منتديات تروجيمنج

حماس اني مو قادر اصبر علشان تنزل والعبها .. لأ للامانه اصلا ماراح العبها الا بشهر 7 عندي سفرة جنوب افريقيا كيب تاون يوم الجمعه اذا رديت على خير العبها .. لكني مهتم فيها والديمو زاد اهتمامي لها أكثر وأكثر فأكيد راح العبها أول ما أرد ان شاء الله.

لكن الي متحمس لها حييل هي فف7 بارت 2 بذات ان دور زاك راح يكون كبير فيها 3> .

وسايلنت هيل 2 ريميك .. انا سلسلة سايلنت هيل لها معزه كبييييره بقلبي لكن الله يسامح كونامي الي لعبت بالسلسله وطشرت فريق سايلنت هيل الياباني .. سايلنت هيل 2 هي أفضل لعبه رعب بالنسبه لي ومتفائل بالريميك لان ايتو وأكيرا رجعوا لها وان شاء الله دورهم كبير فيها.

تروح وترجع بالسلامة ان شاء الله

جنوب أفريقيا؟ والله اختيار مميز
انزين شنو فيها كيب تاون؟

بارت 2 نفسك متحمس، بالنسبة لSH بصراحة مو واثق بالفريق.. بس من اللي شفته للحين جيد.

الله يسلمك .. كيب تاون جباره من أكثر المدن الي تفاجأت بمستواها .. رحت لها سنة 2021 بعز كورونا وكانت من أول الدول الي تستقبل السياح والربع كانوا يمدحونها لي فرحت لها .. وكانت تجربه خياليه .. هي مدينه أفريقيا بمواصفات أوربيه .. نظيفه وراقيه ومليانه كافيهات ومطاعم على مستوى قوي ومليانه نشاطات.

انا الي بالنص لول .. هذي مثال على احدى النشاطات.

ومن مميزاتها ان عندنا في فصل الصيف هم عندهم فصل الشتاء حاليا شهر 6 و7 و8 و9 أبرد الشهور .. وغير أكبر ميزه انها ديره رخيييييييييصه .. يعني بعشر دنانير تتريق وتتغدى وتتعشى وتتقهوى XD وكلهم على مستوى مو خرابيط .. سو بحث عن مطاعم وبذات كافيهات كيب تاون وراح تشوف انهم من الأفضل في العالم وبعضهم فايزين بأفضل كافيه بالعالم مثل كافيه Truth Coffee Roasting

وشيشت الربع ان نروح لها وحجزنا.. المره الاولى كانت عائليه لكنها تنفع أكثر مع الشباب بسبب النشاطات وكثرتها .. روعه ما أعرف احد راحلها ومارد وهو حابها.

وبخصوص سايلنت هيل 2 انا نفسك الفريق متخوف منه لكن من بعد خيبات الأمل والحين رجعوا مع رموز أساسيه من الفريق هذي بشاره خير ونشوف.