مراجعتي لفيلم انشارتد
تنبية : حرق اللي ماشاف الفيلم يتجاوز الرد
شفت أمس الفيلم المنتظر واللي كنت متحمس له كثير لسلسلتي المفضلة أنشارتد
للأسف الفيلم خيبه أمل ومو قد التوقعات أبداً وفيه كميه ملل ورتابه ورخص
الفيلم مافيه روح اللعبة والقصة ركيكة والحوارات سطحية ومافيه أي مشاهد مبهرة وابداعية تحبس الأنفاس
يعني من متى نيثان كان ساقي خمور ومتى كان يعيش بنيويورك ! وليه السمة المميزة فيه حزام حامل الاسلحة الايقوني مالبسه الا بمشهد واحد وكان سارقه من حارس بعد !
والأكشن اللي تتميز فيه السلسة مختفي أو نادر جدا بالفيلم ، يعني باللعبة تواجه جحافل من الأعداء والجنود والحراس لكن الفيلم مافي غير 8 حراس فقط تشوفهم طول الفيلم و 2 منهم يموتون بأوله
وفيه غياب تام للأسحة يعني ماشفت قنابل ولامدرعات والا مشاهد اكشنيه مثيرة زي اللعبة حتى الرشاش والقناص والار بي جي مافيه
هالشغلات والمطاردات كان لازم تنضاف بالفيلم لأنها من اساسيات لعبة انشارتد
يعني فيلم جيمس بوند وفيلم 355 على الرغم انهم افلام جاسوسية لكن فيهم اكشن وتنوع معارك واسلحه ومطاردات اكثر واروع من فيلم لعبة انشارتد
ايضا من عيوب الفيلم فقير بالشخصيات واعتماده على مشاهد توم هولاند ، حتى الشخصية الشريرة انطونيو بانديرس مالها اي لزمه وماله دور مؤثر ، والمساعدة اللي معه فشلت بآداء دور الشريرة
وكآداء انا كنت ضد ترشيح توم هونلاد لشخصية نيثان دريك لأنه بالفيلم طالع كأنه مراهق وملامحه طفوليه بعكس ملامح نيثان الناضجة والرجولية ، لكن يحسب لتوم انه قدم الشخصية برشاقة وخفه
ومن سخافات الفيلم مشهد الهيلوكبترات وهي تشيل السفن والمعركة اللي بينهم ، بصراحة هذا اكثر مشهد محبط وسخيف شفته بحياتي وغير مقبول حتى بالخيال والألعاب
نقطة اخيرة مقهور منها وهي الموسيقى التصويرية .. من اكثر الاشياء اللي اعشقها بسلسلة انشارتد هي الموسيقى التصويرية لدرجة اني حاط السمه بجهاز ps4 حقت انشارتد لجمال موسيقاها
اما الفيلم في أسوأ شي بلا منافس ، وابدا ماتمت لانشارتد ولاتعلق بأذنك
وبصراحة من بعد فيلم انشارتد صار عندي قناعة ان أفلام الألعاب مستحيل توصل لجودة ومتعة اللعبة نفسها
يعني اجزاء انشارتد فيها مشاهد مذهلة وتحبس الانفاس اكثر بكثير من الفيلم ، وانا مااقصد انهم ينسخون نفس الالعاب لكن على الاقل يحترمون روح اللعبة
فيه فيلم قديم لسايلنت هيل صحيح ماكان ناجح لكن على الاقل احترموا روح اللعبة واي عاشق لسايلنت هيل طلع بكم مشاهد حلوين
لكن فيلم انشارتد غير مرضي لعشاق اللعبة وغير مرضي لعشاق الافلام اللي مايدرون عن اللعبة
التقييم العام 4 من 10
لحظة خليني اخمن وش شفت:يالهي شفت تريلر فيلم بينوكيو الجديد وياليتني ماشفته ……
ياليت كان ذا على الاقللحظة خليني اخمن وش شفت:
اسف بس ذاك العضو يطريه كل شوي تبرمجت اتخيله خلاص
لحظة خليني اخمن وش شفت:
اسف بس ذاك العضو يطريه كل شوي تبرمجت اتخيله خلاص
مان DUNE كان تحفة هاه ؟
الـcinematography في هذا الفلم من عالم ثاني!.. هوية ولون الفلم مميزة للغاية وماشفت حاجة مثلها، أجمل فلم شاهدته بدون شك.. تجربة الـ آيماكس كانت surreal بمعنى الكلمة...
الآن أفكر جدياً أشتري نسخة البلوراي.. مشاهدة واحدة ماتكفي، أبغى أعيده ثاني وثالث.... بقيس مستواه بعيداً عن تجربة السينما .
Christopher Nolan’s ‘Oppenheimer’ Gets First-Look Photo As Kenneth Branagh Joins Cast
Universal has unveiled a first-look photo from Christopher Nolan’s anticipated thriller Oppenheimer, starring Cillian Murphy, also announcing that Kenneth Branagh has joined the cast, with pr…deadline.com
الكاست نار هع، الموضوع بصراحة مثير للاهتمام بس أتمنى نولان ما يبيخها معاه.
شاهدت فيلم من أجل زيكو بالأمس في صالة السينما.
أول مرة أشاهد فيلم عربي وأعتقد آخر مرة والكوميديا ليست لي قطعًا
الفيلم ليس سيئًا مع ذلك
المشهد مرة سبلنتر سيل..
مو عارف اشرح.. ( قاعد افكر بمرحلة السفارة بباندورا تومورو واتذكر انه فيه حمام اول السيب وجمب الدرج غرف النوم وتحت الدرج فيه حراس .. هو الجرافك بايخ .. بس هذا مخي مجمل ذكرياتي.. يقول يب this is it )
+
اسف..
بس هذا شكلي بالظبط نوفمبر الماضي كل مرة اقول بروح احضر spencer.. ثمن اهون..