بصراحة ما ظنيت أشتري اللعبة أصلية ، المادة ما تسمح حاليا بعد ما شريت مورتال كومبات و طلبت 999 و أوكارينا بالطريق
مبدئيا بلعبها كوبي و ممكن آخذها أصلية لو حصلتها لاحقا بسعر جيد من فيرجن
لأنه اللعبة بتكون "عملاقة" بالراحة و بتستحق بكل تأكيد
بس أتمنى القصة تكون بمستوى أو أفضل من الجزء الأول
و شخصية البطل "جيرالت" في الجزء الأول كانت تحفة
أتمنى انك تفتح موضوع رسمي للعبة ، بالتأكيد مع التنويه لمسألة التعري ، للأسف أغلب الألعاب صارت تحتوي على هالأشياء ( وويتشر فيها وقاحة كبيرة من الجزء الأول ) ، لكن الواجب التنويه لهذه النقاط باستمرار و عدم التغافل عنها
امممم مادري يوسف ولكن غالبا الموقع يكون فيه كل شئ اول بأول ان شاء الله, المشكلة صعبه افتح اكثر من موضوع رسمي لكل شئ وصعبه الشخص يكتب الخبر بموضوع واذا بيعلق عليه لازم يدخل موضوع ثاني!
اخبارك يوسف ان شاء الله بخير وبصحة وسلامة, الماسنجر ماشغلته من سنه تقريبا وخلاص نسيت ايامه, الpsn تعرف كان اخوي هو اللي دايما يلعب اونلاين وكذا والحين ماشاء الله تزوج وترك البيت وانا ماشغل الجهاز غير على فترات متباعده. عموما سألت عليك العافيه واهم شئ ايام معرض e3 تكون ماخذ اجازة عشان الحماااااااااااس مايفوتك