hits counter

أبتعد عن المايكروييف !!

Tomb raider

True Gamer
السلام عليكم ورحمة الله وبركاته !

اتذكر اني اخذت درس في كورس الHealth &society عن مخاطر المايكرويف ، احاول ابتعد عنه بأي طريقه والحمد لله تقريبا اكثر من سنه ما استعمله

هذي احد المخاطر اللي تنتج عن المايكرويف

- تقلل من خلايا الدم الحمراء
- تقلل من خلايا الدم البيضاء اللي ممكن تنتج التسمم
-ترفع نسبة الكوليسترول
-تنتج تركيبات كيميائيه لا يتعرف عليها الجسم
- تقلل من كمية الهيموجلوبين في الدم


ممكن تحصلون معلومات كثيره بخصوص هذا الموضوع في Google

أتمنى ان الناس تبتعد عنه لأن آثاره فوق ما تتوقعه ، انشروه لو تريدون ;)
 

Double T

True Gamer
اكيد المايكروويف خطير و انا شخصيا ما احبه و لا استمعله .. يخرب طعم الأكل لوووول

بس سؤال .. ممكن المصدر الي جايب منه الاعراض هذي ؟
 

true story

Hardcore Gamer
ولي الو فترة كبيرة كل يوم بستعمله مثلي شو بيصيرلو؟ :crying:
 

Id

True Gamer
للأسف مافي أمل أستغني عن المايكرويف ..
 

Niessu7

True Gamer
المايكرويف شيء خورافي ويسهل اموار كثيرة بالنسبة لي .. صعب حالياً بعد ما تعودنا عليه تقلوا ابتعدوا عنه !

فلتذهب جميع الامراض للجحيم .. سوف استخدم المايكرويف
 

Double T

True Gamer
انا سألت عن المصدر عشان بس ابغى اعرف الأعراض هذي هل من التعرض المباشر و الا عن طرق الأكل الي ينحط في المكرويف لأن الفرق كبير بينهم ( لأن لو احطك في المايكروويف تموت مو بس ينقص و يزيد فيك شي )
 

The Last Fantasy

True Gamer
مع إني ما أحب استخدم المايكروويف، بس صار شي صعب أستغني عنه.

يفك أزمات لول.
 

Nyx

True Gamer
للأسف مافي أمل أستغني عن المايكرويف ..
نفس الشي هنا , العزوبيه مستحيله بدون مايكرويف!
 

Double T

True Gamer
شباب في فرن بحجم المايكروويف .. و يشتغل بالكهربا نفس الشي .. حاليا استخدمه .. مرة مرة ممتاز و الأكل معاه احلى :D
 

Snake-87

Electrony Editor
في مادة الشبكات درسنا شوي عن أنواع الموجات وأخذنا فكرة عن المايكروويف وأخطاره , يقول لك المرأة الحامل لازم ما تقترب من المايكرويف (وهو شغال طبعا) 5 أمتار لأنه يسرب إشعاعات خطيرة وتضر بالجنين و المايكرويف كل ما كان أقدم كل ما زاد التسريب فيه و تختلف نسبة التسريب من ماركة إلى أخرى وطبعا أغلب الأحيان الماركات المشهورة تزيد نسبة الحماية فيها .
 

Tomb raider

True Gamer
شباب في فرن بحجم المايكروويف .. و يشتغل بالكهربا نفس الشي .. حاليا استخدمه .. مرة مرة ممتاز و الأكل معاه احلى :D

ممكن تراوينا شكله ؟
 

Nemesis Zone

Electrony Editor
يوميا نستخدمه :(

بس يوم يشتغل مانقرب منه نطفيه قبل لا نطلع الأكل
 

Upperleft

True Gamer
اوه، واو
المايكروييف كمل سنه و هو محترق و نحن ناسينه xD
ما كنت استخدمه الا حق الـبوبكورن الجاهز، كان صديقي العزيز
 

Krat0s

True Gamer
اشوى انه موجود زينة في البيت, مو ناقص نقص دم انا :tongue:
 

Aoks

True Gamer
ما عندنا مايكروويف في البيت

ويمكن ما عمري استخدمته إلا مرتين ولا 3

 

Futrus

True Gamer
الحياه من غير مايكرويف مالها طعم
 

BioMario

مصمم
فعلاً الفايكرويف خطير جداً حتى أذكر زمان سوو عندنا محاظرة كاملة في الكلية عندنا ..
الحمد لله بيتنا مافيه مايكرويف من تقريباً 3 سنوات ..
المشكلة في شباب تقولة المايكرويف خطير يقعد يعصب و يتحرطم وإلى يطلع حجه أنه جهاز ممتاز .. ما ننكر انه سريع و عملي و أختراع جبار لكن ما أتوقع ربع ساعة او 10 دقائق تسخن شيء رح تأثر عليك قدر ما يأثر المايكرويف على الصحح ..


تسلم عزوز
wink.png
 

Photon

True Gamer
المايكروويف ماأستعمله أصلا ولا أرتاح له .. أحس الناس مستعجلين عى حساب صحتهم .
 

Yaz3D

True Gamer
ما أقدر ما أقدر =(
 

PS

True Gamer
أشاعات تطلعها شركات الافران الكبيرة على المكرويفات

وبس

على فكرة البيت خالي من المكرويف

أخوي يكرة أستعمالة يقول يخرب طعم الاكل الشغل على الفرن الكبير أحسن
 

Burdegation

True Gamer
الاخطار حوالينا بكل مكان

على الاقل هذا خطر مفيد :whistle:
 

Noah`s Ark

True Gamer
اللعنة .. سنين ما نستعمل ميكرويف ..

الحين يوم اخذناه من فترة قريبة قامت تطلع العيوب .. :sarcastic:
 

itachi

True Gamer
عزوز ....علبالي الموضوع ...أبتعد عن المايكروسوفت ههههههههه قمت دشيت على طول ...

سمعت كثير عن مخاطره وأحاول بقدر الإمكان أبتعد عن أستخدامه
 

Still Alive

True Gamer
مطبخ شقتي كله ثلاجة ومايكروييف !!

و99% من الاكل يكون في الثلاجة وبعدين اسخنه بالمايكروييف :crying:
 

Ze Truth

Banned
^^^

طيب جاك تقلل في خلايا الدم الحمراء,البيضاء؟ تحس ان فيك مادة كيماوية؟دمك يطلع احمر باهت؟

اتوقع ان شاء الله لأ. دايما الدكاتره يبالغون في التحذيرات ويخفون خلق الله

لاتحط الجوال في جيبك,لا تحط اللاب توب في حجرك,لا تقعد قدام الشاشة اكثر من 45 دقيقة, لا توقف تحت الشمس لفترة طويلة يادا يادا


حلاوة جسم الانسان انه يتحمل بشكل كبير, فلا احد يقلق استخدموا المياكروييف على راحتكم ما عليكم شر ان شاء الله
 

Double T

True Gamer
ترى حتى جسم الأنسان يتحمل الأمراض بشكل ممتاز بس ما عمري سمعت دكتور يقول تعرض للأمراض ( البكتيريا و الفيروسات ) و ان شاء الله ما يصير لك شي

يمكن الدراسات هذي ما تكون صحيحة 100% لكن ما هي خطأ ابدا و ما يمكن اهمالها

الي ابغى اوصل له لا تعطي نصايح بشكل عام دون اي دليل
 

Magnificent

True Gamer
زمان ... سمعت اشاعة مغرضة تقول انه مضر بالغدد التناسلية ... و عشان كذا صرت اوقف بعيد عنه و على جنب .... و الكلام هذا له سنين
 

Jonas

True Gamer
كنت اسمع من يوم وانا صغير ان اشعاعاته تجيب السرطان , لكن الجهاز صراحه لا غنى عنه ;)
 
أعلى