أرجو المساعدة , وقت عرض نتائج اختبار القياس(القدرات العامة) لأهل الرياض .

[DeaDMaN]

هلا شباب ,,

انا دخلت اختباري "في الدمام" يوم الخميس الماضي .. و أعلنوا بأن النتائج تظهر بعد 10 أيام من الإختبار , مرّ على الإختبار 11 يوم ولا طلعت النتائج ..

اتوقع السبب هو تأجيل اختبارات أهل الرياض لأيام "الثلاثاء - الاربعاء - الخميس" اسبوع كامل, بسبب قرار الإجازة لطلاب وموظفي مدينة الرياض .

المهم , بس حبيت أستفسر .. لو كان في أحد من المنتدى اختبر في أيام التأجيل (او يعرف أحد اختبر) ,, متى وقت اعلان النتائج ؟؟ هل هو مثل الوقت العادي (10 أيام زياده يعني) ؟ او وقت مختلف ؟

 

[The Doctor]

امممم مو متأكد..
بس واحد معانا في المدرسة يقول ان السبت القادم بتنزل النتايج ^^

اشبك لما ترد من المدرسة

 

[رجل المخاطر]

امممم مو متأكد..
بس واحد معانا في المدرسة يقول ان السبت القادم بتنزل النتايج ^^

اشبك لما ترد من المدرسة

نفس الكلام اللي سمعته، بس إن شاء الله تنزل النتايج بسرعة، لأني قاعد على أعصابي :evil:

 

[Zeyad]

153ألف طالب أنهوا اختبار القدرات العامة

- الرياض:
انهى المركز الوطني للقياس والتقويم في التعليم العالي الخميس 1428/3/17ه اختبار القدرات العامة للفترة الاولى بجميع مناطق المملكة وبلغ عدد الذين دخلوا الاختبار لهذه الفترة (153.400) طالب.

اوضح ذلك مدير عام المركز سمو الأمير الدكتور فيصل بن عبدالله المشاري آل سعود وذكر ان الاختبار استمر على مدى ثمانية ايام بجميع مناطق المملكة وشمل 54مركزاً. وتأجلت بعض مواعيد مراكز مدينة الرياض الى نهاية الاسبوع الماضي. واشار الى ان الاختبار تم بحمد الله بكل يسر وسهولة وتم استيعاب جميع الطلاب المسجلين مبكراً وعدد كبير من الطلاب ممن لم يتمكنوا من التسجيل وتوفرت لهم مقاعد شاغرة. وسيتم بمشيئة الله اعلان النتائج للفترة الاولى يوم السبت 1428/3/26ه على الهاتف المجاني (8001249222) وموقع المركز على الانترنت www.qiyas.org وسترسل النتائج كذلك من خلال رسائل عبر الجوال للطلبة المسجلين لهذه الخدمة.

يذكر ان المركز حدد بداية التسجيل للفترة الثانية اعتباراً من 4/18وحتى 1428/5/21ه والاختبارات تبدأ من 6/8- 1428/6/13ه وذلك للطلاب الذين لم يدخلوا الاختبار في الفترة الاولى او لم يوفقوا لأي سبب في التعبير عن قدراتهم بشكل صحيح.

و إذا حبيت تتأكد اكثر اتصل على الرقم المجاني وشوف ايش يقولون لك..

 

[Mesharey]

ذكرتوني باختبار القدرات الرياضيات .. دخلت هالاختبار 4 مرات وبالغصب نجحت فيه P:
الله يوفقكم ..

 

[AMG]

يعني شنو اختبار القدرات العامة ؟؟؟

 

[Hardcore Gamer]

يعني شنو اختبار القدرات العامة ؟؟؟

www.qiyas.org

 

[Ginko]

حطوا درجاتكم شباب لول، خلونا نشوف مقدار ذكائكم (مصدق ان الاختبار يفيد).

اذكر انا اخذت 80 من 100

 

[رجل المخاطر]

الظاهر الإختبار غير موجود الا عندنا في السعودية -__-"

حطوا درجاتكم شباب لول، خلونا نشوف مقدار ذكائكم (مصدق ان الاختبار يفيد).

اذكر انا اخذت 80 من 100

أنا واثق اني مب نازل عن 95%:yuck: <<<مصدق نفسه...

 

[Ginko]

ههههه الاختبار قليله بالحظ، يعني فيه اسأله تكون حلوه وتحلها زين، لكن فيه اسأله مافيه الا تتوقع وتمشي.

 

[DeaDMaN]

شكرا ً .. , بعد ماكتبت الموضوع رحت المدرسة و صاحبي كان حامل معاه الجريده اللي مكتوب فيها الخبر , ان النتائج يوم السبت القادم .. بالضبط نفس الاقتباس الموجود برد زياد .

سترسل النتائج كذلك من خلال رسائل عبر الجوال للطلبة المسجلين لهذه الخدمة.

لول , امس أنواع المقالب في المدرسة .. الكل ينتظر الرسالة , غيرت اسمي في جوالات طلاب الى Qiyas ورسلت مسج بنفس صيغة رسالة المركز , و كتبت لكل طالب درجة أقل من اللي يتوقعها بـ10 نقاط على الأقل P: - اعترفت بسرعة حتى لا يصير الموقف أصعب .


التنين المائي , القياس اختبار .. يقيس قدرات الطالب العامة في الرياضيات - اللغة . فيه أسئلة تعتمد على مبادئ أساسية في الرياضيات والباقي يعتمد على طريقة تفكيرك .. بشكل عام سهل الاختبار بس يحتاج تركيز عالي , غير هذا انه يعتبر Time Attack .. وقت الاجابة محدد .

تعديل : جينكو ..العلامات خلها مستورة P: بصراحة انا رحت كل الاختبارات وانا نايم 3 ساعات بالكثير << تصريفة .. والمرة الأخيره ممكن تكون أعلى علامة , لكن نفس الشي مو مقتنع بالمستوى اللي قدمته .

 

[رجل المخاطر]

أكيد..

لكن اعرف واحد من الشباب يقول كل الحلول حط حظ ونصيب بدون ما يذبح روحه بالتفكير وجاب 83 % ...

, امس أنواع المقالب في المدرسة .. الكل ينتظر الرسالة , غيرت اسمي في جوالات طلاب الى Qiyas ورسلت مسج بنفس صيغة رسالة المركز , و كتبت لكل طالب درجة أقل من اللي يتوقعها بـ10 نقاط على الأقل P: - اعترفت بسرعة حتى لا يصير الموقف أصعب .

خخخخخخخخخ.

يبيلي أسويها...

عديل : جينكو ..العلامات خلها مستورة P: بصراحة انا رحت كل الاختبارات وانا نايم 3 ساعات بالكثير << تصريفة .. والمرة الأخيره ممكن تكون أعلى علامة , لكن نفس الشي مو مقتنع بالمستوى اللي قدمته .

إن شاء الله تجيب درجة عدلة

 

[Mista Koo]

حطوا درجاتكم شباب لول، خلونا نشوف مقدار ذكائكم (مصدق ان الاختبار يفيد).

اذكر انا اخذت 80 من 100

ليش ما يفيد؟؟ طبعا يفيد!
يعني معليش اللي يجيب بالثنوي 97 وهذا يجيب فيه 70 هل تعتبره يستحق يدخل أي تخصص يبيه؟؟ (أتكلم عن الجامعات هنا)
اختبار الثنوي يعتمد على الدراسة وهذا يعتمد على الذكاء << يقنع نفسه :q

عموما أنا جبت (قولوا ما شا الله 3= ) 91 في المرتين اللي اختبرته...
العربي طبعا هو اللي خاسفني <<< ههه مع أني أصحح لكم أخطائكم هنا
الرياضيات جبت في الأول 95... وفي الثاني 99 (خخخ كنت ماسك كتاب How To Prepare For GRE حق إختي قاعد أتدرب عليه )

لول , امس أنواع المقالب في المدرسة .. الكل ينتظر الرسالة , غيرت اسمي في جوالات طلاب الى Qiyas ورسلت مسج بنفس صيغة رسالة المركز , و كتبت لكل طالب درجة أقل من اللي يتوقعها بـ10 نقاط على الأقل P: - اعترفت بسرعة حتى لا يصير الموقف أصعب .

نفس الشي على دفعتنا السنة اللي فاتت.. بس إحنا كان العكس XD
كان يحط لهم نسب أعلى بكثير
واحد أرسلوا له 94 تشوفه بنص الحصة ينط YESSSS آخرتها تحطم مسكين جاب 74
وواحد ثاني أرسلوا له 93 ظل مكتئب XD قالوا سلامات؟!! (جاب أقل منها بعدين طبعا)

 

[The Doctor]

لووول خلك متفائل بس

عن نفسي حسيت الامتحان اسهل من اللي توقعته... حتى قعدت في واحد من الاقسام (و لا يسموهم فترات؟ لول ما اذكر) 10 دقايق انتظر ننتهي من هالقسم
اللي ضحكني هو اللي قعدوا يغشوا في الامتحان... لول اللي قدامه و اللي جمبه و اللي وراه نماذجهم غير و قاعد يغش منهم XD

 

[Mesharey]

الظاهر الإختبار غير موجود الا عندنا في السعودية -__-"

موجود بالكويت بعد ..

اللي ضحكني هو اللي قعدوا يغشوا في الامتحان... لول اللي قدامه و اللي جمبه و اللي وراه نماذجهم غير و قاعد يغش منهم XD

في ناس تدخل اشخاص يمثلونهم بالامتحان على انه الشخص اللي المفروض يتم اختباره ومحد يدري P:

 

[Ginko]

ليش ما يفيد؟؟ طبعا يفيد!
يعني معليش اللي يجيب بالثنوي 97 وهذا يجيب فيه 70 هل تعتبره يستحق يدخل أي تخصص يبيه؟؟ (أتكلم عن الجامعات هنا)
اختبار الثنوي يعتمد على الدراسة وهذا يعتمد على الذكاء << يقنع نفسه :q

عموما أنا جبت (قولوا ما شا الله 3= ) 91 في المرتين اللي اختبرته...
العربي طبعا هو اللي خاسفني <<< ههه مع أني أصحح لكم أخطائكم هنا
الرياضيات جبت في الأول 95... وفي الثاني 99 (خخخ كنت ماسك كتاب How To Prepare For GRE حق إختي قاعد أتدرب عليه )

مدام الثانوي تعتمد على الدراسه وهذا على الذكاء اجل وراك دارس له من كتاب How To Prepare For GRE ؟ انا اقول لك ليش، لانه اختبار مضروب. انا رايح له من دون لا افتح ولا ورقه في أي كتاب. وما اقول لك قاعد اختار على الله، لا قاعد اقرأ واحل واختار. وجبت 80.

الي يجيب 97% في الثانوي من جهده ايه يستحق ونص يختار الي يبي، لان هذا الشخص عطيته كتاب ومدرس وقلت له تعلم، وفي النهايه تعلم كل شيء وفهمه صح، ليش ما يستحق يختار الي يبي بما انه راح يتعلم وينجح في اي شيء زي ما اثبت في الثانوي؟ اختبار ما منه فائده ابدا، خصوصا بهالشكل، يعني يقدرون يعدلون ويبدلون فيه ويخلونه يسوى، لكن بهالهيئة فما عندك احد.

بخصوص الاخطاء مستا ترى احنا هنا نكتب سريع سريع، صحيح فيه اخطاء مصخره زي الي يكتب "لاكن" بدل "لكن"، لكن انك تصحح الـ"ا" بالـ"أ" هذا اسمه استعباط لول. انا ما احط "أ" لانه مشوار اضغط على الشفت كل مره اكتب فيها الالف.

 

[DeaDMaN]

ماشاء الله Mista Koo , علامتك ممتازة جدا ً.. المسألة مثل ماقلت مو صعبة لكن تحتاج تدريب و تختبر وانت رايق ونايم تمام .

فس الشي على دفعتنا السنة اللي فاتت.. بس إحنا كان العكس XD
كان يحط لهم نسب أعلى بكثير
واحد أرسلوا له 94 تشوفه بنص الحصة ينط YESSSS آخرتها تحطم مسكين جاب 74
وواحد ثاني أرسلوا له 93 ظل مكتئب XD قالوا سلامات؟!! (جاب أقل منها بعدين طبعا)

لول , صاحبي قال لي أرسل لهم علامة أعلى .. بس ماتنفع هالحركة , لأن بيتحطم مثل ماقلت لما يشوف علامته اقل . على عكس لما أرسل لواحد مذاكر و حل 3 كتب ودارس للإختبار .. ان درجته 64 .. في نص الحصة نشوفه يضرب على راسه !!

2pac ,, انا متوقع علامة جيدة بس ماحليت تمام يعني العلامة اقل من اللي أقدر عليه..

وبالنسبة لأوقات الفترات .. نفس الشي انا يبقى عندي 15 دقيقة واحيانا ً أكثر من كل فتره .. لكن في آخر فترة راسي صدّع "مأخوذه من صداع" .. والوقت كان ضيق , أخلص على آخر دقيقه .

من الارتباك , كتبت التاريخ 1427 .. رقم جوالي نسيته , بس تذكرتهم في نهاية الفترة . والتاريخ صححه لي مراقب .

في ناس تدخل اشخاص يمثلونهم بالامتحان على انه الشخص اللي المفروض يتم اختباره ومحد يدري P:

هذي مستحيله عندنا .. تدخل الإختبار لما يتأكد انك نفس اللي في بطاقة الأحوال , في الاختبار المراقبين يزعجوك .. كل شوي يجيك واحد يتأكد من بياناتك و بطاقة الاحوال وكل شي ..

 

[الــخــــارق]

أسهل شيء وأفضل شيء صار أيام دراسة ثالث ثانوي هو اختبار قياس

الله يوفقك شباب ويعينكم

 

[رجل المخاطر]

نفس الشي على دفعتنا السنة اللي فاتت.. بس إحنا كان العكس XD
كان يحط لهم نسب أعلى بكثير
واحد أرسلوا له 94 تشوفه بنص الحصة ينط YESSSS آخرتها تحطم مسكين جاب 74
وواحد ثاني أرسلوا له 93 ظل مكتئب XD قالوا سلامات؟!! (جاب أقل منها بعدين طبعا)

مساكين، أكيد إحباط شديد، من 94 الى 74

اللي ضحكني هو اللي قعدوا يغشوا في الامتحان... لول اللي قدامه و اللي جمبه و اللي وراه نماذجهم غير و قاعد يغش منهم XD

تقريبا الأسئلة كلها نفس الشي، بس مغيرين بترتيبهم .

الي يجيب 97% في الثانوي من جهده ايه يستحق ونص يختار الي يبي، لان هذا الشخص عطيته كتاب ومدرس وقلت له تعلم، وفي النهايه تعلم كل شيء وفهمه صح، ليش ما يستحق يختار الي يبي بما انه راح يتعلم وينجح في اي شيء زي ما اثبت في الثانوي؟ اختبار ما منه فائده ابدا، خصوصا بهالشكل، يعني يقدرون يعدلون ويبدلون فيه ويخلونه يسوى، لكن بهالهيئة فما عندك احد.

إي والله مافيه فايدة، في ناس نسبهم بالثمانين يقعدون بيتهم بسبب درجته السيئة بالقياس، وناس نسبهم في السبعين وحتي الستين موجودين بأفضل الاماكن.

أسهل شيء وأفضل شيء صار أيام دراسة ثالث ثانوي هو اختبار قياس

الله يوفقك شباب ويعينكم

في ناس مستفدية من القياس وناس مسكينة ماتعدي فيه -__-

 

[DeaDMaN]

بصراحة انا اشوف القياس من أهم الاختبارات اللي تحدد قبول الطلاب ..

 

[Gon freeces]

بصراحة انا اشوف القياس أهم الاختبارات اللي تحدد قبول الطلاب ..

قصدك الأهم ...من السنة الجاية ما بيعطون وجه للشهادة :\

 

[DeaDMaN]

لأ , مو ضروري يكون أهم اختبار .. اختبار الجامعة نفسها مهم بعد , ماقدر احدد أي اختبار فيهم أفضل في تحديد مستوى الطالب لأني لسة ماختبرت اختبار جامعة .

 

[Gon freeces]

اختبار الجامعة نفسها مهم بعد

وت ؟ هذا ماتكنسل ?

 

[DeaDMaN]

وت ؟ هذا ماتكنسل ?

ماتكنسل .. ماتوقع كل الجامعات بس اللي اعرفه , البترول - الCBC "ماعرف لو تغير اسمها" عندهم اختبارات خاصة .

 

[DeaDMaN]

شباب اللي اختبر يسرع يشوف درجته .. الدرجات طلعوا اليوم الصبح .

مادري لو طلعت درجات اللي تأجل اختبارهم أو لأ.. بس اللي اختبر عادي المفروض درجته موجوده .

الحمد لله درجتي جيده ..كنت خايف .

 

[Hardcore Gamer]

اللي تأجل اختبارهم طلعت درجاتهم

 

[Pichi]

ماتكنسل .. ماتوقع كل الجامعات بس اللي اعرفه , البترول - الCBC "ماعرف لو تغير اسمها" عندهم اختبارات خاصة .

الاختبار التحصيلي لجميع الجامعات بدون استثناء , ممكن انت تقصد نظام الابتعاث الخاص بأرامكو؟!
إذا إيه فلهم اختباراتهم الخاصة بالتأكيد.

 

[DeaDMaN]

الاختبار التحصيلي لجميع الجامعات بدون استثناء , ممكن انت تقصد نظام الابتعاث الخاص بأرامكو؟!
إذا إيه فلهم اختباراتهم الخاصة بالتأكيد.

قصدي , اختبار السي بي سي يختلف عن اختبار البترول "رام 2 " غير اختبار الكليات الصحية ..

 

[Pichi]

قصدي , اختبار السي بي سي يختلف عن اختبار البترول "رام 2 " غير اختبار الكليات الصحية ..

اختبار الCPC هو نظام الابتعاث لشركة أرامكو .
http://en.wikipedia.org/wiki/College_Preparatory_Center

 

[DeaDMaN]

اوه آسف , قصدي هذي الاختبارات بالضبط .. انا فهمتك غلط .

تعديل : .. أحمد , انا عارف ان اختبار القياس الى جميع الجامعات.. بس قلت أن موجوده اختبارات "مهمة" و تختلف من جامعة لأخرى بالإضافة الى اختبار القياس .