منتديات تروجيمنج

بكل حالاته حلو كوتارو

يناسب ولدش دام تحبيه الى هالدرجة ما شاء الله

هو وش قصته هالانمي اثار اهتمامي بسبب محبتش له يبغى ليي اخذ طلة عليه طبعا بعد مليون سنة لووول مع كثرة الاشغال الواحد بيموت يقدر يسوي شي او يرفه عن نفسه والاغلب بختار الراحة والطقطقة شوي على الجوال والمنتدى

مافهمت يناسب ولدش ترجمة الله يخليك

قصته ان ياهل عمره 4 سنين ينتقل يعيش باستديو وتبدي القصص مع ييرانه الي بالاستديوهات الي بمه و تحته .. في مشاعر اجتماعية وايد و قطات تضحك .. انا حبيته لان خفيف طفيت مخي وانا اتابعه و شكله كيوت الياهل يونس

القصة مميزة بالمناسبة ومثيرة الى الاهتمام خصوصا من ناحية النطبيق والسيناريو والاحداث والشخصيات
وبالنسبة الى الترجمة يعني يناسب يكون ولدك وانتين تكوني امه ههههه

اي مو منطقيه بس تنفيذها حلو لان الييران دمهم خفيف والقصص حلوه وحتى تعليقات الياهل وقصته فيها مشاعر عميقة

لا احب شكله شي واصير امه واتحمل مسؤوليته شي ثاني تماما اهني انا اقوله الله يخليك لعين ترجيك يا كوتارو

ذبحتيني ترا اغلب الاطفال كذا وعن تجربة مع اولاد اختي تفرحي عليهم اجزاء من الثانية ويفقعو كبدش لمدة ١٠ ساعات