Pineapple
True Gamer
اتكلم عن واقع عايشته و كذلك شفته من ناس غيري سواءاً هنا على مستوى العائلة او حتى على مستوى التك يوتيوبرز كلهم بلا استثناء يشتروا منتجات ابل بالدرجة الاولى حتى يعطوا نفسهم انهم عايشين في مستوى اجتماعي اعلى من غيرهم و كانه نادي اجتماعي خاص اما مسألة المواصفات و الأداء قليل اللي يهتم فيها من مقتنين الماك يمكن انت واحد منهم لكن الغالبية العظمى يقتنوا الماك للسبب المذكور اعلاه للفشخرة و علامة التفاحة اللي على غطاء الجهاز.أكثر كلام هراء قريته من فترة طويلة ولا يمت الواقع بصلة. ثبّت الوندوز ١٠ قلت ممكن بحتاجه في يوم من الأيام للإحتياط فقط، لكن ولا يوم شغلته لشي أحتاجه، شغلته بس علشان أشوف الآداء كيف وأحيانًا أقول بغير عن الماك (&) وبالنهاية حذفته لأني ما قط استخدمته :\ شي ثاني، ما أدري كيف حطيت ببالك أن الواحد يشتري الماك للفشخرة فقط. ممكن في بعض الناس يسووها، لكن شوف طلاب الجامعات وكيف انتشار الماك عندهم. الجهاز عملي بشكل كبير وخفيف ويعمر معاك لسنوات طويلة واستخدامه بسيط.
ما أقدر اكذبك كل شخص و له تجاربه الشخصية مع النظامين ، انا حياتي كلها كانت على الويندوز من نسخة 3.11 الى النسخة العاشرة و استخدمت الماك بعد ما اخوي الكبير اشتراه (عنده ايماك قديم أظن الجيل الثاني او الأول الالمنيوم يونيبودي الكل في واحد و كذلك عنده ماكبوك برو موديل 2016 و طبعاً كعادة مستخدمي الماك ركب الويندوز عليه عن طريق البوت كامب) هو عاشق لمنتجات ابل و تقدر تشوف من ردات فعله انه معجب بالشكل و التصميم و علامة التفاحة و دايم يأشر عليها باصبعه و عنده هذي النقاط تعتبر اولوية اكثر من المضمون و الأداء و هذا حال غالبية عشاق او ممتلكي منتجات ابل و تقدر تشوفهم بكثرة في اليوتيوب اشهرهم وحدة اسمها iJustine هذي اعتبرها قمة في الابل فانبويزم و تشتري كل منتج تنزله ابل و ايضاً هي معجبة باجهزة السيرفس من ميكروسوفت مش لأداءها لأ. لشكلها الخارجي و تصميمها و المواد المصنعة منها و اقترابها من منتجات ابل ، بالنسبة لي غالب استخدامي للويندوز كان عن طريق اجهزة بي سي تجميع انا اركبها بنفسي عمري ما واجهت مشاكل معاها ، مرات قليلة اقتني لابتوبات ويندوز لكن اذا فكرت اقتني اتجه لشركات معينة لأن في شركات كثير موجودة في السوق تصنع اجهزة لابتوبات ويندوز بي سي بعضها ممتاز و بعضها تعيس يعتمد على فلسفة الشركة في التصنيع و التبريد و قلة المشاكل ، لذلك الشركات اللي اتجه لها على مستوى اللابتوبات هم Razer (الكل يعتبرها ابل الويندوز لفخامة اجهزتها و حصريتها و هي اجهزة توجهها للتباهي و الفشخرة اكثر من أداء مع ان اداء اجهزتها جيد مشهورة كذلك باكسسوارات الكمبيوتر لوحات المفاتيح الميكانيكال حقتها جداً ممتازة مع اني افضل Corsair عليها) و كذلك منتجات Asus ROG او Republic of Gaming اجهزتهم توجهها للجيمنق كتسويق لكنها ممتازة في باقي المهام كتعديل الصور و الفيديوهات و الرينديرينق لوجود بطاقات رسومية قوية فيها و سريعة و اقتصادية في استهلاك الطاقة و تجدها في غالب الوقت رقم واحد في البنشماركس بين اجهزة الويندوز اداءها جداً طيب ، آخر سنتين اصدروا اجهزة راقية تحت مسمى Zyphyrus نحيفة و خفيفة و تبريدها ممتاز و اداءها عالي بمواصفات عالية مثل ما ذكرت في ردي السابق لو عرفت انهم بينزلوا هذا اللاين كنت اجلت شراء لابتوب و اخذته لأنه بالفعل اعتبره قمة في اجهزة "الالعاب" الويندوز الراقية لكن الجهاز اللي عندي مع ثقله و ضخامته و كبر حجم شاشته الى اني ما واجهت مشاكل معاه صارله الى الآن سنة عندي تقريباً و بديل للديسكتوب بالفعل لكنه مش جهازي الرئيسي ، هذا الجهاز جانبي العب عليه اذا ما قدرت اشتغل على الديسكتوب حقي لأنه في غرفة النوم فاستخدم اللابتوب هذا في الصالة و اسهر عليه اشتغل عليه او العب عليه و انهيت عدد كبير عليه من الالعاب الثقيلة منها تختيمتي الثالثة لـ The Witcher 3 و الاداء فيه قمة ، هذي باختصار تجربتي مع اجهزة الويندوز اللي عندي بشكل عام.أنا عندي ماك موديل ٢٠١٤ أقل فئة، لكن ب٢٠١٧ الماك ما صار متوفر عندي فاضطريت آخذ لي جهاز ثاني لمدة سنة فأخذت لينوفو يوقا ٩١٠ لأن كان عليه عرض ومواصفاته أحسن من الماك اللي عندي، وقلت أعطي الوندوز فرصة من جديد.
بالبداية استخدامي معاي كان جميل وخدوم وقلت أوه يعني فرق كثير عن الماك ويسوي كل شي كنت أعمله بالماك وكل برنامج له أكثر من بديل بالوندوز. لكن كل ما يمر أسبوع التعليقات تزيد والنظام يبطأ. وكل شوي تزيد التعليقات اللي بدون أي سبب. وتعليقات ترفع الضغط أثناء ما أحل الواجبات وأشوفه يعلق والماوس ما يتحرك وفجأة مليون شي وشي يصير بالشاشة. بداية السنة تقريبًا رجع عندي الماك، وعلى أني أستخدمه مثل استخدامي لليوقا، لكن للحين ما شاء الله عايش معاه بنعيم وبعت اليوقا بشكل مباشر لأنه خلاص رفع ضغطي وما قدرت أكمل معاه. ومن بعدها قررت أن خلاص اني فقط بستخدم الوندوز فقط للألعاب إذا جمعت لي PC.