hits counter
يمكازي

مشاركات الملف الشخصي آخر النشاطات المنشورات معلومات

  • اهلين ماجد،

    مايحتاج شئ ولكن نصيحة مني عشان تاخذ صورة حلوة من البداية صمموا شعار للبودكاست والخ الخ عشان الناس تهتم وتشوف شغل احترافي
    طيب كيف أكتشف الوقت اللي يناسبني للكتابة ؟
    بالمناسبة، أنصحك بكتاب " كيف أصبحوا عظماء " للدكتور سعد الكريباني : )
    بغض النظر عن مستواك في اللغة - و الذي أعتقد أنه ممتاز على أقل تقدير - فعقلك " مفتوح " و الكلمات بإمكانها أن تخرج من رأسك بكل سهولة و أريحية. حقيقةً، أتمنى لو أن الكلمات بإمكانها الخروج من رأسي بسهولة مثل ما يحدث معك :(
    بالمناسبة، اسلوبك الكتابي جميل لدرجة أنك صنعت يومي فعلاً، أيضاً لغتك العربية - ما شاء الله عليك - قوية! قوية قوية !!
    أنت مذهل.....مذهل....مذهل....مذهل مذهل مذهل مذهل !!!

    أحييك على ثقافتك و تفكيرك يا رجل!

    يمكن راح تتعجب و تقول في بالك " عما يتكلم هذا الفتى " لذا راح أعطيك الجواب: أنا دخلت على البلوج حقك!
    أعتقد انه بإمكانك صنع كتابك الخاص ^^ و لا أعتقد انها فكرة سيئة لأني جاد في كلامي
    اهلين مايد (صرت امارتي)

    1- مش متأكد من المواضيع ولكن الردود تختفي

    2- مع الاقتباس اعتقد الرد راح يظهرلك
    نعم يا ماجد :) غير ذلك، الطريقة الي انت طرحت فيها المقال كانت بتكون أحسن لو انها مثلا وضعت في مكان غير نقاشي ( خلنا نقول كمثال : صحيفة )
    لكن في منتدى لازم تفتح باب النقاش في المقالة بنفسك، سواء بالأسئلة أو بأي طريقة يظهر فيها الموضوع كمادة قابلة للنقاش
    لكن عموما مستوى الكتابة كان ممتاز و ما عليه :)
    لا شكر على واجب عزيزي ماجد، بخصوص مسألة الأفكار و ترتيبها، ما في فقرة "مشتتة" بمعنى الكلمة، ولكن المسألة : القارىء الي يدخل موضوعك ما رح يفهم ايش الطبخة إلا وهو في نصف الموضوع، انت تكتب الموضوع و انت فاهمه لأنك الكاتب، لكن علشان القارىء يقدر يفهمه من أول سطر مثلك، لازم تعطيه مقدمة Introduction، يفهم منها هو على ايش مقبل بالضبط، و لازم تعطيه conclusion حول العبرة و النتيجة الي لازم يطلع منها بالتقرير، و تكون واضح معاه ايش الي لازم يكتبه أو يعبر عنه بالضبط

    لكن انت عزيزي ماجد تركز على "العرض" و هي الجزئية الوسطية من المقال، بحيث تصير المقالة كلها عندك - تقريبا - مكونة من عرض بدون مقدمة و خاتمة واضحين
    و لكن صياغة الجمل بشكل عام مستواها تمام :)
    لا تعتبر كلامي تحطيم.. كل اللي قاعد اقوله لك أشياء جربتها فعلياً. في السابق (قبل سنتين تقريباً) كنت عازم إني اكون كاتب قصص وكنت احلم إني في يوم من الأيام راح اشوف واحده من بنات أفكاري تتطبق في لعبة لكن مع الوقت اكتشفت إني قاعد اضيع وقتي لا أكثر. بدأت آخذ الموضوع بشكل جدّي وبدأت اتعلم واصمم ألعاب (أحب اسميها بروتوتايبز) الين اكتسبت خبرة وصرت قادر على تقديم أفكاري الخاصة في ألعابي (موب الأفكار الكبيرة حتماً لكنها تظل شيء خاص بي) ... واليوم ولله الحمد قاعد اشتغل في مشروع درامي قصير، مشروع بديته من الصفر قياساً على قدرتي الخاصة والحمد لله راضي كل الرضى بالنتيجة اللي وصلت لها ومتأكد تماماً إني راح اقدم شيء أفضل في المستقبل بإذن الله, المهم إني كسرت حاجز "رهبة" تطوير الألعاب.


    الخاتمة: ماجد ادخل مجال تطوير الألعاب. لا تناقشني في المستقبل وكيف بتسوي كذا أو كذا، أهم شيء ادخل والباقي يجي مع الوقت! صدقني يجي مع الوقت. حبذا لو تبدأ مع Unity أو Stencyl

    (يونيتي أقوى وأعمق، ستينسيل أسهل وابسط) طبعاً لا تحاتي بخصوص التعلم، قلت لك يجي مع الوقت.
    اما عن تطوير الألعاب، لول أحب اتكلم عن المجال هذا :D

    أولاً: منصب الكاتب نادراً نادراً ما يمسكه شخص عادي ناهيك على إني شخصياً ما سمعت بشركة من الشركات تطلب وظيفة "كاتب"! غالباً بحثهم عن مبرمجين أو رسامين لكن ما تحصل رغبة في الكتّاب.. تدري ليش؟ لأن المطورين مثلهم مثلك، أنت تقول: ياخي عندي الفكرة والقصة الفلانية اللي لو تطبق كلعبة.... في الجانب الآخر، مطوّر اللعبة يقول نفس الكلام لكن بصيغة مختلفة: أنا عندي الفكرة والقصة الفلانية وأنا اللي راح اطبقها كلعبة.

    ملاحظ الفرق؟ أنت يا ماجد عندك فكرة فقط, المطور عنده فكرة وقدرة على التطبيق. يعني بالله تخيل نفسك مطوّر ألعاب متمكن هل بترضى إنك تتبع فكرة شخص آخر؟ أكيد لأ.. أنت راح تسعى إنك تطبق فكرتك ثم فكرتك فقط لأنك في النهاية الشخص الوحيد اللي "عارف شغله". عشان كذا قاعدين نشوف جيبات عيد كثيرة اذا اُجبر المطور على تقديم ستايل معين فقط لأن الناشر يبغى كذا. وفي نفس الوقت تشوف ابداعات اذا المطور اشتغل على فكرته بنفسه بدون أي ضغوطات خارجية.
    اوكي ماجد راح اكون معك صريح. ما اشوف في نفسي قدرة على نقد موهبتك الكتابية! جد والله، أنت ما شاء الله عليك تمتلك موهبة كتابية رهيبة.

    النقطة اللي ممكن انتقدك فيها هي أخطائك الإملائية واللي تكون بدائية بعض الأحيان، حاول تطور نفسك في الناحية الإملائية وبيصير وضعك أفضل وأفضل وأفضل مما هو عليه. بخصوص المقال، لو استثنينا طوله اللي من الممكن يكون منفر للبعض والله اكذب عليك لو قلت لك إني لاحظت فيه عثرات أو مريت بلحظات مملة أو حتى حسيت باستخدام مبالغ للتنكيت. بالعكس كنت موفق جداً في تنظيم مقالك، تعرف متى تقط مزحة خفيفة تغير الجو، تعرف متى تقلب الموضوع جدي، والأهم من ذلك تعرف كيف تخلي القارئ يستمتع بكتاباتك.
    ماس ايفكت 1 سبويلر:
    معه هو؟ لا بعد ما مات سيفرين استحوذ عليه حصلت معركه,لكن قبل كذا لا سيرين قتل نفسه :( ولا كان صعب سهل مرة >.>
    المشكلة يا ماجد انه المواقف "المهمة" في اللعبة تحصلت حوارات هابطة
    جوكر في الثاني كان عنده دور خرافي و رهيب، في الثالث صار عشيق EDI .. يا رجل !
    إيدي بالمناسبة ممتازة لكن ما حصلت الـcharacter development الي تستحقه
    فيه شخصية بفكرة مشابهة بفيجوال نوفل Ever17، تم تقديمها و تطويرها بشكل أحسن من إيدي مليون مرة :)
    العب دراجون ايج نصيحة .. و رح تحس بنفسك لأي درجة ماس ايفكت3 متواضعة في الحوارات و المستوى القصصي، ما أنكر انه كان فيها لحظات رهيبة، لكن أبدا مش بالمستوى المتوقع أو المطلوب
    الوسف مان كان رهيب جدا بالثاني، بالثالث كان جيد لكن أقل من الثاني
    الرهيب بخصوصه و بخصوص "سيربرس" هو الإحساس برمادية القصة، ما كنت تقدر فعلا تحدد اذا هم أخيار أو أشرار، هم فقط مجموعة لهم وجهة نظر مختلفة عن الأليانس، و يطبقوا القانون و العدالة من وجهة نظرهم الخاصة
    في الجزء الثالث .. بيووير نسفت هذا العمق و هذه الرمادية الرائعة
    و حولتهم لمجموعة من الحمقى .. سحقا لهم !
    صدقني يا ماجد، لو اللعبة تستحق أبيات غزلية .. لحصلت عليها، لكنها كانت مخيبة للآمال من نواحي عديدة
    فكرة توحيد قوى المجرة مش سيئة، لكن المشكلة يا ماجد .. انه بيووير فعلوها من قبل -__- ( دراجون ايج )
    ما أعطتني عنصر أو طابع تشويق عالي
    طاقم الشخصيات الي يجي معاك بالثالث هو الأقل مستوى مقارنة بالأجزاء الي مرت
    الجندي اللاتيني هذا نوعيته معروفة، و مذيعة ign ؟! الخ ..
    و أكثر شي زعلني هو تدني مستوى الحوارات، ما أذكر أي حوارات رهيبة في الثالث بل أذكر حوارات عبيطة بين شيبارد و هاكيت ؟؟
    عكس الثاني مثلا الي كان ينقط حوارات رهيبة : (
    اتمنى النسخة الجديدة يجيبوها لأنهم في الفترة الاخيرة عرضو لقطات اعنف من الانمي القديم! قتال اسطوري لكن مدري ايش سبب حجبه , بالنسبة لاركين وينتهي ما اظن , لو تلاحظ توغاشي يوسع في القصة اكثر واكثر بدال ما يقلصها , دخول واحد على غرفة ملك النمل - العالم الجديد (القارة المظلمة) واللي اتوقع فيها اكثر من ارك - ارك الجيني ريودان الثاني وحتى اخر شابتر تحسه قاعد يوسع في القصة ! توقفه الاخير اكيد عشان الفيلم اللي هو مألفه!
    صحيح الاحداث الاخيرة في ارك النمل اسطورية ولكمة جون بردت قلبي , بالمناسبة اذا انت متابع الانمي وارك الجريد ايلند ما عجبك تراهم حاذفين حول السبعة حلقات والنسخة القديمة محرفة بشكل , وحاذفين قتال كاسترو وهيسوكا (في ارك البرج) فأنصحك تتابع الاريميك من ارك اليورك شين!

    قتال نيترو كان اسطوري وكلماته الاخيرة اسطورية , ولده اتوقع انه لجين هيسوكا ما اتوقع يروح للعالم الخارجي!
    لا تخاف فيه الحلو هذا يلعب مع هيسوكا
    تسلم حبيبي ماجد، و انا ممتن لكلامك الطيب و الي ما يطلع إلا من انسان راقي مثلك !

    و انا أيضا أتمنى لك التوفيق دائما و أبدا ^__^

    و أتمنى منك ما تقطعنا ولا تغيب بالأسابيع علشان نشوفك !! P:
    أهلا حبيبي ماجد، عاش من شافك يا غالي

    للأسف عزيزي ماجد، هذا الحلم مستحيل التحقيق في الوقت الحالي
    عن نفسي انا لا أتوقف عن مطاردة أحلامي أبدا، و لا أهتم بالظروف من حولي و مستعد أتحدى المجتمع و أي شيء لأحقق ما أصبو إليه ! نجاح تروجيمنج كموقع ألعاب عربي ممكن يكون مثال حي قدامك على هالشي، مثال على إصرار مجموعة من الناس بشق طريقهم في الشيء الي يحبوه

    لكن حاليا، ظروفي الشخصية ما تسمح أبدا بهالشي، مع كل أسف

    آمين : (
    هههههههه
    تصدق أني أستمتعت في حل الالغاز ههههههههه

    كانت مراحل ممتعة أذا عندك شي غير جديد لاتبخل :laugh::
    تسلم ماجد على هالإطراء ..
    أنا بعد أعجبني موضوعك حق السرد القصصي (رغم إني ما رديت عليه) .. و أعجبني في موضوعك طرح لمفهوم (التفاعل) .. و استفدت منه كثير خاصة إن الموضوع أعترف بلور كثير أفكار كانت في راسي و حاولت أعبر عنها في موضوع سابق لي (http://www.true-gaming.net/boards/showthread.php?t=24847&highlight=) :)
    إشكر فيك مشاعرك الطيبة واحساسك العالي يالحبيب والله يوفقك لكل خير وبينا تواصل ان شاء الله
  • جار التحميل…
  • جار التحميل…
  • جار التحميل…
أعلى