wael5656
jojolands
ههههههه اللعنة على شركات الجوال يا شيخ كلها.
ايش السرقة ذي اسعار شوي وتوصل ١٠ الاف ريال ومميزات أقل وبدون شاحن وبدون مدخل ذاكرة وكل مرة يسحبون مميزات مقابل تلصيق عدسة كاميرا مالها معنى بكرة يبيعونك جوال بدون مذربورد لحماية أطفال العراق
سوق الجوالات صار حرفيا سرقة، قاعدين نصرف على الشركات احنا، غلطان اللي يصدق ويسوي ابقريد لجواله مع المافيا سامسونق وابل وبقية الشركات
الله يخلي الإس ١٠ اللي بإذن الله بستخدمه لين يكح ويموت ولا ادفع نص راتب على جوالات جديدة بمميزات أقل وبدون تطوير
انا اشوف الشركات تمادت، سامسونق بالذات كل شهر تعلن عن جوال والأسعار ٧٩٩ ولا ٩٩٩ خير وعلى ايش؟؟
بالنسبه لي من النوع اللي يحب يستخدم جواله لين يلخص عمره الافتراضي و زياده
هاتفي ايفون 6 بلس
اخوي الصغير استخدامه لجوال اقل شئ ٥ سنوات بعدين يغيره و لعلم جواله متوسط يعني بالعربي سعره ما بين ٨٠٠-١٣٠٠ريال
قبله كان عنده موتو جي ٥ اس بلس
الان عنده موتو جي ٥جي بلس
صراحه انا اشوف مع المميزات القطاره هذه افضل شئ الواحد يغير جواله كل ٤ سنوات اذا مره حاب يطول ٦ سنوات
+
يب الاسعار مبالغ فيها حتى لو تغير كل ٤-٦ سنوات لا تزال الاسعار غاليه صراحه + شيل المميزات مره شاحن مره منفذ aux مره سماعه باقي يشيلوا منفذ الشحن لعلم و يخلوه فقط يشحن لاسلكي فقط لا غير