hits counter

أبي جوال جديد ومحتار، نصائحكم؟

T u R k I

True Gamer
جوالي الحالي iPhone 3GS والسبب اللي مخليني ماخذه هو أن جوالي القديم "BlackBerry Bold 9780" انسرق وهذا آيفون أختي القديم. الوضع ماعاد يُطاق معه لأن البطارية تفضى بسرعه وحتى لو ما استخدمه، وبطيء ويعلق كثييير!!

اللي يهمني بالجوال الجديد: الواتس أب - تويتر - تشغيل أفلام بالترجمة. ومحتار ايش آخذ! BlackBerry ولا iPhone 5 ولا Galaxy S ولا Galaxy Note (أو إذا فيه شي يستاهل غيرهم؟)

iPhone 5 عند اختي ومن تجربتي السريعه له الكتابة فيه ممتازة وسلسة -وما أدري إذا جالاكسي نفس المستوى-. الوالدة عندها جالاكسي S2 ومن تجربتي السريعة له ماعجبني! وهذا الشي اللي مخليني أحتار آخذ S3 أو لا!
خويي عنده S3 -جربته ثواني- وخلاني أفكر بشرائه لما قال لي مميزاته، انه يشغل جميع الصيغات ويشغل الأفلام بالترجمة إذا حطيت الترجمة بنفس إسم الفلم، يعني بدون ما أستعمل برنامج دمج أو بطيخ!! وحسب ما أعرف أن الآيفون مايشغل avi؟

وش يفرق Galaxy S عن Note؟ لو باخذ سامسونج ما أدري إذا باخذ واحد منهم أو S4.. إذا الفروقات ماتسوى السعر يفرق كثير ماراح آخذه، بس إذا باخذ S3 لازم انتظر 4 لما ينزل عشان يطيح سعره

مافيه سبب يخليني آخذ البلاك بيري مرة ثانية للآن! كوني من زمان ما فعّلت الخدمة ومكتفي بالواتس أب، فأستبعد اني آخذه. نصائحكم؟
 

Raulioo

Tarnished
خذلك لفة على HTC ONE / Xperia Z جوالات تستحق انها تحظى باهتمام اكبر
 

Game Time

Banned
روح معرض يكون فيه الاجهزة شغالة وجرب الاجهزة بنفسك افضل بدل ما كل واحد يعطيك اسم جهاز وكل واحد يعطيك على كيفه ، في النهاية انت الي هتستخدم مش غيرك :)
 

EPIC FAHAD

True Gamer
انا انصح اي احد بالاندريويد اولا ويكون نيكسس 4 لانه من قوقل مباشره والثحديثات تنزل مباشرة برضو . والاندرويد ممتاز لافلام في كذا برنامج تشغل الترجمة مباشره
 

Assassin'o

True Gamer
وش يفرق Galaxy S عن Note؟ لو باخذ سامسونج ما أدري إذا باخذ واحد منهم أو S4.. إذا الفروقات ماتسوى السعر يفرق كثير ماراح آخذه، بس إذا باخذ S3 لازم انتظر 4 لما ينزل عشان يطيح سعره

الفروقات الجوهرية في حجم الشاشة و عمر البطارية، إذا كان حجم النوت 2 يمشي معاك و يناسبك فهو خيارك الأمثل.. وقت التصفح، المشاهدة و اللعب -خاصة- تحس بفارق و تسلية أكبر عن بقية الجوالات.

نصائحكم؟

النوت 2 بالتأكيد، أفضل خيار إذا ماكان عندك مشكلة مع حجمه.. عمر بطارية طويل و جهاز بمواصفات خارقة يقدر يخدمك لفترة طويلة وكل الفرق عن الإس 3 200-300 ريال.
 

Zero

فريق الأنمي
خذلك لفة على HTC ONE / Xperia Z جوالات تستحق انها تحظى باهتمام اكبر
أنا أيضا أنصح بأحد هالجهازين، الZ ضد الماء، الـOne فيه ستيريو سبيكرز، باقي المواصفات بشكل عام تنافس بعض، يميز الجهازين جمال التصميم برأيي وأجهزة سوني وHTC جودتها كويسة.

Z موجود في السوق حاليا وتقدر تجربه بنفسك قبل الشراء.
 

Sage

True Gamer
بما انه تركي سوا هالموضوع قبلي.. بغيت اسأل

انا ابي تلفون للبراوسينج اهم شي و العاب خفيفه و طبعا باقي الاشياء مثل تويتر و فيسبوك و واتساب الخ.

محتار حاليا بين الـS4 و الـOne و في كم شخص نصحني بالـNote 2..

اهم شي ابي البطاريه تكفي معاي على الاقل يوم كامل (8-12 ساعه)

تلفوني حاليا هو الـNote و مشكلته انه يحتر و البطاريه بدقايق تطير.
 

Zero

فريق الأنمي
النوت 2 بطاريته سعتها كبيرة وما أشوف منها شكاوي.
 

قناص

Banned
غالباً راح تحتاج برنامج لتشغيل الترجمة .. سواء على الآيفون أو الأندرويد .. لو تهتم بالأفلام فالأفضل تتوجه للأندرويد مشغلات الفيديو عليه أقوى بكثير و تشغل كل أنواع الترجمة "mx player"
و الجوالات شاشاتها أكبر .. أبعد عن htc دايم بطارية جوالاتهم ضعيفة .. من الآخر أنصحك بالجلكسي أس 4 اللي راح ينزل قريباً "رغم أنه خيار تقليدي" .. فيه مميزات توفير طاقة ممتازة و بطاريته
قويه و شاشته لا يعلى عليها
 

ASWD

True Gamer
انتظر صدور الاس 4 وال5 اس وبعدها قرر.ما اظن يتاخر صدورهم
 

Vorg Zangief

True Gamer
انتظر صدور الاس 4 وال5 اس وبعدها قرر.ما اظن يتاخر صدورهم

هذا اللي داخل اقوله .
اخر الشهر القادم راح ينزل جالكسي اس 4
و يمكن على شهر 9 او 10 راح ينزل ايفون 5 اس .
ولو كنت مستعجل .
و جربت الايفون 5 و عجبك . توكل على الله و خذ ايفون . الجهاز ممتاز .
+
لا تحاتي الفترة الحالية . كل الجوالات ممتازة . :D و مبروك مقدماً
 

Sir Guts

Ryo Hazuki
خذلك نظرة على الـHTC One و الـSony Xperia Z .. عن نفسي استخدم iPhone5 و الجوال لا يعلى عليه!

انا سحبت على السامسونج بعد ما عانيت مع الإس 2 والـ3 .. جوالات صناعتها رخيصة و الزوبريتنج سستم ارخص

جوال دايم يعلّق و يعيد نفسه بكيفه و مايتحمل لا برامج ولا شي .. دائما يصير حار كأن البطارية بتنفجر.
 

CODE-X

عضو فريق TG كورة أوروبية
عندك الHTC One و الـSony Xperia Z افضل جهازين شكلاً و هاردويرياً و Material في السوق الآن و غالباً لفترة طويلة قدام ، الاول تستغرق صناعة هيكل كل حبة منه 220 دقيقة ! و الثاني تقدر تاخذه معاك للمسبح و تغطس فيه !
 
أعلى