكثر تستعمل الكنترولر بشكل مبتكر + يصير سعر الجهاز رخيص و مقبول بالنسبة لهالفئة من الناس وقتها رح تتضح معالم الجهاز جيدا

فيه شيء واحد تعلمته من السنوات الي مرت، الشركات اليابانية شركات صبورة جدا على منتجاتها، و تؤمن بتحقيق النجاح على المدى الطويل حتى لو كانت هناك الكثير من المصاعب و العقبات على المدى القصير

سوني أثبتت هذا الأمر مع الـPSP و ننتندو أثبتته مع الـ3DS، الشركة ما رح تتخلى عن جهازها أبدا قبل ما يحقق أرباح و نجاح معقول، و الألعاب الجاية مع تخفيض بالسعر رح تحرك أجهزة عاجلا أم آجلا.

 

[Veeto]

Eye

55 ألف رقم كارثي ولا أحد يتوقعه لجهاز جديد .. لا نكابر على بعض .. قول أنت توقعته يمكن تنقبل .. بس تنذكر الجملة وكأنها حقيقة ثابتة .. هذا شيء مو منطقي بتاتا

البلاي 3 بسعر ضعف هالسعر وبالعاب أسوء - ما كان من ضمنهم لعبة سيكويل الى لعبة جاببة 24 مليون بالجيل السابق - وما وصل لمثل هالارقام السيئة

نينتندو تتحمل وتستأهل بشكل كبير اللي قاعد يصير .. سياسة الرخص المتبعة أدت لهالنتيجة

 

[Nyx]

البلاي 3 بسعر ضعف هالسعر وبالعاب أسوء - ما كان من ضمنهم لعبة سيكويل الى لعبة جاببة 24 مليون بالجيل السابق - وما وصل لمثل هالارقام السيئة.​

يب وضع الجهاز كارثي.
أي أحد يحلم بأن الجهاز ممكن ينتعش قاعد يتوهم.

هذا الشيء بيتغير مع الوقت، لما تصدر ألعاب أكثر تستعمل الكنترولر بشكل مبتكر + يصير سعر الجهاز رخيص و مقبول بالنسبة لهالفئة من الناس وقتها رح تتضح معالم الجهاز جيدا​

ما في أمل , الوي باع وتقبلوه الكاجولز وماكان فيه غير وي سبورت .
نينتندو على بالها إن إسم الوي راح يمشي الجهاز , ونين لاند أولريدي هي وي سبورت الوي يو , غير نيو ماريو بروس.

 

[hussien-11]

Eye
نينتندو تتحمل وتستأهل بشكل كبير اللي قاعد يصير .. سياسة الرخص المتبعة أدت لهالنتيجة

خطأ خطأ خطأ

تناقشنا بهالنقطة ترليون مرة، لكن علشان أوريك خطأ نقطتك أكثر، الفيتا صاحب الهاردوير و التقنيات المحترمة قدامك، سنتين في السوق و سعر مقبول بالنسبة لقدراته و مبيعاته شبه معدومة.

لكن برضو أنا مبسوط على الأداء هذا بسبب السعر الاستهبالي و ضعف الحملة التسويقية و E3 الماضي التعيس، ننتندو كانت تحتاج هالقرصة علشان تتعلم تشد حيلها شوي وتجلب لنا الألعاب الي بدنا اياها من اليابان و تبيع أجهزتها بسعر يتناسب مع مستواها التقني و احنا راضيين.

 

[hussien-11]

ما في أمل , الوي باع وتقبلوه الكاجولز وماكان فيه غير وي سبورت .
نينتندو على بالها إن إسم الوي راح يمشي الجهاز , ونين لاند أولريدي هي وي سبورت الوي يو , غير نيو ماريو بروس.

محمد انت متأثر بعقلية نيوجاف زيادة عن اللزوم، ما في أحسن منهم بالأحكام المستعجلة و الي غالبا ما تطلع خاطئة
أولا : ماحد قال انه الجهاز بيوصل لنفس نجاح الوي، هالشي مستحيل و كلنا متفقين عليه، لكن أنا أتكلم عن نجاح معقول
ثانيا : الوي كان عنده إصدارات كثييييييييييرة خلال أول سنتين من حياته لو ما كنت تذكر، و مش فقط وي سبورت، زيلدا توايلايت برنسس حققت نجاح كاسح ( الأكثر مبيعا في السلسلة ) و كانت لعبة لنش، وي فت حققت نجاح كاسح و كذلك وي بلاي الي كانت صفقة رابحة جدا و رخيصة، ننتندو لا زال عندها أسلحة كثيرة للوي يو ( قائمة إصدارات قوية و محبوبة لسه ما صدر منها شيء - سعر أرخص - لوكال ملتيبلاير بالجيمباد وسوفتوير مناسب لهالشي الخ )
الـDS مادة أحسن للمقارنة هنا، الجهاز ما تفجرت مبيعاته إلا خلال السنة الثالثة من حياته مع إصدارات برين تريننج و ننتندوجز و ماريو كارت و نيو ماريو بروس، قبل كذا الكل كان يقول انه الـPSP بيكتسحه لكن صار العكس.
الوي يو مع نهاية هذا العام رح يكون وضعه أحسن بكثير من الوقت الحالي.

ما فيه شيء اسمه "ما في أمل". هذا لسه جهاز جديد و ما تحصل على الوقت الكافي و لا صدرت ألعابه المهمة و لسه سعره غالي.

 

[Veeto]

حسين

المرة اللي فاتت مجلس ادارة نينتندو أعلن عن تخفيض راتبه بسبب البرايس كت السريع في سوق نينتندو تمتلكه ومسيطرة عليه .. وبدون منافس وقتها

وضع الكونسول مختلف كليا .. تخفيض السعر خطوة صعبة .. استماتة نينتندو لأرجاع الكأجوالز تصرف غلط بيكون كارثي عليهم

الللي أنا مستغرب منه .. في حال خفضت نينتندو السعر .. إذا كانت نينتندو عندها القدرة على امتصاص خسائر البرايس كت وهي خسائر كبيرة ،، شلون ما عندها القدرة على تقديم جهاز محترم حتى لو تخسر فيه في البداية .. أحسن من الشي اللي تقدمه نينتندو حاليا

 

[Nyx]

مدري شدخل جاف الرقم شفته هنا أول.
شكل النين فانز راح يخلص الجيل وهم لسى معلقين على نين عندها أسلحه.
الرقم كارثي واذا الكاجولز ما تقبلو الجهاز الان ماراح يتقبلوه بعدين.

 

[Veeto]

ألمقياس الفيتا والدريم كاست مو مقياس .. مشكلة الفيتا أنه السعر مو مقبول لجهاز محمول في وقت المنافس سعره أقل بالثلث تقريبا والفئة المستهدفة ما تقدر تشتريه بهالسعر .. وعناوين سوني ما تشجع لشراء الجهاز

ولا تنسى الأساس ان العدس والفيتا بالاصل متساوين بالسعر .. يعني سوني ما حاولت تقدم شيء فوق سعر السوق .. الشي اللي تغير ان المنافس خفض السعر وقام يبيع بخسائر وهذا شيء غير متوقع وما ليه علاقة بالفيتا وسوني أكثر منه حركة من نينتندو

هل سعر ألوي يو استهبالي .. أرجع للحظة إعلان الجهاز والسعر وخلنا نشوف ردودك قبل أي واحد ثاني .. ونشوف هل السعر فعلا كان استهبالي

السعر استهبالي على ما يقدمه ألوي يو .. السعر استهبالي لجهاز من 2006 بتابلت لكنه سعر رائع لكونسول جديد

 

[hussien-11]

حسين

المرة اللي فاتت مجلس ادارة نينتندو أعلن عن تخفيض راتبه بسبب البرايس كت السريع في سوق نينتندو تمتلكه ومسيطرة عليه .. وبدون منافس وقتها

وضع الكونسول مختلف كليا .. تخفيض السعر خطوة صعبة .. استماتة نينتندو لأرجاع الكأجوالز تصرف غلط بيكون كارثي عليهم

الللي أنا مستغرب منه .. في حال خفضت نينتندو السعر .. إذا كانت نينتندو عندها القدرة على امتصاص خسائر البرايس كت وهي خسائر كبيرة ،، شلون ما عندها القدرة على تقديم جهاز محترم حتى لو تخسر فيه في البداية .. أحسن من الشي اللي تقدمه نينتندو حاليا

خلها تتحمل البرايس كت و في المقابل توسع اليوزربيس و تستفيد على المدى البعيد، برايس كت في الصيف أو في الخريف على أبعد تقدير ( لما يصير فيه سوفتوير أكثر يخلي الجهاز سلعة جذابة بشكل أكبر )
خصوصا في أوروبا، أوروبا بحاجة ماسة لبرايس كت
و أيواتا خفض راتبه للنصف بسبب الخسارة المالية للسنة كلها، و هذا تصرف يستحق الاحترام بأمانة.

[h=2][/h]

مدري شدخل جاف الرقم شفته هنا أول.
شكل النين فانز راح يخلص الجيل وهم لسى معلقين على نين عندها أسلحه.
الرقم كارثي واذا الكاجولز ما تقبلو الجهاز الان ماراح يتقبلوه بعدين.
​

معليش بس كيف نتكلم عن نهاية الجيل و احنا لسه في بداية المشوار ؟؟ من هنا لنهاية الجيل يصير خير
و مين ينكر انه الشركة فعلا عندها أسلحتها الخاصة ؟؟ ماحد ينكر هالشي إلا واحد أفقه ضيق و ما يشوف لأبعد من الرقم الي قدامه، هذا جهاز نزل في السوق علشان يبيع على مدى سنوات طويلة
مش علشان ينزل له جهاز بديل بعد أكم شهر مثل الموبايلات، فيه فرق كبير
و أما بخصوص تقبل الكاجوالز للجهاز، انت أول شي تحتاج سعر يناسب لهالفئة من اللاعبين، السعر الحالي أبدا ما يسمح، و لسه ما فيه سوفتوير يشرح مزايا الجهاز بشكل كافي، هذي أشياء رح تتغير مع الوقت
لكن لأي درجة ؟ 20 مليون جهاز مثل الكيوب ؟ ما أتوقع
30 مليون مثل الـ64 ؟ ممكن
40-60 مليون مثل السوبر ننتندو ؟ أيضا ممكن
الصبر جميل، الجهاز رح يعاني هالشهر أيضا ( فبراير ) و غالبا بيبيع أقل من يناير حتى
لكن من مارس و طالع رح تبدأ الأمور تتحسن شوية شوية.

 

[hussien-11]

ألمقياس الفيتا والدريم كاست مو مقياس .. مشكلة الفيتا أنه السعر مو مقبول لجهاز محمول في وقت المنافس سعره أقل بالثلث تقريبا والفئة المستهدفة ما تقدر تشتريه بهالسعر .. وعناوين سوني ما تشجع لشراء الجهاز

ولا تنسى الأساس ان العدس والفيتا بالاصل متساوين بالسعر .. يعني سوني ما حاولت تقدم شيء فوق سعر السوق .. الشي اللي تغير ان المنافس خفض السعر وقام يبيع بخسائر وهذا شيء غير متوقع وما ليه علاقة بالفيتا وسوني أكثر منه حركة من نينتندو

هل سعر ألوي يو استهبالي .. أرجع للحظة إعلان الجهاز والسعر وخلنا نشوف ردودك قبل أي واحد ثاني .. ونشوف هل السعر فعلا كان استهبالي

السعر استهبالي على ما يقدمه ألوي يو .. السعر استهبالي لجهاز من 2006 بتابلت لكنه سعر رائع لكونسول جديد

الدريمكاست لما وقفته سيجا كان بايع 10 مليون جهاز خلال سنتين و كان ممكن يستمر و يوصل لرقم الكيوب و أكثر، لكن سيجا ما كان معها فلوس تستمر بكل بساطة و السبب هو الساتورن و تكلفة شينمو الخرافية ( للأسف ) و تفليبها

عموما بغض النظر، ليش سعر المنافس للفيتا ( العدس ) أرخص بكثير ؟ مش هي سياسة "الرخص" على حد تعبيرك و الي انت تنتقدها ؟ هذا تناقض بكلامك
مثل ما قلت لك، ننتندو كبراند .. براند موجه بالدرجة الأولى للعائلات و الأطفال و هالفئة ما تدفع فلوس كثيرة على شراء الأجهزة

بخصوص السعر و كلامي قبل صدور الجهاز، أنا ما أعلم بالغيب، السوق ما تقبل هالسعر و بس، هذا الواقع في النهاية و على أساسه الشركة بتتصرف
350 دولار سعر آيباد ميني، السوق التكنولوجي حاليا مكتظ جدا و مليون سلعة تدخل بالحسبة و تتنافس على الفلوس الي بجيبة المستهلك.

 

[Veeto]

حسين .. إذا كانت الفكرة توسيع يوزر بيس قدم جهاز لهاليوزر بيس نفسه .. حاليا ألوي يو ضايع لا للكأجوالز سعرا أو فكرة ولا هو جهاز للجيمرز بكل تصرفات وقرارات نينتندو من مشاكل اللانش من النظام أو عمل الأكاونت سيستم أو الالعاب نفسها

القرارات هذي مو متناسقة مع بعضها البعض وبتودي بالنهاية لتشتيت اليوزر وتضييع هوية الشركة والجهاز

بالمنطق تتوقع جهاز نينتندو اللي بعد ألوي يو بيمشي على نفس التوجه .. مستحيل .. اعتقد ان نينتندو بتجهز لجهاز منافس وبتكون دورة حياة ألوي يو أقل من ألوي وأتوقع بعد 3 سنوات بنبدء نسمع عنه

 

[Lunar Poet]

جهاز ما عليه ألعاب ما بيبيع.

ننتندو غبية و عندها مشكلة في توصيل فكرة إن منتجاتها هي "منتجات جديدة". للحين الناس ما تفرق بين الـDS و الـ3DS لأن لهم تقريباً نفس التصميم و الإسم. نفس الشي مع الوي يو، ليش ما تعبوا في إعادة تصميم الجهاز على الأقل؟ نفس الوي بالضبط لكن بدال ما يوقفونه بالطول بطحوه بالعرض، و عطوه نفس الإسم (مع إن فكرة الجهازين مختلفتين تماماً). و متوقعين إن الناس بتعرف إنه جهاز جديد.

نفس الشي مع New Super Mario Bros. U. صحيح إنها لعبة جديدة تماماً، لكن ليش الناس مب قاعدة تشتري الجهاز عشانها؟ (بالرغم من إن الناس تشتري أجهزة ننتندو عشان ألعاب ماريو الـ2D من أكثر من 20 سنة) ببساطة لأن الناس ما تدري إن ماريو U هي لعبة جديدة. الناس العادية ما تفهم اللفل ديزاين و دعم الميفرس و هالأشياء. اللي يشوف اللعبة بيقول "هذي هي نفس اللعبة اللي عندي إياها على الـDS و الـWii و الـ3DS، ليش أشتريها مرة رابعة؟"
أتوقع لو ننتندو غيرت إسم اللعبة و الآرت ستايل مالها كان بيكون وضعها أحسن بكثير، و يمكن وقتها تكول سيستم سيلر حقيقية.

 

[Veeto]

سعر العدس أرخص لأنه يباع بخسارة .. وبسبب مجلس ادارة نينتندو خفض راتبه للنص مو سياسة الرخص .. أنت مصنع جهاز قيمته 250 بعد 6 أشهر خفضته الى 180 .. وتسبب بخسائر للشركة وتخفيض رواتب مجلس الادارة وين علاقة سوني والفيتا بالموضوع !

 

[hussien-11]

سعر العدس أرخص لأنه يباع بخسارة .. وبسبب مجلس ادارة نينتندو خفض راتبه للنص مو سياسة الرخص .. أنت مصنع جهاز قيمته 250 بعد 6 أشهر خفضته الى 180 .. وتسبب بخسائر للشركة وتخفيض رواتب مجلس الادارة وين علاقة سوني والفيتا بالموضوع !

الان تسبب بخسائر أو لأ، مش الجهاز حاليا صار بايع 30 مليون و ممتلك اليابان و يبيع بشكل ممتاز إجمالا ؟ إذا الحركة نفعت و كانت مفيدة، المهم الأرباح و اليوزربيس على المدى الطويل، مسألة الرواتب هذي ما أدري ايش دخلها بالنقاش، ان شالله يشتغلوا بدون راتب و أنا مالي ؟

علاقة الفيتا بالموضوع ؟ هاردوير قوي و سعر مناسب لقوة هالهاردوير و مع ذلك مبيعاته في الحضيض، علشان تعرف انه السوفتوير هو الي يبيع الجهاز أولا و أخيرا مثل ما قال يوسف

نفس الشي مع New Super Mario Bros. U. صحيح إنها لعبة جديدة تماماً، لكن ليش الناس مب قاعدة تشتري الجهاز عشانها؟

أو لأنه ببساطة شديدة، جمهور اللعبة مش من النوع الي يدفع 400 دولار على جهاز و لعبة

مثال ؟ جارنا الله يسهل عليه اشترى وي و نيو ماريو بروس لابنه الصغير والسعر المنخفض ساعد بهالشي

لكن هل كان بيشتريه لو انه بسعر الوي يو لابنه الصغير ؟؟

ما في أمل

السعر محتاج برايس كت بشكل عاجل، و المتاجر في أوروبا بالمناسبة قاعدة تطالب ننتندو ببرايس كت.

 

[gears of war]

الكاجوال الي كانو مع الوي الظاهري كبرو و صار اكثر نضج في الإختيار:laugh:: ...,
الرقم كارثي بكل ما تعنيه الكلمة و ينبأ بخليف للجيم كيوب ورقم مثل هذا ما في لعبة تقدر تنعشه ...,
طبعا ممكن أي لحظة السوق تتغير رياحه و تنقلب الامور ل360 درجة ...,

طبعا الجهاز راح يفلب صح لو ضل كذا لما ينزل البلي4 والاكس3 و ينسفوه نسف كلنا نعرف قدرات سوني و مايكرو كشركات ضخمة والهايب راح ينفي الوي يو للأبعد مجرة ..,
شخصياً : أتمنى الجهاز يفشل وتترك ننتندو شغل الرخص التقني وتنافس بجهاز مواكب لعصره مثلها مثل غيرها

الأكس ثابت وماشي تصاعدي بشكل جيد و الغريب انه بأخر عمره
و البلي3 ثابت بشكل جيد

 

[Veeto]

فيه ثلاث تفصيلات لسعر الفيتا .. الأول هل سعره مقارنة بإمكانياته وامكانيات منافسه بسعر 250 معا شئ جذاب للزبون أو لا ؟

هل سعره ب 250 دولار لجهاز محمول سعر مقبول أو لا ؟

الثالث هل تخفيض نينتندو حركة متوقعة بهالسرعة علشان نلوم سوني بتسعيرة الفيتا ؟

كل الاجابات تحدد هل كان توجه سوني بالتسعير سليم أو لا


تصرفات منافسينك الغير متوقعة مثل تخفيض الأسعار والبيع بخسارة ما ليها علاقة ببعض

هل المبيعات سيئة إكيد .. ما فيها نقاش عدا خسارة مونستر هونتر والسالفة فيها فلوس وسوني ما عندها حاليا الإمكانيات المالية لمنافسة نينتندو .. غيرها ما أشوف كان فيه شيء في أيد سوني تعمله

سياسة الأمد الطويل اللي تتبعها سوني مع الفيتا صح أو على قولتهم أقصى ما تستطيع تقديمه

 

[قناص]

جهاز ما عليه ألعاب ما بيبيع.

ننتندو غبية و عندها مشكلة في توصيل فكرة إن منتجاتها هي "منتجات جديدة". للحين الناس ما تفرق بين الـDS و الـ3DS لأن لهم تقريباً نفس التصميم و الإسم. نفس الشي مع الوي يو، ليش ما تعبوا في إعادة تصميم الجهاز على الأقل؟ نفس الوي بالضبط لكن بدال ما يوقفونه بالطول بطحوه بالعرض، و عطوه نفس الإسم (مع إن فكرة الجهازين مختلفتين تماماً). و متوقعين إن الناس بتعرف إنه جهاز جديد.

نفس الشي مع New Super Mario Bros. U. صحيح إنها لعبة جديدة تماماً، لكن ليش الناس مب قاعدة تشتري الجهاز عشانها؟ (بالرغم من إن الناس تشتري أجهزة ننتندو عشان ألعاب ماريو الـ2D من أكثر من 20 سنة) ببساطة لأن الناس ما تدري إن ماريو U هي لعبة جديدة. الناس العادية ما تفهم اللفل ديزاين و دعم الميفرس و هالأشياء. اللي يشوف اللعبة بيقول "هذي هي نفس اللعبة اللي عندي إياها على الـDS و الـWii و الـ3DS، ليش أشتريها مرة رابعة؟"
أتوقع لو ننتندو غيرت إسم اللعبة و الآرت ستايل مالها كان بيكون وضعها أحسن بكثير، و يمكن وقتها تكول سيستم سيلر حقيقية.

واحد في محل الجيمز شاف الوي يو .. قال .. هذا وي بشاشه ؟ .. !
ننتندو لازم توضح الفرق بين العدس و الوي يو و بين الأجهزة السابقة ..

 

[The Doctor]

خلوني أعطيكم سبب أحسن للقلق على مستقبل ننتندو... توقعت إن أحد بيحطهم هنا، بس الظاهر محد انتبه..

هنا بعض تعليقات و أسئلة المستثمرين قبل 5 شهور من صدور الWii U:

Comparing the company’s stock price of a year ago with the price now, it’s dropped more than 50%. This means that the company’s assets have shrunk in the same proportion and, as the result, the asset per share has decreased as well. How is Nintendo dealing with this share price drop situation?

When the Wii U has entered a mature phase four or five years later, will it be able to compete with a next-generation console by Microsoft or personal computers? I am concerned about a future situation in which a game is available for consoles other than the Wii U due to a lack of power. Please let me know what efforts you have made to avoid it.

I don't think that the current Nintendo is making full use of its potential. I believe that there is a way to improve your business more and more by taking advantage of what you already have.

Let me ask something fundamental. Isn’t Nintendo’s business model becoming outdated? What kind of growth strategy would you specifically propose? Please explain clearly what your growth strategy is as I believe Nintendo’s share price will quickly rise once you have announced it to the media.

و هنا يجي اللي ودي أوضحه في ردي... ليش لازم تقلق على مستقبل ننتندو بشكل كامل؟ حتى لو الWii U ما نجح بشكل كبير لا يعني إن ما يقدروا يعدلوا وضعهم معاه و مع الأجهزة اللي بعده، صح؟!
المشكلة شوي أكبر من كدا.

إذا هذا شعور المستثمرين قبل صدور الWii U، ايش تتصوروا شعورهم حالياً لما يشوفوا هالارقام..؟!
إذا كمل الWii U بهالشكل ف100% بيغيروا الادارة.. إيواتا خصوصاً بيطير

و هذي المشكلة بالضبط. صحيح قرارات إيواتا و إدارته أدت إلى لنتشين سيئيين ورا بعض، بس هو نفس الشخص اللي صنع نجاح ننتندو في الفترة الماضية. بيبدلوه بمن؟! أذكر أحد المستثمرين سأل ليش يتعبوا روحهم مع الكونسولز إذا يقدروا يركزوا على المحمول و يدخلوا أرباح أكثر؟

تخيل لو يجيبوا لك أحد يكنسل على الكونسولز و يطنش كلياً إن ال3DS أداءه عادي جداً حول العالم ما عدا اليابان؟!
إذا ننتندو بتواجه الفشل في هالجيل من الكونسولز و سوق أجهزة المحمول قاعد يتقلص بسبب الجوالات، مالهم إلا إن يرجعوا لمنافسة الشركات الثانية بالطريقة التقليدية (أجهزة living room ترفيهية متكاملة و من دون gimmicks) أو يواجهوا خطر الانقراض.

 

[Eye]

Eye

55 ألف رقم كارثي ولا أحد يتوقعه لجهاز جديد .. لا نكابر على بعض .. قول أنت توقعته يمكن تنقبل .. بس تنذكر الجملة وكأنها حقيقة ثابتة .. هذا شيء مو منطقي بتاتا

لا >< ، خانني التعبير أنا آسف ، اللي أقصده أن الوي يو ما عنده أي شئ يقدمه ، ما أحد بيهتم بجهاز ألعاب بدون ألعاب ، هنا أنا قلت متوقع أن الجهاز يفلب لهذه الدرجة ، خصوصا وان امريكا سوق مواسم

Nyx
الرقم كارثي واذا الكاجولز ما تقبلو الجهاز الان ماراح يتقبلوه بعدين.

أنا أختلف معاك في هذي النقطة ، الكاجوالز راح يجوا للجهاز لما يقدم شئ => "أوووه والله شكل اللعبة هذه رهيبة وشكل الجهاز رهيب وسعره مناسب ، أوكي لازم اشتري هذا الجهاز" ، بغض النظر عن الزمان أو المكان

ننتندو تعاني حاليا ، لكن عندها فرصة كبيييييرة تعوض واول خطوة تسويها هي حملة دعائية محترمة
ولسا الجهاز ما عدى نافذة الإطلاق !!! منتهى الجهل الحكم على جهاز ما بدأ في تقديم ما عنده ، أغلب الظن أن الإعلان عن جيل جديد خلال الأربع الأيام الجاية مسبب تنشن كبير في الكوميونيتيز واستباق مرعب للأحداث

 

[Raulioo]

سهم ننتندو .. رجع لنقطة الصفر وبشكل أسوأ من نهاية حقبة الجيمكيوب :

 

[Rain]

مممم إذا بتصدر ألعاب حصرية على الجهاز خلال الأشهر القادمة فاتوقع انه بيطول بالسوق شويات ..
إذا ما فيه ألعاب كثيرة بتصدر فراح يكون gamecube 2.0 ..
خصوصا انه البلايستيشن 4 والأكس بوكس وشيكان ..

 

[Dexter]

رقم جيد لـ Ni No Kuni.
RPG الجيل (أجهزه منزليه)، تعبت وانا أمدحها.

إن شاء الله الجزء الثاني على الـ Vita :inlove:.

=====

الـ Vita وضعه راح يكون جيد في اليابان لكن بالدول الآخرى؟ يبغاله هذولي الألعاب:
-Gran Turismo
-Grand Theft Auto
-Metal Gear Solid
-Assassin's Creed
-Call Of Duty
-Final Fantasy

لو يحصل على الألعاب اللي فوق راح يكون وضع الـ Vita بالغرب كويس جداً. خصوصاً أنهم باعوا بشكل مُمتاز وفوق المتوقع على الـ PSP.

=====

أوتش، الـ Wii U بوضع حرج جداً مثل ما توقعت، ومصيبه كبيره وهذا ببدايته كل العابه الكبيره بنهاية السنه وأكبر مشكله لهم ان كل الناس متحمسين جداً للأجهزه الجديده، الناس إكتفوا بالـ Gimmicks لأن التلفونات والتابلتس غطوا هذا الشيء من هالناحية، فليش احد بيشتري الجهاز؟

تقرير رهيب من Gamasutra على وضع الـ Wii U:

http://www.gamasutra.com/view/news/...nuary_performance_is_historically_abysmal.php

عموماً أفضل وقت لشراء أجهزة Nintendo المنزليه هي بآخر عمره.

 

[Zeyad]

لول على من كان يتوقع يبيع في وقت اللنش او الى مابعد فترة اللنش بوقت قريب ، اكثر ماضحكني شخص فيلسوف فالمنتدى يتفلسف عن اسباب نجاح اللنش الويي يو المشكلة مو في الفشل!! اللنش صار اسوء اطلاق لاي جهاز ههههه

 

[Vorg Zangief]

لا يوجد لعبة وحده تستحق شراء الجهاز من أجلها .. طبيعي لا يوجد أهتمام بالجهاز

بالضبط
ناس كثير اجلت شراء الجهاز لهذا السبب . و فعلاً شيء طبيعي جداً وضعه يكون سيء .

و لازم نذكرهم بلانش البلاي ستيشن 3 الكارثي ألين ما صدرت ميتل جير 4 و كيل زون و حاليا الجهاز أدائه جبار ، شو الي المانع أنه يصير نفس الشي بالويي يو اذا؟ الحين بيرد علي فلان و بيقول أني فان بوي كالعادة

10\10
يعني منطقياً جهاز ما عليه العاب تستاهل انك تشتري الجهاز علشانها . اكيد مو الكل راح ياخذه الى ان تنزل العاب نينتندو الاسطورية زيلدا - ماريو - ميترويد
ماريو حقيقية مو 2 دي

 

[N E R O]

طيب و اللي بياخذه عشان ألعاب الوي اللي طافت عليه ؟
i mean هل هذا وقت جيّد ؟

 

[Sky Walker]

^
انتظر الاي3 ..

 

[N E R O]

^
ليش ؟ مستحيل يكون في برايس كت للجهاز