الموضوع الرسمي آخر مستجدات الهواتف الذكية (أخبار - نصائح - إشاعات - مقالات)

[fatal framer]

مشكورين كل الاعضاء اللي ردوا علي خلاص قررت وشريت نوت ٢٠ 5g الترا

الجالاكسي نوت 20 ألترا جوال جيد بس يعتبر قديم نسبيًا وما أنصح بشرائه إلا إذا لقيته بعرض مغري جدًا وبفارق سعر كبير بينه وبين الجالاكسي إس 21 ألترا. كما تعلم لم يصدر أي جوال من فئة النوت لهذا العام ويرجح أن السلسلة قد انتهت وتم تحويل مميزاتها إلى موديلاتها الراقية الأخرى وهذا اللي

هو فارق السعر فعلا مغري لاتنسى انه s مشكلته مايدعم الذاكرة الخارجية وعلى هالاساس راح اضطر اني اشتريه بسعته الداخلية ٥١٢ وصراحة مايستاهل هالسعر المبالغ فيه

ماعندي علم اذا سلسلة النوت انتهت لانه في اشاعة بيرجعوله في سنة ٢٠٢٢ ويكون اسمه نوت ٢٢

نعم الجهاز نوعا ماقديم بس كسعر انسب شي لي مو موضوع ميزانية اقدر اشتري اغلى تلفون لو كنت حاس انه الموضوع يستاهل بس بصراحة لا

سعره عند الإصدار راح يكون مرتفع ومبالغ به أكيد وما أظن بيرجعوا دعم الذواكر الخارجية

انت قلتها بنفسك لو انطر السعر اغلى ودعم الذاكرة الحارجية غير مضمون

نفسي راح أتوجه هذه المرة مع البكسل 6 برو لأني مللت من كل شيء متعلق بسامسونج وتجربتي السابقة مع الآيفون مش مشجعة (ما أحب الـiOS) رغم أن كاميرة وبطارية الجوال مغرية وقد تعتبر الأفضل هذا العام.

تقدر تقول نوعا ما مليت من اجهزة سامسونج لاني تعاملت مع فئة s و كان عندي s4 و s6

وممكن اميل له بس اغلب المشاركين في التعليقات على اليوتيوب يشتكون منه انه البطارية تخلص بسرعة مع تشغيل شبكة 5g والوضع افضل مع 4g

يعني حرفيا لما اكون بمجمع او بمطعم او في البيت شاللي يخليني احتاج اشغله مع هالشبكة واهي ابطئ

نعم المواصفات تميل بشكل ضئيل للبيكسل من ناحية الدقة
وبشكل افضل في الكاميرا
وحجم اكبر بشكل قليل للبطارية النوت ٤٥٠٠ والبيكسل ٥٠٠٠
بس مشكلته الرئيسية انه كسعر اغلى ونرجع مرة ثانية لعدم دعمه الذاكرة الخارجية

ودك بشيء مختلف حتى لو مكلف؟ الجالاكسي زي فولد 3.

فكرت فيه المشكلة عن نفسي ادري اني ماراح استعمل مميزاته بشكل كبير وحتى لو ضغطت على نفسي

الانحناء واضح وبشكل بارز راح تلاحظ خط في النص
صراحة اعتبر هالشي عيب في الوقت الحالي على هالتطور كانوا المفروض يقدرون يخفونه

الايفون كاستعمال كان جميل قبل كان عندي ايفون ٤

والنظام سلس وروعة وما لاحظت اي اخطاء في السوفتوير مثل بعض المشاكل البسيطة في الاندرويد تعليق الشاشة او فجاة تصير الشاشة سودة

بس بعد فترة اللي كرهني فيه كل شي بفلوس وماقدر انزل لعبة من خارج المتجر

وماقدر انزل افلام ومسلسلات من المواقع فحولت على الاندرويد

الايفون غير انه سعره اغلى من الاندرويد النوتش فيه بارز بشكل مقزز

انا النوتش بكبره ماني قادر اتقبله انه ماخذ حيز من الشاشة بس على الاقل في السامسونج وجوجل نقطة دائرية ارحم من الايفون وهواوي وبعض الشركات

في شغلة نسيت اقولها النوت ٢٠ راح يدعم السوفتوير ١٢ في الوقت الحالي وهذا مناسب لي يقدر يمشيني سنتين او ٣

 

[Valtr]

كم السعر المناسب لتاب S7+؟

 

[fatal framer]

كم السعر المناسب لتاب S7+؟

اخوي من السعودية ؟

وانت تبي موديل يدعم 5g ؟

 

[Valtr]

اخوي من السعودية ؟

وانت تبي موديل يدعم 5g ؟

نعم من السعودية.
لا.

 

[fatal framer]

نعم من السعودية.
لا.

اخوي للاسف ماقدر افيدك لاني توقعت انه موجود بxcite بس لانه التلفون حيل قديم مو متوفر حتى بجرير ماتحصله

مالك الا تروح محلات التلفونات الصغيرة وتسال عن سعره اذا متوفر عندهم وتقارن سعره بالسعر الرسمي

او اذا في احد ساكن بنفس منطقتك يقدر يفيدك اكثر

 

[Valtr]

اخوي للاسف ماقدر افيدك لاني توقعت انه موجود بxcite بس لانه التلفون حيل قديم مو متوفر حتى بجرير ماتحصله

مالك الا تروح محلات التلفونات الصغيرة وتسال عن سعره اذا متوفر عندهم وتقارن سعره بالسعر الرسمي

او اذا في احد ساكن بنفس منطقتك يقدر يفيدك اكثر

لا معليك.
انا بحثت في المحلات لكن ما لقيته، وكنت قادر اطلبه ب2900 ريال وللأمانة حسيته كثير على تاب كمل اكثر من سنة وقلت اسأل هنا.
مشكور.

 

[fatal framer]

لا معليك.
انا بحثت في المحلات لكن ما لقيته، وكنت قادر اطلبه ب2900 ريال وللأمانة حسيته كثير على تاب كمل اكثر من سنة وقلت اسأل هنا.
مشكور.

شوف اخوي انا ماعرف سعره الرسمي علشان اقارن معاه

انا تلفوني note 20 ultra موديل 5g كمل سنة وجم شهر سعره شريته ب٣٣٠٠ ريال

بالنسبة لتلفونك يعتبر اغلى والسعر اللي انت حاطه مناسب

في تلفونات على ٤٠٠٠ و ٥٠٠٠ ريال سعر كمبيوتر مرة وحدة وصراحة استرخصت اني اشتري تلفون بهالسعر

قلت تلفون يدعم 5g وسعره ارخص من الباقي ومن سامسونج ثقة هالشي يؤدي الغرض

 

[BETTER GAMER]

فضفضة،،

 

[KitKat 4.4]

فضفضة،،

وضع سوقنا كسلع كارثي من يوم ما انوجد لأن هالاستغلال مندرج في كافة المجالات الاخرى كالسيارات كمثال، وله عوامل كثيرة تفسر مثل ان الوعي والثقافة الاستهلاكية عندنا معدومة + السوق محكوم من عصابة تجار كل واحد يحاول ينصب اكثر بدال ما يكسب الزبون مثل زي اي دولة ثانية.

الحمدلله البدائل موجودة مثل التسوق بالبريد الامريكي او توصية شخص يشتري من الامارات.

 

[BETTER GAMER]

وضع سوقنا كسلع كارثي من يوم ما انوجد لأن هالاستغلال مندرج في كافة المجالات الاخرى كالسيارات كمثال، وله عوامل كثيرة تفسر مثل ان الوعي والثقافة الاستهلاكية عندنا معدومة + السوق محكوم من عصابة تجار كل واحد يحاول ينصب اكثر بدال ما يكسب الزبون مثل زي اي دولة ثانية.

الحمدلله البدائل موجودة مثل التسوق بالبريد الامريكي او توصية شخص يشتري من الامارات.

للأسف
أرجو أن يتحسن وضع السوق في الفترة القادمة.

 

[إبراهيم 906]

الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي

 

[White Soul]

الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي

نفس وضعك، شريت الNote 20 Ultra قبل سنة ونص رغم ترددي بخصوص الحجم، لكن كنت دائما أسمع كلام من قبيل "لما تجربه ما بتقدر ترجع للهواتف الصغيرة مرة ثانية" و "في البداية بتستغرب من حجمه ومع الوقت بتتعود عليه وبتحبه"

ظل معي حوالي سنة وما حصل لي أي من هالكلام :/ كل الي حصلت عليه جهاز بحجم awkward سبب لي ألم في مفاصل اليد. الشيء الوحيد الي عجبني كان القلم للأمانة.

قبل نص سنة صادف أن أختي كانت تبحث عن جوال جديد والنوت كان يلبي رغباتها، فعطيتها اياه بدون تردد والحين رجعت للS7 Edge أبو شاشة 5.5 انش ومستمتع بحجمه

ولو أن الجهاز شاخ وشكله يبي لي أشوف له بديل. حاط عيني على البكسل6 أو الاس22 (الحجم الصغير).

 

[Nostalgic]

الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي

من فترة طويلة وجوالي تحول إلى الجهاز الأساسي لاستهلاك الميديا وكبر حجم الشاشة يساعد أكثر في الاستمتاع والانغماس. هذا غير إنه الجهاز الأساسي للتصفح والتواصل كذلك.

بالنسبة للقلم فيعتمد على استخداماتك بالمقام الأول، أنا ما أشوفه ضروري بس في ناس تستخدمه لتدوين الملاحظات أو الرسم والخربشة أو حتى التوقيع على المستندات الإلكترونية، كذلك يقدم القلم مميزات بسيطة مثل نسخ أي نص (من أي تطبيق) أو إنشاء صورة متحركة gif.

تسمية الفابلت ولى زمنها بالمناسبة، الشاشات الكبيرة صارت القياسية.

حاط عيني على البكسل6 أو الاس22 (الحجم الصغير).

ما أنصح بالبكسل 6 عن تجربة مع نسخة البرو.

 

[nolongerempty]

اللي مايحبون الشاشات الكبيرة عندكم one-handed مود. للامانة ما ادري اذا الخاصية موجودة ببقية الجوالات.. اكن اسنخدمها على الهواوي ميت ٢٠ برو.

 

[Tohi]

السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)

 

[إبراهيم 906]

شباب احد جرب اقلام للايباد حلوة ورخيصة غير قلم ابل الاصلي

 

[Tohi]

السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)

لهالدرجة التلفون قديم محد حتى جربه (&)

 

[KitKat 4.4]

السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)

بطاريته ممتازة مثل اغلب جوالات الشركة، ونعم يعتبر من اواخر الاجهزة الداعمة لخدمات قوقل

 

[TLS]

السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)

وعليكم السلام،،،
كان معاي أخوه الأكبر P30 Pro،،، وهذا آخر اصدار من هواوي يدعم خدمات جوجل...
بالنسبة للبطارية مدري عنها،،، بس بطارية الأخ الأكبر كانت جيدة،،، والأهم من كذا الشحن سريع فيعوض أي نقص في البطارية...

 

[Yoh Asakura Zero]

جالاكسي زي فولد 4 متى بينزل في الأسواق السّعوديّة ؟؟ احتمال يكون سعره 1800 دولار يعني 6750 بدون الشّاحن وبدون الكفر والشّاحن والكفر الظّاهر 600 والضمّان سنة 700 يعني المجموع 8100 ! ! !

بس ابي اعرف متى بينزل في السعودية ؟؟

 

[KitKat 4.4]

جالاكسي زي فولد 4 متى بينزل في الأسواق السّعوديّة ؟؟ احتمال يكون سعره 1800 دولار يعني 6750 بدون الشّاحن وبدون الكفر والشّاحن والكفر الظّاهر 600 والضمّان سنة 700 يعني المجموع 8100 ! ! !

بس ابي اعرف متى بينزل في السعودية ؟؟

الممتاز في سامسونج انها تراعي ضريبة الدولة ورسومها فسعره بيكون 6800 ريال وبيصدر 26 اغسطس ان شاء الله.

Galaxy Z Fold4 Gray Green - Buy | Samsung Saudi Arabia

Buy Galaxy Z Fold4 in gray green 512GB (12GB RAM) and enjoy offers & reward points. Check out Galaxy Z Fold4's price and specs at Samsung Saudi Arabia.

www.samsung.com

 

[Yoh Asakura Zero]

الممتاز في سامسونج انها تراعي ضريبة الدولة ورسومها فسعره بيكون 6800 ريال وبيصدر 26 اغسطس ان شاء الله.

Galaxy Z Fold4 Gray Green - Buy | Samsung Saudi Arabia

Buy Galaxy Z Fold4 in gray green 512GB (12GB RAM) and enjoy offers & reward points. Check out Galaxy Z Fold4's price and specs at Samsung Saudi Arabia.

www.samsung.com

الله يعطيك العافية تسلم يعني بعد 9 أيام بإذن الله ! ! ! جوالي الحالي نوفا 3e له الحين معاي 4 سنين وخلاص ما قصر معي بس بدا يتعب ولازم أغيره ! ! ! وقبله كان عندي htc one ونفس المدة جلس 4 سنين وضرب المسكين هههههه

 

[Yoh Asakura Zero]

سعره من 1500 الى 2250 ريال سعودي بس البطارية 5000 يشحن فول في نصف ساعة فقط يعني يحاكي سرعة النينجا ! ! ! والكاميرا الظاهر 40 ميغا بيكسل بس ماني متأكد ! ! !

للأسف متوفر فقط في الصين فقط ! ! !

 

[إبراهيم 906]

الديكس جميل قاعد اجرب اشبك عليه كيبورد وشغال تمام صح لازم تعدل عشان تطلع لك الكيبورد العربي لكن عملي صراحة
برضو على طول شبكت يد الاكسبوكس وشغلت بعض الالعاب الخفيفة وشغالة تمام