بالنسبة انك تبغى فندق جمب مجمع فصعبه مافي شي قريب جدا من المجمعات الكبيره الي هيا العرب مول و ريد سي و و عزيز مول .. لكن اتغلب الفنادق على الكورنيش و هي منطقة جميلة جدا و على البحر و فيها كل انواع المطاعم .. و بنفس الوقت تقدر توصل للشوارع الي فيها مجمعات تجاريه زي صاري و طريق الملك و التحليه بسهولة ..
نصيحتي و عن تجربه الهيلتون هو الافضل و لكنه غالي جدا .. جده ويستن عليه اكل مو طبيعي انصحك فيه .. الشراتون كمان جدا ممتاز و سعره مناسب اكثر خصوصا لو كنتوا عيله و عددها كبير ..
الهيلتون والانتركونتنتال هم الافضل واثنينهم يطلون على البحر بس طبعا اسعارهم غاليه, ايضا الشيراتون وويستون يطلون على البحر وسعارهم معقولة شوي وكلها فنادق 5 نجوم, فنادق الماريوت بجده رغم انها 5 نجوم ولكنها بوسط البلد.
يس بالضبط ، فندق "إيلاف جدة" ، فندق تصنيفه 5 نجوم ويكاد يكون الفندق الوحيد في جدة اللي يقع بجانب مجمع تجاري كبير "Red Sea Mall" ، الفندق ملاصق تماماً للمجمع و له مدخل خاص بنزلاء الفندق يوصل للمول " تروح له مشي" ، قبل 4 شهور أخذت جناح فيه ، مستوى الخدمة فوق الممتاز و موقعه رائع كونه مطل على البحر و المجمع ، هذا الموقع الرسمي للفندق في جدة . وهذه صور حصلتها في النت :
في فنادق ثانية في نفس المستوى تقريباً زي : الإنتركونيننتال جدة ، هيلتون جدة ، لكن لا توجد مجمعات تجارية حولها لمسافة غير قريبة .
مستوى أعلى ؟! ، فندق الـ"Rose Wood" جدة ، واحد من أفخم الفنادق على مستوى الشرق الأوسط ، بالنسبة لموقعه فهو مميز كونه مباشر على كورنيش جدة .. لكن لا يوجد أي مجمعات تجارية أو وسائل ترفيه حوله .
شخصياً أنصحك تفكر في فندق إيلاف جدة لأنه يلبي لك شروطك و كونه الفندق الوحيد اللي يقع بجانب مجمع تجاري في جدة ، و حياك الله في بلدك و بين إخوانك .. جدة راح تنور .
صحيح اول ما قرأت الموضوع جا في بالي فندق ايلاف، موقع مميز يطل على البحر وملاصق لمجمع، ابحر والكورنيش قريبين، بس يمكن عيبه الوحيد بعيد شوي عن وسط المدينه (ربع-ثلث ساعه).